الحلقة العشرون والاخيــــــــــــرة من قصة "الحُب خلف الأسلاك الشائكة"

الحلقة العشـــــــــرون

وفي يوم كنت رايحة في البلد وماشية وقابلت احمد بس لفيت وشي بسرعة وكملت طريقي عشان

مكنتش عايزة اضعف بس لاحظت حاجة غريبة اووووي ‘ كان بيبص ليا احيانا واحيانا راسه

منكسرة في الارض وفي عينه حزن عمري ما شفته قبل كده.. بصراحه كنت عايزة اجري عليه

اعرف هو ماله بس جمدت قلبي ومشيت..

احمد نادى عليا:ندى استني ارجوكي

انا وقفت في نص الطريق بس ملفتش وشي

احمد من ورايا بيقلي:ندى انا فسخت خطوبتي

لفيت ليه وقلتله:معدش ينفع رجوعنا يا احمد ‘ انت اتغيرت اوي وانا كمان اتغيرت والحب اللي بينا

كفايه عليه كده .. بلاش نشوهه اكتر من كده.. ربنا يوفقك في حياتك واسفة لو جت فترة عليا

وبوظت حياتك ولخبطتها بس صدقني انا اكيد وقتها كنت متلخبطة اكتر..

وجيت امشي قام نادى عليا تاني:ندى استني

عينه كان فيها كلام كتير وندم على كلام قاله وحزن رهيب وكسرة عمري ما شفت زيها..

احمد:انا مستعد اعمل اي حاجة عشان تنسي اي حاجة وحشة قلتها في حقك

انا:معدش ينفع.. كده احسن ليك واحسن ليا...

ومشيت بسرعة قبل ما اضعف تاني ‘ بس المرادي كنت عارفة وانا بمشي ان كده قصتي مع احمد

انتهت وللأبد..

كنت مع كل خطوة افتكر لحظة حلوة عشتها ولحظة احلى كنت بتمنى اني اعيشها واعيط ‘ بس

افتكر بنتي نسمة واقول ‘ هي دلوقتي اكتر واحدة ليها حقوق عليا ولازم متساهلش في حقوقها

ابدا...

******************************************

رجعت البيت وقررت اني اغير فيه شوية حجات وكنا اول الشهر فكنت لسه قابضة .. نسمة بقى

عندها سنتين ومكنش عندها لسه اوضة ليها لوحدها.. فقررت اني اعمل اوضة المخزن اللي

في الشقة اوضة ليها وبناءا على كده جبت النجار وبدأ يعمل ليها الاوضة..

ورجع حسام من الشغل لقى الصنايعية عمالين يشتغلوا في الاوضة..

حسام باستنكار:ايييه ده!!

انا بفرحة:بعمل اوضة لنسمة

حسام:نعم يختي!! نسمة ميين دي اللي يتعملها اووضة!!

انا:يعني عجبك نومها معانا في نفس الاوضة وبعدين البنت شوية شوية بتكبر ومحتاج ليها اوضة

حسام:ومييين قالك اصلا تتصرررررفي!!

انا:ما هو انا لو قلتلك مش هترضى

حسام:طبعاااا مش هرضى!!!

وراح حسام للنجار واللي معاه وقالهم:يا رجاااالة معلش بس احنا غيرنا راينا ومش هنعمل الاوضة

دلووقتي..

النجار:بس يا باشا احنا جيبنا حاجات

حسام:رجعها

النجار:يعني ايه ياباشا نرجعها!! مينفعش

حسام بعصبية:بقلك ايييييييه انا مش عااااايز الاوضة

النجار:خلاص يبقى تدفعلنا فلوووسنا ‘ احنا مالنا انكم غيرتم رأيكم

حسام بعصبية:فلوووس ليه هو نصب ولا ايه

النجار بزعيق:يعني ايه نصب ‘ ده حقنا واحنا كده هنخسر

حسام بزعيق:اتفضلي ادفعيلهم فلوووسهم ‘ خليهم يغوروا

وفعلا اديتهم الفلوس وانا مكسوووفة اوي منهم ومن اللي حسام عمله وسمعت النجار وهو ماشي:

خلق متختشيش بصحيح

انا للنجار وعيني في الارض:انا اسفة معلش حضرتك

النجار:ربنا يكون في عونك عليه ‘ حسبي الله ونعم الوكيل

حسام بعد ما مشيوا:حرق نار في جتتك ‘ وانتي مرة تانية متعمليييش كده

انا بزعيق:وهو انا قلتلك تدفع فلوووووووس ولا حاجة!!!!! انا كنت هعملها من فلوووسي

حسام:لا بصي انتي اصلاا ايدك فررررطة وشكلك مش وش نعمة ولما بتشوفي فلوس بتجيلك

بتتعمي وعايزة تصرفيها وخلاص.. من هنا ورايح مرررتبك اول ما تاخديه ‘ يجيلي انااا وانا

اللي احدد يتصرف ازاي وليه..

