الحلقة الرابعة عشر
ومن اول يوم معاه حصل اللي مكنتش اتوقعه!!!!!
بعد ما اتفق معايا حسام واتكلمنا شوية لقيته بيقولي وبطريقة مقرفة:يلاااا
انا:يلا لايه؟
حسام:يابنتي النهاردة يوم جوازنا يعني هيكون يلا ايه!!
******************************
تاني يوم صحيت لقيت عندي نزيف قوي بس انا مكنتش فاهمه حاجه ومكنش ينفع اقول
لاي حد لاني
كنت اتفقت مع حسام اني اللي بينا ميطلعش برة..
وبعد ساعات جت مامته واخواته البنات واخوه يزورونا..
مامته اول ما دخلت:مبروووووك يا حبايبي
انا بابتسامة صفرا:الله يبارك في حضرتك
مامة حسام:لا من هنا ورايح بقى تقوليلي يا ماما
انا:بس انا مبقلش ماما الا لامي
مامة حسام بعصبية:قصدك ايييه يعني !! قصدك انك متتشرفيش!
انا:لا لا انا بس مش قصدي
اخو حسام:متزعليش يا امي.. وبصلي وقالي:معقوووول فيه كده!! انتي تطوووولي
يا شيخة! حماتك
بنفسها بتقلك قوليلها يا ماما..
انا بخوف وضعف: اانا مقصدتش لكل ده.. حقك عليا يا مم مماما
مامة حسام بانتصار:يلااا قومي اعمليلنا فطار
انا باندهاش:اقوم اعمل فطار في صباحيتي؟
مامة حسام:يلاااا يا بنتي لحسن جعااااانة
حسام:يلاااا يا ندى ‘ اعمليلنا فطااار
واحدة من اخواته البنات:واعملي حسابي
التانية:وانا كمان
اخو حسام:اعمليلي كوباية شاي
وروحت المطبخ وانا حاسة اني مكسوورة ومتنرفزة ‘ كنت فاكرة اني لما هتجوز
حياتي هتتغير..
كنت زمان بحلم ببيت صغير ودافي مع احمد ‘ واعمله كل حاجه بحب وانا راضية
وصحيت على
كابوس مع راجل مفيش في قلبي ليه ولا ذرة حب ومع اهله البشعين.. كنت حاسة
اني تعبانة اوي
بس مكنتش قادرة اتكلم ..
دخل حسام عندي وافتكرت انه هيصبرني او يقلي معلش على اهله لا ده قالي:ايه
يا ندددى ؟
كل ده ومخلصتيش الفطاااار؟؟؟ اهلي جعانين!!
انا باندهاش وتعب:اهلك دووول ايه؟؟؟ المفرووووض ميجوش ليا يوم صباحيتي ‘ لا
وايييه وبيطلبوا
انااااا العروووسة اعملهم اكل وفطار؟
حسام:بقلك اخلصي ووطي صووووتك ‘ مش عايز حد يسمع القرف اللي بتقووليه ده
انا:قرررف!
حسام:يلاااااا اخلصي
وسابني ومشي
انا في نفسي :حسبي الله ونعم الوكيل فيك يا اخي
وفعلا عملت ليهم الفطار وما صدقت مشيوا وروحت ارتاح عشان كنت تعبانة جداااا
*****************************
بعد اسبوع جاتلي اختي الكبيرة هدى زيارة..
انا لهدى:بقلك يا هدى انا تعبانة اوووي
هدى:من ايه؟
وحكيت لهدى على اللي حصلي من اول يوم جواز
هدى بخوف شديد:يا نهار اسوود انتي كده عندك نززززيف لازم تروحي للدكتور
انا:بجد؟
هدى:ايووووة انتي ازاي ساكتة على نفسك كده
انا بخوف:هوو هو قالي محكيش اي حاجة بينا لحد
هدى:لا طبعااا بس مش في الحجات دي.. قوومي بينا نروح للدكتور
وفعلا روحت للدكتور وقالي:انتي عندك نزيف ولازم متقربيش لجوزك لمدة اسبوع
وتاخدي العلاج ده..
ولما رجعت لحسام قالي:كنتي فين!
انا:عند الدكتور
حسام:ليه بقى؟
انا:طلع عندي نزيف
حسام:انتي ازاي تروحي من غير ما تاخدي اذني؟!
