الحلقة الثانية عشـــــــــر
انا فتحت عيني وبصيت على الساعة وقلت لاحمد:لازم اروّح
احمد وهو ماسك ايدي:ماشي يلا
انا:هشوفك امتى تاني؟
احمد:على اخر الاسبوع ان شاء الله وهجبلك معايا اكل كتير ‘عشان شكلك
مبتكليش ولا ايه
انا:اصل يا احمد الاكل بشع اوووي في المدينة والاكل اللي بجيبه معايا من البلد
وانا جاية يدوب بيخلص
في اسبوعين وبعد كده اضطر استنى بقى واكل من الاكل اللي استغفر الله العظيم
مش عارفة بيطبخوه
ازاي ده..
احمد بكل حنية:ولا يهمك حبيبتي كل اسبوع وانا جاي هجبلك اكل واخلي ماما
بنفسها تعملك
انا باحراج:لا حبيبي مش عايزة اتقل على مامتك وبعدين انا مكسوفة منها اوووي
احمد:ولا يهمك يا ستي ‘ امال اسيبك وانتي في اخر سنة ليكي كده عمالة تخسي
كل شوية!!
ورجعت تاني المدينة وفضلت اذاكر وانا نفسي مفتوحة اوووي على المذاكرة ...
******************************
ولما جالي احمد تاني بعد اسبوع خدني بردو وراح اشترى ليا طقم جديد ‘ كنت
بحس اني مسؤولة منه
وان الحنان والامان اللي كنت محرومة منهم طول حياتي حسيتهم بردو معاه هو
وبس..
انا:مش معقول يا احمد تخلص مرتبك كله عليا
احمد:وهو انا عندي غيرك يا ندى
انا:بردو يا احمد انت تقريبا كل شوية بتجبلي اكل معاك وتفسحني وتشتريلي لبس
احمد:انتي مسؤولة مني
انا:بس...
احمد:يلا بقى ‘ عايزين نتفسح بالطقم الجديد ده.. هوديكي يا ستي مكان حلو
نروح نشرب فيه حاجة
انا:ماشي
وفعلا روحنا مكان وطلبنا حاجة نشربها..
احمد:تشربي ايه؟
انا:نعناع
احمد للراجل:واحد نعناع وواحد شاي
ولما جه الراجل جاب الطلبات وانا قاعدة بشرب وفجأة وقعت الكوباية مني
واتغرقت..
احمد:هههههههههههههههههههههه
انا باحراج:انت بتضحك!! اعمل ايه انا دلووووقتي
احمد:ههههههههه معلش ههههههههههههه بس شكلك مسخررررة ههههههههه ومقدرش اضيع
فرصة
زي دي ومضحكش عليكي..
انا:ياسلااااام ببقى..تؤؤؤ الله.. قوووم يلا بينا نروّح عشان اغير
احمد:ههههههههه طيب طيب حاضر هههههههه
انا بعصبية:يووووووووه خلاااااص بقى
احمد:خلاص حاضر..يلاااا
ووصلنا المدينة وقبل ما اطلع قلتله: اغير وانزل؟
احمد:لا خلاص كفاية كده ‘ اطلعي كملي مزاكرتك..
انا:ماشي تصبح على خير
***********************************
قضيت سنة خامسة كلها خروج ومكالمات مع احمد وزي ما اكون بعوض النقص اللي
شفته قبل كده
او خايفة لحسن مجرد ما اخلص كلية وارجع البلد تاني مقدرش استمتع بحياتي مع
احمد بالطريقة
كده..
خلصت جامعتي واضطريت ارجع تاني للبيت ولخنقة بابا وقراراته المخيفة..
وفي يومكنت قاعدة مع ماما وفتحت معاها موضوع احمد..
انا:ماما عملتوا ايه بخصوص موضوع احمد اللي متقدملي؟
ماما:باباكِ رفضه وشايف انه مش من نفس مستوانا
انا بعصبية:يعني ايييه مش نفس المستوى؟؟ ليه ماله؟؟ ناقص رجل ولا ايد؟؟
ماما:ابوكِ قال كلمته وخلاص خلصنا
انا:بس انا بحبه
ماما:حب ايه وكلام فاضي ايييه..مفيش الكلام ده في الجواز.. الجواز ده
احترام ما بين الجوزين ومودة
وعشرة وبس..
انا:يا ماما انتي ليه مش قادرة تفهميني ؟
ماما:يوووه انا قلتلك خلصنا ‘ ومتعمليش مشكلة مع ابوكِ
انا:طيب يا ماما وانا بقى اي عرسان رافضاهم
ماما:منك لابوكِ بقى انا تعبت منك وهو الوحيد اللي هيقدر عليكي
*************************
وفعلا جه في يوم من الايام واتقالي ان فيه عريس متقدملي وانا رفضت اني اقابله
‘ لحد ما في يوم
بابا جه وناداني..
