قصة "الحب تحت اضواء باريس" قصــــة قصيرة

الحب تحت اضواء باريس

" في باريس مدينة العشاق انتظر ذلك الفارس الذي لطالما قرأت عنه.. في باريس

ابحث بين جموع البشر عن رجلا صاحب ظلٍ خفي يأتي وينتشلني من احزاني.. من

وحدتي.. من يأسي الذي هزم فرحي.. في باريس ااتي الى حانتي المعتادة لاطلب

كوب قهوة دافىء ربما لينتشلني من برودة الغربة.. اتيت هنا منذ ان كنت طفلة

ومازال حلمي كما هو.. ان اقابله يوما تحت المطر ودون موعدٍ سابق .."

ده اللي كانت بتكتبه مي في مذكراتها كالعادة وفي نفس الكافيه اللي هي متعودة

تقعد فيه..

مي لنفسها:وحشتني مصر اووي.. بس خلاص مبقاش ليا قعاد فيها بعد ما اعمامي

خدوا كل حاجه مني.. ده لولا فلوس عمو احمد جوز ماما مكنتش عرفت ارجع تاني

هنا باريس..

ترجع مي بذكرياتها لورا وهي عندها خمس سنين قاعدة في اوضتها اللي في شقة مصر..

مامتها بزعيق:يوووووه انا تعبت منك وقرفت يا محمد..

محمد:يعني ايه؟ مش عايزة تسافري معايا؟؟

مامة مي:لا! منا مش هغرب بنتي واغرب نفسي عشان شوية فلوس رايح تجري انت

وراهم.. تقدر تقلي انت محتاج الشغلانة دي في ايه؟؟ منت باباك الله يرحمه سابلك محلات

واراضي اد كده تعيشك انت واخواتك مش محتاجين اي فلوس..

محمد:اناااا مش هقعد في مصر هنا والفلوس اللي بتتكلمي عليها دي ‘ هي اللي مخلية

اخواتي هياكلوا بعض عشانها..

مامة مي:وانا اسفة عايز ومُصر اوي انك تسافر يبقى تتطلقني!

محمد:ماشي وافتكري ان انتي اللي طلبتي ده..

مي قاعدة في اوضتها خايفة وبتعيط وهي بتسمع صريخ مامتها وباباها لحد ما تنام.. وفجأة

بعد ما تروح في النوم تسمع صوت باباها بيصحيها براحة وبيقلها بصوت واطي:

يلا يا مي

مي بصوت كله نوم:هنروح فين

باباها:هنسافر حبيبتي.. يلا تعالي اما البسك..

مي:وماما فين؟

باباها:ماما مش عايزة يا حبيبتي .. يلاااا بسررررعة..

ياخد محمد مي ويطلع المطار ومن هناك يسافر على باريس..

اول ما يوصلوا هناك مي وهي بتعيط:هي فين ماما يا بابا؟

محمد:ماما مش بتحبنا يا مي وعشان كده انا خدتك وسافرت

مي بعياط:انا مش عاوزة هنا يا بابا .. انا عاوزة ماماا

محمد بيحضن بنته الصغيرة:هتتعودي يا حبيبتي.. هتتعودي..

*******************

ترجع مي للواقع تاني وتبدأ تشرب شوية في القهوة اللي قدامها وتبص من الشباك على

المطر وعلى الناس وهما برة بيجروا ويرقصوا وتبتسم ابتسامة مليانة كسرة.. وترجع

تاني بذكرياتها لورا...

مي عندها 15 سنة بتدخل على باباها..

محمد:مي مامتك عايزة تشوفك

مي بفرحة وشووق:بجد يا بابا؟؟

محمد:ايوة ‘ انا شايف انك كبرتي دلوقتي وفهمتي انا لما جبتك هنا ليه.. بس ده مش معناه

اني هسمح انك تعيشي مع جوزها في بيت واحد..

مي بصدمة:جوزها!!

محمد:ايوة ‘ مامتك مستحملتش بعد ما طلقتها وراحت تتجوز بعد سنة من طلاقنا..

مي بحزن:ما هي كانت هتعمل ايه يا بابا؟؟ انت خدت بنتها وهربت بيها هنا وهي مكنتش

تعرفلنا عنوان..

