عُمر مخروس "قصة قصيـــرة"

عمر مخروس..

كانت بتشوفه دايما لما بتنزل من شغلها واقف مستني السواق يجي بعربيته.. هي تعرف

انه صاحب اكبر شركات في مصر.. بس عمرها ما اتكلمت معاه ولا هو اتكلم معاها..

كل اللي بينهم نظرا من بعيد واحيانا ابتسامة خجولة منه ليها او منها ليه..

هي لنفسها وهي طالعة الشغل:

يا ترى ايه حكايتك؟ كل اللي اعرفه عنك انك محمد وباباك الله يرحمه سابلك كل املاكه

لانك الوريث الوحيد ليه.. بس لما هو بينا نظرات وابتسامة كده ليه مش بيحاول يكلمني؟!

***********************

 هو طالع الشغل بعد ما نزل من العربية وشافها وبصلها بنظرة خجولة وابتسم في هدوء

بيقول لنفسه: حلوة اوي وابتسامتها تحسسك ان الصبح ليه طعم تاني بيها بس يا ترى

ينفع؟! اكيد لا....

**********************

 تاني يوم بتفضل تشتغل طول النهار لحد ما تدخل صحبتها الانتيم عليها وتقولها:بقلك يا رنا

انا جعانة اوووي..

رنا بابتسامة:انتي  على طول كده!

سلوى:ها اطلبلك معايا فطار ولا ايه النظام

رنا:اطلبي

سلوى:طيب هروح اقول لعم فرج واجي بقى نقعد نحكي عن محمد باشا واخباره الجديدة

معاكي..

رنا:هههه مفيش اخبار زي ماهو

سلوى:طب استني دقيقة..

وبعد دقيقة ترجع سلوى لرنا وتقولها:هااا ‘ معملش اي خطوة؟

رنا بحزن:لا! انا اصلا حاسة انه مش في باله

سلوى:يا سلاااام!! امال ايه بقى النظرات والابتسامات اللي بينكم دي؟!

رنا:مش عارفة؟!

سلوى:لا طبعا هو تلاقيه تقيل بس

رنا:يا سلوى احنا داخلين على سنة مقضينها نظرات وابتسامات وبعدين!!

سلوى:اه صح!! ده بطيء اووي

رنا بابتسامة حزينة:ههه لا يا ستي عادي هو تلاقيه بيبتسم من باب الابتسامة صدقة

وكده ‘ وانا بالنسباله ولا حاجة...

************************

هو قاعد في مكتبه بيحاول يراجع في ورق الصفقة اللي هيراجعها في الاجتماع وبيفتكر

كلام مامته ليه..

"يا بني انا نفسي افرح بيك بقى ‘ لحد امتى هتفضل قافل على نفسك كده! انا نفسي اشووف

عيالك وافرح بيهم والعب معاهم قبل ما اموووت.. ما هو مش عشان واحدة عرفتها طلعت

متستاهلش مقدرتش ظروفك يبقى تقفل على نفسك باب وتحبس نفسك جواه!!"

بعدين يرجع يحاول يركز في الورق ومفيش دقايق يرجع يكلم نفسه ويقول:

لما اللي كنت بحبها خمس سنين والمفروض كانت بتحبني مقدرتش تستحمل ظروفي!

يبقى دي اللي متعرفش عني حاجه هتستحملني بقى؟! وبعدين مش يمكن اصلا هي

بتبتسم ليا بس كده! صدقة او شفقة او اي حاجه تانية!!

*********************

رنا في المكتب مع سلوى بتفطر..

سلوى:طب ما ايه رايك تتجرئي انتي وتبدئي بخطوة ‘ طالما هو كده

رنا:لا طبعااااا

سلوى:تبقي لسه مطلعتيش الواد الزبالة اللي كنتي بتحبيه من دماغك

رنا:مييين!! عصام؟!

سلوى باشمئزاز:ايوووة هو فيه غيره؟!!

