الحلقة التاسعة عشر والقبل الاخيرة من قصة "الحُب خلف الأسلاك الشائكة"

الحلقة التاسعة عشـــــر

حسام:اخويا قالي انه شافك مع واحد ولما دور عليه عرف انه اسمه احمد.. تقدري تقوليلي مين

احمد ده؟؟ وايه علاقتك بيه وليه كان معاكي وانتي بتقدمي ورقك يا هانم في الجامعة واول ما

شفتوا اخويا علمتوا نفسكوا متعرفوش بعض؟؟

انا بارتباك:ايه اللي انت بتقولوا ده؟ جامعة ايه؟ انا مش فاهمة بتتكلم عن ايه؟؟

حسام:لما روحتي تشوفي نتيجتك يا هانم واخويا شافك بالصدفة ‘ كان معاكي واحد اسمه احمد ولما

شوفتوا اخويا ارتبكتم بس عملتوا نفسكوا مترفوش بعض..

انا بارتباك وخوف فظيع:يا سلاااام ولما انت عارف كده من زمان ساكت ليه كل ده؟

حسام:لااا ده انا لما اتكلمت مع اهلي امبارح ‘ اخويا حكالي وقالي تلاقيها عايزة تتطلع عشان تروح

لعشيقها..

انا بارتباك:لاااااا طبعااا انا معنديش عشيق ومعرفش اصلا اللي بتتكلم عنه ده ولو على الطلاق

انا انا عاوزة اتطلق عشان عع عشان انت مبتصرفش على البيت ومقعدني في شقة معفنة

ومبتصرفش على بنتك الصغيرة ومهمل ومش مهتم لا بيا ولا ببيتك!!

وابويا لما شاف ده بعينه قال فعلا ان الحياة بينا صعبة..

حسام:واحمد؟

انا:احمد مين؟؟

حسام:بصي انا اتكلمت مع احمد وهو قالي

انا وشي جاب الوان

حسام:بصي يا ندى ‘ انا عارف عنك حجات وساااكت فقصري الشررر بدل ما افتح عليكي

ابواب انتي مش قدها وشوووفي بقى لما يتقال اني طلقتك عشان تروحي لعشيقك ده.. اوزني

الكلمتين دووول يا بنت الحلال واحسبيها صح وبكرة لما نقعد القعدة اللي ابوكِ عملها هترجعي

عن الطلاق وهترجعي تعيشي معايا ‘ لان بنتي مش هسمح انها تتربى بعيد عني مهمااااا كان..

مفهوووم..والا بقى هفضحك قدام ابوووكِ.. ويا ستي متخافيش مش هقول لاهلي انك جيت قعدت

معاكِ النهاردة..

انا:معلش يا حسام بس ممكن نأجل قعدة بكرة ‘ يعني كل واحد محتاج فينا يفكر كويس

حسام:هنأجلها لحد امتى

انا:لحد ما نفكر كوويس في حياتنا ومش بس انا وانت كمان فكر

حسام:ماشي هكلم ابوك واقوله ان احنا محتاجين نأجل وانتي كمان ايدي الفكرة وقولي انك

عايزة تفكري شوووية .. بس ياريت تطلعي عاقلة وتفكري صح

وقام سابني ومشي ومسبنيش حتى اكمل كلامي او اني ادافع عن نفسي اكتر وبقيت مرعووبة جدا

وجريت اتصل بأحمد وحكيت ليه اللي حصل..

احمد:انا محكتش حاجة ليه!!

انا: يعني كان بيوقني وقدر فعلا انه يوووقعني!! اعمل ايه يا احمد؟؟

احمد:ندى لو اتطلقتي وانا جيت طلبتك من باباكِ وبردو رفض هتقفي في وشهم؟

انا:مم مش عارفة يا احمد ‘ انا مخي مش قادر يفكر

احمد:لا لو سمحتي ردي علياا ضروري

انا:قلتلك اني مش هقدر اقف قدام اهلي واعمل حاجة غصبن عنهم ‘ انا رفضت اهرب زمان

معاك ‘ يبقى دلوقتي ههرب معاك وانا معايا بنت؟؟؟

احمد:انا كنت متأكد من اجابتك دي على العموم انا محبتش اقلك امبارح الخبر ده واستنيت لما تروحي

تقابلي حسام جوزك ونشوف هيقلك ايه وردة فعلك انتي هتكون ازاي..

انا:تقولي ايه؟

احمد:انا قريت فاتحتي امبارح

انا بصدمة:انت اكيد اتجننت؟؟

احمد:لا انا مجنون لو فضلت مستنيكي تاني في حياتي يا ندى

انا:يعني ايه؟؟ هتسيبني يا احمد في اكتر وقت احتاجتك؟؟

احمد:لو احتجتيني في اي وقت هتلاقيني واقف جمبك زي اخوكِ

انا:اخويااااا!!

