الحلقـــــــة التاسعـــــــــة "لــــــــو؟!"

الحلقــــــــة التاسعـــــــــة

كنزي بقلق وخوف شديد:

حمزززة؟ حمزززة انت بتفتكر ايه

حمزة الدنيا تلف قدامه وكأن الايام بتتحرك قدام عينه وترجع لليوم اللي فقد فيه مي ولي لي..

اليوم ده من الصبح بدري كان بيلبس عشان نازل..

مي:نازل؟

حمزة:اه حبيبتي ‘ هعدي على الجريدة اخلص شوية حجات كده وبعدين على العصر هروح

النادي عشان الندوة بتاعت الرواية الجديدة "يوما ما"..

مي بابتسامة:ماشي حبيبي ‘ هتيجي تغير هدومك هنا الاول؟

حمزة:اه ‘ تكوني جاهزة يا روحي ‘ عشان ناخد بعض ونروح النادي على طول..

مي:ماشي .. المهم انت متتأخرش

حمزة:ربنا يسهل ..

تيجي لي لي تجري عليه فيحضنها ويبوسها ويقلها:هتوحشيني يا لولوووو

لي لي:ددي دده دااا

حمزة بيبص لمي:هي البنت دي مش المفروض تتكلم بقى؟! اتأخرت اوي؟!!

مي بقلق:ايوووة اتأخرت فعلا ‘ بس انا بقعد معاها كتير عشان تفضل تتكلم مبتقلش غير حروف

كده واقعة..

حمزة:خلاص الاسبوع اللي جاي ناخدها لدكتور نشوف ايه الموضوع ده

مي:ماشي حبيبي ..

*************************************

بعد ساعات طويلة مي قاعدة بتلبس لي لي فستان وردي فيه فيونكة في النص كبيرة ..

مي: يلا حبيبتي عشان نروح لبابا

لي لي بكل براءة وابتسامة: بب بباااا

مي بفرحة:بابااااا ايووووة يا لي لي شطوووورة باباااا باابابااا قووولي كمان بابا باباااا

لي لي بضحك وبراءة:بب ببا

مي تبووس لي لي وتحضنها اوووي وتقولها:دي احلى مفاجأة هنعملها لبابا ..

مي بتفكر لثواني وبعدين تقول:

بصي احنا هنسبق بابا وهكتبله جواب عشان لما يجي يغير بسرعة وانا كده كده هكون محضرة

ليه لبسه ويحصلنا على النادي..

وقامت كتبت رسالة وقالت فيها ان فيه مفاجئة .. وركبت هي ولي لي وسبقت حمزة على النادي..

***************************************

رجع حمزة البيت لقى الجواب وراح غير لبسه بسرعة ونزل راح النادي ‘ وهناك اول ما شاف

مي ‘ لي لي جريت عليه فشالها في حضنه وقال لمي:ايه المفاجئة؟

مي:هههههههه بعد الندوة ويارب متطلعش دلوقتي

حمزة باستغراب: انا مش فاهم؟

مي بتمسك ايده بحنان:ههههههه هتفهم بعدين.. يلاا بقى عشان متتأخرش

حمزة:اه يلا

يدخل حمزة ويبتدي الندوة ومي ولي لي يكونوا قاعدين في الصف الاول قدامه..

اول ما الندوة تخلص على طول يجي تلفون لحمزة من الشغل ..

حمزة باستعجال لمي:مي خودي لي لي وروحوا انتوا؟

مي بضيق:ليه انت مش هتخرج معانا؟

حمزة باستعجال:مش وقتك يا مي ‘ لا !! لازم اروح للشغل

مي تكون واقفة مع حمزة ولي لي في ايدها .. بعدين تبص لحمزة وتقوله وهي متنرفزة:

يعني حتى مش قادر تقول للزفت الشغل ده استنى شوووية اشوف على الاقل يا اخي

المفاجئة اللي مراتي قالتلي عليها!!! بردوووو نفس الانانية اللي انت فيها متغيرتيش؟

حمزة وهو بيجز على سنانه:وانتي مش شايفة اننا في الناااادي!! وبتتناقشي في حجات مش في وقتها

دايما!

مي بنرفزة:صح انت صح!! طبعا مش هتوصلنا زي ما كنا متفقين؟!