محمد بعصبية:وانا هررررربت بيكي ليييييه!! مش عشان مستقبل كووويس!!!

مي:بس يا بابا دي امي!! لييييه تحرمني منهااااا.. انا منكرش انك محرمتنيش من حاجة ابدا

وكنت بتجبلي كل حاجة وكنت بتديني الحب والامان بس ده كله ميعوضش حب امي

وحضنها..

محمد بعصبية اكتر:ده جزاااااتي بعد ما شقيت عشانك وعمال ابنيلك في مستقبل ‘ عشان

متحتاجيش حد بعد ما اموووت..

مي:لا يا بابا بعد الشر عليك وانا مقدرة ده بس ماما بردو مظلومة ويزعلني انك بتقول

انها خاينة وراحت تتجوز بعد سنة من طلاقك ليها.. ماما اكيد كانت لوحدها ومحتاجة

حد يقف معاها..

محمد:خلاااص خلااااص.. المهم بكرة هتسافري ليها ولما تخلص الاجازة هترجعي

هنا..

مي:بس مش يمكن يا بابا اغير ...

محمد مقاطعا:مفيش حاجة اسمها بس.. ومتخلنيش اقولك مفيش سفر..

مي:لا خلاص يا بابا هرجع هنا تاني.. بس احنا هنفضل هنا عايشين لحد امتى؟؟

محمد:احنا يا بنتي ملناش مكان في مصر وصدقيني مصر اللي انتي رسمالها صورة

في خيالك اتغيرت خلاص...

مي بحزن:ماشي يا بابا..

***************************

ترجع مي للواقع تاني وتقول لنفسها:لو كنت اعرف ان دي اخر مرة يا بابا هشوفك فيها

اكيد وداعنا كان هيبقى اطول ‘ او كنت اجلت السفر شوية...

تقوم مي تحط مذكراتها في شنطتها وتدفع الحساب وتخرج بسرعة تجري في المطر لحد

ما توصل شقتها..

مي كان شعرها لونه بني خفيف وعينها بني عسلي وبشرتها قمحية ..

دخلت مي الشقة وغيرت لبسها وراحت تتفرج على اي فيلم  زي عادتها على

الكنبة..

*************************

بعد ما سافرت مي بكام يوم مصر‘ باباها تعب وده لانه قلبه ضعيف وجاتله ازمة واتنقل

على المستشفى وهناك مات ‘ كان معاه صاحبه واللي اتصل بمي وقالها وطبعا ده

كان خبر صدمها جدا ..

مي بهستيريا:لاااااا لاااااا لااااا انتوا اكيد بتهزروااا لاااااا

الام بحزن:انا لله وانا اليه راجعون..اهددي يا حبيبتي..

مي:لااااا يا ماما قوووليلي ان ده كذب او كابوووس ‘ لا يا ماماااا ده كان زعلان مني

انا ملحقتش اقوووله اني بحبه اوووي..

الام بدموع:اكيد عارف يا حبيبتي اكيييد عارف

مي:مامااا هو انا كده مش هشووف بابا تاني؟؟ معقووول؟؟؟؟ يارتني ما سافرت

الام بوجع:لدرجادي انا مبقاش ليا مكان عندك

مي بعياط:ليكي بس هو يا ماما....

وترجع مي تعيط اكتر ومتقدرش تكمل كلام..

بعد اسبوع ...

الام لمي:مي انتي لازم تروحي لعمامك وتاخدي حق باباكِ اللي سابه ليهم زمان!!

مي:انا كنت عايزة ارجع باريس

الام بصدمة:ايه؟!!!

مي:انا اسفة يا ماما بس انا مش هقدر اعيش معاكِ انتي وجوزك .. انا زي ما بابا قال

انا مكاني باريس..

