الحلقة السادسة
انا:حلو وبعدين؟
دينا:لحد ما اتعرف على شرين..
انا :ايه اللي حصل؟؟
ترجع دينا بذكرياتها لورا
احمد بيكلم دينا زي عادته في التلفون:بس بقى واتعرفت على واحدة النهاردة
اسمها شيرين
دينا:اه مين دي؟
احمد:بنوتة لذيذة عرفتها معايا في الجامعة
دينا:حلو
احمد:انا هخرج النهاردة على فكرة بليل مع صحابي
دينا:ماشي حبيبي
احمد:بقلك يا شيرين شوفتي...
دينا مقاطعة باندهاش وتعجب:شيرييين!! انا دينا على فكرة يا احمد
احمد:معلش والله يا حبيبتي بس لانها دايما معايا في الجامعة فلساني واخد
عليها..
*************************
*************************
بعد كذا شهر لما الصيف جه نزلت دينا ومامتها مصر ونزلوا اسكندرية ‘ شقتهم
كانت في زيزينيا...
دينا:ماما انا هنزل السايبر
الام:هتروحي تكلمي احمد طبعا
دينا:اها
الام:طيب متتأخريش
دينا:ماشي
تنزل دينا بسرعة وتبص على الساعة فتلاقيها 3 العصر فتجري على محطة المترو
المكان اللي اتفقت
فيه مع احمد انهم يتقابلوا هناك..
اول ما تشوفه دينا تبتسم ابتسامة كبيرة وهو كمان يبتسملها بحنان ويروح ليها
بلهفة وشوق:
وحشتيني
دينا بخجل:انت كمان وحشتني
يمسك احمد ايد دينا ويتمشوا لحد سان ستيفانو ويقعدو في سيلنترو
احمد بيلعب في الموبايل عشان يوري صور لدينا فيقلها:بصيد ي يا شيرين
دينا بعصبية:اناااا كام مرة اقلك يا احمد اني اسمي دينا!! ايه حكاية شيرين
دي!!
احمد:معلش والله بس بجد اسمها على لساني دايما فبتلخبط لكن مش قصدي طبعا!!
دينا:احمد معلش بس الموضوع زاد عن حده ‘ انت غلطت باسمي كذا مرة وانا مش
قادرة استحمل
فلو سمحت لو سمحت قلل كلامك معاها ويبقى احسن لو مكلمتهاش خالص..
احمد:ايوة يا دينا بس دي معايا في الجامعة على طول ومينفعش يعني؟!!
دينا:احمد قلل كلام معاها
احمد:حاضر هقلل عشانك..
دينا:الساعة كام معاك دلوقتي؟
احمد:خمسة المغرب.. يلا نروح عشان مامتك متقلقش انك اتاخرتي وتشك انك مش في
السايبر؟
دينا:هههه هي اصلا تلاقيها دلوقتي مش حاسة عليا وتلاقيها سكرانة طين
احمد:معلش يا حبيبتي
انا مقاطعة لذكريات دينا:ايه ده ايه ده؟؟ هو احمد كان يعرف عن مامتك؟
دينا:اه من زمان من ايام ما كنا صحاب..
انا:محكتيش ليا.. لا معلش ارجعي قوليلي حكيتي ليه ازاي وهو ردة فعلة كانت
ايه؟
دينا:مش فاكرة بالظبط حكيت امتى بس حكيت لما كنا لسه صحاب ايام ثانوي ‘
يومها البيت كان
كله خناق ومشاكل وضرب وصريخ وانا طلعت على السطوح وكنت مخنوقة اوووي
ومحتاجه
اتكلم معاه وفعلا كلمته وحكيت ليه وقلتله على المشاكل بتاعتي..
انا:وهو عمل ايه؟
دينا:هو كان واقف معايا وكان جمبي على طول وكان بيقولي معلش يا دينا ‘
مقرفش من اهلي ولا مني
ولا قال ايه البنت دي وعيلتها وبعد عني بالعكس محصل شده بينا..
انا:طيب وكل مرة بقى كنتي بتحكيله؟؟
دينا:اممم هو مش كل مرة كنت بحكيله لانه مكنش بيقلي غير معلش وانا مكنتش
عايزة منه اكتر من كده
بس انا لقيت انه مش بايده يعملي حاجه ومكنتش حابة شعور اني اشوفه عاجز في
انه يساعدني
في المشاكل اللي بتحصلي.. بس فاكرة الخناقة اللي ضربت فيها بابا؟؟
انا:اه؟؟
دينا:ساعتها انا حكتله وزعقلي جامد اوووي انه ازاي امد ايدي على بابا
انا:طيب وهو باباكي عمل ايه وقتها لما انتي ضربتيه؟
دينا:معملش حاجة هو عارف اني عملت كده عشان كنت بدافع عن امي وبابا بيحب
يظهر دايما انه
البريء فخد مفاتيح العربية ومشي ‘ هو كل خناقة كده اسهل حاجة يعملها يقوم
خارج برة البيت..
انا:واحمد زعقلك وقتها على ضرب باباكي
دينا:اااه وقالي اوووعي تعملي كده تاني وانه افرض باباكي ضربك ساعتها
وكده..
