الحلقة
الثالثــــــــــــة
فريدة لعم
صابر:عم صابر فين اللوحة اللي سألتك عليها من اسبوعين!
عم صابر:حضرتك
مسألتنيش عن اي لوح!!!!!!
فريدة صدمة:نعم!!
انا متأكدة اني سألت عليها حتى انت قلتلي ان ادم بتاعك ده مش هيوافق
على بيعها عشان
هي مش عارفة تقرب لمين عنده!!
ادم بيبص لعم
صابر وبعدين يقول لفريدة:انا مش فاهم حضرتك ليه مصممة انه كان فيه لوحة!!
فريدة
بعصبية:بقلكم اييييييه انتم هتجننوني ولا اييييييييه!!
عم صابر:اهدي يا
فريدة يا بنتي
فريدة
بعصبية:اهدى اييييييه!!!!!! ماهو يا انا مجنونة يا انتم عايزين تجننوني
ادم بكل برود:هو
الخيار الاول
فريدة باحتقار:حد
قالك انك قليل الادب قبل كده
ادم بغضب:لا بقى
انتي جاية هنا في المحل بتااااعي!! تشتميني!!
************************************
فريدة بصت جامد
ليه وفجأة شافت مكان تاني غير اللي هي فيه ‘ فيلا هي عارفاها كوويس ..
بس المرادي كانت
في اوضة البنت اللي بتشوفها دايما.. كانت بترسم لوحة جميلة وفجأة
دخلت عليهم ست زي
ما تكون دادة وقالت للبنت اللي بترسم:
يا ست فرييدة ‘
يا ست فريدة
ففريدة بصتلها
علشان تعرف هي بتناديها ولا بتنادي البنت اللي كانت بترسم لكن لقتها مش واخده
بالها منها وبتبص
للبنت اللي بترسم..
البنت اللي بترسم
بتبصلها وبتقلها:ايوة يا دادة؟
الدادة:استاذ
رؤوف تحت وعاوز يشووفك
فريدة:اييييه
رؤوووف تحت يا دادة؟؟ رؤوووف جه من السفر؟؟؟ طب بصي انزلي ليه بسرعة
وقوليله اني
هنزله ولا اقلك قدميله عصير برتقال لا لا ليمون ‘ طب دادة انا البس اي فستان؟
الاصفر؟ لا لا
الاحمر؟؟ لا هلبس الازرق لون البحرررر.. يلاااا يا دادة انززززلي بسرعة
بقى .. تؤ انتي
لسه واقفة قدامي..
الدادة بتضحك
وتقولها:حاضر يا ست هانم
وبعد دقايق تنزل
البنت اللي كانت بترسم ((فريدة)) ومعاها فريدة
بتجري البنت اللي
كانت بترسم على رؤوف وتقوله:حمد الله على السلامة يا رؤوف حمد الله
على السلامة..
يحضنها رؤوف
ويشيلها ويطير بيها ويقلها:وحشتيني يا حبيبتي وحشتيني اوووووووي
البنت:وانت يا
حبيبي وانت اووووي..
رؤوف:بصراحة انا كنت
راجع زعلان منك ومكنتش هكلمك خصوصا انك قبل السفر مرضتيش
تسافري معايا ‘
بس بصراحة اول ما رجعت مصر مقدرتش وجيتلك جررري..
البنت:صدقني يا
رؤوف انا محبتش اكسر كلام بابا بس انا مش هتجوز غيرك ‘ انا عرفت
الحب بيك وفيك
ومبعرفش اعيش من غير حب...
**********************************************
وفجأة ينادي عم
صابر ويقول:ست فررريدة؟! يا ست فريدة؟!
فريدة تفتح عينها
وتقول:هو في ايه؟
ادم وصابر يبصوا
لبعض باستغراب ويقول ادم:نعم!! هو انتي نمتي وانتي واقفة ولا ايه؟؟
فريدة:لا انا
منمتش
ادم:اصلك غمضتي
عينك وزي ما تكوني سرحتي في النوم؟ لو عايزة تنامي ممكن تروحي
تنامي..
فريدة:ايه الظُرف
ده!!
وبعدين تفضل تبص
حواليها وتقول: هو مفيش حد هنا غيرنا صح؟
ادم:هو انتي
عليكي عفريت لا مؤاخذة؟!!
فريدة
بارتباك:ســ ــ سلام سلام
وتطلع جري من
المحل واول ما تركب عربيتها ‘ تطلع التلفون وتتصل بروجينا ويتفقوا
انهم يتقابلوا
بسرعة وضروري..
