صرخة مراهقة
صوت صريخ في اوضة حنين والاوضة
ضلمة وشعاع نور من بعيد بيظهر تدريجيا
حنين:حرام عليك لاااااااااااااا حراااااااااااام.
صريخها بيكون ممزوج بصوت ضحكات شريرة
موسيقى تصويرية مرعبة
وفجأة تصحى حنين مرعوبة من كابوس وتدخل مامتها بسرعة الاوضة
تفتح الام النور وتجري لحنين اللي بتكون غرقانة في عرقها ودموعها نازلة
بغزارة
ليلى مامة حنين:مالك ياحبيبتي؟؟
تمسح بايدها على شعر حنين وتقرأ
القران في ودانها عشان تهدا..
تبص حنين حواليها في كل مكان وتقوم مغمض عينها وتنام بهدوووء
*********************
في حديقة بيت حنين وكانت عايشة في فيلا ‘ والفيلا ملحق بيها حديقة واسعة وفي
نصها فيه طاولة كبيرة وحوليها خمس كراسي. وورا الطاولة على اليمين في ركن
الحديقة فيه مرجيحة قاعدة عليها حنين وهي سرحانة..
تيجي مامتها من بعيد وتفضل تنادي حنين لكنها كانت سرحانة ومش سامعة
ليلى:حنيييين,نوني يانوني
تبص ليلى باندهاش لحنين وتقول لنفسها
ليلى:تؤ الله مالها دي؟
تقرب ليلى من حنين وتفضل تشاور بايدها قدام عين حنين عشان تاخد بالها لحد
ما
تاخد بالها..
ليلى:ايه ياحنين سرحانة في ايه؟
تفوق حنين من سرحانها وتقول بكل برود:مفيش
ليلى باستغراب :مفيش؟ده انا بنادي من الصبح عليكي وانتي ولا هنا
حنين:مخدتش بالي
ليلى:احوالك مبقتش عاجباني
تبص حنين ليها ببرود وحزن وتقوم لافة وشها لناحية بعيد...
**********************
تقعد ليلى مع جوزها خالد في اوضتهم .. واللي تكون متكونة من سرير كبير
ودولاب
كبير وملحق بيها حمام وعلى الحيطة اللي قدام السرير متعلق تلفزيون بلازما
كبير..
تقعد ليلى جمب خالد على السرير وتقوله
ليلى:البنت مبقتش طبيعية
خالد:ايوة صح بقالها فترة متغيرة!
ليلى:تخيل النهاردة بنادي عليها وهي ولا هنا
خالد:طب ماتسأليها شوفي مالها؟
ليلى:تعبت وبعدين انت مش ابوها متشوفها انت كمان
خالد:ابوها ياستي بس انتي عارفة البنات قريبين لمامتهم اكتر!!
ليلى:دي مبقتش تتكلم خالص وطول الوقت سرحانة
ولما اسالها مالك تلف وشها وتقلي مفيش!
خالد:تفتكري تكون بتحب؟؟
ليلى:تحب ايه ياراجل دي ماكملتش 14 سنة
خالد:يعني هو جيل اليومين دول بيفرق معاه سن
تكت ليلى شوية وبعدين تبص لخالد وتقوله
ليلى:بردو لو بتحب ده منظر واحده بتحب!
********************************
تدخل ليلى على حنين في اوضتها
فتلاقيها قاعدة في الاوضة وهي ضلمة ومقرفصة فوق السرير
تفتح النور وتقول بعصبية
ليلى:لا الحالة دي مايتسكتش عليها
تبص ليها حنين وتسكت
فترجع ليلى بعصبية تقول
ليلى:مالك فيكي ايه؟انطقي
ولما متلقيش رد
تصرخ وتقوول
ليلي:لا ماهو بصي انتي لازم تتكلمي,ايه بتحبي؟ممتخانقة مع حد؟
حد ضربك؟ حد هزقك؟؟ حد سررررررق منككك حاجة!!!!!! في اييييييييه
ولما متلقيش من بنتها اي ردة فعل فتروح ليها وتهزها بايدها الاتنين وتصرخ
في وشها وتقولها:
انا مش بكلمكككك!! ما تنطقي في ايييييه؟!!! زي مايكون ماتلك حد
تفضل حنين تبص على مامتها في هدوء
فتزهق منها مامتها وتخرج من الاوضة
وهي بتصرخ وتقول:انا غُلبت معاكي وتعبت .. انا هروح اقول لابوكِ يشوفله
صرفة
معاكي! دي حاجة بقت تقرف..
