قصة "مجرد لعبـــــــة "قصــــــة قصيـــــــرة

مجرد لعبة!

كان يوم الاتنين لما راحت رانيا الجامعة عشان تشوف نتيجتها..

رانيا بتلبس وبتخرج من اوضتها بسرعة عشان تفطر..

الام:ما براحة يا بنتي!!

رانيا بلهفة:ماما النتيجة هتطلع وانا على اعصابي بقالي اسبوع! مش عارفة انام

الام:ان شاء الله ناجحة..

رانيا:عارفة احلى حاجة ايه؟! اني لو نجحت يبقى هطلع سنة تالتة اخيرا!!

الام:وفيها ايه تالتة يعني غير اولى وتانية ‘ غير شوية مواد جداد؟!!!

رانيا وهي سرحانة وابتسامة خبيثة على وشها:تؤ فيها ان دكتور مراد هيدرسني

الام:مين دكتور مراد ده؟

رانيا:يووه يا ماما ده دكتور عندنا في الفلسفة..

الام:ايوة يعني بيشرح حلو عشان كده بتحبيه؟!

رانيا:هو بيشرح حلو بس!! المهم يلا انا نازلة

الام:بقلك ايه يا رانيا ‘ ابقي ارجعي بدري عشان متتخانقيش مع اخوكي زي كل

مرة..

رانيا بعصبية:اففف.. مبقاش الا المدمن ده اللي يمشي كلامه عليا!

الام:يابنتي حرااام عليكي انا مبقدرش افض الخناق بتاعكم ده كل يوووم!!

رانيا تنزل بسرعة وتقول:طيب طيب

*****************

في الجامعة وبعد ما رانيا شافت نتيجتها..

سلمى صاحبة رانيا:اخيرراا عدينا من تحت دكتور فااروووق يباااي..

رانيا:قوولي اخيرا هنروح لدكتور مراد

سلمى:انتي ايه حكايتك يا رانيا؟؟ معلق معاكي حوار دكتور مراد اوي كده ليه؟؟

رانيا بدلع:معجبة يا ستي!! الله ايه حرام؟!

سلمى باندهاش:نععععم!!! معجبة بمين يا رانيا؟؟

رانيا بخبث:بدكتور مراد

سلمى:رانيا ده عنده 35 سنة!!

رانيا:اهاا وبعدين؟ بقى حرام كده؟

سلمى:مش حرام بس يعني غريب امرك؟!

رانيا:طب بقلك ايه هنروحله في مكتبه دلوقتي.. اشوفك بعدين

تمشي رانيا بسرعة في نفس اللحظة اللي تقول فيها سلمى:رانيا استنييي.. خدددي

هناااا..

سلمى لنفسها:المجنووونة دي ناوية على ايه؟! ده ممدوح لو عرف ممكن

ميسبهاش في حالها!

تلف سلمى وتلاقي ممدوح جاي من بعيد..

سلمى:ممدوووح! ابن حلال والله

ممدوح:رانيا فين؟

سلمى:ممم مش عارفة

ممدوح:شافت نتيجتها؟

سلمى:اه

ممدوح:مسألتش عني يعني ولا عبرتني!! ولا كاني كنت في يوم من الايام

حاجة في حياتها!!

سلمى:معلش يا ممدوح

ممدوح بغضب:تخيلي يا سلمى من ساعة ما سبنا بعض الاسبوع اللي فات وهي

مطمنتش عليا خالص! زي ما تكون ما صدقت؟!!

سلمى بقلق:ممم معلش يا ممدوح

ممدوح:انا ماشي دلوقتي واما تشوفيها قوليلها اني سألت عليها.. ولا اقولك

متقووليش..

يمشي ممدوح وتقول سلمى:ربنا يستررر..

**************

في مكتب دكتور مراد ‘ رانيا قاعدة مع دكتور مراد بتتكلم..

رانيا بدلع ورقة:دكتور متتخيلش اد ايه انا مبسوطة ان حد زي شطارة حضرتك

هيدرسني..

