الحلقة الثانية عشر
انا لاحمد:طيب انت ليه موقفتش الموضوع ده؟ ليه المشاكل
كبرت بينكم؟ هل كان شك دينا دايما فيك
كان بيخنقك؟؟ يعني ايه اللي خلى كل حاجة تضيع منكم؟؟
احمد:بقت رغبة ملحة عندي وانا عيني اتفتحت على حاجات
كتير ‘ ودينا مبعرفش اتكلم معاها في كل
حاجة على التشات..
انا:اه
احمد:وتلفون برده صعبة كنت بكلمها ب 400 جنيه مصروفي
الشهري وقتها ‘ وانها بعيدة عني..
انا:اها
احمد:عايزة تعرفي ايه تاني؟
انا:طيب لما اكتشفت اكاونتك التاني والبيج اللي انت كنت
عاملها؟؟ وساعتها انت قلتلها ان الموضوع
مش ماشي من عندها؟ ايه وجهة نظرك في تقصيرها؟؟
احمد:الاكاونت التان يده اصلا الاكاونت القديم واللي كان
عليه صحابي بتوع الكليه ومكنش عليه بنات..
انا:طب والبيج؟
احمد:ما كنش فيه بيج! كان اكاونت بس على الفيس؟! بيج
ايييه!!
انا:هي قالتلي انه كان فيه بيج انه احمد لافرز واسم
صاحبك كمان
احمد:اااه هههههههه البيج دي
انا:والبنات كانوا كاتبين ليك احمد بيبي حاجة زي كده!
احمد:ااه ده كان عاملها واحد صاحبي اسمه محمد
انا:اها
احمد:وكنا احنا التلاتة اصحاب اوووي ومبنمشيش الا مع بعض
انا:تمام وبعدين؟
احمد:البيج دي اي كلام والناس اللي عليها اي كلام برضو!
انا:يعني ايه؟ مش فاهمة؟؟
احمد:يعني البنات اللي كاتبين كده ولا يعرفوني ولا
اعرفهم اصلا! تيجي تسأليني تعرف واحدة فيهم
هقلك لا!!
انا:امممم ‘ طب ليه عملتوا فكرة زي دي اصلا!! انه لعبة
يعني؟
احمد:مش انا المقترح اصلا.. دول صحابي هما اللي عملوها ‘
الشعب المصري هنا بيحب نفسه ويعمل
ليه شعبية وخلاص مش اكتر..وانا فجأة لقيت نفسي معاهم..
انا:اه طب والاكاونت
احمد:الاكاونت عشان انا في الكلية وعايز ودينا مش راضية
انا:طب ليه مقلتش ليها كده لما هي عرفت؟؟
احمد:انا اتخنقت من الموضوع ده وكنت مضايق منه جدا انه
مش هنخلص بقى من ام الحوار ده!!
ولما هي عرفت رحت منفجر فيها لما قالتلي نسيب بعض..قتلها
اوك نسيب بعض وربنا يوفقك مع واحد
في البحرين والكلام ده..
انا:اتخنقت من انها بتدور وراك؟
احمد:لا من العناد انه متعملش اكاونت وانا عاوز اعمل ‘
وكل الناس عاملة وهي مش راضية.. مع العلم
انها في اليوم اللي هي عرفت فيه انا كنت ناوي اقفل
الاكاونت اللي عاملة قبل ما اعمل الاكاونت بتاعي
انا ودينا..وكنت هصحى من النوم اقفله..بس.... دي كانت
بداية النهاية فعلا..
انا:يعني الاكاونت ده اتعمل قبل ما انت ودينا تعلموا
الاكاونت التاني
احمد:اهاو لسه هقفله راح خلاص..
*******************
دينا:انا اول مرة اعرف منك انه الاكاونت اللي انا
اكتشفته ده هو الاكاونت القديم بتاعه وان الاكاونت
اللي كان عاملة معايا هو ده الاكاونت الجديد..
انا:اممم
دينا:بس اصلا هو قفل اكاونته القديم ده وبقى بالاكاونت
اللي عمله معايا
انا:اها
***************************
انا لاحمد:طب وشيرين؟
احمد:هههههههههه شيرين!! ده مجرد اعجاب مش اكتر
انا:اممم
احمد:ده كان اول احتكاك ببنت غير دينا‘ وسبحان الله كانت
بتكلمني قبل فرحها بتلات ايام وكنت
مستغرب!!
انا:اصلااااااا! كانت هتتجوز وبتكلمك!!
احمد:ااه قلها بتلات ايام وانا كنت بقلها انتي مش
مكسوووفة من نفسك وكانت بتحور اي اجابة وخلاص..
انا باندهاش:يا اخي احنا البنات علينا حاجات غرررريبة!
احمد:هتقوليلي..
