الحلقة الثامنـــــــــة عشر من قصة "الحٌب خلف الأسلاك الشائكة"

الحلقة الثامنــــة عشـــــر

احمد:ندى انا قررت اني هخطب

انا:لا لا لا لا انت اكيييد اتجننت

احمد:ليييه عشان بطالب بحقي ابقى اتجننت؟؟

انا:وانااااا؟

احمد:انتي فييين؟؟ ها؟ انتي فين في حياتي؟؟؟؟؟؟ انتي عاملة زي الشبح بيظهر فجأة ويختفي فجأة

انا محتاج حد جمبي يكمل معايا حياتي وبقية عمري..

انا: انت حسبتها بالطريقة دي صح؟ بس نسيت حاجة مهمة اوي يا احمد ‘ عشان لاحظت انك كل شوية

بترمي اللوم عليا انا بس .. انا اه كنت خوافة واه كنت جبانة بس انت عملت ايه؟؟ انت كمان استسلمت

بسرعة اووي واسرع مني كمان!! انت مجتش تطلبني من ابويا الا مرة واحدة بس ولما قالك لاااا

مجتش تطلبني تاني.. انت كان لازم تطلبني مرة واتنين وتلاتة.. انت كل مرة تحسسني اني الوحيدة

اللي غلطانة في حكايتنا ‘ بس مسألتش نفسك انا كنت بعمل ايه عشانك وايه التضحية اللي ضحيتها

عشانك؟؟؟؟؟ انا كلامي معاك قبل ما اتجوز وخروجي كان ممكن يعرضني للخطر ومع ذلك كنت

بخرج عشان اشوووفك ‘ عشان بحبك ... رفضت قبل ما اتجوز عرسان اد كده بردووو عشانك

وانت اللي قلتلي اتجوزي حسام ده كوووويس!!! انت اللي قولتلي خلاص كفاية !!!! عملت ايه

انت بقى عشاني؟؟؟ رفضت عرايس عشاني؟؟ اتحديت خوفك ولو لجزء من الثانية وقلت لابوك

لااااا زي ما انا عملت!!! جيت الف مرة تتقدم واترفضت؟؟؟ ما تقوووووولي ؟؟؟؟ انا كلمت

امي كتير اوي عشانك والمبدأ عندهم كان مرفوووض وانت مامتك كانت عايزاني اهرب

معاك !!! ازاااي اهرب وادفن راس اهلي في الارض؟؟ فكرررت في كل ده ؟؟ فكرت

في الضغط الرهيب اللي كان عليا؟؟؟ ولا انت فكرت في نفسك وبس...

احمد: لو قعدنا يا ندى كل واحد فينا يعد هو ضحى ازاي للتاني يبقى هنلاقي ان احنا الاتنين

مكناش بنشوف تضحيات بعض ومبنشوفش الا نفسنا... انا اخدت قرار يا ندى ولو سمحتي

مش عاوز ارجع عنه...

**************************************

قفلت مع احمد وفضلت افكر كتير في حكاية حبنا احنا الاتنين ‘ وقعدت افكر في نفسي واقول يمكن

لو حد عرف حكايتي هيشوف اني وحشة اووي واني خاينة وزي ما علياء قالت محدش هيلتمسلك

العذر في انك بتكلمي واحد على جوووزك حتى لو جوزك ده ايه!! هي عندها حق بس يمكن لان

الناس بتشوف من برة؟ ما تعودوش يخشوا جوة النار!! جايز وجايز اووي ناس تانية تشوفني

انانية؟؟ بس لاااا انا مش انانية وهروح بكرة لاحمد في العيادة واقوله على قراري....

*********************************

تاني يوم روحت العيادة الصبح لاحمد عشان عارفة انه في فترة الصبح بيكون لوحده ولسه هدخل

العيادة سمعته مشغل اغنية ‘ كان الموضوع هيكون عادي وهدخل عادي بس كلمات الاغنية

وقفتني وفضلت اسمعها ومعاها دموعي بتنزل...

