الحلقة الحادية عشر
احمد:انا بقي اللي عايز اسألك سؤال؟
انا:اتفضل
احمد:اشمعنا دينا؟؟
انا:انو بكتب قصتها؟
احمد:اه ‘ هوه انتي لو كتبتي قصة عنها هتلاقي احداث
كتيرة في حياتها والحلو والوحش ‘ والدراما
والاكشن.. كل حاجة يعني..
انا:يعني حسيت ان قصة حياتها تستحق انها تتكتب ..
احمد:تمام .. طيب قوليلي ايه في بالك كمان عنها؟؟
انا:وبعدين وانا بكتب لقيت انه يبقى احلى لو خدت من طرفك
كمان عشان هي اكيد هتحكي اللي بينكم
من وجهة نظرها هي وانت اكيد في حاجات جواك هي متعرفهاش ‘
فقلت اجرب واسألك..
احمد:حلويات
انا:انا عايزة اعرف لما هي نزلت اسكندرية اول مرة ليك
وكنتم حبايب كنتوا بتقضوا يومكم ازاي؟؟
احمد:كنا بنتقابل من ورا مامتها.. كانت ساكنة في شقة
ايجار قرب مسجد يحي ‘ مسجد مشهور في
الاسكندرية..
انا:تمام وبعدين؟
احمد:اول مرة امسك ايدها وكنا في الشارع ‘ كنت معجب
بدينا اوووي وبكل تفاصيلها ولما كنت اقلها
كده كانت تتكسف اوووي..
انا:وبعدين؟
احمد:كانت بتروح لسايبر جنب الصيدلية
انا:اه
احمد:كنت اقابلها هناك ونروح سان ستيفانو كل يوووم ‘ كل
يووووم
انا:اه؟
احمد:في الفترة دي كانت بتقابل ريم ونهى وطارق اخواتي
انا:ايوة
احمد:في اليوم ده خرجنا رحنا كارفور ورحنا السينما‘ رحنا
فيلم جعلتني مجرما بتاع أحمد حلمي
انا:ايوووة
احمد:ههههههههه شكلك عارفة كل حاجه
انا:لا بس اعرف تفاصيل شوية وبسألك عشان اعرف من زاويتك
انت كمان
احمد:كانت لابسة بلوزة اوف وايت وبنطلون كحلي والبلوزة
كانت نص كم وبرقبة
انا:واو ماشاء الله عليك حافظ لابسة ايه؟!
احمد:وقعدنا في سيلانترو بتاع كارفور في القعدة اللي برة
الكافيه
انا:اها؟
احمد:دايما واحنا ماشيين مع بعض كنا ماسكيين ايد بعض..
انا:اه
احمد:في سان لما تقول رايحة السايبر كانت بتلبس بلوزة
رصاصي كانت بتلبسها كتير
انا:اه؟
احمد:مكتوب عليها كلمة بس من قدام وكانت بتلبس الجيبة
الجينز بتاعتها القصيرة دي
انا:اه؟؟
احمد:انا فاكر يوم لما مامتها اخدتها من كارفور ‘ كانت
تقريبا شاربة لانه نهى خدت بالها وقالتلي
وانا طبعا وقتها عملت هندي..
انا:اه ‘ ساعتها كلكوا اتقابلتوا يعني؟
احمد:بعد ما كنا اتقابلنا واحنا خلاص مروحين..
انا:اها
احمد:اول مرة امسك ايد دينا كانت لابسة بلوزة بينك.. الفترة
دي كانت من محبين الجيبات..
كان عندها واحدة بني وازرق والجينز وواحدة مليانة الوان
كتير بس اللون الغالب بينك..
انا:اه
احمد:ايه كمان اسالي؟ عشان انا في مليون حاجة في بالي..
انا:طيب انا عايزة اسأل سؤال ومعلش يعني.. موضوع الهاي فايف؟ كان ايه؟
احمد:بصراحة انا الغلطان
************************
************************
دينا بتكلمني في التلفون بعد ما قرت الحلقة اللي بقول
فيها انه كلمت احمد..