الام بحزن:وانا يا بنتي

مي:في اي وقت تحتاجيني فيه ممكن تيجيلي باريس

******************

مي بتطفي التلفزيون وتحاول تروح تنام على سريرها بس بتقعد تفكر وتقول لنفسها:

انا حياتي فاضية اوووي بعد ما بابا مات.. الله يرحمك يا بابا ويسامحك.. مش عارفة

اكرهك ولا قادرة بردو اني ملومكش.. انت خليت نفسك محور حياتي وخلتني اكبر

بعيد عن امي لدرجة لما كنت عايشة معاها حاسة اني غريبة وقاعدة في بيت مش بيتي

وطلبت ارجع باريس.. خلتني احس اني غريبة في وطني.. وان وطني هو باريس!!

انا مفيش حد في حياتي! بنت عندها 25 سنة مفيش ولا ولد في حياتها؟! وعايشة

في باريس!!!

********************

تاني يوم مي بتصحى من النوم بتلبس وتروح المحل اللي بتشتغل فيه والمحل كان محل

لبيع الحيوانات والطيور..

مي واقفة قدام عصافير الكناريا وبتسمع زقزقتهم وبتكلمهم: صباااح الخييير يا عصافير

الحب؟ الصبح من غيركم ملهوش طعم! يابختكم عندكوا اللي بتحبوه ويسأل عنكم..

صوت العصافير عمال يزقزق

مي:ايه؟؟ خايفين احسدكم؟؟ لا متخافووش مبحسدش ‘ انا بس كان نفسي الاقي حد يحبني

ويكون معايا زي ما انتم دايما مع بعض كده..

وفجأة يدخل شاب في التلاتين من عمره ويتكلم بالفرنساوي..

ويسأل:بنجور لو سمحتي ملاقيش قطة صغيره عندكم

مي بابتسامة:اه طبعااا.. اتفضل من هناك قسم القطط

وبعدين بصوت واطي تقول للعصافير:هسيبكم دلوووقتي واروح اشوف الزبون واول

ما يخرج هرجعلكم تاني.. حبوووا بعض لحد ما ارجع

وتجري ورا الزبون الشاب واللي كان سمع كلامها للعصافير وابتسم!!

الشاب بيتكلم بالمصري:مكنتش اعرف ان حضرتك مصرية..

مي بكسووف:ايه ده؟ هو حضرتك مصري!

الشاب بابتسامة:اها.. حلووين الكناريا اللي عندك لونهم حلوو

مي بكسوف اكتر:اه فعلا..

وبعدين بتغير مي الموضوع بسرعة وبتوريله شوية قطط

الشاب:اممم مش عارف محتار!

مي:هو حضرتك عايزها تكون ايه يعني؟

الشاب بحيرة:امم اصل هقلك ‘ هي هدية وانا عارف ان البنات بتحب القطط وكده

وانا لو عليا مليش فيهم اصلااا..

مي بابتسامة هادية وبتشاور على قطة شيرازي صغيرة خالص وبتقله دي ممكن تكون

هدية رقيقة..

الشاب:متأكده؟

مي:اكيد حضرتك..

الشاب:اسمي عادل.. اصل حضرتك دي تقيلة اوي على وداني..

مي بكسوف:هه ماشي..

عادل:خلاص هخدها وعلى ضمانتك بس لو معجبتهاش هرجعهالك مليش دعوة..

مي:هههه

عادل بهزار:ايوة ما هو انتي مش تدبسيني وبعدين معرفش اتصرف فيها ‘ انا زي ما قلتلك

مليش في القطط خالص..

مي: بتاخد منه الفلوس وبتديله القطة في القفص بتاعها وتقوله اتفضل وحطيتلك الاكل

بتاعها يكفيها لمدة اسبوع وده عبارة عن هدية من المحل..

عادل:شكرااا..

ولسه عادل هيخرج من المحل فيرجع تاني ويقلها:هو الكناريا دول صحابك؟

مي بابتسامة:ههههه يعني حاجة زي كده ‘ بيسلوا وقتي هنا في الشغل..

عادل:يا بختهم

ويغمز لمي ويمشي..

مي لنفسها: يا بخت حبيبتك اللي انت اشتريتلها القطة..

ترجع تاني مي لعصافير الكناريا وتقولهم: عسوول صح؟

العصافير تزقزق

مي: لا عيب انا بس اللي اقول عسوول بس يا خسارة بيحب..