****************************
دينا:اعجاب! ههههه بردو اول مرة اعرف الموضوع ده
انا:واضح اني كنت السبب في انك تعرفي المستخبي كله
دينا:ااه ههههههه بس انا كنت حاسة اصلا ‘ انا عمري ما
شكيت في اي بنت بتقرب لاحمد الا ويكون
شكي في محله..
انا:ايوة البنت لما بتحب بتحس بحبيبها اوووي..
دينا:وانا كنت مهوووسة جدا باحمد ..بس غررريبة انها تكون
بتتجوز وتعمل كده
انا:ايووووة بالظبط!!
دينا:اصلا لما كلمته من فترة قالي انها اتجوزت
انا:اه
دينا:هههههههه
انا:بتضحكي ليه؟؟
دينا:اصل لما انا واحمد سبنا بعض انا من غيظي روحت بعت
ليها مسج على الفيس انه انا سبت احمد
وبقى فاضي اهو رووحيله وخليكي جمبه بقى..
انا:مجنوووونة
*************************
انا لاحمد:طب معلش في السؤال اللي جاي ده
احمد:اتفضلي
انا:في الفترة اللي والدك اتوفى فيها دينا كانت بتقول ان
معاملتك ليها كانت وحشة اوووي
احمد:وحشة! دي كلمة قاسية
انا:اممم طب نقول متمرد!؟
احمد:دي كلمة دينا؟! دينا اللي دايما تقول متمرد
انا:اه ما هي اللي قالتلي
احمد:بصي بابا اتوفى وانا صغير وفي يوم وليلة كبرت انا
فيها كام سنة زيادة ‘ كان جوايا غضب شديد
ومبقتش اسكت ولا كنت عارف اعبر..
************************
دينا:كنت اقله يا احمد لو عايز تتكلم ‘ اتكلم انا سمعاك
بس انه متفضلش ساكت..
انا:اه
دينا:او انه عيط او اعمل اي حاجة عشان يخرج من الموود
اللي كان فيه
انا:اه
دينا:كنت بستحمل احيانا عنده وتمرده واقول بردو باباه
متوفي ولازم اراعي الشيء ده
انا:اهاا
دينا:بصي احمد كان متدلع اوي من باباه وكان بيحب باباه
جدا فقلت انه اكيد لما خسره خسر حاجة
كبيرة اوووي فكنت بحاول اعدي المرحلة دي..
*******************
احمد:مكنتش عارف اعيط ولا اعبر باي طريقة!! انتي عارفة
انا اول مرة اعيط على وفاة بابا من
تلت سنين الاسبوع اللي فات!!
انا:ياااااه
احمد:اول مرة تنزل مني دمعة كانت السبت الاسبوع اللي
فات..
انا:ربنا يصبررررك
احمد:وبعد 15 سنة بدون دمعة ده كان سبب التمرد!!
انا:اه
احمد:ممكن سؤال
انا:اتفضل
احمد:دينا بتكون عاملة ازاي وهي بتتكلم عني
انا:امممم لما بتفتكر زمان بتفضل تضحك وتبتسم
احمد:طيب حلو زي منا بعمل دلوقتي
انا:بس لما بتتكلم عن المشاكل اللي حصلت دلوقتي بينكم
بتقول انه هو اكيد دلوقتي بيكرهني
احمد:بمعنى ايه يكرهني؟
انا:انه هي بقت حاجة انت مش بتحب تفتكرها وبتكرهها
احمد:بصي للمرة المليون انا نفسي دينا تكون ام ولادي
وتكون في حضني انا مش في حضن حد تاني
بس خلاص زي ما قلتلك التعامل بينا مبقاش ظريف مني ومنها
خلاص مبقناش نعرف نتكلم مع بعض..
انا:ايوة فاهمة عليك
احمد:وتتوقعي مامتها هتوافق عليا؟؟
انا:وليه متوافقش لما انت تخلص جامعتك وهي تكون مخلصة
وانت تكون راجل قادر تفتح بيت؟! ليه
ترفض!!! اينعم هي ممكن تكون مش طيقاك شوية عشان اللي
عملته في بنتها بس وقت الجد متعرفش
ايه اللي يحصل؟؟
احمد:واللي بنتها عملته فيا ده يبقى ايه؟؟
انا:ايوووووة بنتها بقى عملت ايه؟؟ عشان بنتها عايزة
تعرف هي قصرت في حقك ازاي؟
احمد:بعد ما سبتها فضلت اجررري وراها سبع شهووور يا
فاطمة!!
انا:اه
احمد:وهي اول ما قلتلها امشي وسبيني راحت مع الريح!!
********************
دينا:اكيد لازم امشي لما يقلي كده!! انا اللي غلط في حقي
مش انا اللي غلطت في حقه
انا:ايوة بس هو فضل فترة يحاول يرجعلك فيها
دينا:انا كنت مجروحة اوي منه! وكان كتيييير بيوحشني!!
وكنت كتير بحن ليه بس مينفعش كان لازم
يستحملني اكتر لو فعلا بيحبني!!