لما خلصت الاغنية ‘ مسحت دموعي ودخلت لاحمد فتفاجأ بيه وقالي:نددى؟؟

انا:معلش جيت من غير معاد

احمد:لا عادي ولا يهمك.. كويس انك جيتي كنت عاوز اتكلم معاكي

انا:مش محتاج ‘ الاغنية اللي بتسمعها قالت كل الكلام

احمد:مش عارف اقولك ايه بجد

انا:انا عايزة اطلب منك طلب

احمد:ايه؟

انا:انا عايزة اخطبك لحد من صحابي

احمد باندهاش:انتي بتتكلمي بجد؟

انا:ايوة ‘ مش انت عاوز تخطب؟ خليني اخطبلك انا بنفسي

احمد:هه مش عارف بصراحة انتي بعقلك ولا انتي ايه؟

انا:ايوووة انا في كامل قوايا العقلية وعاوزة اخطبلك واحدة صحبتي

احمد:مين دي؟

انا:واحدة كنت اعرفها ايام المدينة وهي هنا معانا في البلد بس مكنتش معايا في نفس الاوضة

بس اتعرفنا على بعض بحكم اننا من نفس البلد..

احمد:ماشي موافق ‘ لو ده هيريحك

انا:اه هيريحني جدا

وسبته ومشيت بسرعة قبل ما دموعي تنزل مرة تانية ورجعت البيت اتصلت بايمان واللي زي ما قلت

لاحمد اني عرفتها ايام المدينة بحكم اننا من نفس البلد..

ايمان:ندددى ايه المفاجأة الحلوووة دي

انا:عاملة ايه؟ واخبارك؟

ايمان:الحمد الله كووويسة ‘ ياااه فين ايامك وايام الجامعة

انا:ههههه كل واحد بقى وانشغل ‘ المهم انتي عاملة ايه

ايمان:اهو من شغلي للبيت ومن البيت للشغل

انا:متخطبتيش؟

ايمان:والله اتخطبت ومحصلش نصيب وفركشت

انا:طب انا عندي ليكي عريس ‘ كان بيدور على عروسة وانا قعدت افكر في مين ممكن يتجوزها

وجيتي علي بالي انتي..

ايمان:مين ده؟

انا:اسمه احمد كان بيشتغل زمان معايا في العيادة اللي كنت بتدرب فيها ‘ وشفته من فترة صدفة ولما

سألته عن اخباره قالي بقى انه عايز يتجوز ولو عندي عروسة وكده..

ايمان:طب واخلاقه ايه نظامها؟

انا:كووويسة ‘ محترم بصراحة هو بس هو يعني معاه دبلوم معهد وكده

ايمان:انا مبتفرقش معايا الحجات دي والله يا ندى يعني اللي خدوا الشهادات عملوا بيها ايه ‘ انا اهم

حاجة عندي الاخلاق وكده

انا بوجع:طب كويس.. واهلك؟؟

ايمان:انا اللي هتجوز مش اهلي واهلي اكيد مش هيعترضوا عليه لو هو فعلا محترم ‘ فممكن تخليه

يجي هنا البيت واشووفه وكده...

انا:يجي البيت ‘ طيب حاضر

ايمان:وانتي عاملة ايه؟؟؟

انا:انا بقى عندي نسمة

ايمان:ماشاااء الله ربنا يخليهالك ياااارب ‘ ولازم نشووف بعض بقى

انا:اه اه طبعااا

وقفلت من هنا وفضلت اعيط كتير وقعدت اقول لنفسي ايه اللي انا بعمله ده!!

**************************************

وفعلا بعد اسبوع راح احمد لايمان عند بيتها وحصل ما بينهم قبول واتفقوا على الخطوبة..

وكنت عارفة بمعاد احمد لما هيروح ليهم واستنيت بليل يجي واتصلت بيه وانا هتجنن..

احمد:الو

انا:انت فيييين؟؟

احمد:يعني ايه انا فين؟؟

انا:بتصل بيك كتييير ‘ ايييه مش سامع التلفوون ولا ايه؟؟

احمد:لا الموبايل حطه بيشحن وانا قاعد في الصالة بتكلم مع ماما عن ايمان

انا:والله؟؟ ده بسم الله ماشاااء الله بقيت تتكلم مع ماما كمان عن ايمان

احمد:بقلها على طلباتهم في الخطوبة والجواز

انا:ايييه؟ هما وافقوااا؟؟؟

احمد:اه وميوافقوش ليه؟

انا بغيظ:اممم مبروووك

احمد:الله يبارك فيكي

***********************************

تاني يوم اتصلت بايمان عشان المفروض اعمل نفسي اني معرفش انهم وافقوا على احمد..