بعدين تحط مي ايدها على خدها وتقول لنفسها:وانا امتى هتحب بقى...

وبعد سبع ساعات من الشغل تلم مي حاجتها وتقفل المحل وتتطمن على كل الحيوانات

وتروح لعصافير الكناريا وتقلهم:تصبحوا على خير يا حبايبي..

بعدين تمشي وترجع تاني ليهم وتسألهم:تفتكروا ادى الهدية لحبيبته؟؟ يا ترى عجبتها؟؟

تؤ متعرفوش.. طيب يلااا اشووفكم بكرة..

وتقفل المحل وتجري على شقتها اللي كانت قريبة وتطلع تغير هدومها وتنزل تاني

عشان تروح الكافية اللي متعودة تقعد فيه..

واول ما تدخل هناك تلاقي مجموعة من الشباب والبنات على طرابيزة متجمعين حوالين

كيكة واقفة قدامها بنت وعمالين يغنوا ليها هابي بيرث داي تو يو تشاشاشاشااا

كان ممكن الموضوع يبقى عادي لو مكنش عادل مع اللي بيحتفلو..

مي لنفسها:لااااا!! معقول هشوف بنفسي وهو بيديلها الهدية! طب اجري ولاا اعمل ايه

ولسه مي هتخرج من الكافيه لمحها عادل وغمزلها فرجعت تاني وراحت تقعد على

الطرابيزة اللي متعودة تقعد عليها...

خرجت مذكرتها وكتبت فيها:

" رايته اليوم ولكن الحلم لا يكتمل ‘ اعتقد ان قلبه شاغرا وليس خاليا.. ليتني قابلته

في زمنٍ اخر قبل ان تشغله اي حورية اخرى.. ليتني انا احظى بلقب حوريته..

ليتني اسرقه من العالم واركض معه تحت المطر كما كنت اريد.. ليته يبادلني

العشق تحت اضواء باريس مدينة العشاق"

فجأة يقطع حبل تفكيرها صوت عادل:ايه بتكتبي ايه؟؟

مي بتوتر:ها.. لا عادي..

عادل:انا قلت اسلم عليكي ‘ مش هضايقك كملي كملي..

كانت مي نفسها تقله:لا بالعكس انا نفسي اقعد معاك ‘ بس اكيد مش هينفع تسيب حبيبتك

وتقعد معايا..

عادل بيروح لعند العيد ميلاد وبيقرب من بنت ويحضنها اوووي ويبوسها من راسها

ويديلها القطة اللي اختارتها مي ليه..

مي بتراقب كل حاجة بتحصل عند عادل وكانت بتبص بحسرة للبنت دي وبتقول

لنفسها:يا بختهااا ‘ يارتني انا عندي واحد زي عادل..

تؤ اييييه ده!! هو انا اعرررررفه اصلاااااااا .. فوووقي بقى...

عادل بيشاور على مي للبنت اللي معاه وبعدين بيمسك ايدها وياخدها لمي..

مي بتقول لنفسها:اااه هو ده اللي كان نقصني يجيبها بقى واتغااااااظ انا.. اففف تؤ

عادل بيقدم مي للبنت اللي معاه:مي يا ستي واللي ساعدتني اجبلك القطة الحلوة دي

ودي يا مي شذى..

شذى بابتسامة جميلة وبرقة:متشكررررة اووووي بجد ‘ متعرفيش القطة دي كيوووت

اد ايييه وانا حبيتها اووووي..

مي بكسوف:على ايه بس ‘ انا معملتش حاجة ده عادل..

عادل:لا ما هو لولا اختيارك ووقفتك ‘ كنت اخترت اي قطة..

شذى:طب بقلكم ايه انا هروح اقعد مع صحابي ومي اكيييد لازم اشوووفك تاني..

مي بكسوف:ان شاء الله..

بعدين تبص لعادل وتقوله:ممكن انت كمان تروح ‘عشان حبيبتك متبقاش لوحدها

عادل:ههههههههههه حبيبتي! ههههههههههه

مي باستغراب:ايه!!

عادل:هههههههه شذى حبيبتي!! ههههههه .. شذى اختي!!

مي بفرحة بس بتداريها:ايه ده بجد! انا افتكرتها حبيبتك..