مراد:شكرا ليكي.. بس خلي بالك انا احب اللي يدرس معايا يكون شاطر.. انا

عندي وقت الجد جد واللعب لعب..

رانيا:عارفة حضرتك يا دكتور كويس اوووي.. انا دارسة عن حضرتك بقالي

سنتين..

مراد:هههه دارسة عني!! ليه هو انا بعبع؟؟

رانيا:لا بس دكتور زي حضرتك مهم جدا بالنسبالي

مراد:شكراا

رانيا:طب عن اذنك يا دكتور..

مراد:اتفضلي

وبعد ما تمشي رانيا ‘ مراد يقول لنفسه: البنت شكلها عاقل جدا ومحترمة ‘ بس

ايه حوار انها بتدرسني دي!! ممم يلا مش هحط في بالي..

***********************

بعد تلت شهور وقرب امتحانات المنتصف للترم الاول..

رانيا خارجة من المحاضرة بتقابل في وشها ممدوح..

رانيا لسه هتمشي ‘ ممدوح مسكها من ايدها:رانيا استني هنا

رانيا بعصبية:انت اتجننت!! ازاي تمسك ايدي كده؟!

ممدوح:صحيح انك ارتبطتي مع اسماعيل؟

رانيا:اففف انت قديم اووي..ايووووة فيها حاجة !

ممدوح:انا مش مصدق اني كنت مغفل اما حبيتك

رانيا:يووووه ‘ انت طالع من فيلم قديم ولا ايه!! انت مجرد ورقة كوتشينة يا

ممدوح كنت بلعب بيها ولقيتها بتخسر في اللعبة فرميتها.. فكك مني بقى

عشان مش فاضيالك..

ممدوح:مش هسيبك يا رانيا ورحمة امي الله يرحمها ما هسيبك..

رانيا:اعلى ما في خيلك اركبه..

سلمى جاية جري من بعيد وبتروح لرانيا:في ايه يا رانيا

رانيا بغرور:المتخلف اللي اسمه ممدوح

سلمى بخوف:ماله؟

رانيا:عرف عن اسماعيل وعمال يقرفني! هو فاكر نفسه ايه!! انا مبقتش معاه

خلاص!!

سلمى بقلق:ماهو انتي برضو يا رانيا غلطانة..الولد حبك بجد وان اياما حذرتك

وزي ما عمالة احذرك برضو مع اسماعيل..

رانيا:يووووووووه موال كل يوم وانا مش فايقة.. انا رايحة الدرس

سلمى:درس!! درس ايه؟؟

رانيا:اتفقت مع دكتور مراد يديني درس..

سلمى:ايييييييييييييييه!! دكتور مراد هيديكي درس!! ده عمره ما عملها؟!!!

رانيا:يابنتي انتي لسه معرفتيش صحبتك بقى..ههههههه سلاااااام..

سلمى:يخريبتك يا رانيا!! ده ليه الحق الواد ممدوح يتجنن!! ولسه اما يعرف

شبكة علاقاتك..

********************

في المكتب عند مراد كان قاعد كل شوية يبص على الساعة ومنتظر واول ما

سمع خبط على الباب فتح اي كتاب قدامه وعمل نفسه مشغول وقال:

ادخل

رانيا برقة:ادخل يا دكتور؟

مراد برسمية:اتفضلي..

رانيا بدلع: معلش يا دكتور اتاخرت عليك

مراد:مخدتش بالي اصلا

رانيا بضيق:فعلا!!

مراد:اها.. ها عملتي الواجب اللي طلبته منك؟

رانيا:طبعا يا دكتور

رانيا بتوري الواجب للدكتور وبتقرب منه وتقول برقة:تعرف حضرتك انا حلمت

بيك..

مراد فرح جدا بس دارى الفرحة وقال:فعلا!

رانيا:اه والله يا دكتور..