**********************************************
روجينا:يعني ايه
بتروحي اماكن تانية غير المكان اللي بتبقي
فيه؟ مش فاهماكِ انا يا فريدة؟
فريدة:بقلك وانا
واقفة في المحل فجأة لقتني في فيلا وناس زي ما يكونوا مش شايفني خالص
وقعدت اشاور ليهم
‘ بس محدش خد باله منه خالص وبعدين عم صابر فضل يناديني اوي
فرجعت تاني للمحل!!
روجينا:انتي
سايكو يا فريدة!!
فريدة:مش عارفة
يا روجينا ‘ زي ما كان بيحصلي زمان مع صاصو؟؟
روجينا:شفتي !!
اهوووو اهوووو صاصوووووو هو صاصووو اللي طيرلك برج من عقلك
فريدة:روجينا
ابوووس ايدك مش بهزر
روجينا:وحياتك
ولا انا
فريدة:والزفتة
بسنت اتأخرت ليه لحد دلوقتي
روجينا بتشاور
لبعيد:اهي جت
وتيجي جري بسنت
عليهم وتقول:ايه في ايه؟؟ مالك يا فريدة؟؟ حصلك حاجه؟؟
روجينا:اتكلمي
ولا تحبي انا اتكلم؟؟
فريدة:لا اتكلمي
انتي
روجينا:بصي يا
بوسي الهانم بتقوول قال ايه بتروح اماكن تانية!! وهي في نفس المكان!!
بسنت
باندهاش:وااااو بتعمليها ازاي دي؟
روجينا:انتي
عبيطة انتي التانية لا مؤاخذه؟؟
بسنت:مش عارفة !
انا قلت جايز فريدة طلعت ساحرة ولا حاجة
فريدة:ياااااربي
ياااااااربي قاعدة مع جوز متخلفين!! انتي الافلام لحست مخك؟؟
بسنت:مش عارفة!
ما هو اصل مفيش حاجة طبيعية تقول ان الواحد ممكن يبقى في كذا
مكان في نفس
الوقت!!
فريدة:المشكلة اني
حاولت اتكلم مع الناس اللي بتبقى في المكان التاني ده ‘ بس محدش
بيشوفني ولا
يكلمني؟!
بسنت
باندهاش:مخاصمينك؟
روجينا تضرب بسنت
على راسها:يا غبية يعني فريدة مبتتشافش في المكان التاني اللي بتتنقله
فجأة!!
بسنت:ماهي وضحت
اهي يا جماعة وسهلة؟
فريدة وروجينا
باهتمام:هاااا؟
بسنت:تبقي نايمة
ووووش وبتحلمي
فريدة:قوومي يا
بسنت بدل ما اخبطك باي حاجة قدامي
بسنت:طب خلاص
خلاص هسكت بس عايزة افهم
فريدة:براحة كده
يا جماعة ‘ انا لما كنت بحب صاصو كنت بردو
بشووف حاجات غريبة؟!
بسنت:زي؟
**********************************************
فريدة ترجع
بذكرياتها لورا
في يوم كانت
بترسم وجه صاصو عليها..
صاصو:حبيبتي
بتعمل ايه؟
فريدة:برسم
صاصو:طب ممكن اخد
وقت من الفنانة العظيمة شوية؟
فريدة:ههههه انت
اصلا الوقت كله بتاعي ليك..
صاصو:طب تيجي
ندخل فيلم؟
فريدة:يلاااا
وبعد ساعة تكون
فريدة مع صاصو جوه السينما وقاعدين بيتفرجوا..
يمسك صاصو ايد
فريدة ويبوسها في بطن ايدها ويهمس ليها:بحبك
فجأة تشوف فريدة
نفس المنظر بس السينما بتتغير والوشوش كمان بتتغير وتلاقي نفسها
قاعدة جمب واحد
وواحدة والواحد عمل نفس ما صاصو عمل وبعدين قال للبنت اللي معاه
انا مش عارف
لولاك في حياتي ‘ كنت هعمل ايه؟ انتي ظهرتي في الوقت اللي محدش موجود
فيه في
حياتي..احنا لازم نتجوز ان شاء الله..
وفجأة كل شيء
يختفي من قدام فريدة وتلاقي صاصو مبتسم وبيقلها:ها موافقة؟
فريدة بتبص
حواليها بارتباك ودهشة...
صاصو
باستغراب:مالك يا فريدة؟
فريدة:هو انت كنت
بتكلمني صح؟
صاصو:ايه ده هو
انتي مكنتيش مركزة معايا؟
فريدة
بارتباك:لااا بالعكس ‘ اا انا مركزة مركزة حتى انت قلتلي انا مش عارف لولاك في
حياتي ‘ كنت هعمل ايه؟ انتي ظهرتي في الوقت اللي محدش موجود فيه في حياتي..احنا
لازم نتجوز ان شاء الله..