****************************
في مدرسة حنين ‘ كانت قاعدة حنين في الفصل لوحدها مستنية اليوم الدراسي
يبتدي
يدخل صحابها الفصل فتيجي صاحبتها الانتيم ريهام وتقولها
ريهام:ايه يا حنين مجتيش الطابور ليه؟؟
حنين:....
ريهام:حنين؟! طارق عمال يناديكي ؟!
حنين:....
ريهام:حنيييين!!
يجي طارق زميلهم في المدرسة يقف قدامهم
طارق:نوني؟ مجتيش الطابور ليه؟؟
حنين:....
طارق لريهام:مالها؟؟
ريهام باندهاش وخوف:مش عارفة! انا دخلت لقيتها قاعدة سرحانة ومبرقة كده
وبكلمها
مش معايا؟؟
طارق بيقرب من حنين ويمسك ايدها عشان تاخد بالها واول ما حنين تحس بيه تقوم
تزقه جامد وتصرخ وتقول:ابعددددد عني ابعددددددددد ‘ اووووووعى تلمسني
تانيي!!
اووووووووعى..
طارق بقلق وخوف:انا ااسف بس بس انا مقصدتش اخوووفك؟؟ في ايه يا حنين؟؟
حنين لريهام:ابعديييييه انا بكرههه بكرههه ابعدييييييييييييييه
ريهام خايفة على صاحبتها وقالت لطارق:ابعد انت دلوقتي يا طااارق معلللش..
طارق يروح يقعد مكانه جمب مصطفى..
مصطفى لطارق:مالها حنين؟؟
طارق:مش عارف!!
مصطفى:تفتكر عرفت انك خرجت مع منى؟؟
طارق:مش عارف! بس دي زقتني!!! وقالت بكرهه!!
مصطفى:تبقى يا معلم عرفت...
تيجي ريهام ليه وتقوله:طارق انت عملت ايه لحنين؟
طارق:والله ما عملت حاجة يا ريهام!!
مصطفى بتريقة:صحبتك شكلهاا اتجننت
ريهام تبص ليه جامد وتمشي وتسيبهم..
ريهام ترجع تاني لحنين وتقولها:مالك يا حنين؟؟
حنين:....
ريهام:طيب انتي زعلانة مني؟؟ هو انا عملتلك حاجه؟؟ طيب عرفتي حاجه عن طارق
وحشة؟؟ ما تتكلمي يا حنين؟؟ متسبنيش قلقانة كده؟!
تتضايق حنين وتقولها بعصبية
حنين:اسكتي بقى مش عاوزة اسمع صوت حد
فتندهش ريهام من ردة فعل صديقتها
وتسكت
***************************
يقعد خالد في مكتبه مع مراته وصاحبه يتناقشوا في موضوع حنين
خالد بحزن:غلبنا انا وامها ان نعرف مالها وبمتنطقش
حسين:طب ماتعرضوها لدكتور نفساني؟
ليلى:قلت لابوها كده قالي انتي عاوزة تجننيلي البنت
حسين:لا جنان ايه بس وكلام فارغ
خالد:كان عندي امل امها تعرف مالها؟
حسين:طب ماتجبوها وانا اسالها يمكن اعرف منها
ليلى:اه ياريت دي حتى بتموت فيك استنى اناديها لك
تخرج من المكتب وتناديها فتدخل معاها المكتب
فيقوم حسين ويأخذها بالاحضان فتزقه بعيد عنها
فيقول لها حسين:اهلا حبيبة عمو
حنين:......
فيقعد حسين ويقول لها :اقعدي ياحبيبتي
حنين بغضب :مش عاوزة
خالد:فيه حد يتكلم كده ماتحترمي نفسك يابنت
حسين:سيبها على راحتها ياخالد
خالد:لا دي بقت قليلة الادب وسايقة العوج
حسين:طب اهدى انت بس
ليلى:اقعدي ياحنين ربنا يهديكي
بعند واصرار تقول حنين:مش قاعدة
حسين:ليه بس ياحبيبتي مالك؟
تنظر الى السقف وتأفف
ومتردش
حسين:كده مش عاوزة تردي على عمو؟
تقوم حنين ماشية وسايبة المكتب
ليلى:انا اسفة ياحسين والله بس البنت شكلها اتجننت بجد! وردودها وتصرفاتها
بقت
عنيفة جدا!!!
*****************************
تقعد حنين في اوضتها لوحدها ومقرفصة على نفسها وتقعد تفتكر..
فلاش باك لصورة بنت عمالة تصرخ في اوضة ضلمة
البنت:لاااااا حراااااااام.. عشاااااان خاطري بلااااش.. بلااااااااش
صوت صريخ البنت مع موسيقى تصويرية مرعبة
تحط حنين ايدها على ودانها وتغمض عينها جاااامد ‘ وتفضل تصرخ جااااااامد
وتعيط
بانهيار شديد...