انا:يعني احمد كان دايما معاكي وجمبك في مشاكلك
دينا:ايوة
انا:طيب بردو مش قادرة افهم ليه وقفتي انك تحكيله وتشتكي ليه
دينا:مش عاااارفة بس مش عايزة احس انه عاجز لانه مكنش بايده يعملي حاجه غير
كلمة معلش
انا:اممم وهو مسألش عن مامتك بعد كده؟
دينا:لا بس بيسأل ماما عاملة ايه وبابا ومهند اللي هو سؤال عام لكن مبيسألش
عن الشرب وكده
انا:اهااا اوك كملي بقى ذكرياتك بتاعت سفريتك في الصيف لاسكندرية...
دينا ترجع بذكرياتها وتقولي:مفيش قضيت الفترة اللي انا نزلت فيها انه
اقابله من ورا ماما بس خالتوا
كانت عارفة..
انا:اشمعني يعني مامتك متعرفش انك بتقابليه وهي عارفة انك بتحبيه وكده؟؟
دينا:عشان ماما مكنتش في وعيها وكانت بتشرب فمكنتش حاسة بنفسها ولا بتبقى
في الدنيا ‘ ده غير
طبعا لما بتشرب اوووي بتبقى عايزة تعمل مشاكل فكنت بشتري دماغي وقتها..
انا:اها وبعدين؟
دينا:بس بقى ورجعت تاني البحرين بعد ما قضيت ايام حلوة اوي وعمري ما هنساها
مع احمد..
انا:وبعدين؟
دينا:حصلت اول مشكلة هزت الثقة اللي بيني وبينه...
*******************
*******************
ترجع دينا بذكرياتها لورا
دينا في الجامعة بعد ما بتخلص محاضرتها بتروح تدور على لاب فاضي عشان تدخل
شوية على النت
تكلم احمد لو قاعد اون لاين..
تدخل دينا وتقعد على كمبيوتر وتبدا تفتح الايميل بتاع احمد وتقعد من الملل
تدور في الايميلات
اللي جاية ليه وفجأة تكتشف ايميل جاي ليه من موقع هاي فايف..
((اللي ميعرفش هاي فايف ده موقع تواصل اجتماعي زي الفي سبوك كده كان موجود
زمان بس دلوقتي
مبقاش عليه قابلية زي الفي سبوك وتويتر طبعا))
فتحت دينا الاكاونت واللي عرفت الباس بتاعه من الايميل ولقت انبوكس من
بنتين واحمد باعت ليهم:
كلموني على ايميلي .......
قفلت دينا الايميل وهي مضايقة جدا وكانت مخنوقة لدرجة انها كانت حاسة ان
معدتها هتطلع من مكانها
وراحت تشتري كريدت واتصلت بيه...
الموبايل فضل يرن كتير لحد ما صحي احمد من النوم..
احمد بصوت نايم:ايوة حبيبتي
دينا:احمد انت عندك اكاونت على الهاي فايف
احمد:لا
دينا:ومين البنتين اللي انت باعت ليهم ايميلك وبتقلهم يكلمووووك دوووول!!
احمد:مم ممش انا يا دينا
دينا:والله!! مش انت؟؟ اومال مييين يا احمد! ده ايميلك؟! مين عنده تاني
الباس بتاع ايميلك ويدخل
يعمل اكاونت على الهاي فايف ويكلم البنات باسمك!!! ميييييين هيعمل كده يا
احمد!!
احمد:دد دده طارق اخويا يا دينا
دينا:والله طارق اخوك ليه هيعمل كده؟!
احمد:مم ممش عااااارف بس والله ما انا ‘ انا هعمل كده ليه يا دينا ..
فهميني؟؟
دينا:معررررفش!! عايزاك انت اللي تفهمني!! انت بتعمل ليه كده؟!
احمد:والله طاااارق اخويا يا دينا مش انا
دينا:وانت مدي الباس بتاعك لطارق اخوك ليه؟؟ وهو عايز يعمل القرف ده بيعمله
ليه عندك؟؟
وهو عارف ان حاجة زي دي ممكن تبوظ علاقتنا؟؟
احمد:اا اانا مش عارف هو عمل كده ليه بس انتي ممكن تسأليه لو مش مصدقاني..
بس انا والله
العظييييم معملتش حاجة..
انا قطعت ذكرياتها:وسألتي اخوه؟
دينا:اه
انا:قالك ايه؟
دينا:هه قالي انه اه هو اللي عمل كده!
انا:يعني صدقتيه في الاخر؟
دينا:بعد اسبوعين مشاكل وقرف ونكد بسبب الموضوع ‘ عملت نفسي اني مصدقاه
ومشيت الموضوع
كان واحشني اوووي وانا ضعفت فقبلت اني اعدى الموضوع واسامحه.. غير كده عمره
ما كان
هيعترف انه غلط ..
انا:وبعدين؟؟
دينا:اتفقنا انا وهو اننا منعملش اكونتات على المواقع بتاعت الهاي فايف
والفيس بوك والكلام ده
وانا كنت بكره الفيس بوك اول ما طلع جداااااااا..
انا:حلو؟ وبعدين؟
دينا:مفيش برده عرفت بالصدفة بعدها انه ...........
استنوني الحلقة اللي جاية........