عادل:لا يا ستي مش حبيبتي.. وبعدين انا لما هجيب هدية لحبيبتي هختارها بنفسي من

غير مساعدة من حد ‘ عشان المفروض انها حاجة مني انا..

مي:اه...

عادل:احكيلي بقى يا ستي ‘ هو انا ليه بشوفك دايما لوحدك

مي باندهاش:تشوووفني!!

عادل بابتسامة خبيثة:اه .. بصي بصراحه يعني انا بقالي فترة بشوفك ودايما اجي الكافيه

هنا.. الاقيكي قاعدة على نفس الطرابيزة وبتطلبي نفس القهوة وتطلعي دفترك وتقعدي

تكتبي وتسرحي..

مي بدهشة:انت تعرفني انا!! وبتشوووفني كتيير!!

عادل:شفتي بقى! وفي يوم فضلت ماشي وراك لحد ما عرفت فين بيتك وبالصدفة

من اسبوع وانا ماشي جمب المحل لقيتك!! بقيت هتجننننن عاوز ادخل عندك باي

طريقة ‘ بس مكنش فيه سبب وانا مليش في الحيوانات ولو دخلت واستهبلت اكيد

هتاخدي بالك وتفتكريني بقى ولد عايز يتسلى وانا مليش في السكة دي..

بقيت كل يوم ارجع البيت افكر على حجة ادخل بيها محلك لحد ما جه عيد ميلاد شذى

وقلت انا هدخلك بحجة هدية ليها..

مي بابتسامة كبيرة بتسمع عادل..

عادل:بصراحة انا كنت فكرك فرنساوية في الاول ‘ لحد ما دخلت وسمعتك بتكلمي

الكناريا اللي عندك ‘ كنت هطير من الفرحة انك مصرية.. والنهاردة عملت عيد

ميلاد شذى هنا عشان عارفك هتيجي واهو جيتي واديني قلت بكل صراحة على

اللي في قلبي..

مي بفرحة:انت بتتكلم بجد يا عادل؟؟

عادل بتوتر وقلق:اه؟ ليه؟ ضايقتك ولا ايه؟؟؟

مي بتضحك:ههههه لا بس انا عمري ما تخيلت ان فيه حد بيراقبني ومهتم يعرف عني

وكمان عايز يكلمني بقاله فترة!!!

عادل بابتسامة:ايوة اسمي اندهاشك ده ايه!!

مي:ههههه مش عارفة..

عادل:طيب انا هسميه انك مش ممانعة اني ادخل حياتك ماشي...

مي بتبتسم لعادل..

عادل:بصي انا همووت واعرف انتي بتكتبي ايه في الدفتر بتاعك من اول يوم شفتك..

مي بضحك:ههههههه لا لسه مش دلوقتي..

عادل بخبث:امال امتى؟؟؟

مي:لما يجي وقته..

عادل:هعدي عليكي بكرة نتغدى سوى.. اكيد عندك وقت راحة في الضهر

مي:اه بس متعودة اتغدا في المحل

عادل:ده قبل ما تعرفيني.. ومتخافيش هنتغدى في اي مطعم قريب من الشغل..

مي بفرحة وسعادة كبيرة:مااشي

*********************

بعد شهر مي قاعدة في المحل بتكلم عصافير الكناريا ومدية ضهرها للباب وفجأة

يدخل عادل..

عادل:ممكن اقطع كلامكم بعد اذنكم

مي بتبص لعادل وتضحك:ههه ما انته قطعته فعلا

عادل:طيب انا ياستي مش جايلك النهاردة بس انا جاي عشان اشتري الكناريا

مي بحزن:ايه!! ليه؟ طب اشتري اي حاجة تانية..

عادل باصرار:تؤ انا عاوز دول

مي:انت قاصد؟؟

عادل:ليه هو انا بيني وبينك طار مثلا!

مي بحزن:تؤ طيب

عادل:هاتيهم بقى

مي بتروح تجيب الكناريا وتديهم لعادل وتقوله:اتفضل..

