الحلقة الخامسة عشر من قصة "الحُب خلف الأسلاك الشائكة"

الحلقة الخامســـــة عشـــــــر

واضطريت اسمع الكلام وانا خايفة ويارتني ما سمعت الكلام !! لانه لما سمعت كلامه ده زود التعب

اللي فيا وتاني يوم روحت للدكتور وقالي:

مفيش بردو سمعان للكلام

انا بضعف:اعمل ايه يا دكتور مش بايدي

الدكتور:لازم ميحصلش اي تقارب لان الوضع بقى بزيادة عندك

انا:حاضر

وخرجت من الدكتور ورجعت البيت ولما شفت حسام قعدت ازعق واقوله:

اتفضل شوف الدكتور كاتب ايييه ‘ انت صممت على اللي انت عاوزه واديني تعبت .. عشان تبقى

تصدق..

وبص ليا حسام بكل برود وقال:خلاص خلاص يعني محصلش حاجة لكل ده! ده شهر عسل مهبب..

وسابني كالعادة وخرج يشوف صحابه..

*********************************************

عدت الايام والشهور وحسام كل ما اكلمه واقوله :فين الريجيم يا حسام اللي انت قلت هتعمله؟

حسام:يووووه ريجيم ايييه!! بصي بقى انا جسمي اصلا مينفعش معاه ريجيم

انا:ليه؟ هتيجي تعمل ريجيم جسمك هيقلك لا سوري!!

حسام:اتريقي اتريقي! هو ده اللي انتي فالحة فيه اصلااااا

انا:حسام متوهش عن الموضوع ‘ قبل الجواز انت قلتلي انك هتعمل ريجيم

حسام:ده كان قبل الجواز بقى وكل سنة وانتِ طيبة..

انا:افففف استغفر الله العظيم..طب بلاش ريجيم ممكن يا حسام تهتم بمنظرك شوووية على الاقل عشان

مركزك كدكتووور يعني..

حسام:يوووووه هو انتي فاضية اووي كده ليه!!

انا:انا فاضية؟!!! ده انا ورايا امتحانات وشغل اد كده وسايبة ده كله وطالع عيني هنا في البيت وكل

يوم اهلك يجوا واقعد اعملهم في عزاااايم وقررف..

حسام:ايه ده ايه ده! ومالك يا هانم مضايقة من اهلي اوي كده ليه!!!!

انا بعصبية:عشاااان عمرهم ما دخلوا عندنا باي حاجة وبس يجوا يزعقوا ليا اعمليلنا كذا واعمليلنا

كذا واللي يطلب على الغدا فراخ والتانية لحمة والتالت سمك!!! هو انا ايه خدامة مطلو ب مني اعمل

كل الاكل ده!!! وامك اللي مبيعجبهاش العجب..

حسام بزعيق:انت لما تيجي تتكلمي عن اهلي تتكلمي باحتراااام!! يعني اهلك كانوا بيدخلوا علينا بايه

اصلا!!

انا بزعيق:اهلي اللي مش عاجبينك دووول هما اللي بيملوا لينا التلاجه لان حضرتك سايبها طول

الوقت فاضية!!

حسام:واملاها ليييه اصلا! ما ناكل على ادنا ولا احنا لازم نعمل حفلة في التلاجة ! ايييييه البزززخ

بتاعك ده..

انا:ياااااااااارب صبرررررررني

حسام:ايووووة موال كل يوووم بقى يارب صبرني وانا قرفت وتعبت ومش عارف ايه

انا:انت ازاااي كده! بتاخدني من موضوع لموضوع وتهرب من كل المواضيع بسهولة كده! شووف انا

بدأت كلام معاك على ايه ووصلتنا لحد فين!!!

حسام:انتي اللي رغاية وكلامك ده مبيخلصش اصلااااا

انا:ماشي نهاية الكلام يا حسام عشان المرارة خلااااص طفحت ‘ احنا لازم نبدأ ننزل القاهرة..

حسام:نعم يختي!! قاهرة ايه دلوقتي؟

انا:احنا اتفقنا من الاول اني اصبر عليك كام شهر لحد ما تظبط شغلك هنا وانا شغلي ودراستي في

القاهرة..

حسام:لا يا هانم نزول القاهرة دلوقتي مفييييش .. انت وقت الامتحانات هتروحي تمتحني وترجعي

على البيت هنا تاني وشغل عايزة تشتغلي هنا في البلد ماشي غير كده معنديش....

انا بعصبية:لاااااااا بقى انا مش ممكن اسيب فرصة الشغل اللي جاية ليا في القاهرة!!! دي هتكبرني

اكتر..

حسام:النقاش انتهي وانا نازل

انا:استنى هناااا ‘ رايح فييين؟!

حسام:نازل لصحابي

انا:هو انا خلصت كلامي ولا عرفت ايه اللي هيحصل عشان تقووولي نازل لصحابك؟!!

حسام بيزقني من قدامه ويقولي:وهو انتي بتخلصي كلامك اصلااا وسعي وسعي يا شيييخة..

