الحلقة الحادية عـــــشر
في اليوم اللي جه احمد ومامته لعيلتي انا كنت في القاهرة وقلت لاختي
الصغيرة سما واللي كانت وقتها
في اولة ثانوي انها تحكيلي على اللي هيحصل..
قعد احمد وقعدت مامته مع بابا وماما وساعتها مامة احمد قالت:
احنا سمعنا عنكم كل خير وانتم عيلة احنا نتشرف اننا نناسبها وانا احمد ابني
عايز يطلب ايد بنتكم
ندى..
بابا قال:وهو يعرفها منين
مامة احمد:ماهو بيشتغل معاها في نفس العيادة اللي هي بتتدرب فيها
بابا:وانت يا بني معاك شهادة ايه؟
احمد:احم انا يا عمي معايا دبلوم علوم صحية
بابا:اممم وتقدر تجهز بيت دلوجت؟
مامة احمد:هو حاليا مش معاه بس ان شاء الله عقبال ما تخلص ندى يكون قدر
ونجهز بيتهم باذن
الله..
بابا:اممممم
احمد:قلت ايه يا عمي؟
بابا:خير هنبقى نرد عليكم ان شاء الله..
مامة احمد باحراج:طيب ‘ وان شاء الله نبقى عيلتين قريب .. نقوم احنا بقى ..
مع السلامة
***********************
كلمتني سما واول ماشفت اسمها رديت بلهفة:ايوة يا سما هاااا ‘ حصل ايه
سما:بابا موافقش يا ندى
انا بحزن وعياط:لييييييييييه
ولسه هتتكلم سمعت صوت زعيق بابا وهو بيقول:مجاااانين ايااااااااااااك!!!
جايين يطلبوا ايد
بنتي!! هما فييييين واحنا فين..
سما:سامعة بابا بيقول ايه
انا بعياط:ايوة سامعة.. طيب هو هيرد عليهم
سما:بابا بيقول لا مش هيرد ‘ هو متعصب اووووي يا ندى
انا بعياط:طيب وماما يا سما؟
سما:انتي عارفة ماما ‘ متقدرش على بابا وهو لما بيقول حاجة بتقول زيه على
طوول..
انا:طيب يا سما اقفلي دلوقتي..
وقفلت مع سما وفضلت اعيط كتييير اوووي وبعدها احمد كلمني في التلفون
احمد:عرفتي يا ندى
انا بعياط:ايوة يا احمد
احمد:باباكِ شكلو مش موافق
انا:....
احمد:طيب اعمل ايه يا ندى ده دورك انتي دلوقتي!!
انا بعياط وخوف:انا قلتلك ان عند بابا ومبقدرش اعمل حاجة وبخاف منه
كتييير.. انا اصلا مش هنزل
الا على نهاية السنة..
احمد بعصبية:يعني ايه؟؟؟ يعني مش هتتكلمي مع باباكِ يا ندددددى!!!
انا:يا احمد انا ضعييييفة قدام بابا ومن زمان
احمد:طيب يا ندددى ‘ انا محتاج اقفل دلوقتي
انا:سلام
احمد:سلام
****************************
مرجعتش للبيت الا فعلا على نهاية السنة وكنت خايفة لاي حد يكلمني في البيت وخصوصا
بابا
بس الغريب ان محدش فتح معايا الموضوع وكانه محصلش!!
روحت العيادة وهناك لقيت سارة متغيرة معايا وطبعا شيرين كان لها دور اساسي
في التغيير ده..
انا:ازيكم
سارة لفت وشها ومكلمتنيش وشيرين قالت:اهلا
انا:ايه في ايه مالكم!!
شيرين:فعلا ناس بجحة
انا:نعم؟
شيرين:ايييه انتي عايزة بعد ما خطفتي منها الولد تكلمك عادي!! مش كفاية اني
كنت ساكتة ليكم
وانتم بتستكردوها وتيجوا هنا تتقابلوا لما متكنش هي موجودة
انا:اييييه الكلام اللي بتقوووليه ده!!
وسبتهم وروحت لاحمد وقلتله على اللي حصل فزعق واتعصب من شيرين وقال:
والله العظيم اللي هيفتح بقه بكلمه عليكي لوريه شغله!! هي ميين دي شيرين
اللي مفكرة نفسها
حاجه!!
انا:خلاص يا احمد مش عايزين مشاكل
احمد:متخافيش يا ندى لو فكرت بس تتكلم عليكي هوريها شغلها! كله الا انتِ..
عندك والكل
يقف..
**********************
تاني يوم لما روحت العيادة فقامت شيرين قالتلي:
مش مامة احمد كانت هنا
انا:فعلا!
شيرين:اااه وبعدين كانت فيه واحدة هنا تانية لما شافتها قالتلها هو انتي
حماة الدكتورة سارة قامت
ردت عليها وقلتلها ياريته كان حب سارة ده بص لفووووق اوووووي..