انا:ليييه ان شاااء الله

حسام:هووو كده انا راجل البيت..

***********************************************

طبعا سكت واستحملت ‘ لاني مكنش ينفع اشتكي تاني لاهلي ولو كنت قلتلهم كانوا غلطوني اني

مستأذنتش جوزي قبل ما اجيب النجار يعمل الاوضة للطفلة الغلبانة...

*********************************************

كل يوم جمعة كان بيبقى يوم بالنسبة ليا يوم العذاب لان كنا بنروح نعمل زيارة لمامته واهله..

وهناك لا كانوا بيرحموني ولا يرحموا نسمة..

مامة حسام:ايه ده؟ هي نسمة مالها تخينة اووي كده ليه على سنها؟! دي يا دوب سنتين وبصي

مكلبظة ازااااي!!

اخت حسام:تصدقي فعلا يا ماما! شوفي الفرق بينها وبين مايسة بنتي!! تؤتؤ مش حلوو كده يا ندى

هتجبيلها تخمة!!

انا في سري:تخمة تاخدكم ‘ اعوووذ بالله بتبصوا في اكل البنت .. الله اكبر .. قل اعوذ برب الفلق

ربنا يحرسها من عينكم..

مامة حسام:خف اييييدك يا حسام شوووية على الفلوووس

حسام ليا:ساااامعة!! وانتي بس شاطرة كل يوم تسمعيني موال مفيش اكل لبنتك ‘ بنتك في سن النمو

ومحتاجة تاكل وتتغذى وانت مبتجبش اكل لينا..

مامة حسام:ميين ده ما البنت مكلبظة اهي اد كده ‘ اللهم لا حسد يعني

انا بنرفزة:انتوا هتحسدوا البنت

اخو حسام:ونحسدها على ايه يعني ‘ من حلاوتها ولا من حلاوة امها!!

انا:مش كفاية يا حسام كده ونمشي بقى

حسام:لا استني ‘ لسه مقعدناش

وهكذا كان كل مرة اروح ليهم ‘ لازم يسمعوني اني بصرف انا وبنتي كتير واننا مش حاسين بالنعمة

اللي في ايدنا واننا محدثين نعمة..

*******************************************

انا عيد ميلادي في شهر 1 وفي اليوم ده وديت نسمة عند ماما ووضبت عشا واستنيت حسام يرجع..

بس هو كالعادة رجع متأخر..

حسام:امال فين نسمة؟

انا:وديتها لماما

حسام:ليه!

انا:تفتكر النهاردة ايه؟

حسام:بقلك ايه انا مش فايق! خلصييييني وقولي فيه ايه؟

انا:طب حاول تفتكر كده ‘ تاريخ النهاردة؟ مش بيفكرك بحاجه

حسام بعد تفكير:لا

انا:خاااالص!!

حسام:يبااااي عليكي وعلى رغيك وتفاهتك يا شيخة

انا:خلاص يا حسام ‘ عندك العشى ‘ اتعشى وانا داخلة اناااام

حسام:احسن بردو

ودخلت انام وانا معيطة ومقهورة انه مفتكرش عيد ميلادي ‘ بس انا كنت خلاص اتعودت على انه

ميفتكرش اعياد ميلادي وفي نفس الوقت كان بيحز في نفسي..

*******************************************

عدت ست سنين على جوازي بحسام وهو فيه نفس الصفات ومبتتغيرش ونسمة كبرت وبقى عندها

خمس سنين...