انا:ايوة يا بابا
بابا:انتي بترفضي اي عريس ليه يا بنت؟!
انا مقدرتش اتكلم من الخوف فقامت ماما قالت:هي بتقول زي ما رفضتم احمد انا
هرفض اي عريس
يجيلي..
بابا بصلي جامد وقالي:الحديث ده صُح؟
انا بخوف:ااا اه.. انت قلت لاحمد لا..
بابا:اه
انا:وو وانا معترضتش وو و وانا بقول ده لا..يبقى محدش يعترض بقى
ومشيت روحت الاوضة وفضلت اعيط طول الليل لاني كنت تعبانة من جوايا ورافضة
الحب اللي بيني
وبين احمد من ورا اهلي وكنت حاسة بذنب فظيع وفي نفس الوقت عايزة احمد يكون
جوزي واحبه
قدام كل الناس براحتي ومن غير خوف..واصرار بابا على انه يرفضه وخوفي انا من
بابا واستسلام
ماما قدام بابا ‘ كل ده كان مخلي اعصابي تتعب ومبقتش عارفة اعمل ايه؟؟
وفي يوم لما تعبت من الخناق مع اهلي وعندهم ورفضهم اني اتجوز احمد واحساسي
انا اني بغضب
ربنا قررت اني اتصل بأحمد..
وردت وقتها مامته عليا ..
انا:الو..ازي حضرتك؟ ممكن اكلم احمد
مامة احمد:مين معايا؟
انا:نن ندى
مامة احمد اول ما عرفت اني ندى لقيتها بعصبية بتقولي: حراااام عليكي بقى
لما انتي مش هتقفي جمبه
خليتييييه يتقدم ليييييه وتعبتي ابني وراكِ!! انا مبقتش عارفة ابني.. ابني
اتغير وبقى واحد تاني بسببك
وعلى طووول حززززين وسرحاااان ومش في وعيه..ابعدددي عنه بقى لما انتي مش
هتقدري تواجهي
اهلك وسيبي ابني في حاله..
وقفلت السكة في وشي‘ وفضلت اعيط طول الليل من كلامها ولقيت احمد بيتصل بيا
ويقولي:
ندددى متزعليش من اي كلام ماما قالته ‘انا اتخانقت معاها انها تقولك كده..
متزعلييش يا نددى
انا بعياط:احمد احنا مش هينفع نكمل
احمد:.......
انا:احمد انا عارفة اللي بقووله صعب بس انا تعبتتت والله تعبت وحاسة اني
بغضب ربنا وحاسة
بالذنب تجاه اهلي ومش عارفة اعمل ايه يا احمد..
احمد:بس انا بحبك يا ندددى ومستعد اعمل اي حاجه عشان اهلك يوافقوا
انا:مش هيوافقوا يا احمد خلاص
احمد:يعني خلاص؟؟
انا:ايوة يا احمد خلاااص
وقفلنا مع بعض وفضلت نايمة طول الليل لحد ما صحيت الصبح على تلفون مامة
احمد..رديت عليها
الو
مامة احمد:ايوة يا ندى
انا:ايوة؟
مامة:انتي بتحبي احمد؟؟
انا:طبعا بس انا مش قادرة اعمل حاجه لاهلي
مامة احمد:يبقى تسمعي اللي هقلك عليها ..
انا باهتمام وخوف:ايه؟
مامة احمد:انتي لازم تهربي وتيجي هنا ليا وهجوزكم لبعض
انا بخوف:ايييه اهررررب؟؟
مامة احمد:ايوة..مش بتحبوا بعض وبعدين اهلك هيزعلوا فترة وبعدين هيرضوا
بالامر الواقع
انا بخوف:لا ازاااي حضرتك تقولي كده.. لا انا ممم مممقدرش اكسر اهلي
مامة احمد:يعني بتتخلي عن احمد؟؟
انا:مم معرر معررفش بس لا لا لا مقددرررش اوطي راسهم واهرب مقدررش حتى لو
فيها موتي!!
مامة احمد بعصبية:هتفضلي سلبييية طووول عمرك وتخلي باباكِ يتحكم فيكي كده..
وقفلت السكة في وشي..
**************************
اتجننت ومبقتش عارفة اعمل ايه وازاي اتصرف بس حسيت اني لما رفضت كلام مامة
احمد
اني عملت الصح وفضلت اصلي وادعي ربنا يقويني على الاختيار اللي اخترته
ومرجعش في
كلامي واهرب واوطي راس اهلي..
بس كنت بضعف وارجع اكلم احمد تاني وارجع اشوفه واقابله رغم اني عارفة ان
الموضوع ده خطر
عليا وان لو حد عرف ووصل لاهلي هتحصلي مصيبة.. بس كنت بغامر واخرج مع احمد
وكان
كل ما يجي عريس ارفضه.. لحد ما جه عريس واضطريت اني اقابله بس هو كان
مستعجل
على الجواز وبصراحه مكنش فيه عيب بس انا برضه رفضت..