انا:ايوة بس هو لما قالك امشي وابعدي من حياتي انتي
بعدتي على طول؟
دينا:امال اقله ايه؟ انا قلت خلاص بقى هو شاف حياته من
غيري ودينا مبقاش ليها وجود في حياته
عشان كده قالي كده!! معرفش انه قالي كده وهو عايزني افضل
معاه!!
******************
انا لاحمد:بش مش شايف انها مجروحة اوووي
احمد:مجروحة تقوم تعاملني وحش لفترة طوووويلة!! وتقعد
تقلي انت مالك بيا ولما اقلها على صورها
اللي على الفيس تقولي انا براحتي وانت ملكش حق عليا
وبابا مبيكلمنيش ‘ انت تكلمني بتاع ايه!!
********************
دينا:ايوة فعلا كنت بقله كده ‘ كنت متغاااااااظة منه يا
فاطمة!!
انا:ايوة يعني بس انتي بتعاندي في صووور!!
دينا:عشاااااان كنت عايزه منه اهتماااااام
انا:ماهو كان بيغير عليكي!!
دينا:معرففففش انا كنت متغاظة وغيرانه ومضايقة منه
*******************
احمد:وخدي من عندك ده بقى كتير..
انا:اه
احمد:من فترة قريبة كلمتني هي دينا تاني..
انا:اه ؟
احمد:كنت مبسوووط اوووووي وفي نفس الوقت مضايق
انا:ليه؟
احمد:كنت مبسوط اني بتكلم
معاها ومضايق انها لسه متعلقة بيا وبذكرياتي..
دينا:جتلي فترة في حياتي مكنتش عارفة انساه فقلت خليني
اروح اشوف الاكاونت بتاعه على الفيس
انا:اااه وبعدين
دينا:دخلت عنده ولقيت صور ليه وشوفت كومنتاته وبعدين
لقيت كومنت ليه على صورة بنت
انا باهتمام:ااه؟؟
دينا:البنت دي شكيت فيها
انا:ازاي؟؟ شكيت فيها ليه؟
دينا:انه هو ارتبط بيها
انا:ليه كان كاتب ايه؟؟
دينا:كان عملها قلب على صورتها
انا:اه؟
دينا:عرفت وقتها انه البنت دي مرتبط بيها
انا:واتأكدتي ازاي؟
دينا:كلمته ‘ دخلت عنده وكلمته وفضلنا نتكلم عادي وبعدين
سألته
انا:وقالك
دينا:بصي في الاول مكنتش فاهمة هو مرتبط بيها ولا لا
ومكنش راضي يديني اجابة صريحة
انا:وبعدين؟
دينا:عرفت بقى انه فعلا ارتبط بواحدة تانية غيري..
انا:حسيتي بايه؟
دينا:مضايقتنيش اد ما كنت بضايق من شرين بس زعلت عليها
انا:ليه؟
************************
احمد ليا:بصي عشان اكون صريح معاكي عمري ما هلاقي بنت زي
دينا ‘ مافيش حدها زيها فاهمني
انا:حتى علياء؟؟ (( البنت الجديدة اللي ارتبط بيها
احمد))
احمد:انا وعلياء مختلفين 180 درجة وانا بأكدلك العلاقة
دي مش ناجحة
انا:طيب وهتتجوزها ازاي؟؟
احمد:بوهم نفسي ‘ معنديش طاقة احب تاني يا فاطمة..
انا:بس هتتجوز علياء والعلاقة بينكم كده؟؟
احمد:مع دينا بقيت باخد بالي من كلامي كمان ودي علاقة
بردو مش هتنجح! وممكن متوصلش للجواز
وساعتها هقعد في السعودية وابقى اتجوز وانا عندي 35 سنة
ولا 40 .. انتي عشان مش عايشة في
مصر مش عارفة البنات هنا ازاي..
انا:لا عارفة
احمد:ممكن اما تخلصي القصة ابقى اقراها
انا:اه طبعا
احمد:ممكن تسميني حمزة في القصة
انا:اشمعنى؟؟
احمد:اصل دينا كان نفسها تخلف مني حمزة وهي بتحب الاسم
ده اوووي
انا:لا انت باسمك في القصة زي ماهو
احمد:طيب ممكن في نهاية القصة تكتبي ان احمد لسه بيحب دينا
وهي واحشاه وده كلامه لحد ما يموت
****************
دينا لما عرفت بالجزء الاخير اللي قاله احمد وهي
بتعيط:ياااااربي.. اد ايه كلامه على ما هو بسيط
كيوووووت..
انا:عارفة لو عيطتي تاني مش هقلك هو بيقول ايه
دينا:لا خلاص خلاص كملي..
انا:انا عايزة اعرف بقى اخر خناقة اتخنقتوها وقلتوا كلام
بيوجع لبعض كانت ايه؟؟
................
استنوني الحلقة اللي جاية......