انا:حسام بكرة عيد ميلاد نسمة

حسام:هنعمله عند امي

انا:اشمعنى بقى؟؟؟ لا انا عايزة اعمله هنا في بيتي وهما لو عايزين يجوا اهلا وسهلا

حسام:ليه بقى ان شاء الله

انا:مبرتاحش هناك ولا ببقى على راحتي

حسام:بس انا امي عايزة تعمله هناك

انا:اناااا اللي احدد دي بنتي انا مش بنت اي حد تاني

حسام:لا هنعمله هناك

انا:والله ‘ طب اعمل حسابك بقى لو اتعمل هناك انا مش هدفع ولا مليم

حسام:خلاااص انتي حرررة ‘ انا كنت عامل على راحتك لكن انتي فقرية وغاوية تعب ..

***********************************************

وفي يوم كنت قاعدة في يوم اجازتي بقرأ قصة ودخل حسام عليا:

ايه اللي بتقريه ده؟

انا:قصة اشتريتها وانا جاية من الشغل ‘ اسمها عجبني

حسام:هه قصص!! واحنا بقى هنصرف فلوسنا على القصص والكلام اللي لا بيودي ولا يجيب؟

انا:يوووووه انت بقيت حاجة فظيعة

تيجي نسمة جري من جوة وتقول:بب ببا ببا

حسام:بقلك ايه انا مصدع ‘ خدي بنتك وابعديها عني

انا بحنان:تعالي حبيبتي نلعب بعيد سوا

القصة اللي اشتريتها كانت طوق نجاة بالنسبة ليا لانها هي اللي الهمتني بفكرة عمرها ما كانت تخطر

على بالي ‘ بس الفكرة دي كان محتاج مني اني اغلب خوفي ولو لمرة واحدة في حياتي..

وفعلا بدأت كل ما اشتري حاجة اطلب فاتورة بيها وكل ما اعمل حاجة في البيت اكون جايبة ليها

وصل.. الكهربا اللي كان بيخليني ادفعها كنت باخد الوصولات واحتفظ بيها والايجار اللي مكنش

بيدفع منه اي حاجة كنت بردو بخلي الوصولات تيجي كلها باسمي..

حسام:اموت واعرف انتي بتحفتظي بكل الفواتير دي ليه

انا:عشان لو احتجتها في يوم

حسام بسخريه:هه هتحتاجيها في ايه بقى ان شاء الله

انا:متعرفش الايام مخبية ايه؟؟!

حسام:والله انك تافهه وفاضية

وبعد 7 سنين خرجت من شقتي في يوم صبح وروحت لمحامي كانت صحبتي اللي معايا في الشغل

قالتلي عليه انه محامي شاطر..

المحامي:يعني انتي عايزة ترفعي قضية خلع على جوزك

انا:ايوة بس قبل ما ارفعها كنت عايزة اتأكد من حاجه

المحامي:اتفضلي

انا:القضية مضمونة؟

المحامي:لو عندنا اسباب قوية ‘ طبعا مضمونة

انا:مبيصرفش عليا انا وبنتي في البيت خاالص ومهمل في بيته ومهمل ليا انا كمان

المحامي:معاكي اي اثباتات بالكلام ده

انا:ااه معايا وصولات وفواتير كلها تبين اني انا اللي بدفع.. بس فيه حاجة انا خايفة منها

المحامي:ايه؟

انا:هو زمان لما انا طلبت الطلاق هددني انه هيفضحني ويقول اني على علاقة بواحد وكده

وان اني اني مش ممم مش اد الثقة اني اضم بنتي ليا وهياخدها مني فانا كنت عايزة اتأكد

من النقطة دي..

المحامي:بصي احنا ممكن لو قال كده في المحكمة نطلب من المحكمة ان تطلع فواتير تلفوناتك

لو هو بيقول عندك عشيق فعلا يبقى هيبان في الفواتير والارقام ‘ اذا كنتي بتكلمي حد ورا جوزك؟

انا في سري:الحمد الله يااارب

وساعتها حمدت ربنا اني بقالي سنين مكنتش بكلم احمد والا كانت هتبقى نقطة في صالح حسام

وقلت للمحامي:تماام‘ يبقى ارفع القضية..

********************************************

كنت في البيت عند اهلي انا ونسمة لما سمعت بابا بيزعق ويقولي:

انتي رفعتي خلع على جوزك؟

انا بارتباك:ايوة

بابا:ازاي تعملي اكديه من ورايا!!

انا:دي حياتي اللي تعبت فيها وساكتة ومستحملة ومحدش قدر وكنت بخاف اجي احكيلكم لا تسمعوني

كلام بتاع ما احنا كنا هنطلقك واحنا كنا مش عارف ايه..

