الحلقة العاشرة من قصة" الحُب خلف الأسلاك الشائكة"

الحلقة العاشرة

سارة:ده طلع وااااد واطي وزبالة

انا بصدمة:ايه؟! لييييه!!

سارة:احكيلك يا ستي ‘ انا كنت قاعدة عادي بشتغل وبتاع وقلتله يجبلي حاجة من تحت عادي يعني

بردو وبعدين لما جالي قالي شعرك طالع من الطرحة فقلتله ايه ده بجد وروحت المخزن عشان

اظبط حجابي..

انا باهتمام:ها وبعددددين؟؟

سارة:لقيته بيتسحب ورايا وانا مش واخده بالي وبعدين فجأة قالي شعرررك حلو اووي‘ قمت زعقتله

جامد وقلتله انت ازاي تعمل كده..

انا:اممم طيب

سارة:ماشي انا هروح بقى اشوف ورايا شغل اد ايه النهاردة

ومشيت بعيد ودخلت المخزن وبقيت مش مصدقة انه احمد يعمل كده وفي نفس الوقت نار الغيرة

والشك لعبوا جوايا وبقيت محتارة اسأله ويعرف اني بشك فيه ولا اطنش ومصدقش سارة!!

وبعد ساعة سمعت صوت احمد وسارة عمالين يتكلموا ويهزروا وضحك عادي..

سارة:ههههه لا لا قووول النكتة تاني يا احمد ‘ بجد بتفطسني من الضحك وانت بتقولها

احمد:هههه بس يا فضيحة‘ عايزة دكتورة منال تقوول ايه علينا!

سارة بدلع:تؤ بقى يا احمد قووولها والنبي تاني .. عشااان خاطري .. عشان خاطر سرورة

وطلعت وانا وشي احمر من كتر الغيظ من سارة واحمد..

انا بعصبية:على فكرة عيب كده! فيه عيان عند دكتورة منال!! عايزينه يقوول ايه! سايبين شغلنا

وقاعدين نرغي ونضحك ونقوول نكت..

وبصيت جامد لسارة وبعدها احمد

سارة ببرود:بجد! معلش بس اصل لما بقعد مع احمد بنسى نفسي خالص

انا بصيت ليها باستغراب جامد وبعدين لقيتها بتقولي تعالي يا ندى عايزاكِ جوة..

واول ما دخلنا قلتلها:مش ده على اساس انه قليل الادب وواطي!!

سارة:اصل هو جع واعتذرلي وقالي انه مكنش قصده وبصراحه هو معايا طوول الوقت فمش هينفع

يعني افضل زعلانة منه كتيير..

انا بنرفزة وحاولت اداريه:اممم طيب كويس..

وسبتها ومشيت ومقدرتش اقعد في العيادة الا نص ساعة وقمت اسئذنت من دكتورة منال اني

تعبانة ومشيت..

لما نزلت احمد كان واقف مع ناس فبصيت ليه جامد ودموع في عيني وقمت لفيت وشي بسرعة

قبل ما دموعي تنزل قدامه وفضلت اتمشى في الشوارع مش عارفة هروح فين ولا اجي منين..

بعدها سمعت صوت حد بيجري ورايا وبينادي:

ندددددى

مسحت دموعي بسرعة ولفيت ‘ فلقيت احمد..

انا:ايه؟

احمد:كده يعني انا سايب صحابي مخصوص وعمال اجررري وراكِ وتكلميني بالطريقة دي

انا:ما تروح لسارة!!

احمد:سارة ايه يا ندى اللي بتكلميني عنها دي.. انا بحبك انتِ

انا:والله!! والهزار والضحك والنكت وبتتدلع عليك ده كله اييييه!!