رنا:لا طبعا وهو انا عبيطة هفضل افكر في واحد باعني وطلع خاين وبيحب عشرة في

نفس الوقت ويوم ما فكر يرتبط ‘ راح يخطبلي بنت خاله!

سلوى:ما هو متنسيش انه بدء يحاول يحوم حواليكي تاني..

رنا:مش معنى انه جالي من اسبوع هنا وقعد يعتذر عشان يرجع يبقى خلاص احن

دي حاجه بقالها تلت سنتين وانا خلاص شلته من قلبي وعقلي..

سلوى:ايوووة كده برافو عليكي ‘ عاقلة..

رنا:ماشي يا ختي

سلوى:طيب ما اقلك فكرة حلوة بردو

رنا:ايه؟

سلوى:ايه رايك تروحي الشركة بتاعتهم على اساس شغل يعني وكده واهو يحصل بينكم

كلام

رنا:تصدقي فكرة!!

سلوى:شفتي عشان تعرفي ‘ المهم احنا لما وقت بريك الغدا تروحي عنده الشركة وتألفي

اي حاجه بقى ونشووف هيحصل ايه!

رنا:خلاص ماشي..

***********************

بعد 6 ساعات وقت بريك الغدا سلوى واقفة مع رنا عمالة تحفظها تقول ايه..

سلوى:خلاص حفظتي هتقولي ايه!!

رنا:اااه

سلوى:يلاا روحي وانا هتفرج عليكي من هنا

رنا:انا خايفة

سلوى:لاااا يلااا روحي

رنا:طيب

****************

تروح رنا وتطلع الشركة وقلبها بيدق من الخوف وتمشي في طرقة طويلة اوووي وتشوفه

من بعيد واقف من الجمب قدام سكرتيرته وعمال يشاور ليها بايده بحركات وهي عمالة

تتكلم معاه بردو باشارات الايد فبتقول لنفسها:

يااااه ده طيب اوووي بيشغل كمان واحدة يعيني مش بتتكلم وحافظ اشارات الخرس ‘ ده

يثبتلي اد ايه هو طييييب اووووي..

تقرب لحد ما هو ياخد باله يرتبك اوووي ويسأل نفسه:

ايه ده يا ترى هي جاية هنا ليه؟!!! ياااااااارب هتعرف دلوقتي كل حاجه!!

هي بعد ما وصلت عنده:

سلامو عليكم

السكرتيرة:وعليكم السلام

رنا تنصدم لما تلاقي السكرتيرة بترد!

فتقول لنفسها:

ايه ده؟!!!! السكرتيرة كويسة ومطلعتش خرسة!!! ايه ده !!!!!!!! معقووووول!!! هوووو

عشان كده مكنش بيتكلم!!!

السكرتيرة:ايوة حضرتك؟

رنا بارتباك:

اا انا اا انا كنت جاية للاستاذ محمد

السكرتيرة باحراج:

ايوة معلش ممكن تيجي معايا

محمد يسيبهم ويدخل المكتب وهو حزين

رنا للسكرتيرة:

هو مبيتكلمش؟!

السكرتيرة:

لا استاذ محمد عمل حادثة وهو عنده عشر سنين وفقد حاسة النطق بس بيسمع

رنا:

ممكن ادخل ليه

السكرتيرة:

بس حضرتك مش هتعرفي تتعاملي معا هالا من ناحيتي

رنا:

هو انتي اتعلمتي لغة الاشارات مخصوص؟

السكرتيرة:

لا هما جابوني مخصوص انا عندي شهادة في لغة الخرس

رنا باصرار:

طب معلش انا هعرف اتعامل معاه ممكن ادخله

السكرتيرة:

طيب حاضر

تدخل السكرتيره وبعدها تطلع وتقول لرنا:

اتفضلي

تدخل رنا بكسوووف وباحراج:

ازيك

محمد يهز راسه بابتسامة حزينة بمعنى انه كويس

تقعد رنا وبعدين تمسك ورقة وتكتب:

عشان كده كنت مش بتاخد خطوة

محمد يكتب ليها:

عايزة ايه من واحد فاقد النطق! عايزاه يجي يقفلك في نص السارع بورقة يقلك انه معجب

بيكي بقاله سنة بس مش قادر يقولك !!