حنين:حرااااااااااام لاااااااااا عشان خاطري هقول لبابي هقوووووله
تدخل ليلى بسرعة ووراها خالد الاوضة..
يلاقوا حنين قاعدة في ركن في الاوضة ومتكورة على نفسها وحاطة ايدها على
ودانها
ومغمضة عينها جامد اوووي وبتتشنج وعمالة تتكور على نفسها..
حنين:حراااااااام عشان خاطري سبني لاااااااااا سبني سبني
تجري ليلى وتاخدها بخوف في حضنها
ليلى:مالك ياحبيبتي فيكي ايه؟فيكي ايه؟
تتشنج حنين اكثر
الاب بخوف وبسرعة شديدة يجري يشيلها ويجري بيها على العربية عشان يروحوا
المستشفى....
******************************
تقعد ليلى جمب حنين تعيط..
يدخل خالد الاوضة ويقول:انا دفعت المصاريف.. الدكتور بيقول انها هتقعد 3
ايام
وبعد كده لو الحالة رجعت لها لازم تدخل المصحة..
ليلى برعب:مصحة!! لييييه؟؟؟ بنتي فيها اييييه؟؟
خالد يقعد على الكرسي ويقول:حالة اكتئاب حاد نتيجة صدمة عصبية
تبص ليلى على حنين اللي نايمة نتيجة اثر الحقنة المهدئة وتقول:يااارب وده
من ايه بس؟؟
خالد:خلاص بقى البنت نايمة متزعجهاش
ليلى:حاضر
يقعدوا في هدوء لحد ما تدخل ريهام وتحط الاول بوكيه الورد على الكرسي
وبعدين
تسلم على ليلى..
ريهام:سلامة حنين يا طنط
ليلى:الله يسلمك..
ريهام:ههو ايه اللي حصل بالظبط يا طنط
ليلى:دخلنا انا وباباها عليها لقناها بتصرخ وتتشنج!!
ريهام:حنين بقالها فترة غريبة جدااا وانا حاولت اعرف بس مكنتش بتحكي! وكانت
دايما ساكتة وبتتعامل بعنف اووووي.
********************************
بعد تلت ايام خرجت حنين مع عيلتها وكانوا في العربية مروحين على البيت..
حنين كانت قاعدة ورا ساكتة وبتبص من الشباك والهالات السودة تحت عينها
بطريقة
فظيعة..
تبص ليلى على بنتها من المراية فتدمع على حال بنتها وبعدها يبص خالد لليلى
ويأمرها
انها تبطل عياط عشان حنين متحسش بحاجه..
بعدين يبص لحنين من المراية ويقولها:ها يانوني تحبي تتفسحي فين؟
تبص حنين من المراية ليه وتفضل ساكتة...
خالد :محنا هنتفسح هنتفسح حتى هكلم عمو حسين وريهام جاية معانا
تسمع حنين كلام باباها وتفضل بردو ساكتة..
واول ما يوصلوا البيت ‘ تطلع حنين على اوضتها وتفضل قاعدة لوحدها
تسمع تاني صوت الصريخ اللي بتسمعه دايما
بتحاول تصرخ عشان الصريخ يوقف من جواها لكن مفيش فايدة ‘ بتحس انها اضعف
بكتييير من ان صوتها يطلع..
يتقوم تقف وتروح قدام المراية ‘ بتلاقي وشها اصفر جدا وخاسة جداااا والهالات
السودة تحت عينها بطريقة فظيعة وفجأة تلاقي وش عمال يجي ويروح بدل وشها
في المراية وفي نفس اللحظة صوت الضحك اللي بطريقة مستفزة ويجي في
النص صوت الصريخ ‘ تمسك ودانها جامد وتفضل تتنفس بطريقة سريعة جدا
وتبعد بسرعة من قدام المراية وترجع تتقرفص تاني على السرير...
*************************
بليل كانوا في المطعم اللي قرروا انهم يسهروا فيه.. حنين قاعدة وجمبها ليلى
وريهام وخالد وحسين قاعدين قدامهم..
الكل عمال يتكلم ويضحك وحنين قاعدة ساكتة
ريهام:مش هتاكلي بقى يانوني
حنين:مش عاوزة
حسين:حد يبقى معاه صحبته اللي زي القمر دي ومياكلش
تخجل ريهام
فيضحك حسين مقهقها
تفتكر حنين صوت الصرخات اللي جواها وكان بيعلى شوية بشوووية
حنين فجأة بتقف وتبدأ تترعش جامد وتقول بغضب:عايزة اروووح!