انا ببص على التليفون لقيت رقم دينا فقلت لنفسي:احم احم
اكيد قرت الحلقة وبتتصل بيا
انا:الو
دينا:الو ايوة يا فاطمة
انا:ايوة يا دينا
دينا:هو انتي كلمتي احمد بجد؟ ولا ده خيال منك في القصة
انا:لا كلمته بجد ومش خيال
دينا بلهفة:بجد؟ طيب قوولي قال ايه؟
انا:هتعرفي في حلقات القصة
دينا:حلقات ايه لا انا مش هستنى! قال ايه؟؟
انا:يا دينا لازم اقعد اقرالك الكونفرسيشن كله
دينا:ايووووة اقررري مليش دعوة
طبعا قريت ليها كل الكلام..
انا:صحيح انتي ليه مقلتليش انه قالك بحبك قبل كده وانتي
رديتي عليه انكم صحاب بس!!
دينا:الحتة دي وقعت مني والله ‘ معلش..
انا بضحك:ايوة ودلوقتي افتكرتيها صح؟ ايه بقى؟
دينا:هههههه وقتها هو فعلا قالي بس مش فاكرة اوووي اللي
حصل ‘ بس انا فعلا قلتله خلينا صحاب
يمكن لاني خفت في الاول..يمكن عشان كنت عايزة اتأكد
اكتررر من حبه.. مش فاكرة بقى انا ليه
صديته مع اني وقتها كنت بحبه اصلاااا وبحبه اوي واتبسطت
جدااااا لما قالي انه بيحبني واترعبت
في نفس الوقت وكنت خايفة جداااااا وانا بقله خلينا صحاب
ليشيلني من دماغه..
انا:امممم
****************************
انا لاحمد:اه كمل انت غلطان وبعدين؟
احمد:هكلمك بكل صراحة بس يعني ما تدايقيش من الكلام ‘
لعل وعسى دينا تقرا الكلام وتفهمه
انا:تمام.. اتفضل
احمد:بصي يا بنت الحلال انا وانا صغير كنت عايش في
السعودية وانتوا في البحرين وطبعا انتي
عارفة السعودية بلد مقفولة مش زيكم في البحرين مفتوحة
وفري ‘ انا لما روحت مصر اتخضيت
من كل حاجة قدامي ‘ فجأة لقيت قدامي كمية بنات فظيعة انه
ايه البنات دي كلها!!
انا:اها فاهمة عليك
احمد:انا اسف في الكلام بس انا لقيت بنات هنا وبنات هناك
بطريقة ملفتة بالنسبالي.. كان عالم غريب
عايز استكشفه‘ الخنقة اللي كنت عايشها في السعودية ولدت
جوايا رغبة شديدة اني اعدي كل الاسوار
اللي كانت مقفولة قدامي ولقتها مفتوحة وبطريقة واسعة في
مصر..
انا:اممم
احمد:الهاي فايف كان اول مشكلة فعلا حقيقة بينا احنا
الاتنين..
انا:ايوة يعني انت كنت بتعمل كده بتعوض بعد دينا عنك
وبتعوض الحجات اللي اول مرة تشوفها؟
احمد:كنت اول سنة كلية وكانت صدمة حاجات اول مرة احس
بيها..
انا:طيب ولما عرفت ان دينا عرفت حسيت بايه؟
احمد:كان شعور وحش اووووي
***********************
***********************
دينا:طب كويس انه اعترف لاول مرة بموضوع الهاي فايف
انا:اه
دينا:هههه دي حاجة حلوة اووي ‘ تخيلي بعد السنين دي كلها
لاول مرة يعترف انه هو اللي كان ورا
موضوع الهاي فايف مش اخوه زي ما كان بيقلي..
انا:اممم
دينا:بس تعرفي اللي قاله يوجع ‘ الحقيقة طلعت مرة اووي
يا فاطمة مش زي ما كنت متوقعة..
انا:معلش انا اسفة..
دينا:لا بالعكس ‘ كويس اوووي انك خلتيني اعرف ده كله ‘
كنت محتاجه اعرف ده كله بجد عشان
اعرف انا قصرت في ايه!!
انا:ما هو قال في الكلام اللي جاي انتي قصرتي في ايه
فعلا ..
**********************
**********************
انا لاحمد:طيب انت ليه موقفتش الموضوع ده؟ ليه المشاكل
كبرت بينكم؟ هل كان شك دينا دايما فيك
كان بيخنقك؟؟ يعني ايه اللي خلى كل حاجة تضيع منكم؟؟
احمد:............
استنوني الحلقة اللي جاية...........