مراد:طب كوويس

رانيا:دكتور هو انا ممكن اخد رقم تلفون حضرتك؟ ااا اصل يعني ساعات

وانا بذاكر بيبقى عندي اسئلة ولما بحوشها لتاني يوم بنسى..

مراد بهلفة وهو مصطنع التقل:ااه طبعا ‘ اكتبي عندك..

وبعد ما خدت الرقم بدأ يشرحلها الحاجات الصعبة اللي كانت واقفة معاها

وكانت رانيا بتتعمد من فترة لفترة تبص لمراد في عيونه او تخلي ايدها تلمس

ايده وتعمل انه بالغلط..

رانيا:سووري يا دكتور ايدي جت بالغلط

مراد:لا عادي ولايهمك

رانيا بيجيلها تلفون وبيكون اخوها وبعد ما تقفل مراد يسألها:ايه مالك؟

رانيا:مفيش ده اخويا

مراد:ومالك اضايقتي ليه؟؟

رانيا:متشغلش بال حضرتك يا دكتور ‘ بلاش اوجع راسك

حس مراد انها صعبانه عليه وانه عايز يعرف عنها اكتر فقال:لا قوولي انا حابب

اسمع..

رانيا:اقلك ايه بس يا دكتور انا نفسيتي تعبانة جدا من اخويا ‘ انا بابا متوفي

وخالي بيصرف علينا انا وامي واخويا واخويا ده بيضربني انا وامي

عشان ياخد فلوس يروح يشم بيها مخدرات وحياتنا صعبة اوووي.. تعرف

يا دكتور انا لما بنجح ‘ بنجح عشان اتخرج بسرعة وانقذ ماما واهرب انا

وهيا بعيد عن الحياة المقرفة بتاعت اخويا..

مراد بحنان:ولايهمك يا رانيا ولو احتجتي اي حاجة قووولي ليا ومتخافيش

وانا ممكن اساعدكم.. انا ممكن اجبلكم شقة غير اللي انتوا عايشين فيها مع

اخوكي او اوديه المصحة يتعالج..

رانيا بانتصار:متشكرة اووي يا دكتور ‘ متشغلش بال حضرتك بيا.. معلش

انا مضطرة استأذن..

مراد:طب ابقي طمنيني عليكي

رانيا:ماشي..سلام

تروح رانيا البيت واول ما تدخل اخوها يقلها:كنت فييييين!!

رانيا:يعني هكون فين في الجامعة اكيد

اخوها:محضراتك تخلص على الساعة 12 الضهر ودلوقتي 5 المغرب

رانيا:كان ورايا دروووس

اخوها:انا مش قلت دروووس لا!! معندناش فلوووس ليها

رانيا:امال عندك فلوس للشم والقرف بس!

يضربها اخوها ويبدأ يشد في شعرها جامد وهي تصرخ وتزعق:وحياة امي

لو ما سبتني يا امجد لوريك شغلك..

امجد:انتي بتهدديني يا روح امك!

الام تبدا تعيط وتقول:حراااام عليكم ‘ حرااااااام عليكم .. سيبها يا امجد هتموت

في ايدك..

رانيا بعصبية:طب وحياتي يا امجد لاقول لخالي ميدناش فلوس الشهر ده وتلف

زي الكلب تشمشم على بودرة يا معفن يا واااااطي..

امجد وهو بيشد شعر رانيا:الواااطي ده انا لو خليتك تعتبي عتبة الباب ده تاني

يا رانيا..

رانيا بتحدي:مش هتقدر يا امجد وليا خال يرد علييييك..

امجد بيضرب بزيادة في رانيا ورانيا بتصرخ والام بتتألم من ضرب بنتها

فبتروح عشان تحوش فيقوم امجد يزقها وتقع على حرف الطرابيزة فدماغها

تتعور..

رانيا اول ما تشوف الدم من راس مامتها تصرخ اووووي وتجري عليها

رانيا:ماماااااااااا مامااااااا انتي كوووويسة

الام بضعف:اا اايوة يا بنــ ت ي

رانيا بخوف:قووومي يا ماما قووومي نجررري على اي مستشفى

تجري رانيا تتصل بالاسعاف ويجري امجد يهرب..

