الحلقة السادســـــة عشــــــــر
الدكتور:مبروك انتي حامل
انا:ايه؟
الدكتور:حضرتك حامل
انا:متأكددد؟؟
الدكتور:ههه طبعااا متأكد ‘ ده طبيعي انك من كتر الفرحة مش مصدقة انك حامل
‘ خدت على
الانطباعات الاولانية لاي ست بتعرف انها حامل لاول مرة..
انا بسرحان:اه اه
وخرجت لاهلي وجوزي وقالولي:ها؟
انا بتوهان:حامل
حسام:بجدددد الف مبروووك الف الف مبروووك
والكل قعد يباركلي وانا قاعدة تايهه وسرحانة ومش عارفة افكر ولا اعمل ايه..
حسام:يلا بقى تعالي روّحي معايا ‘ مهو مينفعش تقعدي عند اهلك كده
بابا:يلا يا بُنيتي روحي مع جوزك لدارك واعرفي كيف تحافظي عليه
انا:بس
بابا:مبسش! انتي دلوجتي حاااامل ولازم تجعدي في دارك ولو جوزك عمل حاجة
تاني ابجي
ارجعي ‘ بس اعرفي الاول تحتويه ازاي وانا شايفك لسه مش عارفة تحتوي جوزك
ازاي..
انا:يا بابا ده هو اصلا بيقول اي كلام وده لسه امبارح......
بابا بيقاطعني:خلااااص يا ندى الحديث في اللي جبل اكيده بجى ماسخ .. روحي
دلوجيت وابتدي
صفحة بيضا معاه..
واضطريت تاني ارجع وانا مستسلمة وقرفانة ومش طايقة اي حد واولهم حسام..
مكنتش زي اي ام فرحانة بالمولود الجديد اللي هيجي بالعكس كنت حاسه انه هو
رباط هيربطني
اكتر بحسام ويخنقني لحد ما امووت..
******************************************
بعد ما رجعنا البيت لقيت حسام بيلبس ونازل ..
انا:رايح فين يا حسام؟
حسام بعدم اهتمام:هقعد مع صحابي
انا:صحاااابك تااااني!! وبعدين ترجع تقول لبابا ده شغل
حسام:ما هو صحابي يعني شغل
انا:انا مش فاهمة يعني ايه صحابك وشغل
حسام:هماااا صحابي وبعمل معاهم شغل
انا:وايه المشروع ده بقى اللي قلته لبابا عليه
حسام:مش هتفهمي فيه مش هتفهمي ..يلا سلام
ونزل بسرعة وسابني واول ما نزل جريت على تلفوني واتصلت باحمد..
احمد:ازيك يا ندى
انا:عايشة.. انت عامل ايه؟
احمد:اهو ماشي الحال بقيت اشتغل في عيادتين واحدة الصبح وواحدة بعد الضهر
ومرتبي
زاد الحمد الله..
انا:ربنا يوفقك اكتر يارب
احمد:انتي ايه جديدك؟ جوزك لسه بيعاملك وحش
انا:اا ... انا...... حامل
احمد:.......
انا:احمد معايا؟
احمد:معاك
انا:سكت ليه؟
احمد:هقول ايه يعني يا ندى ‘ الله مبرووووك انا مش مصدق ‘ اخيراااا هبقى
ااااااب !! الحمد الله
اني عشت وشفت اليوووم ده اللي ابقى اب فيه منك! ولا عايزاني اجررري عليكي
واخدك في
حضني وافضل الف بيكي واقولك بصي بقى يا ستي من هنا ورايح مش هتعملي اي حاجة
في
البيت!!! ومش هتتعبي خاااالص عشان الحمل!!!
بزعيق كمل:قووووووولي عايزااااااااني اقوووووووووولك ايييييه يا
نددددددددى!!!
انا:غصبن عني يا احمد ‘ انا مش عارفة بجد اعمل ايييه
احمد:ندى اللي احنا فيه ده صعب اوووي بس قوليلي بجد انا في ايدي اعمل ايه
وهعمله
انا:انا نفسي تايهه ومحتاجه حد يقولي اعمل ايه ‘ عارف انا بين نارين وكل
نار اصعب
من التانية .. نار اني عايشة مع بني ادم مبيحسش ولا بيهتم وكل اللي همه
نفسه وبس واناني
ومش قادررررة اطلق منه ولا اهلي هيخلوني اطلق منه وعيشوني في رعب وخوف طول
حياتي لحد ما الخوف ده اتمكن مني ونارك انت التانية والعذاب اللي احنا فيه
ده ومش قادرة
ابطل اكلمك ولا قادرة ابعد وانساااااااااااك.......
