الحلقة الثامنة
دينا:قالي وقتها كلام
كتييير وطبعا كان بيفكرني بايام زمان وانا وقتها لما افتكرت ضعفت
اوووي وعشان كان واحشني
فرجعت اضيفه تاني على ايميلي عشان نتكلم اكتر مع بعض
لان وقتها صاحبتي دخلت
على ايميلها افتكرت اننا خلصنا كلام ومكناش لسه خلصنا فرجعت
ضفته عشان اتكلم معاه..
وقتها كان واحشني بشكل مش طبيعي وكنت عايزة انسى كل حاجة
وارجع ليه بس مكنش ينفع ‘
مش عارفة؟! بس الثقة جوايا كانت مهزوزة اووووي! وهو في
بلد وانا في بلد وكنت
محتارة اعمل معااااه ايه!! قلبي مصدق كلامه اوووي وعايز يصدق
وعقلي رافض وحاطط موضوع
الثقة بيني وبينه..
انا:وبعدين؟؟ علمتوا
ايه؟؟
دينا:تؤ بصي انا مش عايزة
تكتبي كل النكد ده في علاقتنا يا فاطمة! علاقتنا فيها حاجات
كتيررة حلوووة! مش عايزة
بس النكد يبان؟!
انا:ماشي ما انا بكتب
اللي انتي بتقوليه ‘ وانتي احكيلي الحاجات الحلوة وانا هحكيها بس كملي
الحتة دي الاول وبعدين
نقول يا ستي الحاجات الحلوة اللي كانت بينكم..
تسكت دينا شوية وترجع
تقول: عادي يعني رجعت انا وهو نتكلم على الايميل تاني بس انه مش
كحبايب ..
************************
انا:طيب يا ستي هو عمره
ما جه يزورك هنا في البحرين؟؟
دينا وهي بتبتسم:لا جه
هناااا وكانت ايام حلوووووة اوووووي
انا:طب احكيلي
دينا:اتفقنا يا ستي اشوفه
في كوستا اللي في سند (( منطقة في البحرين)) وطلعت انا مع بنات
عمتي وهما اللي وصلوني
هناك .. اووول ما شفته الابتسامة كانت هتنط من عيني.. مشيت
بسرعة ليه وروحت حضنته
وهو عمل حركة كل ما افتكرها ابتسم اوووي..
انا:ايه؟
دينا:قالي بعد ما حضنته
فين ايدك؟ فاادتهاله فقالي امسكيني متسبنيييش ‘ وفضل ماسكها لحد
ما دخلنا الكافيه وقعدنا..
انا:حلو وبعدين؟؟
دينا:المرة التانية بقى
جه وروحنا مطعم الابراج وكنا لما بنقعد مع بعض بنفضل لبص بعض
كتييير وهو كان بيبص عليا كان بيحبني كلي على بعضي كده! هو الوحيد اللي لما كان يقلي انتي حلوة
كنت بصدقه..مكنتش
بحس انه بيقول كده لمجرد يرضيني..
انا:لدرجادي المشكلة دي
كانت عملالك قلق؟؟
دينا:ايوووة كانت بس
دلوقتي خلاص..
*************************************
انا:طيب دينا معلش الفترة
دي مامتك كانت عاملة ازاي؟؟ يعني كانت لسه بتشرب بكميات
كبيرة؟ ولا كانت قللت ولا
ايه الظروف؟
دينا:لا وقت الثانوي لما
كنت انا في ثانوي كان اكتررر مرحلة امي فيها بتشرب وكان البيت
عبارة عن حرب كل يوم
وصريخ وضرب وحجات من دي بس لما دخلت الجامعة ‘ الموضوع
متغيريش كتير بس انا
ومهند اللي اتغيرنا..
انا:ازاي؟
دينا:في يوم مرات عمي حكت
ليا انا ومهند على مكان هي بتروحه متخصص لبتوع الادمان
سواء ادمان الكحول او
المخدارت ‘ معرفش اذا سمعتي عنه ولا لا هو زي برنامج كده
اسمه برنامج زمالة
المدمنين المجهولين ده موجود في كل العالم ..
انا:اااه سمعت عنه وقريت
قبل كده في رواية عنه بس انه مكان للمدمنين بتوع المخدرات
دينا:ايوة هو مكان
للادمان عمتن سواء كحول او مخدرات ‘ المهم عرفتنا مرات عمي على
المكان ده انه نودي ماما
ليه عشان تتعالج وتبقى احسن.. بس انا في الاول مكنتش بحس ان
المكان ده بيعمل حاجة
اصلا!
انا:ليه؟؟
دينا:مش عارفة كنت بحس
انهم ناس قاعدين بيقولوا كلام وخلاص ‘ ومفيش حاجة بتتتحسن
والحياة زي ماهي!!
انا:طب ومامتك لما راحت
متحسنتش؟؟
دينا:لا
انا:طب وبعدين؟؟
دينا:مهند هو اللي بقى
كويس عن قبل كده وبقى عارف ازاي يفصل حياته من حياة ماما وبابا
انا:ازاي بردو؟؟
دينا:يعني انا مكنتش بروح
دايما ‘ بس هو اللي تابع وطبعا هو بيروح في وقت مخصص للناس
اللي عايشة مع ناس مدمنة
وماما كان ليها وقت تاني خالص غيره..
انا:تمام؟ وبعدين؟
دينا:لسه فاكرة لما ماما
كانت بتتخانق مع بابا وتبدأ هي تشتمه وبابا يبدأ يضربها فانا كنت بقوم
عشان اجري الحقهم زي
العادة واحوش بينهم بس مهند كان يقلي متروحيش يا دينا ‘ وملناش
دعوة بيهم..