حمزة:مش فاضي يا مي ولو روحتي لوحدك العفريت مش هياكلك

مي:اناني فعلا اناااااني

حمزة:انا ماشي يا مي عشان مفيش وقت ‘ بعدين بليل نبقى نتناقش

مي:هترجع مش هتلاقيني يا حمزة

حمزة يسيب مي ويمشي يروح ناحية العربية ‘ في نفس اللحظة مي تبص حواليها متلاقيش لي لي..

تبص بفزع يمين وشمال فتلاقي لي لي بتجري ناحية اوضة كهربا مفتوح بابها والعامل بعيد

مشغول ومش واخد باله..

مي بزعيق وهي بتجري:لااااااااااااا لي لي لااااااااااااا

حمزة مكنش واخد باله

مي لسه بتجري ولي لي فاكرة ان مامتها بتلعب معاها وتجري اكتر على جوة لاوضة الكهربا

جوة في الاوضة بيكون فيه اسلاك كتيرة ومنهم كان فيه اسلاك عريانة عشان العامل كان بيشتغل

جواها..

مي:لــــــــــــي لـــــــــي حااااااسبي لااااااااااا يا لـــــــــي لــــــــــــي

حمزة ياخد باله من الصريخ يبص على مي يلاقيها بتجري على لي لي اللي جوة اوضة الكهربا

فيجري هو كمان يرجع تاني ليهم عشان يلحقهم ..

لي لي بتضحك وتقول:بب بباب ب بب

وتدخل جوة الاوضة بتلمس سلك من الاسلاك عشان تلعب بيه ويكون سلك عريان وتُصعق

كهربائيا..

مي من بعيد وهي بتجري تحاول تلحق وتشوف لي لي وهي بتصعق

مي بعياط وانهيااار:لاااااااااااااااااااااااا لــــــي لــــــــي ‘ حمزززززززززززززززة الحقني

تبدأ الناس تاخد بالها وتكون مي وصلت للاوضة ومن غير وعي تحضن لي لي اللي الكهربا

بتصعقها وتُصعق معاها ..

الناس تبدأ تصوت والعامل يرجع بسرعة يجري لأوضة الكهرباء ويفصل الكهربا من غير ما يقرب

لمي ولي لي ..

حمزة وقف من الصدمة بعد ما شاف بعينه مي وهي بتُصعق مع لي لي بنته ..

العامل بزعيق:اطلبوااااا الاسعااااااااااف يا خلق يا هوووو بسرررررررعة

دوشة كتيرة والكل اتلم حوالين مي ولي لي اللي مبينطقوش وحمزة واقف في مكانه مصعوق ..

جت عربية الاسعاف وشالت مي ولي لي ومشيت..

بدأ حمزة يستوعب ركب عربيته وجرري وراهم .. هناك في المستشفى لما دخلوا كان حمزة

بيجري وراهم ..

لي لي تكون على سرير ومي على سرير والممرضين بيجروا بيهم ..

حمزة بيروح ناحية مي وهو بيعيط ويقول:

مي ‘ مي والله ما كنت اقصد والله ما كنت اقصد مي

مي وهي مغمضة عينها وبصوت ضعيف اوي:

حـ مـ ز ة

حمزة بلهفة ودموع:انا عارف ده ذنبي انااا ده ذنبي ‘ لو كنت روّحتكم مكناش اتخانقنا

مي بصوت ضعيف اوي:

حـ م زة لي لي نــ ط قت بـ بـ ا النها ر د ة ‘ كـ ا ن نـ ف سي ن ـف رح كلنا

حمزة:شششش متتكلميش دلوووقتي يا مي متتكلميش يا حبيبتي

حمزة يبوس ايد مي بكل لهفة ويقولها:هتخفي ولي لي كمان ان شاء الله هتخفوا

حمزة بيعيط اكتر ويوصلوا لحد العناية المركزة ويدخلوا ويمنعوا حمزة من الدخول..

بعدها بدقايق بيخرج الدكتور بكل حزن يقول:شد حيلك

حمزة بهستيريا:ومي مي؟ مي عاملة ايه؟ ها مي؟ مي يا دكتور

الدكتور بكل حزن:البنت جت قلبها واقف وللاسف حاولنا ننقذ الأم بس ملحقناش

حمزة بدموع:يعني ايه؟ يعني ايه؟ لا لي لي ولامي؟!

