الحلقة الثالثة عــــــشر
احمد:قابليه يا ندى
انا:يعني ايه؟؟
احمد:هو دكتور ومن نفس مستوى التعليم وبعدين غني ومن عيلة معروفة اوي هنا
في البلد ومركز
ونسب وده اللي اهلك بيدوروا عليه ليكي ‘ اتجوزيه يا ندى وانسيني لان مفيش
فايدة في موضوعنا..
انا:بس يا احمد ممكن نحاول تاني ‘ يعني انت تحاول تكلم بابا تاني وهو
دلوقتي زمانه هدي من
ناحيتك وممكن يوافق..
احمد بيأس:لو فيه أمل انه يوافق مكنتش سكت بس باباكِ بيدور على عريس عنده
مواصفات نفس
العريس اللي متقدملك ده..
انا باحباط ويأس:يعني خلاص يا احمد
احمد:ربنا يوفقك يا ندى وانا هفضل معاكِ لحد ما تتجوزيه وبعد كده هنسحب من
حياتك ومش
هتشوفيني تاني..
انا:......
احمد:معندكيش كلام تقوليه صح؟ انا كمان معنديش كلام اقوله اكتر من كده ‘
ربنا يوفقك يا
ندى ويكون ده الزوج اللي يقدر يصونك ويحافظ عليكي..سلام
وقفل السماعة من غير ما حتى يسمع سلامي‘ معرفش ليه السكوت وقتها كان مستحوذ
عليا ‘ بس
يمكن لاني وقتها كنت تعبت من ضغط اهلي ورفضهم لاحمد وخوفي ويأسي كل ده
خلاني اسكت
واستسلم.. كنت عايزة اخلص من الحاجات اللي انا بعملها وحاسة انها غلط فقلت
اتجوز يمكن
ربنا بعت ليا حسام نجدة من السما واستغنى عن الحرام بالحلال..
*************************
وفعلت قابلت حسام في اليوم اللي اتفقوا فيه انهم يجوا .. كنت في اوضتي ساعة
ما وصل هو ومامته
وباباه ..
ماما دخلت عليا:يلا يا ندى تعالي قدمي الحاجات ليهم
انا:يعني لازم حركات الافلام بتاعت الابيض والاسود دي!!
ماما:يلاااا يا بنت بلاش لكااااعة ‘ الناس مستنية تشوفك..
وفعلا قمت ومش زي اي عروسة بتقعد قدام المراية بالساعات تجهز نفسها عشان
تبقى حلوة! لا
انا لبست اي حاجة من عندي وتعمدت ان لبسي ميبقاش حلو ومحطتش اي مكياج وخرجت
ليهم..
واول ما دخلت لقيت مامة العريس بتقول:
بسم الله ماشاااء الله عروستنا زي القمر
انا لنفسي:بدئنا بقى كذب من اولها ايش حال لابسة اوحش حاجة عندي وجاية لكم!
ماما:اقعدي يا ندى.. معلش اصلها بتتكسف من خيالها
وقعدت وبصيت على طول على العريس..
كان اسمر وعنده كرش كبير وشعره مفلفل وعيونه ضيقة ولابس نضارة طبية
ومناخيره مش طويلة
ومش صغيرة ‘ ممكن نقول عليها كبيرة ...
انا لنفسي:يا ما جاب الغراب لامه
مامة العريس:حسام ابني دكتور اد الدنيا ماشاء الله عليه
انا بابتسامة صفرا هزيت له راسي..
حسام بينزل النضارة شوية ومكنتش قادرة افهم هو بينزلها ليه لما هو لابسها
عشان يشوف بيها!
وبيقولي:
ممكن نتكلم مع بعض
انا:اه اتفضل
حسام:بصي معلش هتلاقيني لبخة كده ‘ اصل انا عمري ما كان ليا علاقات مع بنات
قبل كده
انا:اممم
حسام:بس انا عايز اطمنك انك هتلاقيني من ايدك دي لايدك دي.. يعني انا عارف
ان جسمي مش
رياضي بس مستعد اعمل ريجيم لو قلتيلي اعمل‘ وشعري اهتم بيه وشكلي كمان ‘
ولو عايزاني
من غير نضارات هعمل عملية في عيوني.. كل اللي انتي عاوزاه هتلاقيني بعمله
بعد اما
نتجوز ان شاء الله..
انا بابتسامة صفرا:امممم وهتقدر تعمل ريجيم يعني؟؟
حسام:اكيييد ‘ بصي انا يمكن مش مهتم بنفسي عشان مش عندي وقت ودايما في
العيادة بتاعتي
وغير كده ملقتش اللي يهتم بيا ‘ بس انتي بقى اللي هتهتمي بيا وتكوني مسوؤلة
عني في كل حاجة..
