الحلقة العاشرة
وفجأة دخلت بنت تقريبا في
اواخر العشرينات.. كان ممكن تكون دخلتها عادي بس اللي شدني
فيها انها داخلة وتحس
انها معيطة ‘ او ماسكة نفسها من العياط. كمية الحزن اللي في عينها
مش عادية ‘ حتى نظرات
عينها تحس انها بتدور على حاجة او بتهرب من حاجة ‘ او خايفة
من حاجه..
فضلت طول الوقت اللي انا
فيه ببص على العيون كلها ‘ لقيت تقريبا نفس الحزن موجود في
كل عين ببص فيها ‘ نفس
الامل اللي جاي من بعيد انهم يعيشوا حياة احسن..
كل واحدة او واحد كان
بيتكلم كان بيشارك همومه من قلبه وكانوا بيبقوا متأكدين انهم كلهم
عندهم نفس الحاجة
المشتركة..
من الحاجات اللي عجبتني
في المكان ده بجد الامل وقوة الارادة اللي جوة قلوبهم انهم يغيروا
واقع هما صحيوا في يوم
لقوا نفسهم فيه ورافضينه تماما..
بعد ما كل واحد خلص كلام
وزي ما قلت اي حد بيتكلم بيبتدي كلامه:هاي انا فلان
والكل يرد عليه في نفس
الوقت هاي فلان..
وطبعا جه الدور عليا اني
اتكلم بس يمكن لاني لاول مرة احضر كنت محتاجه اسمعهم اكتر
ما انا اتكلم فقلتلهم:انا
النهاردة جاية اسمع..
بعدين خرجت انا ودينا..
دينا:ها ايه رايك؟؟
انا:المكان رووعة اوووي
دينا:بس انتي كنتي
مكسووفة ومتكلمتيش
انا:مش عارفة بقى ..المهم
انتي متكلمتيش كتير! ايه كنتي مكسوفة مني؟؟
دينا:لا بالعكس والله بس
مش عارفة بس انا قلت اللي عندي مكنش عندي حاجة اقولها كتير..
انا:اها.. تمام..
دينا:عارفة وحشني احمد
اوي.. مش عارفة بس افتكرت ايام اسكندرية والمغامرات اللي عشتها
معاه..
انا:افتكرتي ايه؟؟
دينا:كنت في مرة في
اسكندرية وكنت مسافرة لوحدي ماما مكنتش معايا ‘ فكنت مع خالتو
وبعدين قلتلها انا رايحة
السيبر وخرجت معاه ‘روحنا مطعم جنب كارفور جنب البيت
في محرم بيه..
انا:وبعدين؟
دينا:قعدنا ساعة تقريبا
وبعدها روحنا السيبر قووولي لقيت مين؟
انا باهتمام:ميييين؟!
دينا:ههههه خالتو كانت
مستنيانا هناك وطبعا شافتني مع احمد وقعدت تزعقلي انه ليه تكدبي
عليا وتقولي انك رايحة
السيبر..
انا:ايوووة طيب وانتي ليه
كدبتي عليها؟! لما هي عارفة عنك انتي واحمد!!
دينا:اممم اقلك يا ستي
عشان انا نزلت في وقت متأخر فمكنتش هترضى اني اقابله طبعا..
وانا بصراحة وقتها كنت
هموووت واشوفه فقلتلها بقى اني رايحة السايبر عشان اشوووفه بس
والله كانت احلى مغامرة
عشتها في حياتي.. اصلا حياتي كلها معاه جنون في جنون..
انا:يعني الوقت المتأخر
ده كان الساعة كام؟؟
دينا:اعتقد كانت الساعة 9
انا:اهااا
دينا:عارفة! انا نفسي
اعرف انا عملت ايه لاحمد.. يعني انا اكيد غلطت في حقه ونفسي اعرف
غلطت في ايه ولا قصرت
معاه في ايه؟؟
انا:وانتي متعرفيش؟
دينا:لا معرفش ‘ هو قالي
ان الحكاية لوكانت مكملتش فده بسببي انا وانا شايفة انه بسببه هو
بس بجد انا مش عارفة لو
بسببي انا فده عشان ايه؟؟ بجد نفسي اعررررف اوووي الغلط
اللي غلطته..