بابا:القضية دي لازم تتجفل

انا:انا اسفة يا بابا ‘ انا مشيت في طريق ومعدش ينفعله رجوع ولو رجعت المرادي لحسام ‘ مش

هيرحمني!!

بابا: تبجي انتي حرة وانتي اللي هتتكفلي نفسك وتعيشي لوحدك ومتجيش بعد اكديه تجولي انك

تعبانة من الحياة لوحدك وانك محتاجة راجل تتجوزيه..

انا:مش مهم يكون فيه راجل تاني في حياتي ولا لا! المهم اني انقذ بنتي من اب زي ده ‘ انا عايزة

اربيها على حاجات كتيرة اتحرمت منها حتى منك انت يا والدي للاسف..

********************************************

بعد سنة جري في المحاكم وقضية تتأجل واستئناف وطعن في الحكم ‘ قرر القاضي اخيرا انه يديني

حريتي لعدم تأهل حسام انه يكون فعلا زوج جيد ليا ولبنتي والحضانة كمان كانت من حقي..

واتنازلت لحسام عن المؤخر ‘ بس الشقة كانت من حقي لاني انا اللي كنت بدفع ايجارها وبقيت

باسمي..

وهو كان مسموح ليه يشوف نسمة في الاسبوع مرتين واحيانا مكانش بيجي..

طبعا بابا فضل فترة مخاصمني ومبيكلمنيش ‘ بس مع الايام اتأقلم وشاف ان روحي ردت ليا

وان حياتي كده احسن بكتير من حياتي زمان.. انا كمان حسيت اني اخيرا اتحررت من القفص

اللي اتحبست فيه طول عمري.. مش مهم اني خسرت احمد ‘ قد ما مهم اني كسبت بنتي ونفسي..

وقررت اني هبقى صاحبة لبنتي وهعلمها متخافش ابدا من انها تقول رأيها وترفض اللي مش عايزاه

وتختار اللي هي عايزاه ‘ قررت اني هخليها تكون مسؤولة عن قراراتها ولها حرية الاختيار..

هربي نسمة انها متغلطش غلطة مامتها وتدفع تمن حاجات كتييرة حلوة اوي في حياتها..

وفي يوم كنت نازلة البلد عشان اقعد عند اهلي يومين الخميس والجمعة..

نسمة:ماما عاوزة اثتري مثاثة

انا:حاضر يا نسمة واحنا مروحين ‘ هننزل نجيب الحاجات اللي انتي عاوزاها

ولما نزلت واحنا عند السوبر ماركت ‘ شفت احمد بس مسكت نسمة ودفعت فلوس الحاجات اللي

اشترتها ومشيت بسرعة..

بس لقيت احمد بيمشي ورايا..

نسمة:ماما احنا هنركب باث ثغير؟

انا:اه

وركبت بسرعة ولقيت احمد بيركب معايا ‘ بس محصلش بينا كلام.. انا بقيت ببص يمين وشمال

وشفت ايده بسرعة لقيت مفهاش دبلة فبصيت لعنيه وشفت جواهم مكتوب:

مش عارف اعيش

وفضلنا ماشيين طول الطريق محدش بيتكلم فينا

وبعدين طلع شيكولاتة وادها لنسمة

نسمة بصتلي وقالتلي:اخد من عمو يا ماما

انا:خديها

واشتغلت اغنية في الميكروباص كانت كلماتها بتقول:

ممنونك انا على البعد ممنونك.. عم عيش بهنى يا حبيبي من دونك

ممنومنك انا على البعد ممنونك.. عم عيش بهنى يا حبيبي من دونك

هجرك مضيعني انت اللي قلبك ضاع.. ندمان شو يعني مطرح ما كنت ارجع

زعلان قلبي عليك .. مافي شوفك هيك .. عم يرجفوا ايديك.. والدمع بعيونك

ممنونك انا على البعد ممنونك.. عم عيشبهنى يا حبيبي من دونك

يارب تتهنى ‘ تنسى القسى واللوم .. من قلبي بتمنى عنيّك تشوف النوم 

ونزلت وانا نسمة في ايدي ومشيت من غير ما التفت لاحمد ‘ بس حسيت بيه واقف في مكانه

زي ماهو..

النهايــــــــــــــــــــــــــــــــة