صاصو:موافقة
تتجوزيني يا فريدة؟
فريدة بابتسامة
خوف:طبعااا ..
صاصو:عارفة ‘
السينما دي بابا وماما كانوا بيجوها زمان اول ما حبوا بعض .. ماما كانت بتحكيلي
فريدة
بدهشة:مامتك كان شعرها اصفر وقصير وكيرلي؟ وباباك كان عنده حسنة في خده اليمين؟
صاصو بدهشة:ايه
دددده؟ هو انتي شفتيهم قبل كده؟
فريدة بصدمة:اه
صاصو:يبقى اكيد
لما قعدتي مع جدو الجمعة اللي فاتت وراكي صورهم..
ومن جواها قالت
لنفسها:لا جدو مورنيش حاجة ده انا شفتهم دلوقتي!!!!
******************************************
ترجع تاني فريدة
للواقع وتبص لروجينا وبسنت بعد ما تكون خلصت حكي الموقف ده
فروجينا وبسنت
يبصوا لبعض برعب وتقوم بسنت تقول:يعني انتي بتشوفي الميتين؟؟
فريدة تبصلهم
بخوف:لا طبعاااا
روجينا:امال اللي
انتي حكتيه ده تفسيره ايه؟؟؟
فريدة بتخفي وشها
وتقول:مش عارفة وتعبت اوووي اوووووي‘ انا مش لاقية تفسييير!!
وبعد سكوت ترجع
وتقول:واللوحة! اللوحة اللي شفتها في المحل؟ دي كانت ايه؟؟ وهم بردو؟؟
طب ازاي وهم وانا
سألت عم صابر عليها؟؟؟ ورد علياااا!!!!
بسنت
بارتباك:اكيد وهم بردووو
روجينا:فريدة
انتي تلاقيكي تعبانة نفسيا ومرهقة فكريا من بعد صاصو عنك ‘ واعتقد ان سفرك
لشرم ده احسن
حاجة ليكي ومنها تريحي اعصابك...
بسنت:وانا كمان
موافقة روجينا في الكلام ده..
***************************************
بعد اسبوع بتسافر
فريدة مع روجينا وبسنت على شرم وهناك بيكونوا مأجرين اسبوع في
فندق هيلتون ‘
عشان مكان اقامة فريدة بيكون لسه مجهزش ليها..
بيقعدوا التلاتة
في نفس الاوضة..
روجينا:بقلكم ايه
؟ انا عايزة انزل اتفسح
بسنت بكسل:اممم
طيب ننام شووية ‘ لحسن من امبارح وانا مطبقة !!
فريدة:عارفة ان
وراكِ سفر منمتيش من بدري ليه؟؟؟ ها؟؟؟
بسنت:الله كنت
برغي مع محمد!
فريدة بتريقة:ليه
حد قالك انك هتسافري موزمبيق ومش هتعرفي تكلميه تاني
بسنت:ايش فهمك في
الحب انتي يا سايكو
فريدة:يا شيخة
اتلهي بقى
روجينا:هااااا
هننزل امتى؟
فريدة:انا مستعدة
من دلوقتي
بسنت:لا بقى
متسبونيش نايمة لوحدي
روجينا:ليه العو
هياكلك؟!
بسنت:لا بردو
بخاف
روجينا:اففف خلاص
‘ امرنا لله بقى ننام شوية ونصحى نتغدا وبعدين ننزل على بليل
**************************************
راجل قاعد في
أوضة باين عليها مكتب ‘ فيها مكتبة كبيرة
وكرسين قدام المكتبة وبينهم طرابيزة
في النص عليها
فازا فيها وردة عباد الشمس واحدة بس.. وفيه مكتب جمب المكتبة..
قاعد على المكتب
راجل بيقرأ شوية في كتاب وشوية بيلعب في شنبه .. ديكور الاوضة كله قديم
حتى التليفون
باين عليه من نوع قديم جدا.. وفجأة يرن التلفون ويرد عليه الراجل بكل حزم:
فؤاد باشا هنا ..
مين معايا؟ امممم اهلا يا رأفت..
.....
ايه؟ عاوز تيجي؟
لو عشان موضوع جوازك من فريدة فانا قلت رأي قبل كده وملهوش لزوم
مجيتك تاني..
....
بكل حزم:مع
السلامة
وبصوت عالي
وجهوري:فرررررريدة!!!
تصحى فريدة
مفزوعة:ايوة ايوة..
تقوم بسنت
مفزوعة:فيه ايه يا فريدة؟؟؟
.................
استنوني الحلقة اللي
جاية.........