الحلقة الخامســـــة
وبعدها حصلت حاجة خلتني اغير رأي واقول اني ارجع تاني البيت واستحمل خنقة
هناك احسن ما
يتقال عني اني حرامية!!
روحت الاوضة لقيت بنات متلمين وصوت وفاء عمالة تزعق وتقول:
انا اتسررررررقت ‘ انا عمري ما اتسررررقت من ساعة ما جيت هنا ! اجي دلوقتي
واتسرق
انا بعدم فهم:في ايه يا جماعة؟؟
اسراء:مفيش حاجة مفيييش يا ندى
وفاء بتحدي وزعيق:لا فيييييييه وبصراحة بقى يا بنات انا شاكة فيها انها هي
اللي سرقتني!
لان من ساعة ما جت وانا مش مستريحة ليها..
انا بعصبية:ايه ده ايه ده ايه ده!! انتي بتقوووولي ايه يا بتاعة انتي!!!!!
اسراء:خلاص يا ندى امشي دلوووقتي بس
جت شيماء من برة بتجري علينا وبتقول:فيه ايه؟؟
اسراء:شيماء خدي ندى بعيد دلوقتي
وفاء:لااااا مش هتروح بعيد الا لما تقولي سرقت فلوسي وودتها فين
شيماء:ايه يا وفاء الكلام ده!من امتى ندى بتقرب لحاجتك اصلا!! بعدين شوفي
فلوسك هنا ولا هنا
تلاقيكي حطيتيهم في مكان ونسيتي..
وفاء:لااااااا انا متأكدة ان هي اللي سرقتهم
انا بعصبية:وانتي بقى شوفتيني وانا بسرقهم ولا ايه!!
وفاء:يعني معترفة على نفسك اهوووو انك سرقتيهم يا حرامية
انا:لا كده كتيير بجد .. انتي قليلة الادب
وفاء جاية عليا ولسه هتضربني فجأة داخت ووقعت من طولها على الارض
البنات كلهم اتلموا عليها واللي تحاول تفوقها وترش على وشها المية واللي
تجري تجيب ليها عصير
عشان تشرب وتفووق وانا وقفت بعيد جمب الحيطة وكان جسمي كله بيترعش من
الخوووف وبدأت
اعيط من الخوف ان حد يقلي اني انا السبب..
شيماء:تعالي يا ندى ‘ نروح الصالة الكبيرة
انا وكلي بترعش:انا والله مأذيتهاش يا شيماء انا مش عارفة هي مستقصداني ليه
شيماء:متخفيش مش انتي السبب اصلا ‘ هي دايما يغمى عليها بسبب السكر اللي
عندها
انا:دلوقتي البنات وهي تقول اني السبب
شيماء:كلنا عارفين هنا انك ملكيش ذنب هي بس اللي استغفر الله العظيم مخها
شوية تعبان
انا بعياط:طيب هي ليه بتعمل كده
شيماء:عادي فكك هي عندها عقدة نقص وبتطلعه على اي حد مسكين وهي شافتك خوافة
اوي
وطيبة فاستغلت الموقف..
انا وكلي بترعش:يعني انتوا مصدقني اني مسرقتش منها صح صح؟
شيماء:اكيد طبعا يا بنتي وعلى فكرة المية جنيه اللي بتتكلم عليها دي انا
شيفاها وهي بتحطها على
التسريحة النهاردة العصر وبعدين حطيتها في جيب بنطلونها ولما هنطلع هطلعها
من جيب بنطلونها
قدام البنات عشان الكل يعرف انك مش حرامية..
انا بخوف:لا لا انا هروح بيتنا انا بكرة هروح للمشرفة واقدم على اجازة
واسافر بعد بكرة ‘ معلش
يا شيماء انا قعدتك معايا بس تقدري تروّحي بقى ..
شيماء:انا كده كده كنت جاية اعتذرلك النهاردة لان ماما اتصلت وقالتلي اروح
ليها ضروري..
انا:طيب كويس..