رانيا :اجرررري يا واطي يا حيوان..

*****************************

بعد مرور ساعة في المستشفى رانيا قاعدة جمب خالها وبتعيط

خال رانيا:اهدي يا رانيا الدكتور طمني وقال انه الحمد الله جت سليمة

رانيا:لازم تشوفلك صرفة يا خالي في امجد ‘ انا خلاص تعبت وقرفت منه

خال رانيا :يعني هنبلغ عنه !

رانيا بعصبية:معرفش بقى انا ميهمنيييش ان شاء الله يروح في ستين داهية..

وفجأة يرن تلفون رانيا ‘ تبص على الاسم تلاقي اسم مراد...

تفضل رانيا تبص على التلفون وهو بيرن وتقوم مكنسلة عليه..

وبعد ساعتين بترجع رانيا للبيت ويكون الساعة 12 بليل..

رانيا لنفسها:اكلمه ولا بلاش.. اممم اكلمه؟ لا مش هكلمه.. لا كلميه واقعدي

عيطي واجذبيه ليكي يا مغفلة..طب وبعد ما تكلميه ويلاقي حضرتك متصلة بيه

في وقت زي ده؟! هيقول ايه!! خليه لحد الصبح يتشحتف عليكي احسن.. ايوووة

خليه لحد الصبح.. التقل صنعة برضو..

*******************

اليوم التاني رانيا تتصل بمراد..

مراد اول ما يشوف اسم رانيا يرد بلهفة:ايوة ‘ ايه يا رانيا؟؟ بعد ما قفلتي معايا

مرجعتيش كلمتيني تاني ولا قلتيلي ايه اللي حصل معاكي؟؟ وفضلت قلقان

طول اليوم عليكي..

رانيا بفرحة :بجد قلقت عليا؟

مراد:ايوة..انتي في الجامعة؟؟

رانيا:لا مش هقدر اجي

مراد بحزن:اممم

رانيا:بس هاجي عشانك

مراد:بجد؟

رانيا:ااه

مراد:مستنيكي..

وبعد ساعة ‘ رانيا قاعدة في المكتب مع مراد..

رانيا:وبس بقى وماما في المستشفى دلوقتي

مراد:واخوكي فين؟

رانيا:هرب زي الجبان

مراد:طب لو احتجتي اي حاجة قوليلي..

رانيا بتقرب من مراد اووي وبتقول ليه:اا انا كنت عاوزة اقول حاجة بس مترددة

وخايفة..

مراد:لا متخافيش يا رانيا قوولي..

رانيا:ممم اانا .....

مراد:ايه؟

رانيا:انا معجبة بيك اوووي

مراد يفرح اوي وبعدين يحاول يبين التقل:اكيد يعني عشان دكتور وكده

رانيا:لا انا معجبة بيك لشخصك انت..

مراد:رانيا انتي بتتكلمي بجد

رانيا:ايوووة وهو الكلام ده فيه هزار!

مراد:رانيا انتي مستوعبة اني اكبر منك بكتير!

رانيا:انت 35 سنة وانا 20 سنة

مراد:وده عادي عندك

رانيا:اااه وبصراحه بقى انا بحبك اوووي ومن زمان وما صدقت اني قربت

منك وبقيت بتكلم معاك.. انا امبارح وفي عز اللي كنت فيه افتكرتك انت وكنت

محتجاك جمبي اوووي ولولا ان الوقت اتاخر لما رجعت كنت كلمتك لحد

الصبح..

مراد بابتسامة:ومعملتيش ليه كده ‘ انا كنت هموووت من القلق عليكي

رانيا:خايفة اووي ليطلع اللي حاسة بيه ده من طرف واحد..

مراد بسعادة كبيرة:تؤ

رانيا:تؤ ايه؟

مراد:مش من طرف واحد ‘ انا كمان معجب بيكي بس كنت خايف ومقدرش

اتعدى حدودي معاكي لاني معيد هنا وانتي الطالبة بتاعتي..