خالد:ليه ياحبيبتي
حنين:مش عاوزة اقعد
ليلى بتبص على بنتها وتبص على ايدها تلاقيها بتترعش جامد فتبص لخالد نظرة
بمعنى انه بص على بنتك ولما يبص ويلاقيها بتترعش جامد فيخاف فيقولها:
ماشي مم ماشي هنروح اهو يا حبيبتي .. هنروح.. معلش يا جماعة بس احنا
لازم نروح..
ريهام:بس بابا مش هيقدر يجيد لوقتي
خالد:خلاص تعالي نروحك
حسين:لا روح انت عشان حنين شكلها تعبانة وانا هروحها
الصوت الصريخ اللي جوة حنين يبدأ يعلى اكتررر وتبدا الدنيا تلف بيها بسرعة
وبدل من منظر المطعم تظهر صور لمكان تاني وكأنها بتتفرج على حاجه بتحصل
قدامها..
تصرخ حنين وتقووول:عااااااااايزة ارووووووح!!!
*****************************
حنين قاعدة في اوضتها في الضلمة
عمالة تبص على السقف وتفتكر
فلاش باك..
فيلا جميلة جمب فيلتهم
الدنيا نهار وهي راجعة من المدرسة الساعة 3 العصر
صوت الاول:تعالي حبيبتي ماتخافيش
صوت الثاني:لا بس اصل ياعمو لازم اروح
صوت الاول:تعالي هنا بس هوريكي حاجة حلوة خالص
ايد بتسحبها لجوة
دخان السجاير مالي المكان .. وجمب التلفزيون كاس مليان وازازة ويسكي جمب
الكاس.. موسيقى عالية في المكان.. وايد بتقرب منها وبتقعدها على الكنبة
وفجأة
بتفك حزام المريلة ..
بتحاول تقاوم وتقوم بس الايد كانت اقوى منها وضربتها .. نفس الايد بتتحرك
بسرعة
على جسمها وبتحاول تتعدى عليها.. بتحاول تصرخ جاااااامد بس صوت الموسيقى
كان اعلى منها وكل ما صوت صريخها يعلي اكتر ‘ صوت الموسيقى يعلى ويعلى..
موسيقى مخيفة ودخان قدام حنين وهي بتحاول بايدها تبعد جسم بيحاول ياخد حقوق
مش حقوقه..
بتصرخ:حرااااام عليييييك لا حراااااااام عليك يا عمووووو
صوت ضحك بطريقة مخيفة وصريخ حنيين بيضيع مع دخان السجاير...
وتستمر الايد تفتح في زراير قميص حنين وهي بتعيط وتترجى:
بلاااااش يا عموووو هقوووول لباااابي عشان خاطررري يا عموووو.. انا عملتلك
اييييه.. عشان خااااااطري بلااااااش بلاااااااش..
تفوق حنين من ذكرياتها وتجري قدام المراية فتلاقي بدل وشها وش ريهام ونفس
الصرخة جوة ودانها عمالة تزيد وتززيد لدرجة انها مبقتش مستحملة..
جريت حنين على المطبخ وخدت سكينة وخرجت بسرعة من البيت من غير ما اهلها
يحسوا وجريت على الفيلا اللي قريبة من فيلتهم ودخلت من باب المطبخ..
لقت حسين صاحب باباها ونفس الدخان بيحاول يقطع فستان ريهام..
وريهام بتصرخ وتقوله:لاااااااا حراااااام يا عمووووو
لاااااا عشاااااااان خاطرررري لااااااااا
شافت حنين نفسها مكان ريهام ‘ جريت باقصى سرعة وقبل ما حسين يكمل وقامت
طعنته في ضهرة بالسكينة كذا مرررررة ومع كل مرة كانت تسمع وشتوف ضحكته
فتقوم تضربه اكتر..
ريهام بتصرخ وتعيط وتحضن حنين وتقولها:كفااااية يا حنين ماااات والله
ماااات..
حنين بتضحك بهستيريا: خلاااااص مااااات .. انا مووووته انا موووووته
ريهام بتحضن حنين جامد وبتترعش ....
دقايق والبوليس في المكان وحنين وريهام الاتنين قاعدين على الكنبة والجثة
قدامهم..
ريهام منهارة من العياط وبتترعش جامد وحنين قاعدة تبص على الجثة اووي
وتبتسم
وتقولهم:
انا اللي قتلته زي ما قتلني وكان هيقتل صاحبتي....
النهايـــــــــــــــــة