انا اول ما سمعت الكلام ده اضايقت جداااا واتغظت اوووي وحسيت ان مامته
بتهني جدا بكلامها
فخرجت من العيادة ومن كتر عصبيتي كسرت شريحة التلفون واشتريت رقم جديد
ومدتهوش لاحمد
عشان ميعرفش يوصلي..
ومروحتش العيادة خاااالص لمدة شهر وطبعا استئذنت من دكتورة منال انه قاعدة
في البيت بذاكر
لاخر سنة ليا في الجامعة ..
نظام سنة خامسة عندنا غير لان سنة رابعة مبتخلصش زي بقيت الجامعات في شهر 6
او 7 لا ده
بيخلص في شهر 9 وبعدها خامسة بتبتدي على طول..
فكنت بنزل شوية عندي البيت عشان
اذاكر وارجع القاهرة وارجع تاني البيت وهكذا وكانت ما بين كل
مادة ومادة بيبقى فيه وقت طويل اوي..
قعدت شهر مخرجتش من البيت وكانت علياء بتيجي تزورني من فترة لفترة.. طبعا
رقم تلفوني الجديد
مدتهوش الا لعلياء وصحابي اللي معايا في الاوضة في المدينة شيماء واسراء..
وفي يوم لقيت شيماء بتتصل بيا..
انا:ايوة يا شيمو ازيك
شيماء:الحمد الله.. انتي عاملة ايه
انا:الحمد الله .. اديني بذاكر لاخر سنة ليا.. انتي ايه لسه عندك في
المدينة مروحتيش لاهلك ولا ايه؟
شيماء:لا والله لسه بخلص ورق ليا وبعدين هروح عندهم اسبوعين كده وارجع تاني
هنا المدينة
انا:اه ربنا يكووون في عونك يارب
شيماء:يارب.. بقلك يا ندى
انا:ايه؟
شيماء:حصل حاجة غريبة!!
انا:حصل ايه يا بنتي؟
شيماء:فيه واحد جه هنا مرتين سأل عليكي
انا بخوف وارتباك:مين ده؟؟
شيماء:بيقول اسمه احمد
انا:احم ‘ سأل عليا انا؟؟
شيماء:ايوة
انا:ااه ده اللي معايا في العيادة اللي بتدرب فيها
شيماء:باين انه قلقان عليكي اووي
انا:ماشي يا شيمو ‘ اصل انا غيرت الشريحة زي ما انتي عارفة وبقالي شهر
مروحتش العيادة
فتلاقيهم عايزين يعرفوا مالي وكده..
شيماء:ااه اكيد عاملة اعتصام اخر سنة بقى ماشي يا دكتورة ندى ..
انا:ههههه شكرا يا شيمو..سلام حبيبتي..
***************************
مبقتش عارفة اعمل ايه واستغربت جدااا من الحركة اللي هو عملها وازاي يروح
ليا الكلية ويسأل
صحباتي عليا واضايقت بس في نفس الوقت فرحت اوي انه مهتم بيا وبيدور عليا..
بعدين كان عندي امتحان فكان لازم اروح امتحن المادة اللي عليا في القاهرة
فقلت هبقى انزل
بكرة بدري شوية عشان مشوفش احمد في طريقي لاني كنت هعدي على المكتبة اللي
جمب
العيادة اشتري اقلام للامتحان اللي عليا تاني يوم وبعدين اروح على
القاهرة..
وهناك دخلت المكتبة واشتريت الاقلام اللي عايزاها وجاية اخرج شفت احمد واقف
برة المكتبة
بيبص عليا..
مبقتش عارفة اعمل ايه واروح اكلمه ولا امشي واكمل طريقي وكاني مشفتهوش بس
لقتني وبكل
استسلام ببتسم ليه وبمشي ‘ فقام هو كمان يمشي جمبي لحد ما وصلنا للمحطة
اللي بركب
منها دايما وركب معايا وقعد قدامي.. فضلنا طول الطريق كل اللي بينا نظرات
وكل ما يبصلي
اتكسف وابص بعيد ‘ لحد ما وصلنا ومشي بردو معايا وشالي الشنطة وكل ده واحنا
ساكتيين
لحد ما عدت نص ساعة واحنا ساكتين كده بعدين قالي:
انتي عارفة اني كنت هموت من القلق عليكي
انا:...
احمد:غيرتي نمرتك ليه يا ندى
انا:عشان متتعذبش معايا اكتر من كده يا احمد وكلام مامتك صح
احمد باستغراب:مامتي!! ليه هي كلمتك!!
انا:لا يا احمد وياريتها كلمتني انا بدل ما هي ماشية في البلد تقوول للناس
انك ياريتك حبيت سارة
ومبصتش لفوق اووي!! قصدها عليااااا انا..
احمد:يابنتي امي متقصدش حاجة وحشة في حقك ‘ هي شايفة ابنها بيتعذب قدامها
ومش في ايدها
تعمله حاجه بس والله ما تقصدش حاجة وحشة في حقك يا بنتي.. وهي تقصد انك
حاجة كبيييرة
اووي عليا وانتي تستاهلي واحد احسن مني..