رانيا:واحلى معيييد..

مراد:طب يلا روّحي البيت وانا المغرب هعدي عليكي اوديكي لمامتك وبعدين

نخرج نتعشى..

رانيا:طيب حبيبي بس بقلك ايه كل حركة تعملها تتصل بيا وتقولي بيها..

مراد بيضحك وقلبه طاير من السعادة:ماشي..يلا روحي ارتاحي ..

تخرج رانيا وهي حاسة بالانتصار وتقول لنفسها:ايوة كده! والله وقدرت

اوقعك يا مراد هه وانا اللي كنت فاكرة انك صعب ‘ اتاريك مبتخدش غلوة

في ايدي..

وفجأة يجي اسماعيل في وشها ويقول:ممكن اعرف بقى الهانم مبتردش عليا

من امبارح ليه؟

رانيا:مش فاضية

اسماعيل:يعني ايه؟

رانيا بدلع:تؤ اسماعيل انا فايقة ليك دلوقتي ‘ ممكن امشي

اسماعيل:هو ايه ده!! مالك؟

رانيا:يووووه انت بمتفهمش ولازم اجرحك بالكلام! انا خلاص مش عايزة

اعرفك تاني

اسماعيل:والله!! لعبة اصلها.. انتي نسيتي نفسك ده انتي فضلتي تحفي ورايا

بالشهوور عشان اعبرك وجاية تقوليلي مش عايزة!

رانيا بضحكة مستفزة:امممم طيش..او اقلك ممكن نقول كنت لعبة جديدة وعايزة

اجربها..

اسماعيل وهو رافع حواجبه:هه وجربتيها خلاص؟

رانيا:اممم وطلعت مملة اووووي

اسماعيل:ومالو ‘ بشوقك اصل اللي زيك ميتزعلش عليه بصراحة! عارفة ليه

رانيا بكل غرور:لييه! معندكش قلب؟

اسماعيل:لا عندي بس الواحد يزعل على حاجة عليها قيمة مش حاجة فلصو

يمشي اسماعيل وتتعصب رانيا من الجملة اللي قالها وتقول بصوت واطي:

انا هوريك الفلصوووو ممكن تعمل ايه..

*******************

بعد شهر كانت رانيا كل يوم تروح لمراد المكتب ويشرحلها كل المواد وطبعا

ببلاش وكان دايما لما تحتاج اي حاجة يجبها ليها على طول..

مراد:ها حبيبتي تحبي نتغدا فين النهاردة؟

رانيا:لا لازم اروح عشان ماما معلش يا روحي..

مراد:طب يلا هوصلك

رانيا بتوتر:لا لا خالي جاي ليا..

مراد:طيب.. بقلك يا رانيا هو انتي ليكي كلام مع اسامة اللي في دفعتك؟

رانيا:اه! ليه؟

مراد:اصل شفته واقف معاكي الصبح..كنتم بتقولوا ايه

رانيا:ايه ده انت بتراقبني؟

مراد:لاااا انا بس يا حبيبتي مش عايزك تقفي كتير مع الشباب عشان سمعتك

وكده.. ده انا بخاف اقف معاكي دقيقة على بعضها عشان محدش يرمي كلام

عليكي..

رانيا بتقرب من مراد وتمسك ايده وتقول ليه:انت حبيبي تقف براحتك

مراد:لا طبعا انا خايف عليكي..المهم روحي انتي عشان متتأخريش على خالك..

تخرج رانيا من الجامعة وتقف على باب الجامعة خمس دقايق لحد ما تيجي

عربية وتركب فيها..

رانيا في العربية ..

رانيا:اتاخرت يا روحي

اسامة:معلش الواد حمزة مسك فيا وهاتك يا رغي ‘ المهم خدتي المحاضرات

اللي انتي عاوزاها من الدكتور بتاعك..

رانيا:اه اه

اسامة:طب كويس

**************************

ممدوح ماشي ناحية مكتب دكتور مراد يخبط الباب ويدخل..