انا:اخد اذنك وانا عياااانة؟؟ اجي اقلك ينفع اروح المستشفى ولا اموووت جمبك
هنا؟
حسام:بلاش دلع وكلام فاضي تموووتي ايييه! ما انتي زي الفل اهووو ومحصلكيش
حاجة..
انا:بس انا فعلا تعبانة والدكتور كتبلي على علاج
حسام:ايوة وبعدين؟
انا:لازم اجيب العلاج
حسام بعدم اهتمام:ومجبتهوش ليه؟
انا:قلت اديك انت تجبهولي
حسام:لا انزلي انتي جبيه
انا:نعم؟
حسام:زي ما سمعتي!! انزلي انتي جبيييه!!
انا:بقلك عندي نزيف وتعبانة يا اخي!! وانت مكلفتش خاطرك حتى تقولي سلامتك!!
وعايز كمان
تنزلني اجيب العلاج لنفسي..... انت ايييييييييه؟؟
حسام:بس كده سلامتك..
وسابني ودخل ينام واضطريت انزل تاني واروح للصيدلية عشان اجيب الدوا..
ووانا ماشية في طريقي
للصيدلية شفت احمد.. مبقتش عارفة اعمل ايه؟ او اتصرف ازاااي.. ولقتني من
غير ما احس روحت
ليه..
انا:ازيك يا احمد
احمد بحزن:الحمد الله عايش ‘ انتي عاملة ايه؟
انا:هه تعبانة ! بقضي شهر العسل بتاعي في السرير..
احمد بقلق:ليه مالك؟؟
انا:متشغلش بالك .. انا بس مقدرتش مشوفكش ومسلمش عليك او اتكلم معاك
احمد بقلق:مااالك يا ندى؟ تعبانة مالك؟؟
وحكيت لاحمد على كل حاجة بصراحة ومتكسفتش منه ‘او حسيت انه راجل غريب عني
.. اللي كنت
بعمله اكيد غلط بس الحنان اللي في عنيه واهتمامه بيا والحب اللي كنت بردو
محرومة منه من جوزي
خلوني اشوفه والاقيه عنده..
احمد:طيب استني هنا ومتتحركيش ‘ اديني الروشتة..
انا:هتروح فين؟
احمد:استني بس يا ندى.. خمسة وجايلك بسرعة
وفعلا لقيته بيجري بسرعة بعيد وبعد خمس دقايق رجعلي تاني ومعاه كيس
وبيقولي:اتفضلي..
انا:ايه ده يا احمد؟
احمد:العلاج اللي مكتوبلك في الروشتة
انا:انت روحت جبته بنفسك؟
احمد:اكيد مش هخليكي تمشي لحد الصيدلية وانتي تعبانة كده..يلا روحي البيت
وارتاحي ومتنزليش
تاني يا ندددى واهتمي بنفسك لو سمحتي..
انا بدموع في عنيا:طول عمرك حنين عليا ومعايا ولسه كده حتى بعد ما .....
احمد:ششش رووحي ارتاحي وسيبي اي كلام دلوقتي..
ورجعت البيت وفضلت اعيط طوول الليل زي عادتي بس المرادي وانا بعيط كنت حاسة
اني روحي
هتطلع في العياط ولقيت حسام صحي ورايح المطبخ يشرب مية..
حسام:ايه ده؟ مالك؟ بتعيطي ليه؟؟
انا بمسح دموعي:لا تعبانة بس
حسام:افتكرت فيه حاجة كبيرة حصلت.. نامي نامي وهتبقي كويسة..
وبعد ما دخل حسام ينام عيطت اكتر ‘ وحسيت اني دفنت نفسي وبدل ما الاقي
الراحة ‘ مشيت في
طريق كله تعاسة.. انا كل اللي خلاني اوافق على الجواز عشان ابعد عن الحرام
بالحلال بس يا
ترى اللي انا فيه ده حلال!!
************************************
عدى اسبوع كمان وكان لازم اروح الدكتور تاني عشان يكشف عليا ولما روحت
الدكتور قالي:
لازم اكتبلك على اسبوع تاني ميحصلش فيه تقارب بينك وبين جوزك
مامة حسام واللي اصرت تيجي معايا المرادي: بس يا دكتور دول اسمهم لسه في
شهر العسل؟!
معقووول الكلام ده..
الدكتور باندهاش:بس بنت حضرتك تعبانة جداا ولو حصل تقارب بينها وبين جوزها
ممكن يتعبها
اكتر..