انا يا احمد بدعي كل يووووم البيب يده ينززززززل لاني مش عايزاه يكون من
حسام بس مقدرش
اعمل اكتر من كده..
********************************************
وعدت الايام والحياة زي ماهي مع حسام ‘ اهمال وسهر طول الوقت برة البيت
ولما اسأله
يرد يقلي:ما قلنا شغل اييييه انتي مبتخلصيش من ام الاسطوانة المملة دي..
وطبعا كان لازم بعد ما يخلص يروح لمامته في البيت ويقعد يرغي ويضحك مع
اخواته ويجي
ليا انا ميبقاش طايق يسمع مني كلمه واحدة ويفضل يقولي:
يا ساااااتر عليكي رغااااااااية !! يا شيخة لساااانك ده مبيتعبكيييش
وطبعا كان دايما عاملني ملطشة لاهلة!! في يوم كنت نازلة من شقتي فقابلت
اخوه فكان بيضحك
بسأله:ايه ده خير بتضحك ليه؟
رد عليا اخوه:وانتي مالك! انتي حشرية ليه
فطلعت وحكيت لحسام فرد قالي: فعلاااااا اما انتي حشرية بصحيح ما يضحك على
اللي هو
عاوزاه انتي اييييييييه اللي دخلك!!! وبجحة كمان جاية تشتكي!!
وفي يوم تاني لما اخوه اتجوز وكنا كلنا قاعدين في شقة حماتي فكان الناس
بتيجي تزورهم في بيت
حماتي مش بتروح تزور اخوه ومراته الجديدة في شقتهم فقام اخوه قال:
الحمد الله ان الناس بتيجي هنا الشقة عند ماما مش في شقتنا
فانا قلتله:ليه خايف على الشقة تتبهدل ‘ ياسيدي ماهو مش انت اللي هتكنسها
دي مراتك
فرد عليا:وانتي مالك مين اللي يكنسها انا ولا مراتي! دي حاجة متخصكيش
اصلاااا ومتفتحيش
بقك تاني فيها..
اضايقت وقتها جدااااا لان حسام مدافعش عني ولاني كنت بتكلم بسلامة نية ولان
اخوه اتعمد
يكسفني قدام مراته الجديدة واهلها والناس اللي كانت قاعدة...
وعرفت من يومها ان حسام عمره ما عملي خاطر قدام اهله ولا عمره ما عملي قيمة
خالص...
************************************
ورجعت اشتكي لبابا تاني بس المرادي قلتله :بابا انا عايزة اتطلق
بابا بنظرته المخيفة:ايييه طلاااج!! اتجننتي اياكِ ده انتي حتى لسه حامل في
شهورك الاولانية
انا:يا بابا تعبت كل الكلام اللي اتفقنا عليه مبيعملهوش ‘ وسهر طول الليل
برة واهمال وحاجة
فظيعة!
بابا:معنديناش بنات تتطلج ‘ تحاولي تصلحي جوزك او تعيشي معاه على عيوبه
انما طلاج لااااه!!
*************************************
وفي يوم لقيت حسام داخل ليا وبيقلي:نددددى خلاص هنروح القاهرة
انا بفرحة:ايييه؟ بجدددد
حسام:ااااه جالي شغل هناك حلو ودلوقتي نقدر نروح
انا باستغراب:طب والمشرووع؟؟
حسام:مش مهم ‘ صحابي هنا وهبقى كل خميس وجمعة ننزل انا وانت اشوف المشروع
بقى
واصل لحد فين!
انا:يا سلاااام يعني دلوقتي هتسيب المشروع عادي!! يا سبحان الله وقبل كده
لما قولتلك قعدت
تتحجج ومش عارف ايه!!
حسام:يووه هو انتي عمرك ما تحمدي ربنااا! اعملي حسابك اسبوع وهننقل على
القاهرة
انا:طيب هناخد العفش بتاع هنا ولا هنشتري عفش من هناك
حسام:لالالالا عفش من هناااك ايه!! لا طبعا والعفش ده نوديه فين!
انا:يفضل هنا عشان لما نيجي نقعد خميس وجمعة ولا اجازة طويلة ‘ نلاقي حاجه
نقعد عليها
حسام:نبقى نقعد عن امي
انا:لاااا انا اسفة مش هقعد في بيت الا بيتي
حسام:وهو بيت امي ايه!! ما هو بيتنا
انا:لااااااااا
حسام:خلاص ابقي تعالي بقى اقعدي على الارض هنا
انا:استغفرك ياااارب واتوووب اليك
حسام:الكلام اللي عندي خلص خلاص
*******************************************
وبعد اسبوع نقلنا للقاهرة وهناك اتصدمت بالشقة اللي هو جايبها.. اولا روحت
في منطقة تعبانة
جداااا..
