الحلقة الثالثة عشر
انا:انا عايزة اعرف بقى اخر خناقة اتخنقتوها وقلتوا كلام
بيوجع لبعض كانت ايه؟؟
دينا وهي مضايقة:مش عارفة مش بحب افتكر اخر خناقة اوي..
يمكن لان قلنا لبعض ميصحش يتقال
يمكن لان اللي حصل قبلها مكنش ينفع يحصل!!
انا:حصل ايه؟
دينا:هو وقتها كان ارتبط زي ما قلتلك بعلياء وانا وقتها
كنت بتكلم معاه وبرغي.. كنا بنحكي في كل
حاجة وفي اي حاجة..
انا:تمام وبعدين؟
دينا:لما كنا بنتكلم لقيت نفسي بقله على كل حاجة ‘ بقله
على اللي في قلبي كله ‘ وبحكيله ازاي حياتي
مش حلوة في غيابه.. وازاي مش شايفة اب لولادي غيره..بس
اضايقت منه اوووي وقتها..
انا:ليه؟؟
دينا:عشان انا كنت بحكي كل حاجة وطلعت كل اللي في قلبي
وهو متكلمش! مكنش بيتكلم غير عن
الجامعة والاخبار بتاعتها.. كان بيتكلم في كل حاجه وعن
اي حاجه تانية الا عني انا!!!! حسيت
زي ما اكون بشحت الحب منه..
انا:امممم
دينا:المهم بعدين قلتله حاجه ومش فاكرة ايه الحاجه دي
ولقيته بيقلي انتي قليلة ذوق! انا الكلمة دي
صدمتني اووي!
***********************
احمد ليا:وقتها فعلا اتكلمنا تاني وكنا بنهزر وكانت
بتقولي حجات بتضحك فكنت بضحك
انا:تمام؟؟
احمد:لقيتها بتقلي هو انت اي حاجة اقلها كده تقوم تضحك!
فقمت قلتلها انتي قليلة ذوق
**************************
دينا:جرحنا بعض بالكلام اوي وقتها.. مش عايزة اقول قلنا
ايه بالظبط بس مجمل الكلام انه هو قالي
انا غلطان اني رديت عليكي وانا قلتله انت متستاهلش حبي..
انا: وبعدين؟؟
دينا:رد عليا قالي انا مستاهلش حبك انا استاهل اكتر من
حبك وعلياء اللي مش عجباكِ دي بتحبني
اكتر منك ده وانا اللي بكلمك وبحاول اصالحك.. روحي يا
دينا ربنا يحنن عليكي وطبعا عاملي
بلوك على الفيس فقمت دخلت باكاونت تاني ليا عنده على
الفيس واتعمدت اروح للستاتس علياء
كاتبة ليه فيه وقمت عملتله قلوووب وكتبتله انبوكس بيبي..
انا:اووووبس وبعدين؟
دينا:بعتله قلتله طب ربنا يخليلك علياء بقى ولما هي كده
بتيجي تكلمني ليه!! ولا هي مش مالية عينك
انت خاين وهتفضل طول عمرك خاين..
انا:اممم كلام ميصحش يتقال..
دينا:صح انا غلطت لما قلت كده ومكنش ينفع اننا نوصل
للمرحلة دي في كلامنا بس وقت الوجع كل
حاجة فيكي بتتعمي وعلى اد وجعك ممكن توجعي اللي قدامك
حتى لو انتي مش عايزة ده يحصل!
انا:طيب وبعدين؟؟
دينا:قعدت اقنع نفسي بقى انه خلاص احمد عاش حياته وقرر
يستقر ويبني بيت مع حد غيري
وخلاص هو مبقاش شايف اني انفع اكون زوجة ليه فلازم انا
كمان اخد بالي من حياتي..
انا:حبيتي حد غيره؟
دينا:لا لسه محبتش بس اكيد هيجي يوم وهحب رغم ان فيه واحد
حاول يدخل في حياتي ..
انا:مين ده؟؟
دينا:واحد عايش هنا في البحرين كمان هو اكبر مني بسنتين
باين ولا سنة ‘ اتعرفت عليه في شغل
كنت بشتغله وهو حاول يقرب مني بس انا مكنتش بفكر فيه لحد
وقت قريب..
انا:وايه اللي حصل خلاكي تفكري فيه؟؟
دينا:امممم بعد اخر خناقة واللي حصل فيها بيني وبين احمد
كلام ميصحش يتقال رجعنا نتكلم تاني..
انا:ايه!! تاني!!
دينا:اااه ورجعنا برضو نتكلم في اي حاجه وعن اي حاجه لحد
ما بردو ضعفت وقلتله وقتها حاجة
مكنتش متوقعة في يوم اني اقلها!!