انا:هاااا طمنيني ؟؟

ايمان:الحمد الله ‘ حصل قبول ما بينا وقرينا الفاتحة امبارح واتفقنا على الخطوبة بعد شهر

ونتجوز بعد سنة ان شاء الله ‘ نكون جهزنا الشقة بتاعتنا...

انا بغيظ:شقة؟ فيين؟ اصل انا كنت اعرف ان احمد لما هيتجوز ‘ هيتجوز مع مامته

ايمان:لا لا مقاليش كده ؟! ده قالي ان هيبقى ليا شقة لوحدي!!

انا:فعلااا؟ لا يا ايمان اتأكدي اكتر لحسن تلاقي نفسك مع مامته ولا حاجه

ايمان:اه صح هتأكد

انا:اممم واتفقتوا على ايه كمان؟؟

ايمان:اتفقنا بقى ان بعد ما نتخطب ننزل نجهز على طول

انا:مبروك يا ايمان تستاهلي كل خير

ايمان:ربنا يخليكي يااارب ‘ البركة فيكي .. انتي اللي عرفتيني عليه

انا:اه طيب معلش يا ايمان نسمة بتعيط هروح اشووف مالها ...

وقفلت معاها واتصلت بسرعة باحمد..

واول ما رد على طول قلتله:انت قرررررريت الفاتحة معاهاااا ومحكتلييييش

احمد:كنت فاكر انك عارفة

انا:والله؟؟ وقلتلي انك هتتجوز في شقة مامتك وهي بتقول انك هتجبلها شقة لوحدها

احمد:لاااا انا هتجوز في شقة امي وهظبطها واجيب عفش جديد

انا:امااال هي بتقول كده ليه

احمد:مش عارف يا ندى؟؟

انا:بص بقى ما هو يا انت كذاب يا هي اللي بتكذب او مفهمتش كلامك صح امباررح؟؟

احمد:معرفش يا ندى هبقي اشووف الموضوع ده معاهم بعديين

انا:لاااا تشوووفوه من دلوقتي وتنووورها

احمد:طيب

*****************************************

وبقيت كل يوم بليل اكون قاعدة باكل في نفسي من الغيظ واحاول اتخيل كلامهم مع بعض وانه احمد

ممكن يحبها فبقيت عايزاها تطفش .. وكنت اتصل باحمد بليل متعمدة عشان اعرف هو بيكلمها

ولا لا فلاقيه ويتنج ‘ افضل اتصل بيه عشان يقطع كلامه معاها لحد ما شال خاصية الويتنج من عنده..

وبقيت كل مرة اتصل الاقيه بيزي بالساعات ‘ اكون هتجنن...

الفترة دي كنت بتخانق مع حسام كتير اووي وعلى كل حاجة اصرخ واعلي صووتي ‘ كنت موجوعة

اوي من جوايا ومكنتش حاسة انا بعمل ايه .. لحد ما جه اليوم اللي اتخانقت فيه مع حسام وقلتله:

لااااا احنا لازم نطلق ‘ انا هروح بيت اهلي وتطلقني واهلينا هيبقى ليهم كلام مع بعض..

وفعلت خدت نسمة وروحت بيت اهلي وقعدت احكيلهم عن كل حاجة وعن الشقة الوحشة

اللي مقعدني فيها وعن الاكل اللي مش بيشتريه...

انا:يا بابا احنا اكلنا عبارة عن فول ومكرونة وقرنبيط ‘ مبشوفش اللحمة ولا الفراخ ولا السمك الا

كل شهر مرررة ‘ احنا مش فقراااا عشان نعيش العيشة دي!!!

ده غير لبس نسمة انا اللي جايباه بفلووسي كله  ‘ شايل ايده من كل حاجه!! واخوه واهله مقوووينه

عليا..

يا بابا ده مرة غلط وجابلي بسبوسة نص كيلو ولما اخوه جه قدمتله منها قام اخوه قاله:

امسك ايدك شوووية انت عمال تجيب حلويات وتصرف وبعدين تيجي تستلف مننا!!!

بابا:يعني انتي عايزة ايه؟

انا:اتطلق ‘ انا خلاص تعبت ومش قادرة

بابا:اما يجي اهنيه هتحدث معاه في موضوع الطلاج

انا:ايوووة ‘ انا خلاص تعبتتتت منه وقررررفت

************************************************

دخلت الاوضة واتصلت بايمان فلقيتها بتقولي:ايوة يا ندى يا حبيبتي

انا:ايه الدوشة دي؟

ايمان:اصلي مع احمد برة بندور على عفش بقى للشقة ‘ روحت اتفرجت عليها حلوة اوي الحمد

الله..