انا:ايه ده يا حسام؟
حسام:ايه!
انا:هو العمارة اللي هنعيش فيها هنا؟ في الحتة دي؟؟
حسام:اه فيها ايه
انا:دي منطقة كل اللي فيها شكلهم خطر!! هو انت مش خايف عليا انا واللي في
بطني ولا ايه؟؟ عشان
تجبنا في حتة مقرفة زي دي؟؟
حسام:استني بس
وبعدين وداني عند عمارة ايلة للسقوط وقالي: يلا
انا بخوف واندهاش:يلا ايه؟
حسام:يلا العمارة اهي وشقتنا في الدور التاني
انا برعب:في العمااااااااارة دي!!
حسام:اه
ودخلنا الشقة واللي كانت عبارة عن 90 متر وكانت في حالة لا يُرثى لها
وجواها عفش قديم ومكسر
ومقطع.. والحمام بشع والمطبخ ابشع منه وكل حاجة في الشقة محتاجة لاعادة
هيكلة من اول وجديد
انا باشمئزاز:ايييييييييه القررررف ده!!!
حسام:قلتي عايزة ترووحي القاهرة اديني جبتك اهووو!! عشان متقليش لابوك بعد
كده اني
مش بنفذ اللي وعدت بيه
انا:انت اكيد بتستعبط ‘ الشقة بشعة
حسام:ليه وهو انت فاكرة هوديكي في شقة على النيل مثلا؟؟ حد قالك اني
مليونير لا سمح الله؟؟
انا:لاااا مش لازم شقة على النيل بس شقة متواضعة وانا راضية بيها ‘
انمااااا دي مش شقة
دي لا مؤاخذة عشة مقرفة هتخفسنا فيها هنا..
حسام:اهو ده اللي اقدر اجيبه بفلوسي ‘ بكرة اما ربك يرزق هنبقى نروح في حتة
تانية..
انا لنفسي:حسبي الله ونعم الوكيييل يا
اخي.. ربنا يتووووب عليا من دي عيشة.. اففففف
************************************
ولاني كنت بدرس دراسات عليا والحمل خلى حضوري يوميا للجامعة صعب ففي يوم
قلت
لحسام:انا محتاجة مدرس يجي ويشرحلي
حسام بعدم اهتمام:ماشي ماشي ‘ بس انا معنديش فلوس ابقي ادفعيله انتي بقى
انا:اففف ماشي مش أزمة ‘ انا قلتلك عشان هتصل بالراجل واحدد معاد معاه
حسام:اوك اوك
وبعد يومين روحت ليه وقلتله :انا اتفقت مع المدرس اللي حكتلك عنه وحددلي
بكرة ميعاد
حسام:ايه ده يا هانم!!
انا:ايه؟؟
حسام:انتي بتتصرفي من دماغك!
انا:دمااااغي!! منا استئذنتك
حسام:لا مستئذنتنيش يا هانم ولعلمك انا ممكن اقفل دماغي ومخلكيش تروحي
الميعاد بس هعديها
واجي معاكي..
تاني يوم بقى الميعاد واللي كان الساعة 7 قلت لحسام من الساعة 5:يلا يا
حسام نجهز عشان نروح
في ميعادنا
حسام:وهو امتى الميعاد؟؟
انا:7
حسام:لسه بدري احنا لسه 5
انا:عشان نروح بس في ميعادنا ومنتأخرش
حسام:ليه يعني رايحة تقابلي رئيس الجمهورية مثلا! مش كفاية اني مفضيلك نفسي
من مشاغلي
وجاي معاكي..
انا:اشكرك بجد مش عارفة اقلك ايه ‘ ممكن يلااااا بقى
وفضل يتلكع ساعة لحد ما بقت 6 ..
انا:يلا يا حساااام كده هنتأخرررر
حسام:يوووووه ايييه يل ايلا يل ايلا يلا ما خلصناااا الله
انا:قوووم البس انت ولا العيال عمال اناهد فيك ومش راضي تقوووم الله !!
حسام:هصلي الاول
انا:انت بتصلي وده من امتى!!
حسام:اهو مزاج كده ‘ عايز اتوووب دلوقتي واصلي
وبعد خناق كتير جه معايا حسام واتفقت مع المدرس على المواعيد اللي يشرحها
ليا
وعشت ايامي مع حسام واهماله وفي نفس الوقت كنت بكلم احمد من فترة لفترة
اللي بيبقى فيها
حسام سهران في شغله.. ولأن المكالمات كانت صعبة قررت انا واحمد ...........
استنوني الحلقة اللي جاية
.....................