انا:ايييييه قلتي ايه؟؟
دينا:قلتله احمد سيب علياء وخليك معايا انا
انا:احم
دينا:مش عارفة انا قلت كده ازاي!! بس تصوري من كتر ما
مشاعري كانت مستحوذة تفكيري
وعقلي وقتها لقتني بقلها لييييه ويارتني ما قلت..
انا:عمل ايه؟؟
دينا:قالي هقفل دلوقتي ومن وقتها متكلمش معايا تاني..
*******************
احمد:اضايقت جداااا انه جاية بكل بساطه تقوليلي كده!!
بعد اييييه؟!!
انا:اممم
احمد:بعد شهوووووووور طوووويلة من غير حتى مسج ولا
مكاااالمة!! لو كنت وااحشك كنتي فين
قبل كده؟؟؟! كنتي سايباني مع نفسي..
*****************
دينا:انا مش زي ما قال اني مدورتش عليه ولا افتكرته.. هو
بس اللي مقراش اللي بعته ليه
انا:بعتي ايه؟؟
دينا:بعت ليه مسج من اكاونت تاني غير اكاونتي اسأل واطمن عليه
..
انا:اممم
دينا:وحتى لما كنا بنتكلم في فترة من الفترات كنت بقوله
ان حياتي بعدك متسويش حاجه.. وهو مكنش
بيقولي حاجه .. فميجيش ويقول اني متكلمتش ولا حاولت ادور
عليه..
انا:اها
دينا:هو متخيل اني هكلمه كل يوم عشان يرجعني بعد ما خاني
مرة واتنين وتلاتة!!مش طبيعي
اد ايه موجووعة لان في الاخر طلعت من وجهة نظره الغلط
كله عليا..
انا:لا يا دينا انتوا الاتنين مش راضيين تدوا لكل واحد
فيكم فرصة يسمع التاني! انتوا الاتنين
كل ما ترجعوا تتكلموا كل واحد يرمي اللوم على التاني..
هو شايف انه جري وراكي كتير وتعب
عشان يرجعك ومقدرتيش ده وشايفاه لسه غلطان وانتي شايفه
انه بعد كل حبك ليه وكلامك معاه
رغم انك عارفة انه بقى مع واحدة تانية وبتستحملي وجع
الغيرة وانه مبقاش ملكك وبقى ملك واحدة
تانية انه بردو بيرمي الغلط عليكي كله..
دينا:.....
انا:انتوا محتاجين تدوا فرصة للحب اللي جواكم لو لسه
موجود فعلا فرصة انه يتنفس!!
دينا:هو خلاص شاف حياته يا فاطمة وعايشها وعدى مرحلتي
ومعتقدش انه لسه بيحبني هو بس
لسه باقي على العشرة..
انا:وهو كمان شايف انك خلاص مبقتيش تحبيه.. وانا بقى
شايفة ان انتم الاتنين لو عايزين تنقذوا الحب
اللي بينكم ده بطلوا توجعوا نفسكم قبل ما كل واحد يوجع
التاني...
دينا:صدقيني انا حاسة اني اخر مرة لما قلتله سيب علياء
وتعالى معايا رميت كرامتي في الارض..
انا:وهو بردو داس على كرامته عشانك..
دينا:يعني انا الغلطانة؟؟
انا:انتوا الاتنين غلطانين لانكم عاملين تدوسوا على
قلوبكم والحب اللي كان بينكم قبل ما تدوسوا على
بعض..
دينا:خلاص هو ربنا يوفقه في حياته وانا كمان اكيد هيجي
يوم ويوفقني في حياتي...
انا:مامتك عاملة ايه؟؟
دينا:خايفة في يوم اصحى ملقهاش جمبي...
انا:لييه كده بعد الشررر
دينا:حالتها بقت بتسوء اكتر يا فاطمة.. تصحى الصبح
متفطرش تفضل تشرررب وتدخن سجاير
كمان ومبتاكلس طول اليوم غير وجبة واحدة بس وتفضل تقضيها
شرب شرب.. حاسة زي ما تكون
بتحاول تنتحر!!
انا:ليه حالتها النفسية متدمرة؟؟
دينا:اعتقد اه.. هي لما نفسيتها بتبقى وحشة بتعمل كده في
نفسها بس الفترة دي بقت بزيادة اوووووي..
بجد بقيت خايفة في يوم تموت..
انا:وباباكي فين من كله ده؟
دينا:معرفش.. هو السبب او مش هو مبقتش عارفة..
انا:طب يعني مفيس سبب معين بيخليها تعمل كده يا دينا
دينا:لا هي لما بتتضايق فتقوم عايشة جو الدراما وتفضل
تشرب وتشرب.. حتى لما تيتا الله يرحمها
ماتت واللي هي مامتها توقعت انه خلاص بقى المفروض تبطل
بس مبطلتش ‘ بالعكس دي بقت تشرب
بزيادة عشان تنسى!! بس مفيش حد بينسى .. انا اهو جربت
عشان اعرف هي بتعيش ازاي لما تشرب
ومنستش اي حاجة بالعكس كرهت نفسي اوووي..