وبعد ما مشي كلمت علياء عشان احكيلها على اللي حصل..

علياء:مش يمكن انتي يا ندى اللي مش مستحملاه ولا سايبه فرصة لنفسك تستحمليه عشان احمد

لسه في قلبك؟

انا:والله يا علياء الكلام ده ملهووش علاقة بأحمد ‘ يا علياء انا بقلك على تصرفاته اهووو وانتي

نفسك بتقولي ايه ده هو ازاي يعمل كده!! ده غير اني حاسة اني عايشة معاه هو واهله!!

علياء:معلش يا ندى

انا:معلش معلش معلش معلش ‘ انا بقيت بكره الكلمة دي من كتر ما بحس انها بقت تاخد من حقي

مش بتديني يا علياااااء..

علياء:والله مش عارفة اقلك ايه ‘ بس اللي انتي بتعمليه ده غلط اووووي يا ندى ‘ ميصحش تكلمي

احمد وانتي متجوزة كده!!!

انا بعياط:اعمل ايه يا علياء انا نفسي تعبانة ومش عارفة اعمل ايه! اروح لاهلي اقلهم عايزة اتطلق؟!

وهما هيطلقوووني بقى؟! ده انا اخاف اصلا اقولها بس ما بالك لو قلتها ده بابا ممكن يقتلني فيها

ولا اعمل ايه في حسام ده اللي مبيفهمش ولا بيقدر !! تفتكري يا علياء انا حابة اللي بعمله ده؟!

حابة اني افضل اكلم حبيبي وانا متجوزة ولا راضية بالعيشة!! لاااا انا تعبانة اووووي وفي نار

محدش حاسس بيه .. بس انا بلاقي الحنان عند احمد اللي اتحرمت منه من ابويا واللي لسه

بتحرم منه من جووووزي..

علياء:عارفة يا حبيبتي والله بس يا ندى .. تؤ مش عارفة اقلك ايه ‘ مش عايزة افضل اقلب

عليكي المواجع بس انتي لازم تبطلي تكلمي احمد.. لاااااازم يا نددددى.. ميصحش يا حبيبتي

وبعدين لو حد عرف هتبقى وقعتك سووودة يا ندى وهتبقي قدام الكل انتي الغلط والغلط راكبك

من ساسك لراسك حتى لو هووو ايييه...

انا:ياااااااارب يعني اعمل ايه....

علياء:اهدي كده وحاولي تروقي الشقة وتعملي عشا كده حلو لجوزك واستنيه من برة واتكلمي

معاه بهداوة وافتحوا صفحة بيضا مع بعض وارمي احمد خالص ورا ضهرك.. احمد ماااضي

مينفعش تفضلي فيه..

انا :حاااضر هعمل كده يا علياء..

علياء:ربنا يهديكي يا حبيبتي ويهديلك جوزك ياااارب

انا:معلش دوووشتك بكلامي ونسيت اسألك طارق خطيبك اخباره ايه؟

علياء:الحمد الله يا حبيبتي.. قوومي انتي بس جهزي اللي اتفقنا عليه ‘ عشان اما يرجع حسام

يلاقيكي حلوة كده..

**************************************

وفعلا وضبت عشا جميل وجهزته بطريقة حلوة وشيك وروحت جهزت نفسي وعملت شعري بطريقة

حلوة وفضلت مستنية حسام لحد الساعة 12 بليل..

حسام داخل لقاني قاعدة على الصفرة والدنيا ضلمة ومنورة شموع..

حسام:ايه ده النور قاطع ولا ايه؟؟ ولا انتي قاعدة كده ليه ؟ بتحضري عفاريت ولا ايه؟؟

انا:لا يا سيدي عاملة عشا على ضوء الشموع ‘ حاجة كده من اللي بنشوفها في الافلام ولا حرام؟

حسام:لا يا ستي مش حرام .. ها عاملة عشا ايه

انا بمسك ايده واقوله :تعالى شووف بنفسك

وقعد حسام واول ما قعد فضل ياكل وكانه مكنش بياكل مثلا بقاله سنة وانا قعدت ابص عليه عشان يقلي

كلي او حتى يأكلني زي ما بشوف في المسلسلات لكن ده محصلش... وفين وفين لحد ما قالي:

انتي مبتاكليش ليه؟

انا:مش عارفة

حسام:كلي كلي

انا:اممم ‘ شكلي شبعانة

وكمل حسام اكله عادي وكان مفيش حاجة وفجأة تعبت انا وحسيت الدنيا بتدور بيا ..

انا:حساام انا دايخة اوووي

حسام:ما قلتلك تاكلي

انا:لاااا يا اخي ملييش نفس

حسام:خشي نامي طيب وانتي تصحي تبقي كويسة

انا:مش قادرة اقوم من مكاني يا حسام

حسام:يعني عايزاني اشيلك مثلا زي العيال الصغيرة! شكلك اتفرجتي على افلام ابيض واسود

كتير اووي النهاردة

وقمت لاني كنت حاسة لو سمعت كلامه اكتر من كده ممكن ارجع عليه ودخلت الاوضة ونمت

لحد الصبح وكنت مقررة اني هنزل اروح اقعد عند اهلي شوية...