شيماء:تعالي نطلع فوق دلوقتي ‘ اكيد زمانها هديت
انا:ماشي وانا هنام اصلا على طول ومليش دعوة بيها
واول ما طلعنا شيماء دخلت وقالت:وفاء انتي المية بتاعتك اللي ضايعة حطتيها
في جيبك العصر
بس تلاقيكي نسيتي..
وفاء بارتباك:جيب ايه؟؟
شمياء بتروح لبنطلون وفاء اللي محطوط على سريرها وبتطلع المية جنيه وتقول:
اهي..
اسراء:شوووفتي بقى طلعتي ظالمة البنت ‘ اعتذري بقى لندى
انا:لا شكرا ولا عايزة اعتذار ولا حاجة ‘ خليها في حالها وانا في حالي
وفاء:ومين قالك اصلا اني هعتذرلك مش كفاية انك السبب في انه يغمى عليه..
انا:بقلكم ايه يا جماعة تصبحوا على خير
**************************
وبعد يومين بعد ما كنت قدمت على اجازة سافرت تاني الصعيد عند بيتي...
هناك استقبلتني ماما واخواتي بترحيب وشوق واحضان ‘ اما بابا فقال بصوته
الجهوري من جوة
اوضته:
ندددى تعاليلي
وزي عادتي من وانا صغيرة اول ما اسمع صوته قلبي يدق بسرعة من الخوف وروحت
ليه
ايوة يا بابا
بابا:عاملة ايه في مصر؟
انا:الحمد الله
بابا:والجامعة؟؟
انا:الحمد الله يا بابا
بابا:بتتحدثي مع صبيان؟
انا:لا لا لا لا والله مش بتكلم مع حد خالص
بابا:اممم طب مَنِيح يا بُنيتي..
انا:طب عن اذنك يا بابا عشان تعبانة وعايزة ارتاح شوية
ودي كانت العلاقة بيني وبين بابا كلام على اد السؤال واتحجج بأي حاجة عشان
امشي من قدامه بسرعة
احساس الخوف اللي كان بيبقى جوايا وانا معاه كان بيحسسني بعجزي وعشان كده
مكنتش بحب اطوّل
في القعدة معاه..
************************
تاني يوم جتلي علياء وبعد كلام كتير قالتلي:
ها قلتي لباباكي؟
انا:على ايه؟
علياء:يالهوي عليكي! لحقتي تنسي؟؟
انا:على ايه يابنتي؟؟
علياء:فكرة انك تتدربي في اي عيادة اسنان
انا:انا خايفة يا علياء وهو مش هيرضى فقلت اقول ليه بقى وهو كده كده هيرفض
ومش هطلع من
الموضوع ده الا بزعيقه!
علياء:انتي هتفضلي لحد امتى كده!! ما تجررررربي الله..
انا:هيقعد يزعقلي
علياء:ما يزعق وهو انتي هتكلميه مرة واتنين ! لا كلميه وزني كتييير عليه
انا:طيب
*************************
وفعلا لما جه الليل وبابا رجع من برة روحت ليه الاوضة..
انا:بابا ممكن اتكلم مع حضرتك
بابا:جولي في ايه؟
انا بارتباك:بابا يع يعني بعد اذذن حضرتك طبعا انا كنت يعني عايزة اتدرب في
عيادة
بابا:ايه بتجولي ايه!
انا بارتباك:ده دده ده هيفدني كتير اوي يا بابا في دراستي
بابا:تدربي وانتي لساتك في سنة اولى! طب جوولي اما تروحي خامسة اكديه!! انا
مش رايدلك
تدريب دلوجيت..
انا:ليه بس يا بابا؟؟
بابا بتبريقة عينه:حديثى انتهى وجلت مفيش شغل يعني خلاص
انا:بس..
بابا:جولت خلاص!
وخرجت من الاوضة لاوضتي وقعدت اعيط كتير فدخلت ماما عليا تقولي
ماما:شغل ايه يابنتي اللي روحتي تكلمي باباكِ فيه؟؟
انا:يا ماما هو انا هشتغل حاجة غلط ولا عيب!! انا عايزة اتدرب في اي عيادة
اسنان تكون قريبة
مننا عشان ده هيفدني بعدين! وهيخليني اتعلم بسرعه..