احمد بابتسامة:الله ده انتي بتغيري اهووو

انا بعصبية:ايووووة طبعا

احمد:ليه؟

انا:هو ايه اللي ليه؟؟

احمد:ليه بتغيري

انا:عشان كده

احمد:ايوة كده ايه؟؟

انا:تؤؤؤ ايه يا احمد

احمد بيحاول يمثل انه بيتكلم بجد:لييييه يا ندى؟

انا:ليه ايييه

احمد:بلاش استعباط

انا بعصبية:اففففففف عشان بحبك اررررررتحت

احمد:ياااااااااااااااااااااااااه يا شيخة اخيييييررررررا قولتيها ! ده انا كنت قربت اموت واسمعها منك

انا:احمد انت عارفها من زمان فبلاش استهبال

احمد:ما اعملك ايه يا ندى منشفة ريقي ومش مدياني اي ريق حلو خالص

انا بنرفزة:والله! عشان كده بتضحك وتسيب سارة تدلع معاك

احمد:طب قوليلي عايزة ايه

انا:يا احمد انت كده مش داخل البيت من باباه وبتاخد حاجة مش من حقك

احمد:طيب يعني اكلم اهلك؟

انا:اه

احمد:طب لو اتقدمت هتقفي جمبي

انا:يعني ايه؟

احمد:يعني هتقولي لاهلك انك موافقة عليا

انا:لا طبعا

احمد:طب لو انا اتقدمت ليكي هما هيوافقوا؟؟

انا:90% ممكن بابا يرفضك

احمد:طب ليه انتي مش هتقوليلهم انك موافقة عليا يا ندى!!

انا:عشان بخاف من بابا يا احمد ومقدرش اقله اني عاوزاك انت ومش عاوزة حد غيرك! بص يا احمد

انت داخل على حرب بس انا للاسف مش هقدر احارب فيها معاك ‘ عايز تحارب لوحدك يبقى حارب

بقى انما انا متطلبش مني احارب لاني مبعرفش ومبقدررررش..

احمد:طب انا لو كملت دراسة باباكِ هيوافق؟

انا:ممكن اه وممكن لا

احمد:طب اعمل ايه يعني يا ندددى؟!!

انا:معرررفش بقى عايز تحارب حارب انما انا مش في ايدي حاجة اعملها ليك..

احمد بينفخ ويقول:افففف ربنااا يسترررر ‘ حاضر يا ندى هحاول اعمل اي حاجة عشان اثبتلك

اني فعلا حبيتك..

********************************

تاني يوم روحت العيادة وحصل اللي مكنتش متوقعاه خالص..

سارة اول ما شافتني جريّت عليا ومبتسمة اووي وبتقولي:هقلك على حاجة

انا:ايه؟

سارة:انا واحمد بنحب بعض

انا بصدمة:نعم!!

سارة:ايه يا بنتي انا واحمد بنحب بعض

انا:ازاااي؟

سارة:معقولة متكونيش لاحظتي!! ده شيرين اللي مبقالهاش كام يوم هنا لاحظت على طول ان احمد

معجب بيا وانا كمان معجبة بيه..

انا:ازااي؟

سارة:بس انا عايزة اتأكد منه.. تفتكري ازاي يا ندى

انا:معرفش.. انتي حرة

سارة:طيب انا هروح اقوله وارجع اقولك قلنا ايه..

غابت سارة عني ساعة وكانت اطول ساعة ليا في عمري لحد ما جت ليا تاني وقالتلي:

خلاص اتفقنا على كل حاجة..

ساعتها حسيت اني عايزة اقوم اجيب سارة من شعرها واروح لاحمد ازعقله واقوله يفهمني ايه

اللي بيحصل ده بس مسكت اعصابي لحد ما اشوف احمد لوحدينا ونتكلم..

واستنيت قرب موعد العيادة ما تقفل وروحت ليه وبصوت واطي قلتله:

بعد ما نخلص عيادة عايززة اكلمك ضروري..

احمد بصوت واطي:فين؟

انا:مش مهمممم فين ‘ المهم ضروري

وسبته ومشيت ومقابلتهوش لحد ما خلنا عيادة ونزلت ونزل هو بعدي بس فضلنا نمشي ورا بعض

لحد ما اختفينا من الشارع واتأكدنا ان مفييش حد من اللي معانا يشوفونا...