الدكتور:البقاء لله

يمشي الدكتور ويفضل حمزة واقف يبص عليه ويكلم نفسه ويقول:

لا ؟! اكيد لا!! مي جوة .. هي اه قالتلي انها مش هتكون موجودة لما اروّح بس هي كانت بتضحك

عليا.. مي اصلا متقدرش تعيش من غيري انا!!

يدخل حمزة بكل هستيريا ويلاقي الممرضين بيغطوا مي ولي لي يجري عليهم وبكل انهيار يروح

لمي ويقولها:

لا ياااا مي لا متسبنيييش ‘ انا معرفتش اعووضك يا مي عن اهمالي ليكي .. انا السبب .. انا

اللي قتلتكم يا مي.. لااااا فوووقي بقى يا مي ‘ فوووقي..

الممرضين بيحاولوا يشيلوا حمزة وهو بيقاوم ويقول:

يا مي اصحي بقى ‘ قوليلهم انك بس زعلانة مني شوية وهنتصالح يا مي

***********************************

يفوق حمزة من ذكرياته ويكون بيعيط وكنزي قاعدة جمبه ..

حمزة بصوت ضعيف:انا مش قادر ‘ انا تعباااان اووووي

كنزي:ارتاح يا حمزة

حمزة يبص لكنزي ويقول وهو مش واعي بنفسه:بس صديقيني ‘ انا مكنتش اعرف ان ده هيحصل

انا لو كنت اعرف كنت وصلتهم البيت بنفسي ..

كنزي:اديك قلت "لـــو " اللي حصل حصل يا حمزة خلاص ‘ اطلع ارتاح انت دلوووقتي..

************************************

ينام حمزة وهو بيهتف باسم مي ودموعه نازلة من عينه..

كنزي قاعدة في الصالة بتفكر في حمزة ‘ بتطلع دفترها وتحاول تكتب فيه زي ما اتعودت بس مقدرتش

قامت قطعت الورقة وكسرت القلم اللي كانت بتحاول تكتب بيه..

وفضلت تعيط بحرقة ‘ وفجأة الدنيا مطرت اوووي ..

قامت كنزي تبص من الشباك اللي بيطل على الجنينة وبعدين لبست جاكت طويلة وواسع عليها

وخرجت برة في الجنينة تحت المطرر..

صحي حمزة فجأة عطشان ونزل تحت المطبخ عشان يشرب مية واستغرررب لما ملاقاش

كنزي نايمة في مكانها..

بص  بالصدفة من الشباك لقى كنزي واقفة في نص الجنينة متغرقة من المطررر ..

جري خد جاكيت وخرج ليها وقال:

بتعملي ايه يا مجنونة في وقت زي ده في المطر كده؟!

كنزي بتتخض وتقول:ايه ده؟ حمزة ايه اللي صحاك دلوقتي ؟

حمزة :مش وقت اندهاش خالص تعالي ادخلي جوووة

كنزي:حلوة الوقفة تحت المطرة ‘ بتغسلك من كل ذنوبك وأغلاطك

حمزة بيشد كنزي من ايدها وعمال يزقها لجوة:هتاخدي بررررد يا مجنوووونة

كنزي بتسحب ايدها من حمزة وترفض انها تدخل زي ما هو قال:

انا مش هددددخل

حمزة باستغراب:ليييييه؟!

كنزي:عايزة افضل تحت المطر

حمزة:ادخلي يا كنزي بالله عليكي ‘ انا مش حمل الجنون اللي انتي بتعمليه ده

كنزي باصرار:ادخل كمل نوم يا حمزة وارتاح وسبني انا براحتي

حمزة يقف شوية كده يبص وبعدين يروح يقف جمب كنزي..

كنزي بدهشة:وقفت ليه؟

حمزة:تفتكري لو وقفت تحت المطر ذنوبي فعلا هتتغسل؟!

كنزي:اكيد لا! بس كفاية احساسك يتجدد وكأنك بتشيل حمل كل الأغلاط اللي غطتها قبل كده وتبتدي

صفحة جديدة مع نفسك..