مامة حسام :غرريبة والله يا دكتور! ما احنا كلنا اتجوزنا يعني ومحصلناش
الكلام ده! انا بس
شايفة ان ممكن ده يكون دلع زيادة..
الدكتور بعصبية:دلع ايه حضرتك!! ده نزييييف ..
وخرجت من عند الدكتور وقلت لمامة حسام:انا هروح عند اهلي
مامة حسام:ايه ده ايه ده ! ترووحي ليه عند اهلك!! انتي عايزة الناس تاكل
وشنا ولا ايه
انا:ناس ايه وبتاع ايه؟!! انا عايزة اروح عند اهلي! عايزة اشووفهم
مامة حسام:يبقى رجلي على رجلك ‘ منا مش هسيبك تروحي تباتي هناك والناس تقول
ايه
علينا!! عروسة لسه شهر العسل بتاعها مخلصش ورايحة تبات عند اهلها!! عايزة
يقولوا ايه
على جووووزك..
وسكت لاني كنت عارفة ان الكلام مش هيجيب نتيجة معاها وروحت انا ومامته عند
اهلي
وبابا لما عرف اضايق جدا وقال:وازاااي متجوليش لينا يا بنتي؟!
انا:خوفت
بابا:لااااه انتي هتجعدي معانا اهنيه لحد ما نشوف هيحصلك ايه يا بُنيتي..
مامة حسام:لا لا لا لا تقعد ايييييييه معاكم! لا طبعا يا حج انت عاوز الناس
تاكل وشنا!! وبعدين
احنا معندناش بنات بيباتوا برة بيت اجوازهم وندى هترجع معايا وانا بنفسي
عشان اتاكد انهم مش
هيقربوا لبعض هنام معاها..
سبتهم ودخلت الاوضة عند سما وقعدت اعيط..
سما:بس يا نددى ‘ بتعيطي ليه
انا بقهر:مش شايفة الست اللي برة دي بتقوول ايه!! يعني ايه يبقى اسمي عروسة
وتنام معايا!
ومش عايزاني اجي انام هنا معاكم!!! دي مش عيشة..
سما:انا بصراحة مش طايقاها شكلها ست قووووية ومفترية
انا:ولا ابنهااااا استغفرررر الله العظيم
سما:بصراحة مكنش لازم توافقي يا ندى على الجوازة دي
انا:كنت تعبت يا سماااااا من اهلك اللي مش عايزيني اتجوز احمد والخنقة اللي
عايشة فيها هنا
سما:معلش ببعدين اما تتنقلي للقاهرة عشان دراستك وشغلك هتبعدوا عن امه
دي...
انا:تبقى مصيبة لو جت وقالت انا جاية معاكم
سما:لا طبعا تروح معاكم فين ! هو ايه اصله ده!!!
ودخلت ماما تقولي:ندى يا حبيبتي يلا عشان مامة حسام عايزة تمشي
انا:هووو انا لحقت اقعد معاكم اصلاااا!! ده ايه ده!!
ماما:هي عايزة تمشي يا بنتي
انا:وبابا ميقلهاش ليييه اني هقعد معاكم هنا ‘ انا مش عايزة اروّح!!
ماما:ما هي بردو عندها حق وكلام الناس يا بنتي!! يقولوا ايييه بقى!! ده
الناس تاكل وشنا!
انا بقهر واستسلام:حاضر يا ماما
**************************************
وفعلا رجعت البيت وبقى حسام ينام في اوضة تانية ومامته تنام جمبي بس الوضع
ده استمر لمدة
يومين وبعدين مامته قالت:
انا عندي بيتي واخووك ومينفعش افضل قاعدة معاكم هنا عشان مراتك اللي بتدلع
دي!!
انا:انا بدلع في ايه بقى؟
مامة حسام: يعني ايه عروسة تقضي شهر العسل بعيد عن جوزها!!! وميقربلهاش من
ساعة الا مرة
واحدة!! ده دلع ولا مش دلع!!
انا:دلللع ايه!!! اذا كان الدكتور قالك بنفسه ان حالتي متسمحش وبعدين هو
مين السبب في اللي انا
فيه ده مش ابنك بردو ولا انا اللي سبب!!!
مامة حسام لابنها:لا يا بني انت اتجوزت واحدة بتدلع اوووي ‘ انا هقوم امشي
واتصرف انت معاها
ولا انت مش رااااجل!!