انا بعصبية زعيق:ايه اللي سمعته من سارة ده!!

احمد:سمعتي ايه؟

انا حكيتله على اللي قالته فرد عليا وقالي:

مش كلامها صح

انا بزعيق:يعني اييييييييييه!! فهمني بسررررعة لحسن هرتكب جرررريمة يا ااحمد..

احمد:بصي اهدي بس.. انا في يوم لقيتها بتكلمني وتقولي بص انا عندي استعداد اقف جمبك ونكبر

سوا.. فانا قلتلها بس انا معنديش استعداد ومعنديش امكانيات دلوقتي تخليني اتجوز ولا ارتبط باي

حد‘ فردت عليا وقالتلي مش مشكلة احنا الاول نرتبط كده وبعدين انا هستناك العمر كله..

انا بزعيق:ايووووووووة وبعديييين!!

احمد:معرفتش ارد عليها اقولها ايه

انا بنرفزة:انت بتستهبلللللللللل ولا بتستعبططططط!!! يعني اييييييه معرفتش ترد عليهااااااا!!!!!

انت بتلعب بيااااا.. انت اصلاااا مبتحبنييييش.. انت كذااااب وبتضحك علينا احنا الاتنييين

احمد:وطي صووتك يا ندى احنا في الشارع واهدي واسمعيني

انا:اهدددددى!!! هتتجوزهاااا وتقوولي اهددددى!!؟

احمد:مين قالك اني هتجوزها يا ندى! اسمعيني الله يخليكي بقى وكفاية تظلميني وتقولي كلام

مش صحيح عني واسمعيني..

انا:كمممممل

احمد:انا فجأة لقيت مرات خالها بتكلمني وتقولي سارة حكتلنا على حكاية حبكم وحكتلنا على ظروفك

واحنا مقدرين ظروفك يا بني وانا كلمت مامتها وباباها وهما مستنينك يوم الجمعة في البيت ان شاء

الله..

انا:والله!! وايه رايك اجي معاك عشان اطلبها بنفسي ليك!!!!!!

احمد بعصبية:يوووووووووه ما تسمعي بقى للاخر!! اللله!! مش كفاية اني حاسس اني بحارب

لوحدي وانتي كل شوية بيأسك بتحبطيني! وكل ما اقربلك خطوة تبعديني عنك عشررررة

انا بدموع وعصبية:خلاااااااص روووح للي مقدرين ظرووووفك يا احمد روح لسااااارة!!

احمد لما شافني بعيط قام قرب مني ومسك ايدي وباسها بحنان وبص في عنيا جامد وقالي:

والله العظيم يا ندى انا لو كنت سكت مع سارة فده عشان خايف عليكي انتي.. خايف تحس

بحبي ليكي وتعمل شوشرة علينا.. انا بحبك انتي يا ندى ومش عايز غيرك وحتى لما قلتيلي

حارب لوحدك ‘ دخلت الحرب لوحدي وقلت استحمل عشان بس تبقي معايا...

انا بهدوء:طيب هتعمل ايه في المصيبة اللي اسمها سارة؟

احمد:مش هروح الميعاد طبعا

انا:وانا المفروض اصدقك!!

احمد:بصي يا ندى انا بشوف بنات اد شعر راسي بس عمري ما حسيت اللي بحسه معاكي مع حد غيرك

وانا مش هخطب حد لو حصل اييييه وخليهم يخبطوا راسهم في الحيطة..

فضلت واقفة قدامه ودموعي غصبن عني عمالة تنزل لان مكنتش متوقعة اننا نمر بالموقف ده..

*********************

وفعلا يوم الجمعة جه وفضل احمد معايا على التلفون طول اليوم عشان اصدق انه فعلا مرحش ليهم..

ولقيت سارة تاني يوم بتكلمني تقولي:

شفتي احمد اللي معندهوش اي ذرة احترام! ولا جه زي ما اتفقنا معاه وصغرني قدام اهلي

انا:اممم معلش

سارة:والله لما اشوووفه بس

انا:اكيد عنده ظروف بقى يا سارة

سارة:مهما كان يعتذررر!! انما ده متصلش وكل ما كنت اكلمه الاقيه مشغوووول!!!