انا:المهم انتي حاولي دايما تروحي الجلسات وتستمري
فيها..
دينا:انا كمان دلوقتي بروح محاضرات بعنوان اكتشف الاسلام
..
انا:بتتكلم عن ايه دي؟
دينا:بتتكلم عن حياة الرسول صلى الله عليه وسلم وسيرته ‘ المحاضرات دي لما
بروحها بحس ان بعمل
حاجة حلوة في حياتي..
انا:طيب حلوووو اوووي يا دينا والله.. انا زي ما قلتلك
انتي من جواكي طيب اوي
دينا:تعرفي انا في الايام الاخيرة بفكر في الموت..
انا:لاااااااااا بعد الشرررر عليكي
دينا:ما ده اللي بقوله لنفسي اموووت كافرة!! انا بس لو
اضمن اني لو عملت حادثة مش هموت كنت
هروح اعملها عشان اهلي بقى يفوقوا من اللي هما فيه
ويهتموا بيا وياخدوا بالهم مني ومن مهند ومن
حياتنا..
انا:لاااااا يا دينا متفكريش بالطريقة دي..
دينا:منا بقلك لو اضمن بس اني مش هموت لكن للاسف اخاف
اتهور واموت كافرة! مش كفاية ان
حياتي غلط..مش ناقصة..
انا:صح استمري بس انتي في الجلسات بتاعت زمالة المدمنين
المجهولين وفي المحاضرات بتاعت
اكتشاف الاسلام دي.. وشيلي اي افكار وحشة من دماغك
ومتعرفيش الدنيا مخبية ايه! ويا عالم
ايه اللي يحصل؟ مش يمكن انتي واحمد ترجعوا لبعض..
دينا باتسامة هادية:شكرا ليكي انك سمعتيني ودوشتي نفسك
بقصة حياتي وكتبتي كمان القصة
ويارب يستفيدوا منها باي حاجة... ويا عالم مش يمكن اجي
بعد كام سنة واقلك اكتبي الجزء التاني
منها..
انا:بصي بجد القصة دي تعبتني اوووي ‘ لاني بجد دخلت في
التفاصيل اوي فحسيت اني جوة الدوامة
معاكي.. وفعلا يا عالم يمكن اكتب بعد كام سنة الجزء
التاني ليها.. خدي بالك من نفسك ومن مهند..
وربنا يوفقه هو كمان في حياته..
دينا:مهند قدر يبعد نفسه عن مشاكل البيت واللي بتحصل وده
لما راح الجلسات بتاعت زمالة المدمنين
المجهولين فياريت انا كمان يبقى عندي نفس الايمان
والارادة اللي عنده واقدر اخرج برة دايرة اتولدت
لقيت نفسي فيها...
انا:ان شاء الله تبعدي عن كل ده وحياتك تبقى احسن ويشفيلك
مامتك يارب..
********************
الانسان بيمر في حياته بدوامات كتيرة ‘ المهم هو في كل
مرة بيخرج منها ازاي؟؟ والصراع النفسي
اللي جوة اي حد فينا ممكن يقسمه نصين.. نص حابب يروح
للخير ويعمل حاجة حلوة في حياته
برغم الشقا اللي بيشوفه ونص تاني بيحاول يدمر جوة
الانسان نفسه كل حاجة حلوة..
دينا عاشت حياتها ومازالت عايشة وهي جواها مقسوم نصين..
نص بيحب كل حاجة في حياتها حتى
مامتها ونص بيكره كل حاجه وبردو بيكره مامتها..
مش بلوم احمد ولا بلوم دينا يمكن لاني شفت الحكاية من
برة الصندوق اللي هما الاتنين حطوا نفسهم
فيه.. جايز هما الاتنين محتاجين النضارة اللي انا شايفة
بيهم حكايتها عشان يعرفوا هما عايزين ايه
بالظبط ولحد ما يجوا ويشوفوا بالنضارة بتاعتي يا عالم كل
واحد فيهم هيكون عايش حياته ازاي...
********************
انا لدينا:مش عايزة تقولي حاجة في اخر القصة؟؟
دينا:حاجة واحدة بس دايما بتفضل في بالي اتعلمتها ومؤمنة
بيها جدا..
انا:ايه هي؟
دينا:
"اللهم امنحني السكينة لأتقبل الأمور التي لا أستطيع
تغييرها ..
والشجاعة لأغير الأمور التي أستطيع تغييرها..
والحكمة لأعرف الفرق.."
النهايـــــــــــــــــــــــة