عادل بيغمز ليها:صاحبي هيفرح بيهم اوووي.. المهم بليل انا عازمك على العشا

مي بحزن شديد:ممم

عادل:خلاص بقى يا مي متحسسنيش بالذنب

مي بعصبية:اصل انت عارف يا عادل انا بحبهم اد اييييه

عادل:طب اعمل ايه صاحبي نفسه في عصافير كناريا وانا مش هلاقي احسن من دووول

مي:خلاص يا عادل .. روح انت دلوقتي ونتقابل بليل

*************************

بعد ساعات ولما الليل جه ‘ عادل كان قاعد في المطعم مستني مي..

مي بتدخل وكانت لابسة فستان اسود طويل باكمام واسعة وكعب عالي..

عادل اول ما يشوفها يبتسم ابتسامة واسعة:ويقلها انتي جميلة اوووي النهاردة

مي بكسوف:شكرا

عادل:بصي انا اتاخرت كتير وكان المفروض اقولها من زمان بس انا قلت هسيبلك فرصة

عشان تعرفيني وعشان مدكيش فرصة لما اقلك اني بحبك وعايز اتجوزك ترفضيني!

مي بدهشة:ايه؟!

عادل:بحبك وعايز اتجوزك ومن اول مرة شفتك وانا حاسس فيكي بحاجة بتشدني ليكي

ولما قربت منك اكتر واكتر ‘ عرفت ان احساسي مخيبنيش ابدا..

مي:هههههه ممم مش عارفة اقوول ايه!!

عادل:قولي انك موافقة

مي:انا طول عمري بحلم بواحد زيك يا عادل يجي ويقولي انه بيحبني واخيرا الحلم

اتحقق!!

عادل:يعني؟

مي:يوه بقى يا سخيف

عادل:ايوووة يعني؟؟؟ عاوز اسمعها

مي بكسوف:يعني موافقة

عادل:على ايه؟

مي:على اني اقوم دلوقتي واسيبك يا رخم

عادل:لا خلاص.. طيب يا ستي ثواني بقى

مي:ايه؟

عادل يشاور للجرسون ويقوله هات اللي اتفقنا عليه..

وبعد دقايق يطلع الجرسون بقفص عصافير الكناريا..

مي اول ما بتشوفهم تفرح اووي:ايييييه ده!!

عادل:اشتريتهم عشانك

مي بفرحة:بجد انا مش مصدقة

عادل:المهم هما عايزين يوصلولك حاجة فركزي شوية كده تحت رجليهم..

مي تبص جوة القفص تلاقي علبة صغيرة .. تفتح باب القفص وتاخد العلبة وتقفل الباب

تاني.. تفتح العلبة وتلاقي خاتم..

عادل:بما اننا في باريس مدينة العشاق فلازم يكون اعترافي بالحب رومانسي..

مي وعيونها فيها دموع الفرحة والسعادة: طول عمري كنت بدور على الحب ونفسي

اعيشه وكنت بقول لنفسي دايما امتى هتحب واحب واحيانا كنت بدور عليه.. بس اكتشفت

ان الحب الحقيقي بيبقى موجود جمبنا وحوالينا دايما بس مش ظاهر لحد ما ربنا

بيأذن ليه انه يظهر في حياتنا..

عادل:مش هتوريني بقى الدفتر

مي بكسوف:هوريك..

مي بتطلع دفترها ووشها لونه احمر من الكسوف وبتقول لعادل:بس بص انت

اقراه وانا مش معاك..

عادل:اشمعنا

مي:يوووه يا عادل بتكسف

عادل:حد يتكسف من جوزه؟

مي:اه انت كده بتكسفني اكتررر..

*******************

بعد خمس شهور وقدام برج ايفل وعلى مقعد اتنين قاعدين..

عادل بيحضن مي وبيبوس راسها ويقول:بحبك اوي يا مراتي..

مي:وانا بموت فيك

عادل:ايه رايك؟ جبتك اهو يا ستي عند برج ايفل بليل عشان انتي كان نفسك في الحب

تحت اضواء باريس.. عشان متقوليش بس حارمك من حاجه..

مي تضحك وتبص في عيونه وتقول:ربنا يخليك ليا دايما...

النهايـــــــــــــــــــة