حمزة:بس انا مش عارف اعيش الاحساس ده من تاني !!

كنزي:ليه دايما بتعجّز نفسك كده؟ ليه مُصر دايما تحبس نفسك جوة القمم اللي انت فيه ده!!

حمزة بكل ذنب:عشااااان انا الذنب في اللي حصل لمراتي وبنتي !! انا لوو ...

كنزي وهي بتقاطعه:لووو!! دايما حابس نفسك جوة لووو!! وبعدين؟؟ هاا؟؟ تقدر تقولي وبعدين؟

ايه اللي هيحصل؟ مراتك هترجع؟ بنتك هتررررجع؟!!!

حمزة:انتي ليه محسساني ان الموضوع بسيط كده ان فجأة روّح تروح منك؟!

كنزي بعصبية:لا يا استاذ حمزة يا كاتب يا عظيم!! انا عاااارفة قيمة الرووح كووويس اوي ! عارفة

يعني ايه معنى الحياة!!

حمزة بسخرية:انتي! اشك هه

كنزي بنرفزة :لااا عارفة كووويس لأن اللي قدامك دي....

حمزة:سكتي ليه؟؟

كنزي:لان دقت قبل كده طعم المووووت ‘ بس مكنتش جبانة زيك وضعيفة واستسلمت كده

حمزة اتنرفز اوي وقال:ازاي يعني ؟ كنتي هتعملي حادثة مثلا وربنا انقذك؟؟

كنزي:لاااا!! انا كنت مريضة بالسرطان وعرفت يعني ايييه مووووت!! بس مضعفتش زيك كده!

مروحتش بعدت عن عيون كل الناس وبطلت اكتب واحرم الناس مني واعيش دور ‘ الحجر

يمل منه.. انت كنت اناني مع مراتك والمفروض بقى تكون اتعلمت الدرس ده..

كنت جبااااااان ولسه جباااان مش قادر تفهم ان هي قدمتلك روحها وروح بنتها عشااان تفوووق!

لكن انت بتعمل ايه؟ هاااا حابس نفسك ما بين كلمة "لـــو"!!

حمزة من عصبيته قام ضرب كنزي بالقلم وقال بزعيق:اخررررررسي

كنزي بتحدي:مش هخرررس ‘ عارف ليه؟! لان صوتي بيعريك من جواااك

حمزة وهو بيجز على سنانه :اخررررسي

كنزي باصرار اكتر وتحدي:لاااا مش هخرررس عشان صوتي بيدخل جوة السجن اللي انت حابس

نفسك فيه..

حمزة بيجي يمشي فتقف قدامه كنزي:

انت فاكر انك هتقدر تهرب؟! انت حتى اجبن من انك تهرب

حمزة بيزق كنزي ويزعق بصوت عالي:اخرررررررسي

كنزي:انا كنت بموووت في وقت من الاوقات وكنت مخيرة ما بين اني اشيل رحمي والا المرض

ممكن يتنشر ‘ بس مفضلتش اقول لو ‘ واجهت نفسي والدنيااا وواجهت المرض بالقوة ..

حمزة:ابعدددي عني ‘ انتي مش فاهمة حاجة

كنزي:لااااا فاهمة ‘ انك ضعييييف اوي من انك حتى تساعد نفسك

حمزة:غبييييييييييييية!! غبببببببية مش فاااااااهمة حاجة

كنزي:والدليل انك ضربتني!! القلم ده دليل أقوى على ضعفك يا حمزة !! انت هش اووووي اوووي

من جوووووة..

زق حمزة كنزي جامد وطلع يجري لفوق لاوضته وقفل على نفسه الباب..

***********************************

كنزي دخلت الصالة وفضلت تعيط بحرقة وبعدها اتصلت بشيماء صاحبتها وقالت:

انا مش قادرة يا شيماء خلاااص

شيماء بفزع:فيه ايه يا كنزي؟

كنزي بعياط وانهيار:تعبتتتتت مش قاااادرة ‘ انا مجرررررمة يا شيماء

شيماء:كنزي ‘ لو انتي مش قد المسؤولية ارجعي ‘ لأن واضح انك فشلتي..

..............

استنوني الحلقة اللي جاية