انا بغيظ:شقة مامته؟

ايمان:لااا يا بنتي ‘ شقته هووه

انا:امممم ‘ طيب هسيبك دلوقتي معاه وابقى اكلمك وقت تاني

وبعت مسج لاحمد:انت كذااااااب وبتكذب عليا ..

وعلى بليل كلمتني ايمان فقلتلها: وايه بقى اتكلمتوا في الماضي

ايمان:هو قال انه حب مرة واحدة بس ومحصلش نصيب

انا:اممم ايه ده ومحكلكيش على البنت اللي يعرفها على النت؟

ايمان:بنت على النت؟ مين دي؟؟

انا:يا بنتي انا كنت سمعت انه حب بنت من على النت

ايمان:لا محكاااش

انا:امممم يمكن مش عاوز بقى وشكلي عكيت الدنيا

ايمان:اهاا لا تلاقيه نسي ولا حاجة

**********************************************

وبعد فترة روحت  لاحمد العيادة الصبح بردو

انا:مش ملاحظ انك بقيت بتكذب كتير

احمد:ندى ارجوك حاولي تفهمي ان دي حياتي بقى

انا:اممم ماشي بس ياريت متكذبش تاني

وفجأة تلفون احمد رن فقال:طب اسكتي خالص بقى دلوقتي عشان دي ايمان..

احمد:ايو يا ايمان

.....

احمد:لا متنزليش يا ايمان القاهرة دلوقتي .. بعدين

.....

احمد:لو سمحتي يا ايمان اسمعي كلامي ومتنزليش

.....

احمد:طيب سلام

انا بعد ما قفل:ايه؟

احمد:مصممة تنزل القاهرة فقلتلها بلاش

انا:ليه بلاش

احمد:بعد الثورة الشوارع مبقتش كويسة

انا:امممم وتفتكر هتسمع كلامك

احمد:هي عنيدة اه ومبتسمعش كلامي بسهولة بس المفروض تسمع..

**********************************

وبعد اسبوعين فركشوا كل الحكاية وفسخوا الخطوبة... كنت هطير من الفرح وقتها وكلمت احمد

ايه اللي حصل يا احمد

احمد:مبتسمعش الكلام ‘ كام مرة اقلها على حاجة متعملهاش ‘ تقوم معاندة وتنفذ الكلام اللي

في دماغها ولما اكلمها في الحوار واشد معاها شوية تقلي لا انا ليا شخصيتي وانت مش

هتيجي تمسحها ومش لما هتقلي اي حاجة هقلك عليها امين على طووول..

انا:يلا معلش

احمد:انتي عاملة ايه؟

انا:اديني قاعدة عند اهلي مستنية اتطلق

احمد:جوزك جه ‘ يكلمك او يكلم اهلك؟؟

انا: لا لسه ‘ داخلين على الشهررين اهو ولا جه اتكلم ولا اتنيل

احمد:طب وبعدين؟

انا:انا خلاص مش هرجع البيت ‘ انا تعبت وهفضل عند اهلي على الاقل بصرف على نفسي براحتي

وعلى بنتي..

******************************************

وبعد خمس شهوور من قعادي في بيت اهلي كلمني حسام وقالي:

عاوز اقابلك ضروري قبل القعدة اللي عاملها ابوكِ مع اهلي

انا:مفيش كلام بينا يا حسام

حسام:لا لما هتسمعي الكلام ده احتمال تفكيرك يتغير 180 درجة لان فيه حاجة اعرفها لازم تعرفي

اني عارفها..

بصراحة قلقت اوي من طريقة كلامه وخفت جداااا

وروحت اقابل حسام بس كان من ورا اهلي..

حسام:اخويا قالي انه شافك مع واحد ولما دور عليه عرف انه اسمه احمد.. تقدري تقوليلي مين

احمد ده؟؟ وايه علاقتك بيه وليه كان معاكي وانتي بتقدمي ورقك يا هانم في الجامعة واول ما

شفتوا اخويا علمتوا نفسكوا متعرفوش بعض؟؟

............................

استنوني الحلقة اللي جاية......