**************************************

تاني يوم لما روحت عند اهلي ‘ اتكلمت مع بابا عن حسام وعن اللي بيعمله ولقيت بابا بيقولي:

ازاي يعمل اكديه! لاااه معندهوش حج لازم اتحدث معاه

انا:اه ياريت يا بابا لحسن ده كل حاجة اتفقنا عليها مش راضي يعملها

بابا:هتحدث معاه انا النهاردة

وفجأة حسيت تاني بالدنيا بتلف بيا وغمضت عيني شوية

بابا:مالك يا بُبنيتي؟؟

انا:تعبانة اوي يا بابا ‘ الدنيا بتلف بيا جامد

بابا:جووومي نروح الدَكتور

انا:لا يا بابا ده تلاقيه هبوط مش اكتر عشان مباكلش

بابا:وانتي ليه مبتاكليييش يا بُنيتي؟

انا:مليش نفس من اللي بشوفه مع حسااام

بابا:اتصلي بيه وجوليله يجي هنا النِهاردة ضروري

انا:حاضر يا بابا

وقمت اتصل بيه وقلتله فقالي:وانتي ليه تروحي عند اهلك اصلاااا

انا:بقلك ايه يا حسام مش كل مرة هتقلب المواضيع لصالحك ‘ بابا عايز يشووفك وخلاص

حسام:تلاقيكي ابدعتي بقى وقولتيله كلام مبيحصلش وقومتي الراجل عليا!!

انا:يوووووه انا مش ناقصة مناهدة معااااك .. اففففففف

حسام:شاااايفة اهي قلة ادبك دي اللي بتخليني اصلا اتعامل معاكي كده

انا:بقلك ايه انا بابا بيناديني ‘ انا قلتلك اللي عندي تيجي ليه النهاردة وخلاص

حسام:مش جاي يا ندى واما اشووف كلام مين اللي هيمشي

انا:طبعا كلام الست الوالدة هو اللي هيمشي

حسام بعصبية:قلتلك ستيييين مرة امي متتكلميش عنها فاهمة ولا لا!!!

انا:افففففف سلاااااااام.. انت حررررر

وقفلت معاه وروحت لبابا وقلتله على اللي حصل فقالي:خلاص لو مجاش النِهاردة يبجى هتجعدي

معانا اهنيه..

وحسيت بفرحة كبيييرة اني هقعد في بيت بابا بعد ما كنت بكره البيت ده الا انه فجأة اتحول من

جهنم لجنة!! حقيقي سبحان مغير الاحوال..

*****************************************

فات يومين ولقيت حسام جاي البيت زي ما بابا طلب وقعد مع بابا ومعايا..

بابا:انت يا بني مبتهتمش ببيتك ليه

حسام:انا يا عمي!! ده انا طالع عيني في الشغل وهي مش بتقدر

انا باستغراب:شغل ايه ده؟؟

حسام:الشغل اللي بنزله بليل

انا باستغراب:بليل!! انت دايما بتنزل لصحابك

حسام:وهو الواحد مينفعش يهزر كده؟!!! لا طبعا بنزل للشغل

انا:يعني اوفر تايم؟؟

حسام:لا

انا:اماااال ايه مش فاهمة؟

حسام:يا عمي انا داخل مشروع مع زمايلي وعشان كده كل مليييم بصرفه على المشروع ده اللي

لما يشتغل ويكبر هيرجعلنا كل مليم صرفناه اضعاف اضعاف..

بابا:وليه مجولتش اكديه لمرتك؟ ميصحش حاجة زي دي تخبيها عليها!

حسام:يا عمي كل كلامها في حاجات تافهة جدا ! تعمل ريجيم.. تلبس ازاي؟ مش عارف ايه!! وانا واحد

بخرج من العيادة بروح اشوف اخبار المشروع ده ايه!!

انا:وسفرنا للقاهرة؟؟

حسام:اقلك مشروع داخل بيه بفلوسي كلها تقوليلي القاهرة!!

انا:شفت يا بابا؟؟!! فين كلامه الاولاني بقى

بابا:معلش يا بنتي اشتغلي هنا في البلد لحد ما يخلص المشرووع ده

انا لسه هتكلم دوخت اووووي فلقيت حسام بيقلي:مالك؟

انا:دايخة

حسام:لا قوومي بينا بسرعة نروح الدكتور ‘ اهي يا عمي دايما مهملة في نفسها كده مش عارف ليه!!

انا من الاندهاش ومن جبروته وتغيريه لكل الوقائع مبقتش عارفة اتكلم ولا ارد اقول ايه!!

بس قعدت اقول جوة نفسي:حسبي الله ونعم الوكيل فيك..

وفعلا روحت للدكتور واللي فجر المفاجأة ليا او الصاعقة لاني مفرحتش بالخبر ده زي اي ست عادية!

الدكتور:مبرووك انتي حامل!!!

.............................

استنوني الحلقة اللي جاية.........