الحلقة السابعة
دينا:مفيش برده عرفت بالصدفة بعدها انه عنده اكاونت على الفيس بوك رغم
اتفقنا انه محدش فينا
يعمل اكونت على الفيس بوك ..
انا:طب وعملتي ايه لما لقيتي كده؟!
دينا:ضربت معايا عند وقلت اوووك انا كمان هعمل اكاونت على الفيس بوك!
اشمعنا هووو!! رغم اني
مش بحب الفيس بوك وقتها وصحبتي كانت بتتحايل عليا اني اعمل اكاونت الا اني
كنت برفض دايما
بس لما لقيت احمد عامل بقى قلت طب والله لاعمل انا كمان..
انا:طيب وبعدين عملتي ايه؟؟
دينا:انا فاكرة وقتها علاقتي باخوه اتوترت جاااامد ‘ انا وطارق اخوه كنا
قريبين من بعض وانه
صحاب ‘ بس لما طارق غطى عليه في حوار الهاي فايف انا قرفت من طارق اوووي..
انا:عشان مقلكيش الحقيقة يعني!
دينا:ااااه عشان كذب وقال ان البنات دول تبعي وانا اللي كلمتهم من على
ايميل احمد!!
انا:اايوة وبعدين؟؟
دينا:تعرفي؟! لسه واخده بالي وانا بحكيلك دلوقتي ان حياتي كلها كانت احمد!!
اولوياتي في الحياة
وقتها كانت كلها منصبة عليه.. انا مكنتش بستمتع بحياتي ولا الخروج مع صحابي
ايام ثانوي!!
انا:ليه؟؟
دينا:عشان طول الخروجة كانوا هما البنات يفضلوا يرغوا ويتكلموا ويعيشوا
حياتهم وانا قاعدة على
الكمبيوتر وشي في وشه عشان اتكلم معاه..ولا لما كنت اشيل الكمبيوتر من
بيتنا لحد بيت عمتو
عشان اكلمه! ولا لما كنت اخلص محاضراتي واطلع جرررري على اي مكتبة ولا اي
لاب
فاضي عشان انتهز كل ثانية بتمر في حياتي واكلمه!!
انا:اه؟
دينا:جت فترة اتصالاته قلت اوووي وان ابدات اتقل شوية عليه في الاتصال عشان
اشوف ردة فعله!
ولما كنت اساله مبتتصلش معايا ليه كان يقلي معييش رصيد عشان اكلمك..
انا:وكنتي بتردي تقولي ايه؟
دينا:كنت بقله مش معاك 10 جنيه تشحن وتتصل!! بس ملقتش منه رد!
تسكت دينا شوية وتتنهد وتقول:بجد كله ضاع
انا:وبعدين حصل ايه؟
دينا:عارفة اما تحسي كل اللي عشتيه سراب! كل ما اقرب منه عشان امسكه في
ايدي وميضعش الاقيه
بيضيع مني وبيتبخر!! كل كلامه كان لما نخلص جامعة لما نخلص جامعة..
انا:تعملوا ايه لما تخلصوا جامعة؟!!
دينا:انه نبقى مع بعض رسمي يعني!! واهو خلصت الجامعة!! ومفيش حاجة حصلت...
انا:طب بردو ايه الموقف اللي قطع كل حاجة ما بينكم كده؟؟؟
دينا:احكيلك يا ستي..
دينا بترجع بذكرياتها لورا.....
دينا قاعدة في الصالة على الاب بتاعها وجمبها مامتها بردو قاعدة على الاب
وباباها قاعد بيتفرج
على التلفزيون..
الام:دينا ايه رايك نعمل اكاونت على الفيس لباباكي؟؟
دينا:والله فكرة ! ها يا بابا اعملك؟؟
الاب:والله ماشي ‘ اعمليلي اهو نتسلى شوووية
الام بتهمس لدينا:بقلك ايه ابقي شيلي الريلاشن شيب اللي انتي حطاها مع احمد
عشان مش حلوة في حق
باباكي..
دينا بصوت واطي:حاضر
وبعد نص ساعة كانت دينا عاملة اكاونت جديد لباباها على الفيس وبعد ما عملته
راحت عند السيرش
وقالت تكتب اسم اكاونت احمد عشان تشوفه من اكاونت باباها اللي مش عنده احمد
طبعا ..
كتبت اسمه في السيرش ولقت اكاونتين طالعين بنفس الاسم وصورة احمد عليهم
الاتنين..
دينا بتكلم نفسها:ايه ده!!! هو عامل اكاونت تاني وانا معرفش!!!! اما ادخل
عليه..
تدخل دينا على الاكاونت التاني اللي مش عندها ولقت ان الوول بتاع الاكاونت
مقفول ومش هتعرف
تشووف اي حاجة لانه مش في القايمة بتاعت الصحاب اللي عندها‘ بس لقت في
الفان بيجز باينة
فقالت تدخل عليهم ولقت بيج احمد وصاحبه عملينها واسمها احمد ومحمود لافرز
..
انا بقطعها من ذكرياتها:ايه ده؟؟ يعني زي مثلا بيج تامر حسني لافرز وعمرو
دياب لافرز؟؟
دينا:اه
انا:يعني كانوا عاملين بيج على الفيس بوك هو وصاحبه انه مجمعين فيها
المعجبين بتوعهم؟!!
دينا:اه حاجة زي كده!!
انا:بعدين كملي...
رجعت دينا تاني بذكرياتها لورا
دينا عمالة تقلب في البيج وهي مصعووووقة من اللي بتشوفه ومن اللي مكتوب على
البيج ...