انا:ماشي انا اسفة اني اتسرعت في الحكم عليك بس كنت متغاظة اوووي ومضايقة
ومبقتش عارفة
اتصرف ازاااي فلقيت نفسي ببعد..
احمد:متعمليش كده تاني ‘ انتي متعرفيش انا عملت ايه بجد عشان اوصلك!! انا
كذا مرة جيت
هنا الكلية وكنت بقف من الصبح لحد بليل عشان اشوفك بس مكنتش بشوووفك خالص..
لحد ما في
يوم سمعت واحدة بتتكلم عنك فروحت ليها ومعرفش بصراحة انا جبت الجراءة دي
منين وسألتها
عنك انها صحبتك يعني وقالتلي اه وسألتها عنك بس قالتلي انك بقالك شهر في
البلد بتزاكري وعاملة
معسكر..
انا:ااااه اصل انا عندي امتحان مادة وكنت بزاكر للمادة دي وكده‘ اخر سنة
بقى خلاص داخلة
احمد:ربنا معاكِ ياااارب.. طيب هتعملي ايه دلوقتي؟
انا:احنا وصلنا المدينة فهدخل جوة
احمد:احم طيب انا عندي فكرة
انا:ايه؟
احمد:ايه رايك نتمشى سوى شوية
انا بفرحة:بجد؟؟
احمد:ايوة انتي واحشاني اووي وعايز اقعد معاكِ
انا:خلاص استناني هنا وهدخل اودي حاجتي الاوضة واطلع نتمشى سوا شوية
وفعلا اتمشيت معاه لحد المغرب وخد رقمي الجديد ورجعت انا واحمد تاني نتكلم
*****************************
الفترة دي كانت من اصعب الفترات اللي في حياتي ‘ احساس اني خلاص هخلص
الجامعة وان دي
اخر سنة ليا .. خمس سنين وانا عايشة هنا في المدينة حاسة بحريتي اللي بفتقدها
في البيت عندي
وكل ما افتكر اني هرجع اعيش مع بابا والخوف والقرارات اللي مفهاش رجعة
اتخنق! بس كنت
بحاول استغل كل فرصة متبقية ليا في القاهرة وفي نفس الوقت كنت بذاكر جامد
عشان اجيب
تقدير واعرفهم اني قد مسؤولية نفسي..
كان كل اسبوع احمد يجيني القاهرة ونقعد نتفسح وندخل سينما مع بعض..
وفي يوم خرجت معاه لقيته بيقولي:تعالي النهاردة نروح اي محل ‘ عايز اشتري
ليكي حاجة حلوة
تلبسيها..
انا باحراج:ربنا يخليك ليا يا احمد بس اشمعنا يعني
احمد:اصل مبقتش عجباني طريقة لبسك ولا هي القاهرة غيرتك بقى ولاايه!!
انا باستغراب:لبسي!!! ماله لبسي يا احمد منا لابسة لبس محترم اهوو.. جيبات
وبلوزات عليها
ولو بلبس بنطلون بقوم لابسة بلوزة طويلة لحد الركب..
احمد:طيب ومش شايفة ان لحد الركب دي قصيرة؟!
انا:نعم؟
احمد بحنان:تعالي بس هشتريلك لبس حلوو خالص وياستي لو معجبكيش ابقي قولي
لا.. تعالي
بس ومتكشرييش كده..
انا:ههه طيب
احمد:ايوة كده اضحكي ‘ يعني انا هشتريلك مثلا لبس فطوطة واقلك البسيه‘ لا
هجبلك طقم حلو
وفعلا رحنا محل واشترالي احمد جيبة لونها ازرق تركواز وعليها بلوزة بيضة
باكمام واسعة..
احمد:ها يا ستي حلووين
انا:اه حلوووين اووي ‘ تسلملي يا احمد
احمد:عقبال كده ما نشتري واحنا متجوزين ياااارب
انا:يااارب ‘ بس ساعتها مش هتفضل بقى تقولي لا انا قرفان وزهقان وانتي
متعبة وانا مش عاوز
انزل اشتري معاكِ وكلام الرجالة ده..
احمد بحنان:اناااا!! ابداااا ..طيب ايه رايك بقى ان لما نتجوز ان شاء الله
‘ مش هتنزلي تشتري
حاجة الا وانا معاكي ...
انا:يااااارب
وبعدين روحنا لحديقة وقعدنا سوا عشان كنت انا تعبت من المشي وفضلنا نتكلم
كتير ونحلم ببيتنا
ولما نتجوز ومن التعب لقيت نفسي بميّل راسي على كتفه..
احمد:تعبانة؟
انا:اه اووي
احمد:بحبك
انا:وانا كمان بحبك اوووي
وغمضت عيني من التعب فحسيته بيطبع بوسة على جبيني حسستني بامان الدنيا
كلها...
استنوني الحلقة اللي جاية.....