***********************
***********************
يومها رجعت البيت وقعدت افكر في كلام دينا كله وحسيت انه
فعلا لو بكتب القصة فاانا اكيد بكتبها من
وجهة نظرها هي لوحدها وانه اكيد فيه حلقات مفقودة او
ناقصة ممكن احمد يحكيها عنها.. فجه على
بالي اني اروح ادور على احمد واكلمه وفعلا قعدت كذا يووم
محتارة اووووي من اللي هعمله ‘ وياترى
لو جيت وسألت احمد هيضايق ولا هيمانع ولا مش هيبقى عنده
مانع؟ لحد ما قررت اساله واللي يحصل
يحصل..
وفعلا قدرت اني اوصل ليه وكلمته فهمته اني عاوزة اعرف
تفاصيله مع دينا لان بكتب عن حياتها
قصة..
احمد:حلوو انا مبسوط انك هتكتبي عنها قصة هي هتفرح اووي
انا:تمام انا كنت عايزة اعرف اول مرة قلتها فيها بحبك
‘كان احساسك ايه؟ وكنت خايف من ايه؟
احمد:اول مرة اقلها بحبك فيه كان يوم خميس او اربعاء..
كلمتها على نمرتها القديمة وكنت بقولها
دينا انا عايز اطور العلاقة بينا انو تبقى حاجه تانية ..
انا:اه
احمد:طبعا هي كانت مخضوضة جدا فوق ما تتخيلي وكاني
صدمتها
انا:اه
احمد:وبعدين نبرة صوتها اتغيرت وانو احنا اصدقاء وازاي
تقول كده وماينفعش وقعدت تتكلم كتير
انا:تمام؟
احمد: يومها انا قفلت موبايلي وكنت زعلان جدا وحسيت انو
عايز اعيط وكنت مدايق جدا منها وما
عرفتش انام..
انا:وبعدين حصل ايه؟!
(( انا لما احمد قالي كده استغربت انه دينا محكتش ليا
على الحتة وقلت انه محتاجة اسالها في الحتة دي
بعدين))
احمد: بس مع الايام جاتلها فترة كانت بتروح تبات مع
عمتها كل يوم اربع وخميس وكنا بنقعد انا وهيا
من بعد العشا تقريبا لحد الفجر على التشات.. كانت في
الفترة دي بتحاول تشوف انا بحبها ولا لا..
انا:اه
احمد|: كانت دايما بتسأل ماكانش بصراحه عندها ثقة في
نفسها ..
انا:اه
احمد:انه فاكرة نفسها مش جميلة وازاي انا هرضى بيها
وكده..
كانت ايام حلوة والله
انا:اه
احمد:بس بقلك ايه هيا اصلا لو قرت اللي انتي كتبتيه
هتتصل بيا تقتلني او تشتمني مثلا..
انا:ههههه لا متخافش
احمد|:ها قوليلي عايزة تعرفي ايه تاني عنها؟
انا:طيب لما هي قالتلك عن مامتها انت عملت ايه؟ وحسيت
بايه؟ يعني شعورك وقتها؟ انه مش فااارق
معايا مامتها وانا عايز البنت دي ولا خفت ولا ايه؟
احمد:كانت خايفة جداااا من الموضوع ده بشكل مخيف وكانت
في مرة عايزة تقولي وكل مرة ترجع
في كلامها ان دلوقتي مش وقته ..
انا:بعدين انت شجعتها انها تقول ولا سبتها براحتها؟؟
احمد:سبتها براحتها بس طبعا كان في الاول طيب قوليلي ‘
طيب احكيلي بس بعدين طيب خلاص
براحتك.. وبعدها قالتلي بصراحة ردة فعلي كانت تلقائية
انو لا طبعا انا عايزك انتي..
انا:ااااه
احمد:انا بقي اللي عايز اسألك سؤال؟
........
استنوني الحلقة اللي جاية......