ترد عليه رنا بالكتابة:

يااخي كنت اعملها؟!

يرجع يكتب ليها:

انا حبيبتي اللي كانت بتحبني خمس سنين مقدرتش تستحمل وسبتني لان حياتها كلها كانت

سكوت في سكوت.. السكوت خلها تتعب وتزهق

رجعت كتبت ليه:

يبقى مكنتش بتحبك!

يكتب محمد ليها:

ايه اللي فيا مخليكي متمسكة بيا اوي كده من غير ما حتى تعرفيني؟

رنا تكتب ليه:

مش عارفة! فيه حاجه شداني ليك اوي واحساس من جوايا اني اكمل معاك

محمد يكتب:

وتبقى حياتك خارسة!!

رنا تكتب ليه:

الكلام اللي في عنيك صوته قوووي وممكن يسمع العالم مش يسمعني انا بس!

محمد بغضب يكتب:

مش عايز كلام شعر لا بيقدم ولا بيأخر ولو سمحتي انسي اي حاجه وانقذي نفسك

وامشي من هنا وكفاية شفقة من حضرتك..

رنا تكتب ليه:

بس انا مش بشفق عليك ‘ انا فعلا عايزة اكمل حياتي معاك

محمد يشاور بايده انها تمشي..

تبص ليه رنا وهي حزينة وتقوله:

كان نفسي تصدقني

تمشي رنا وهي حزينة ‘ يحاول محمد يخرج وراها بس يفضل في مكانه..

********************

سلوى لرنا:اييييييه اخرررررس!!!

رنا:مش بالظبط هو بس فقد النطق

سلوى:يا حرام!!

رنا:بس انا عايزة اكمل حياتي معاه يا سلوى بس هووو رافض!!

سلوى:مش يمكن يا رنا انتي عايزة كده عشان حسيتي بشفقة فعلا

رنا:لا يا سلوى! انا معجبة بيه من زمان ومن قبل ما اعرف عيبه واصلا مش شايفاه عيب

ربنا ابتلاه في النقطة دي يبقى ده اصلا حاجه متعيبهووش بقى!!

سلوى:هتعملي ايه يعني

رنا:مش عارفة! هو رافض يسمعني

سلوى:خلاص بكرة هروح ليه انا واكلمه

رنا:هيرفض يقابلك! ده طردني انا

سلوى:معلش هو بردو مجروح من الزفتة اللي كان بيحبها واكيد فاكر كل البنات معفنين

زيها..

**************************

في اخر النهار سلوى خارجة مع رنا ..

سلوى:هتروّحي؟

رنا:مش عارفة؟ هتمشى شوية

سلوى بتبص وراها ومبرقة

رنا:ايه في ايه يا سلوى ورا ضهري؟؟ فيه حشرة ولا ايه؟

سلوى:لااااا لفي كده

رنا:طب فيه ايه طيب؟؟ لو حشرة بلاش بصي انا هطلع اجرررري

سلوى:حشرررة ايه يا رنا.. يا رناااااا بصيييي

رنا بتلف براحة وببطىء وتلاقي محمد واقف في نص الشارع وماسك يافطة كبيرة

وكاتب:

فكرت في كلامك كتير ولقيت ان عندك حق ‘ كان لازم اعملها من زمان.. انا عايز

اتجوزك بس انا عمري مخروس فتسمحي وتقبلي انك تكوني لساني؟

تفرح رنا اووووي وتجري عليه وعيونها فيها دموع وتقول:

ايووووة طبعاااا .......

النهايـــــــــــــــــــة