البيج عليها صور احمد وصاحبه وبنات على الوول عمالة تكتب كومنتات اعجاب
بيهم وبصورهم
وبنات كاتبة حبيبي يا احمد .. احمد يا بيبي .. وقلوووب ودلع...
دينا لنفسها:والله!! لا فظيييع اللي انت عاملة ده يا احمد!! لااااا
والباشاااا متخانق معايا اول امبارح
عشان كنت بقول لولد عندي على الاكاونت my
dear!!
وكاني قلتله حبيبي ولا بيبي!!
وهو ماشاء الله مولعهاااا هنا على البيج دي والاكاونت
اللي معرفش عنه اي حاجة!!! لاااا انا مش
هسكت! انا هقوم اتحجج لامي باي حاجة وانزل اجيب رصيد
واكلمه واعرف الموضوع بالظبط..
قفلت دينا الاكاونت وقالت لمامتها انها نازلة تشتري حاجة
من السوبر ماركت ونزلت فعلا..
*************************
*************************
دينا قاعدة في العربية بتاعتها بعد ما اشترت رصيد وبدات
تضرب رقم احمد..
بعد دقيقة احمد بيرد:الو
دينا:ايوة يا احمد
احمد:ايوة يا دينا
دينا:احمد بيبي عايزة اسالك سؤال.. عندك اكاونت تاني
باسمك؟؟
سكوت شوية وبعدين احمد بيرد:لا
دينا:احمد حبيبي عشان خاطري بلاش كذب المرادي!!
احمد ساكت
دينا:احمد ابووووس ايدك كون المرادي كده راجل وبلاش
ترميها زي كل مرة على اخوك طارق
عشان حرام عليك الولد كل مرة تمرمطه معانا وترمي عليه
بلاويك وقوووول ان انت يا حبيبي
اللي عامل الاكاونت ده..
احمد بعد فترة سكوت قال:ايوة ده بتاعي
دينا:برافووووو انت كده شااااطر.. المهم يا ابن الحلال
الموضوع كده مش نافع ولا ماشي
وانت متنفعش تكون اب لولادي ‘ عشان انا مينفعش اقول ليهم
ان باباهم مش اد الثقة ومينفعش
يجوا ويلاقوا مامتهم مش واثقة في باباهم وان مستوى الثقة
وصل لاقل من الصفرررر.. وانت
حبيبي خليك بقى مع سوسو وتوتو وفوفو بتوووعك وسلي وقتك
واتصوور ونزل صورك بقى
وربنا يسهلك وخليني انا بقى اشوووف حياتي مع حد يستاهلني
لان انت للاسف متستاهلنيش
وفجأة اتقطعت السكة..
انا بسألها مقاطعة الذكريات:قفلتي في وشه؟؟
دينا:مش عارفة اذا هو اللي قفل في وشي ولا الشبكة قطعت
ولا ايه اللي حصل بس انا مرجعتش
كلمته تاني ..
انا:وبعدين حصل ايه؟
دينا:رجعت البيت وكتبت ايميل ليه وقلتله فيه نفس الكلام
اللي قلته قبل كده وان انت متفكرش تكلمني
وانا خلاص همسح كل حاجة من عندي ليك وهحذف ايميلك وهشيلك
من الفيس وكل حاجة بعتها
ليا همسحها..
انا:وهو عمل ايه؟؟
دينا:بعتلي ايميل بيقلي الموضوع مش ماشي من عندك اصلا
ومنك انتي الغلط واحسن كده وانا والله
بحبك بس الموضوع مش ماشي وربنا يبعتلك واحد يحبك في
البحرين ويكون يستاهلك وربنا يوفقك..
انا:رديتي عليه؟
دينا:لا
انا:بعدين؟؟
دينا:بعدها باسبوع بدا بقى يستوعب انه خسرني فبدأ يبعتلي
دينا عايز اكلمك ضروري ويتصل
ومسجات ويحاول يكلمني..
انا:طب وانتي كان ايه موقفك؟؟
دينا:انا كان جوايا صراااااع فظيع ‘ بحبه جدااا وواحشني
ومفتقداه وفي نفس الوقت مش عارفة ارجع
ليه لان مش قادرة اثق فيه!! مش قادرة اتخيل وهو قاعد
بيكلم مين وبيخرج مع مي نوانا في بلد وهو في
بلد!! يعني انا مش شايفة اي حاااااجة في حياته ولا بيعمل
ايه في حياته ولا بيقضيها مع مين ولا ازاي!!
انا:اه؟ وبعدين؟
دينا:بدأ يطلب مني انه نرجع نتكلم حتى لو كاصحاب لحد ما
يخلص جامعة ويجي يخطبني وقالي لو
عايزة اجي اتقدم ليكي دلوقتي انا مستعد.. بس انا قلتله
انت مجنووون ‘ اهلي اكيد مش هيرضوا بيك
وانت لسه بتدرس؟!
انا:طيب وهو عمل ايه بعد كده؟؟
دينا:الكلام اللي قاله ده بعد ما فضل يحاول يكلمني لمدة
خمس شهور لاني مكنتش مستعدة اسمعه في
الاول!! بس جه عليا وقت وحنيت ليه وضعفت لانه كان واحشني
جداااا فسمعت كلامه بقى..
انا:رجعتوا لبعض؟؟
دينا:لا مرجعناش بس في يوم طلبت من صحبتي ايميلها عشان
اكلمه من عليه لاني مكنتش عايزة
ارجع اضيفه تاني على ايميلي ويفتكر بقى انه الموضوع بقى
تمام وسامحته بكل سهولة..
انا:قلتوا ايه لبعض؟
دينا:قالي.......
استنوني الحلقة اللي جاية.....