حسام:لا طبعا راجل يا امي.. روّحي انتي وهبقى اتصرف انا
وبعد ساعتين مشيت مامته فعلا بعد ما سخنته عليا وده جه وقالي:
انا نازل وهجي بليل واعملي حسابك لما اجي هاخد حقي اللي عندك..
انا باندهاش وقرف:حق ايه!!
حسام:يلا مش وقت كلام دلوقتي ‘ انا نازل لصحابي
انا:طيب لو سمحت وانت جاي ابقى جيبلي العلاج اللي مكتوبلي عشان خلص
النهاردة
حسام:شووفتي طالما خلاص يبقى انتي خلاص خفيتي وملهوش لزوم ‘ وبعدين د هدوا
مينفعش تاخديه عمال على بطال..
انا:يابني الدكتور هو اللي كتبهولي بنفسه! عمال على بطال ايه!!
حسام:لا لا ما هي مش فلوس بنرميها في الارض ووخلاص وانا لو شايف حالتك
محتاجة كنت
هجبهولك من غير ما تتكلمي..
وقام مشي وسابني.. وقعدت افكر كتيييير قبل ما اتصل باحمد وبعدين قررت اني
اتصل بيه..
احمد:الو
انا:ايوة يا احمد ‘ انا ندى
احمد بقلق:مالك يا ندى؟ صوتك تعبان؟؟ انتي لسه تعبانة؟؟ انتي مخفتيش؟
انا بصوت كاتم الدموع:لا مخفتش يا احمد وحسام مش راضي يجبلي العلاج ومش
عارفة انزل
اجيبه ولا اعمل ايه ..
احمد:لا خليكي عندك ومتتحركيش ‘ انا هروح اجبهولك واخلي اي عيل في الشارع
يطلعه ليكي
انا:مش عايزة اتقل عليك يا احمد ‘ انا بس كنت مخنوقة وتعبانة ومش عارفة
اعمل ايه
احمد:هجبهولك يا ندى وحاولي تخلي بالك على نفسك اكتر من كده‘ ده صوتك باين
عليه خالص
انك تعبانة..
انا:تخيل انت عرفت من صوتي وهو اللي قدامه 24 ساعة ما حس بيا وسايبني ورايح
يلعب مع
صحابه.. انت ليه قلتلي عليه كوويس يا احمد ‘ على اد ما بحبك انا بكررررهك
يا احمد على اللي
انا فيه دلوقتي..
احمد بحزن:انا لما قلتلك عليه كويس فده عشان عنده فلوس ومركز زي ما والدك
عايز يا ندى
انا بعياط:يجي ابويا يشوف الحياة اللي انا عايشاها دي معاه هو وامه وعيلته
‘ ويعرف ان الفلوس
والمركز مبتعملش بني ادمييين..
احمد:استهدي بالله يا ندى وحاولي ترتاحي وانا هجبلك الدوا بسرعة
انا:شكرا يا احمد ..سلام
***************************************
وفعلا بعد ربع ساعة لقيت عيل صغير بيخبط الباب وبيقلي اتفضلي.. خدت منه
الدوا وادتله 2 جنيه
وشكرته وبعدها كلمت احمد وشكرته .. وخدت الدوا ونمت...
كانت الساعة 12 بليل لما لقيت حسام بيصحيني:اااصحي يا ندى
انا بخضة وخوف:ايه في ايه؟؟
حسام:قووومي جعان وعاوز اكل
انا:يا اخي حرام عليك خضتني!! يا حسام مش شايفني تعبانة ونايمة
حسام:تعبانة ايه ‘ انتي بتدلعي.. قووومي قوومي اعمليلي العشا عشان انا
جعااان اوووي
وقمت فعلا وانا تعبانة ومن عز نومي وحضرت ليه العشا وحطيته ليه ولسه رايحة
انام قام قالي:
انتي رايحة فين؟
انا:راجعة اناااام! ايه عايز ايه تاني؟
حسام:وهو انا مش جوزك؟
انا:يعني ايه؟
حسام:احنا مش في شهر العسل وليا حقوق عليكي كراجل ‘ عايز اخدها
انا:بس الدكتور منعنا اننا نقرب لبعض
حسام:انا راجل وكلمتي اللي اقولها تمشي ومتكسرهاش
واضطريت اسمع الكلام وانا خايفة ويارتني ما سمعت الكلام...
...................................
استنوني الحلقة اللي جاية