وفي يوم سافرت القاهرة عشان معرض الكتاب وسافر احمد معايا واحنا هناك في
المعرض شفت
اخو العريس اللي كان متقدملي فرميت الكتاب اللي في ايدي وجريت انا واحمد
بعيد عشان ميشوفناش
والحمد الله مشفناش لانه لو شافنا كان الكلام هيوصل لبابا..
وفي نفس اليوم برضو شفت حد من معارف بابا في معرض الكتاب وحسيت انه يوم نحس
خصوصا
اننا كذا مرة كان ممكن حد يشوفنا .. وعرفت مامة احمد اني رجعت اكلم احمد
فرجعت تتصل بيا تاني
وتزعقلي:
انتي يا تقووولي لاهلك انك عايزة ابني يا تسبيه ومتكلمهوش
انا:بس اا ااانا حضرتك مقدررش اقوول كده
مامة احمد:يبقى تسيبي ابني في حاله ورقمك مشفهوش على تلفونه تاني
انا:بب ببس انا برفض كل العرسان اللي بتتقدملي
مامة احمد:يا تتجوزوا يا لاااااااا
انا:بب بــس
مامة:اظن سمعتي الكلام اللي قلته ‘ لكن انك تعذبي ابني وتقعدي جمبك كده
لااااااااا
وقفلت معايا وبعدها رجع احمد اتصل بيا وقالي:
ملكيش دعوة يا ندى ‘ انا فهمت ماما خلاص اني مش هتجوز وهقعد جمبك ..
****************************
وقعدت افكر كتير طول الاجازة في حياتي وقررت اني اكمل دراستي واقدم على
اوراق دراسات عليا
بس علياء قالتلي:
انتي كده بتقعدي المسافة اكتررر يا ندى! انتي هتبقى دكتورة وهو هيبقى معاه
شهادة بمعهد!!
انا:لا انا حلمي اكون دكتورة في الجامعة من زمان يا علياء واهو الاقي طريقة
ارفض بيها العرسان
واخفف من القعدة هنا في البيت..
وفعلا قررت اروح الجامعة عشان اقدم اوراقي واتصلت باحمد عشان يجي معايا..
وروحنا الجامعة
وقلتله:
احمد خليك هنا عشان انا هروح لبنت صاحب بابا فمش عايزاها تشوفنا سوى..
احمد:طيب هستناك في الحديقة اللي هناك
وفعلا دخلت للبنت بنت صاحب بابا وخلصت الاوراق وطلعت ادور على احمد.. ولما
لاقيته قاعد
روحت ليه وقلتله:
خلصت الورق
احمد:مبروك يا حبيبتي
انا:احمد هو انت ممكن تضايق اني عمالة اعلى وانت يعني...
احمد بحنان:ابدااا بالعكس انا بفرح لما الاقيكي شاطرة وعمالة تتفوقي وعارف
ان حلمك من زمان
تبقي دكتورة وهساعدك على الحلم ده..
انا بابتسامة:انت احن واحد عليا في الدنيا دي
احمد:ربنا يخليكي ليا
انا:ويخليك
وفجأة قربت علينا ست عجوزة اوووي وكانت بتبصلنا اووووي وتبتسم ابتسامة كانت
كفيلة انها توقع
قلبي وتخوفني اوووي وقالت:
انتم بتحبوا بعض؟
انا بخوف:لااااا احنا اخوات
الست:عندكم مية اشرب؟
احمد بيديها مية:اتفضلي يا حجة
وبعد ما شربت قالت:شكراااا اوي بس انتم مش اخوات ‘ ربنا يوفقكم مع بعض
ويخليكم لبعض
وابتسمت ومشيت..
انا ببص لاحمد:ايه ده؟
احمد:هههه مش عارف
انا بخوف:انا خفت منها اوووووي
احمد:بقلك ايه تعالي نطلع نجررري
***************************************
ورجعت تاني للدراسة وبقيت بروح من فترة لفترة القاهرة عشان اقدم امتحاناتي
وارجع تاني البلد لحد
ما في يوم جه عريس وبابا اصر اني اقابله..
بابا بزعيق:المرادي هتجابلي العريس اللي جاي ومفيش اعذار انا سَكت كتير عن
دلعك الماسخ بس
خلاص لا تجوليلي زي ما رفضتم احمد ولا تجوليلي مش عارف ايه!! هتجابلي
العريس وتشوووفيه
وروحت كلمت احمد وقلتله فقالي:
مين العريس اللي جاي؟
انا:بيقولوا دكتور اسمه حسام كمال الدين من هنا ..
احمد:حسام كمال الدين عارفه
انا:اممم
احمد:قابليه يا ندى
انا:يعني ايه؟؟
احمد:............
استنوني الحلقة اللي جاية....