انا:اه ‘ انا معرفتش انت دكتور ايه؟
حسام بكل ثقة:دكتور بهايم
انا بقرف:بهايم! حد يقول دكتور بهايم!؟
حسام:يا ستي انا مليش بقى في الكلام المتزوق ويمكن فيه ناس بتشوفه عيب بس
انا اهلي
شايفين الموضوع ده ميزة الحمد الله .. يعني مش لازم ازوق في الكلام واقول
دكتور بيطري
وكده .. ما هو في الاخر بعالج ايه؟؟
انا بضيق:حيوانات
حسام:عليكي نووور بهايم فانا اختصرت الطريق كله وجبتهالك بقى من الاخر
انا:اممم
وقلت في نفسي:لا شكله عريس فُلة..
وفجأة سمعت مامته بتقول :ها نقووول ايه
وسكت انا عشان مكنتش عارفة اقول ايه وفجأة لقيت مامته بتقول:بسسسسس السكوووووت
علامة
الرضاااا.. نقووووول مبرووووك بقى..
مامة حسام:احنا بكرة ان شاء الله ننزل نجيب الشبكة
ولقيتهم كلهم بيقروا الفاتحة ‘ الا انا مقرتهاش!!
وما صدقت مشيوا كلهم وروحت على اوضتي عشان اكلم احمد..
احمد:ها عملتي ايه يا ندى؟
انا بضيق وحزن:بكرة هجيب الشبكة
احمد بحزن:بالسرعة دي
انا:اا انا ملحقتش اوافق ولا ارفض اصلا ‘ ده مامته سالت السؤال من هنا وعلى
طوووول قامت قالت
يبقى انتي موافقة..
احمد:والعريس اخباره ايه؟
انا:مش عارفة ‘ مش مرتاحة ليه يا احمد
احمد:يمكن عشان بس مش قادرة تحطي في بالك انه خلاص انتي بتتجوزي واحد تاني
غيري..
انا:.......
احمد:مالك؟ سكتي ليه؟
انا:مش عارفة ‘ بس انت مقلتليش انه دكتور بيطري؟؟ انا افتكرته دكتور بشري
احمد:ليه هو يفرق معاكِ؟؟
انا:لا بس استغربت مش اكتر
احمد:انا لما قلتلك وافقي عليه يا ندى فده عشان هو دكتور حتى لو بيطري
وعنده عيادة خاصة بيه
ومركز وفلوووس ‘ يارب يعرف يصووونك بس..
انا:.....
احمد:يلا مش عايز اطول عليكي ‘ نامي انتي عشان بكرة عندك مشوار.. ربنا
يوفقك ومبروك..
وقفل الخط من هنا وقعدت اعيط طول الليل لحد ما روحت في النوم من تأثير
العياط..
***************************
تاني يوم واحنا بنجيب الشبكة فلقيت مامته بتقول:
احنا عايزين الفرح يبقى بعد شهر
انا:شهر!
مامة حسام:اااه يا حبيبتي شهر؟؟ ماله؟ كتير؟
انا باندهاش وخوف:لا ده بسرعة! وبسرعة اووووي
مامة حسام:بسرعة!! ليه بقى هو انتي مش زي اي عروسة بتبقى نفسها تتجوز بسرعة
انا:لا
مامة حسام:يعني ايه بقى؟؟
انا:اا اانا عندي امتحانات دراسات عليا وشهر قليل اوووي على اني اوضب كل
حاجة
مامة حسام:متخفيش لو على التوضيب ‘ احنا مجهزين كل حاجة ومش عايزينك الا
بشنطتك!
انا:بب بس انا لازم يكون عندي شقة في القاهرة
مامة حسام:وماله يبقى عندك ‘ بس انتي تتجوزي دلوقتي في الشقة اللي في البلد
لحد ما جوزك
بردو يشوف هيعمل ايه في شغله! ما هو عنده شغله وماله ولا هيرمي كل حاجة ورا
ضهره يا ام
ندى ويجري على القاهرة؟؟ مش نقول كلام معقول بردو يختي؟
ماما:اه طبعاااا يا ام حسام عندك حق وعداكِ العيب وازح.. واصلا ابوها
مبيحبش الخطوبة اللي
بتكون فترة طوويلة دي..
انا:بس يا ماما
ماما:خلاص بقى يا ندى نبقى نتكلم مع ابوكِ في الموضوع ده ونشوف هيقول ايه
وكلمته هي
اللي هتمشي..
مامة حسام:يلاش ووفي الغويشة دي؟
انا:لا انا عجباني اللي هناك دي
ومامة حسام:ودي كُخة يعني؟
انا بارتباك:لا مقصدش ‘ انا بس عجباني دي
مامة حسام وهي بتغمز لحسام:حسااااااام انت ايه رايك؟؟ مش سامعة صوووتك يا
بني
حسام:انا شايف يا ندى ان اللي في ايد ماما احلى
انا بغيظ:طب طالما كده بقى بتسألوني ليه!