بعد خمس دقايق من كلامه مع مراد..

مراد بعصبية:انت بتقوووول ايه!!!

ممدوح:زي ما بقول لحضرتك يا دكتور.. رانيا بنت لعبية وبتلعب على معظم

الولاد اللي هنا.. وانا قلت لازم اجي اقول لحضرتك ولو عايز تتأكد تعالى على

المطعم اللي قلته لحضرتك وانته تلاقيها قاعدة مع اسامة..

يروح مراد مع ممدوح المطعم .. ينزل منه ويلاقي رانيا قاعدة مع اسامة وماسكة

ايده..

مراد بيمشي ببطى وهو مصدوم من اللي شايفة واول ما رانيا تشوفه تتخض

جامد...

مراد بعصبية:انا اخر حاجة اتوقعها!!

رانيا بارتباك:اا انا .... افهمني

مراد بيضرب رانيا بالقلم ويقول:افهم ايييه!!! افهم اني كنت مجرد لعبة في

حياتك؟! ولا انك حقيرة استغليتي منصبي عشان مصلحتك يا حيوانة..

بس صدقيني يا رانيا لخليكي تندمي على كل لحظة كذبتي فيها عليا..

يمشي مراد ويبص ليها ممدوح ويقلها:انا كده خدت حقي.. عيشي بقى

رانيا بتبص على اسامة لقته بيضحك وبيقلها:طيب يا رووني انا كده دوري

انتهى!

رانيا بصدمة:انت كمان !

اسامة:روني انتي مجرد لعبة يا حياتي وانا لو فكرت احب اكيد مش هحب

واحدة زيك وحتى لو عايز اتسلى مش هتسلى بواحدة رخيصة اووووي زيك..

*********************

في نهاية السنة رانيا بتشوف نتيجتها بتلاقي انها ساقطة في كل المواد..

رانيا بعصبية لسلمى:ازاااااي انا حليت كويس اوي في الامتحانات

سلمى:اكيد مراد موصي عليكي

رانيا:انا هروووح اشوفه واكلمه

سلمى:مراد راح جامعة تانية يا رانيا وعلى فكرة النهاردة هيروح يخطب..

رانيا:اكيد بيحاول ينساني

سلمى:لا مراد مش بينساكِ يا رانيا ‘ مراد انتي كنتي مجرد نزوة في حياته وفاق

ولقى الحب الحقيقي ..

رانيا بعصبية:ايش عررررفك انتي ‘ هو بيعمل كده صدقيني عشان مش عارف

يخرج من حبه ليا..

سلمى:لااااا

رانيا:ليه بقى؟! مالك واثقة اوي كده ليه!!

سلمى:عشان .. عشان مراد هيخطبني انا

رانيا بصدمة:اييييييييييه!!!!

سلمى:وبصراحه هو قالي اني لازم ابعد عنك وانا مينفعش مسمعش كلام

جوزي.. ربنا يوفقك يا رانيا ويهديكي..

رانيا واقفة مصعوقة من الخبر ودموعها نازلة على خدها.. بعد ساعة بترجع

البيت تلاقي اخوها مستنيها وبيقولها:هاا عملتي ايه يا حيلتها

رانيا بحزن:سقطت

امجد:طب اعملي حسابك بقى عشان انتي مش نافعة في العلام انك هتتجوزي

اللي هقلك عليه وهتقعدي في البيت نوفر مصاريف الجامعة..

رانيا:انت بتقووول ايه

امجد:اللي سمعتيه

رانيا بتبص لمامتها.. الام بانكسار:اخوكِ مضى على شيكات بفلوس خالك مش

هيقدر يدفعها وعشان ميدخلش السجن لازم تتجوزي ..

رانيا بهستيريا:انتوااا بتقولوااا ايه!! انا رانيا اتجوز شمااااام من صحابك على

اخر الزمن..

الام بانكسار:ربنا على الظالم...

النهايـــــــــــــــــــة