انا:ليه؟؟
دينا:هما قالوله كده في
الجلسات اللي كان بيروحها اننا لازم احنا اللي عايشين مع المدمنين
نفصل حياتنا عن حياة
الانسان المدمن اللي عايش معانا وان احنا لينا حياتنا الخاصة والمدمن
ليه حياته الخاصة وان
المفروض منخليش حياة المدمن تأثر على حياتنا ..
انا:اه؟ وبعدين؟؟
دينا:احنا كناس عايشة مع
مدمنين ‘احنا كمان بنبقى تعبانين ومالينين امراض مش بس هما..
وهما بيبقوا شايفين انهم
ضحية واحنا كمان بنبقى شايفين اننا ضحية.. بس انا عن نفسي
كان جوايا صراع فظييييع
..
انا:صراع ازاي؟
دينا:كنت تايهه اوووي
وكنت مش لاقية في الوقت ده من مهند ردة الفعل اللي انا مستنياها
كنت بشوفه بدأ يتأثر
اوووي بالجلسات اللي بيروحها وفصل حياته تماما عن حياة ماما وبابا
بس انا مكنتش بقدر وكنت
مهووووسة بماما اوووي ومهوسة باحمد وبالمشاكل اللي بينا..
اقلك على حاجه؟؟
انا باهتمام:قووولي؟؟
دينا:بس مش عايزة انزل من
نظر حد بس انا عملت كده غصبن عني بجد..
انا:متخافيش قووولي ‘ انا
شايفاكي ضحية واكيد غيري هيشوفك ضحية للحياة اللي انتي
عايشة فيها دي..
دينا:انا جت عليا فترة
وجربت اشرب!
انا:فعلا؟ طب وبعدين؟؟
دينا:انا فاكرة اول مرة
اصلا كنا خارجين وماما كانت طالبة بير فانا قلتلها ماما عايزة اجربه
انه بس وقتها كنت عايزة
اجرب طعمه عامل ازاي..
انا:وخلتك تجربي؟
دينا:تخيلي اه! محبتش
انها وافقت اني اجرب ‘ بس مش عارفة يمكن عملت كده من مبدأ انه
اعمل قدامها ومعملش من
وراها بس انا كرهتها لما وافقت انه ادوق طعمه! المفروض كانت
ترفض ومتخلنيييش اعمل
كده..
انا:ايوة ممكن فعلا تكون
ده مبدئها هو اينعم مش صح بس متعرفيش.. كملي؟
دينا:تاني مرة بقى جربت ‘
كنت عند عمتي التانية وعندهم جارة مش مظبوطة
انا:معلش ازاي مش مظبوطة؟
دينا:يعني بيتها غريب اوي
وشكله عجيب كده ‘ المهم روحت وشربت كاس عندها
انا:طيب ليه عملتي كده؟
دينا:كنت تايهه وضايعة
ومش عارفة اعمل ايه! حياتي كلها متلخبطة ومش فاهمة انا ليه بعمل
كده اصلا!! انا بعد ما
بعمل كده بقعد استغرب من نفسي ‘ ليييه بعمل في نفسي كده!!
انا:طيب وبعدين؟؟
دينا:بردو في الفترة دي
كنت بدات اشرب سجاير كتييير ‘ عارفة لما تحسي ان كل حاجة حلوة
في حياتك راحت منك! ماما
حالتها حالة واحمد ضاع مني! وقتها مكنتش بفكر في مين
السبب قد ما كنت بفكر ان
احلى حاجة في حياتي راحت مني!!!
انا:الكلام ده في الفترة
اللي قبل ما يرجع هو يكلمك تاني على انكم صحاب تقريبا؟
دينا:اااه هو فضل يحاول
يرجعلي تاني بعد ما سبنا بعض خالص يمكن لمدة سبع شهور
انا:اه وبعدين؟
دينا:كنت اخرج الف
بالعربية بتاعتي واشتري علبة سجاير وافضل اشرب فيها ‘ زي ما اكون
بنتقم في نفسي! من ايه؟
وليه؟ مش عارفة..
انا:طيب وبعدين؟
دينا:وكنت بتعمد اعمل
تصرفات احمد بيضايق منها عشان لما يشوفني بعملها يضايق!
انا:ازاي؟
دينا:يعني كنت اتعمد البس
قصير واتصور واحط صوري على الفيس عشان لو شافها يضايق
انا:بس انتي قلتي انكم
شلتم بعض؟ يشوفها ازاي؟؟
دينا:كنت بغير السيتنج
بتاعت الاكاونت بتاعي بحيث ان اي حد مش عندي ممكن يشوف
صوري‘ عشان لو حب يتابعني
من بعيد ‘ يشوفني كده ..
انا:ايوة بس ليه كنتي
بضايقيه ما هو كده ممكن يفتكر انك خلاص بقى بعتي كل حاجه؟؟
دينا:عارفة يا فاطمة انا
وقتها مكنتش في وعي ولا عارفة انا بعمل ايه في نفسي ولا الايام
هتوديني على فين.. زي ما
قلتلك حياتي كانت بتروح مني..
انا:طيب ليه معملتيش زي
مهند وروحتي جلسات زمالة المدمنين المجهولين؟؟
دينا:منا عملت كده فعلا ‘
لما لقتني انا بضيع وبشوف مهند بدا يبقى اقوى من زمان اوي
وقدر انه يتعايش مع
الواقع ‘ قلت اني لازم انا كمان التزم اكتر..
انا:طب احكيلي بقى هناك
الوضع كان ازاي؟ يعني بتقولوا ايه وعملتي ايه؟؟
دينا:ممكن نأجلها لبكرة
تعبت من الكلام النهاردة...
استنوني الحلقة اللي
جاية.......