مامة حسام:تؤ تؤ لا لا لا يا ندى اوعي تكوني زعلتي انا بس شايفة ان دي احلى
والله والتانية
بصراحة زوقها فلااااحي ولا ايه يا ام ندى..
ماما برضى:اه طبعا اللي تشوفوه..
وسكت من الغيظ والنرفزة اللي كانت جوايا ولما جينا نخرج ‘ استنيت كلهم
يخرجوا روحت سألت
الراجل على سعر الغويشة اللي كنت عايزاها ولقيتها اغلى من الغويشة اللي هما
اختاروها..
قلت لنفسي:معقول يكونوا مش قادرين يجيبوا تمنها؟!!!
وعديت الموقف على انهم مكن شمعاهم فلوس يجيبوا الغويشة الغالية..
******************************
وبعدين لما خرجنا لقيت مامة حسام بتقول: يلا نروح محلات لبس
انا باندهاش:ليه؟
مامة حسام:عشان تشتري يا حبيبتي لبس ليكي
انا:بس انا هبقى انزل اشتريها انا وماما
مامة حسام:ليه بقى وانتي هتتجوزي ماما ولا هتتجوزي حسااام!!
وبصت لحسام جامد قام بعدها قالي:اه صح ‘ انا احب اني اجي معاكي عشان نشتري
اللبس سوى
وبصيت لماما انها تتكلم بس متكلمتش واضطريت اننا نروح ونجيب لبس وهما
معانا..
وكنت عايزة ادخل محل معين صحباتي البنات قالولي انه فيه لبس للناس اللي بيتجوزا
حلو
وشيك ورقيق فقلتلهم كده فردت عليا مامة حسام:لا لا لا المحل ده اللي بتقولي
عليه ده ووحش اوي
احنا بقى هنروح المحل اللي جهزت منه بناتي ‘ لبسه احلى بكتيير..
انا بغيظ:بس يا طنط انا صحباتي كلهم اللي اتجوزوا جابوا منه وكلهم بيقولوا
انه المحل فيه
حاجات حلوة!!
مامة حسام بضحكة صفرا:ههههه لا لا ‘ تعالي بس يا حبيبتي معايا المحل اللي
هوديهولك ده ‘حاجة
تانية خااالص وشيييك..
وكالعادة اضطريت اروح معاهم المحل اللي على زوقها ومزاجها ولما دخلت المحل
بصيت لها
باندهاش وقلتلها:
هو ده اللي اشيك؟
مامة حسام:ها ايه رايك مش قلتلك
انا:ده وحش خالص
مامة حسام بنرفزة:قصدددك اييييه!! زووووقي وحش!! بقلك جهزت بناتي كلهم
منه!!!
ماما عشان تصلح الموقف:لا لا مش قصدها طبعا ‘ انا شايفة يا ندى انه احلى من
المحل اللي
انتي كنتي عاوزة تروحيله..
واضطريت اشتري منه وطبعا كنت كل ما اختار حاجة متعجبش مامة حسام وبالتالي
حسام كمان
وحتى لو عجبتها حاجة انا اخترتها لازم تجيبلي اللون اللي على مزاجها..
وهكذا قضيت الشهر
كله ‘ كل ما احب اخرج انا وحسام نشتري حاجة ونجيب حاجة الاقي مامته معانا
وهي اللي
بتختار ولو مش مامته يجوا اخواته البنات وهما بردو اللي يختارو وانا مليش
اي رأي...
*******************************
لحد ما جه يوم الفرح وكلمت احمد قبل ما اروح لحسام..
احمد بحزن:خلاص؟
انا وقلبي بيتقطع:خلاص
احمد:انا كده مش هقدر اتكلم معاكِ تاني.. كل اللي عاوز اقوله ربنا يسعدك
يارب وتلاقي الحب والحنان
اللي مقدرتش ادهملك كلهم..
انا بسخرية:هه حب؟ وحنان؟؟ مع حسام وعيلته!! هه معتقدش يا احمد..
احمد:حاولي تحبيه يا ندى
انا بحزن:انت اللي بتقول كده
احمد بصوت مبحوح:مش عارف اقول ايه.. روحي وكفاية تعذبيني اكتر من كده..
قفلت مع احمد وقفلت تلفوني وخرجت عشان اتزف لحسام وانا قلبي بيموت
بالبطيء.......
ولما اتقفل علينا باب انا وحسام لقيته بيقلي:بصي بقى احنا نتفق على حاجة من
دلوقتي ‘ اللي
يحصل مابينا يفضل ما بينا وميخرجش من برة الباب ده مهماااا حصل!!!!!
انا:حاضر
ومن اول يوم معاه حصل اللي مكنتش اتوقعه!!!!!
....................
استنوني الحلقة اللي جاية..........