انا:فعلا؟ يلا معلش..مش يمكن انتي اللي فهمتيه غلط يا سارة

سارة بغيظ:يعني ايييه يعني!! واقعة عليه مثلاااا!! طب ده حتى على راي المثل رضينا بالهم والهم

مرضاش بينا..

انا بضيق بس حاولت ابين انه عادي:اها خير بقى

سارة:انتي مالك مستفزة في ردودك كده ليه؟

انا:لا عادي مصدعة شووية

سارة:طيب هسيبك بقى.. سلاااام

انا بعد ما قفلت السكة:اففففف سلام يا ررررخمة يا تلمة ياللي رامية جتتك على الووووولد.. عايزة

منه ايه بقى وهو اصلا مبيحبكييييش وانتي اللي بتجرررري وراه وبتألفي روايات وانا اللي صدقتك

في موضوع الطرحة والولد طلع غلبان وانتي اللي عمالة تتدحلبي ليه..

***********************

وبعد يومين حصلت الكارثة اللي مكناش متوقعنها بردو..

في يوم اتصلت سارة باحمد وقالتله بزعيق:تعااااالى العيادة فورررا

ومكنش في العيادة فيه الا سارة ‘ كانت دكتورة منال مسافرة في مؤتمر وشيرين واخده اجازة

وانا لسه بدخل لقيت سارة بترمي في وش احمد كراسة وبتقوله:

الكرااااسة فضحتك يا استاذ وفضحكت الدكتوووورة اللي عاملة نفسها صحبتي!

احمد:هي متعرفش اللي فيها يا سااارة

انا بانزعاج شديد:فيها ايه الكراسة دي

سارة بسخرية:اسمعلك اللي مكتوب فيها يا ستي.. الباشا كاتب:

انا بحب ندى حب جنوني ونفسي تشاركني حياتي بس انا امكنياتي ضعيفة!!ومش مساعداني..

وبعدين هي فييين وانا فيين ‘ وانا متأكد ان والدها هيرفض. بس انا وعدتها اني لازم اتقدم وهي

واثقة فيا ومينفعش اهدم الثقة دي..انا بحبك يا ندى ومقدرش اعيش من غيرك..

اييييه يا ست ندددى مش تشاركينا اللحظة الحلوة دي

احمد بعصبية:ساااااارة نددددى ملهاش دعووووة وقلتلك هي مترررررفش

سارة بعصبية:لااااااااا يا استااااااذ احمد الدكتووووورة ندى عيونها فضحهاااااا وبتحبك ومن زمان

وباااااااين عليها اووووي.. لكن انا اللي مخدتش بالي انكم انتم الاتنين عمليني كووووبري لمشاعركم

دي!!!! وكنت لعبة انا واهلي في ايد حضرتك يا استاذ احمد....

وبعدها خدت حجتها ومشيت وبدات انا اعيط عشان كنت خايفة اوووي من اي تصرف متهور سارة

تعمله ممكن يأثر عليا انا واحمد..

في نفس اليوم احمد خد الكراسة معاه البيت ويشاء القدر انه ينساها على مكتبه ومامته تشووف الكلام

بردو وتستناه لحد ما يرجع واول ما يجي تقوله:

احمد الكلام اللي مكتوب في الكراسة ده صحيح؟

احمد:ايوة يا ماما

مامة احمد:من بكرررررة نروح نطلب ايدها يا بني ولا اشووفك متعذب

احمد:بجد يا امي؟

مامة احمد:ايوة يا حبيبي انا اهم حاجة راحتك يا بني عندي..

ولما احمد قالي اقترحت عليه انه يروح يطلب ايدي اما ارجع القاهرة تاني وارجع جامعتي..

وفعلا لما رجعت القاهرة خد احمد مامته وراحوا يكلموا بابا .. بس اللي حصل في اليوم ده

كان رهيييب جدا.....

استنوني الحلقة اللي جاية.........