ماما:منتي مجتيش تكلميني وروحتي منك لابوكِ على طول
انا:لو كنت قلتلك كنتي هتقعدي تقوليلي ابوك هيرفض ومش هكلمه ومش عارف ايه
ماما:واديك روحتيله بنفسك ورفض
انا بعياط:ايوة يعني عايزاني اعمل ايه
ماما:اصبري لحد الصيف اما يجي ونبقى نفاتحه تاني في الموضوع ده
انا:يعني مفيش فرصة يوافق دلوقتي
ماما:يابنتي انتي مستعجلة على ايه! ما تستني الصيف
انا:طيب...
****************************
خلصت اجازة نص السنة ورجعت تاني للمدينة بس المرادي قبل ما ارجع كنت محوشة
فلوس ليا
فروحت واشتريت لنفسي موبايل وحسيت وانا بعمل الخطوة دي اني جريئة اوووي..
اصل حسيت وقتها اني في جامعة ومحتاجة معايا موبايل وفي المدينة مسموح ليا
بمكالمة
واحدة بس ‘ ده غير ان التلفون بيبقى عليه زحمة كتير..
ولما وصلت على الاوضة بتاعتي مكنش فيها حد غير وفاء فمسلمتش عليها..
وفاء باستفزاز:بيقولوا سلاموا عليكوا ولا متعلمتيش في بلدكم كده!
بصيت ليها بقرف وسبتها ومشيت
فجريت بسرعة تقف قدامي وتقولي:لما اكلمك تردي عليا
فبصيت جامد اوي في عينها وقلتلها:لو موسعتيش من قدامي هتشوفي وش عمرك ما
شفتيه!
وفاء بسخرية:ايه ده ايه ده! ده انتي نطقتي اهووو وبقيتي شجاعة يا ننوسة!
انا:ايوة تقدري تقولي مبقتش اعمل حساب لحد من هنا ورايح فوسعي بقى بدل ما
ازقك و اوقعك
على الارض..
وفاء وسعت ومكنتش مصدقة نفسها ولا انا كمان كنت مصدقة نفسي اني اتكلمت
ورديت عليها كده
من غير خوف وبشجاعة..
بعدها باسبوع كنت بروح الجامعة ادخل محاضراتي وارجع على المدينة على طول ‘
مكنتش بكلم حد
ومكنش عندي اي زمالة مع ولاد ومش بتكلم غير مع بنات وبس..
وفي يوم لما جه بليل وبعد ما خصلت مذاكرة روحت عشان انام فحاولت انام
وكانوا البنات كلهم
المفروض يكونوا نايمين ‘ فضلت اتقلب يمين وشمال ولما مجليش نوم قلت اتصل
بعلياء..
انا بصوت اقرب للهمس:ايوة يا علياء
وسمعت صوت وفاء:اففففف
انا بهمس:عاملة ايه؟
وفاء:يااااارب
انا بهمس:يا سلام؟ مش عارفة مش جايلي نوم اصله
وفاء:تؤؤؤؤ
انا بهمس:بجد جالك عريس؟ وبعدين؟
وفاء:يوووووه
انا مدتش اي اهتمام وكملت بهمس:وايه ظروفه؟
وفاء:افففففففف مش معقووول
انا بهمس لعلياء:وارتحتي معاه؟ حسيتي بقبول يعني؟
وفاء بصوت عالي:لا لا لا لا ده كتيييير كتيييير اووووي
انا بهمس لعلياء:هههه فعلا؟ وانتي رديتي عليه قولتي ايه؟
وفاء بصوت عالي:انتيييي ايييييه!! مبتحسيش
انا:انتي بتكلميني انا؟!
وفاء:امال بكلم الذبانة اللي واقفة عند الشباك مثلا!!! ده انا لو بكلم
الذبانة كان زمانها بقى عندها دم
وحست!!
انا:لا على فكرة انتي لا تطاقي
وفاء بصوت اعلى اكتررر:انااااااا اللي لا اطااااااق ولا انتي!!!!!
انا:احترمي نفسك ونامي
وفاء:لا مش هنام الا لما تقفلي الزفت التلفووون ده اللي معاكي
انا لعلياء:كملي يا بنتي..لا فكك دي البتاعة اللي حكتلك عنها
وفاء فتحت نور الاباجورة وبصوت عالي:على فكررررة انا بكلمكككك
نورة واسراء بيصحوا من نومهم:في ايه يا جماعة؟؟؟
وفاء:شوفوا قليلة الاددددب دي وعديمة الاحساس! بتتكلم في التلفون بليل
واحنا كلنا نايمين
وصحتني من عز نوووومي!
انا بزعيق:اولا انتي لما تيجي تتكلمي تتكلمي بادب ‘ تاني حاجة انا كنت
بتكلم بصوت واطي وبعدين
شووفي سريرك فين وانا سريري فين يعني لو صوتي عالي كان اولى بقى شيماء اللي
نايمة قريب
مني تصحى مش انتي!!
وفاء:والله!!
انا لعلياء اللي معايا على التلفون:علياء سلام دلوقتي اخلص الخناقة وارجع
اكلمك
شيماء بتفرك في عينها:تؤ يا جماعة والله حرام اللي انتوا فيه ده ‘ انا عندي
بكرة امتحان بتزعقوا
ليه..
وفاء:شوووفتي بقى انك عديمة زوووق عشان تصحينا كلنا كده بسببك!
انا:يابنتي انتي اللي صحيتي مش انا بصوتك اللي زي الغجر ده
وفاء:انا غجرية ولا انتي يا للي جاية
انا قطعتها في الكلام:والله لو منمتش دلوقتي يا وفاء واحترمتي نفسك لاجي
انيمك بالعافية.. افففف
عصبتيني وزهقتيني وعماااالة اعديلك واقلك هتكبررري هتكبررررررري ‘ بس واضح
انك زودتيها
بقى..
وفاء:انا هنام عشان تعبانة لولا كده مكنتش هنام
انا في سري:اتخمدي كتك القرف زهقتيني..
وخلصت سنة اولى وقضيتها ما بين مذاكرة وما بين خناق مع وفاء طول الايام على
حجات تافهه
وكل ما احاول اكبر واعدي ‘ كانت بتخليني اخرج عن طوري واتعصب عليها لانها
كانت بتتفنن
ازاي تضايقني..
ورجعت تاني البيت والمرادي لما رجعت قعدت ازن على ماما انها تفتح موضوع اني
اتدرب
تاني في اي عيادة مع بابا..
ورجعت ليا ماما بعد ساعتين قعاد مع بابا تقولي:ابووك بردو لسه مصمم انك
صغيرة
انا بعصبية:يوووووووووه انا زهقت بقى وتعبت الله
ماما باندهاش:ندددى! من امتى بتعلي صوووتك! ابوكِ يسمعك!!
انا:منا تعبت بقى الله
ماما:ابوك مش ناسيلك حركة انك اشتريتي موبايل لنفسك
انا:من حقي وبعدين ده من فلوسي الله! امال كنت افضل من غير موبايل وانا
مبعرفش استخدم التلفون
بتاع المدينة!!
ماما:المهم هو قال مفيش شغل الصيف ده ..
انا:اففففففففف
***************************
وبعد يومين ظهرت نتيجتي وجبت كل المواد امتياز وقررت اني استغل الفرصة دي
واكلم بابا
في حوار اني اتدرب في اي عيادة وفعلا بعد اقناع فظيع اخيرا بابا وافق
وكلملي حد من معارفه
اني اروح اتدرب في عيادة واحدة قريبته..
وفعلا روحت اول يوم عشان استلم وكنت هطير من الفرحة وهناك اتفاجئت لما دخلت
وشوفت......
استنوني الحلقة اللي جاية.........