احمد:ارجوك يا ندى خلاص كفاية كده بقى ‘ شووفي هتعملي ايه مع جوزك وخدي القرار اللي هيريحك

انا:يا احمد بقلك هددني؟؟ اعمل اييييه؟؟ انا بجد مرعووووبة؟؟ انا مش عارفة اعمل ايه؟؟؟

احمد:اتصرفي زي ما يريحك انتي ولو لمرة واحدة في حياتك...

**************************************

وقفل احمد السكة وبقيت اعيط ومش عارفة اتصرف ازاي ‘ كنت خايفة بطريقة فظيعة !! تهديد حسام

ليا انه يعرف كتير وساكت طب و القعدة اللي مع اهلي واهله هيقولهم ايه؟ هيقولهم ان اخوه

شافني مع احمد؟؟؟ طب ولما بابا يعرف عن احمد هيعمل فيا ايه؟؟ ده ممكن يموتني؟؟ طيب

والناس اللي هتاكل وش بابا ويقولوا معرفتش تربي بنتك اللي اتطلقت عشان عشيقها

واهل حسام اللي ما هيصدقوا ويطلعوا عليا اشاعات اد كده!! اذا كان من غير حاجة

ودايرين يقولوا للناس اشاعات عليا اد كده ومش عاملين اعتبار اني مرات ابنهم؟؟ واحمد؟

فينه؟؟ سابني لوحدي تايهه ومش عارفة اعمل ايه؟؟ اعمل ايه ياربي .. والله تعبت تعبت اووي

كماااان..طب ولو وقفت قدام حسام !!بنتي هياخدها؟؟ لاااااا معقول اخسر فجأة كل حاجة كده؟؟

لا الا نسمة مقدرش اعيش من غيرها!! طب لو فكرت اخلعه هقدر اعمل كده؟ بس لا اكيد مش

هيسكت وهيقول للمحكمة اني ام مش كويسة وياخد مني بنتي واخسرها للابد... هتعملي ايه

يا ندددى؟؟ وحسام اكيد هيقول كمان بكرة انه قعد معايا وهيتعامل بكل ثقة؟؟

لا انا لازم اقووول لبابا اني شفت حسام عشان  مصغرش ابويا قدام الناس  في القعدة..

وفعلا روحت لبابا وقلتله:بابا انا حسام كان كلم علياء صحبتي وطلب منها انه يشوفني

وانا روحت قابلته النهاردة ‘ بس خفت اقولك وكده ..

بابا:يا بنتي ده جوزك وانتي حرة تجابليه زي ما انتي عاوزة ‘ بس ده اتصل بيا

وجالي نأجل الجعدة؟

انا بارتباك:ااه اه اه يا بابا اصل احنا قلنا نفكر تاني وكده

وربنا يهديكم ..

ورجعت تاني لاوضتي وبقيت ابص على نسمة وخايفة جداااا ليجي في يوم واتحرم منها ‘ عارفة

ان الخوف قتلني وقتل كل حاجة حلوة فيا بس انا مهددة انه ياخد مني بنتي ...

********************************

وبعد اسبوع لقيت احمد بيتصل بيا ‘ استغربت اوووي .. منين قالي خلاص وراجع يتصل بيا

سبته يرن كتير ومردتش.. بعدها بعتلي مسج مكتوب فيها :انا تعبان اوووي يا ندى ‘ ردي عليا

قلقت عليه وجريت اتصل بيه:مالك؟

احمد:تعبان

انا:من ايه؟

احمد:من كل حاجة

انا:احمد تعالى نهرب

احمد:مش هينفع يا ندى

انا:ليه؟

احمد:انتي جبانة ومش هتعملي كده

انا:لا يا احمد ‘ انا فعلا خايفة بس احنا ممكن نهرب

احمد:ههه مش هتقدري تعملي كده

انا:طب نجرب

احمد:لااا .. سلام يا ندى

انا:استنى يا احمد

وقفل في وشي السكة وبعدها اتصلت بيه مردش عليا فسكت وعدى تلت شهوور كمان وكل ما يكلمني

حسام اقوله:سبني افكر

حسام:بقلك ايييه انا سايبك تتدلعي براحتك ‘ اخلصي وقولي قرارك

انا:معلش يا حسام انا بجد محتاجة وقت كمان

*************************************************

  وبعد 8 شهور من قعادي في البيت مع اهلي وبعد احمد وتخليه عني قررت اني ارجع لحسام

و قعد هو واهله وانا مع اهلي وبابا قاله: احنا عايزينك تطلج بنتنا طالما يا بني مش راضيين بشروطنا

واللي هي ابسط حجوجها..

حسام:ده كلامها يا عمي؟ ما تتكلمي يا ندى

انا بخوف وارتباك: هوو هو يا بابا يعني بعد اذن حضرتك هو وعدني اا انه هيتغير وو يعني وانه

عايز نسمة تتربى ما بينا..

بابا:يعني هتغير الشقة

حسام:انا معنديش مانع بس الشقة اللي هقدر اتنقل ليها مش هدفع الا النص وهي هتكمل نصها

بابا بصلي فانا قلت على طول:وو وانا موافقة

بابا بصلي فقلتله وانا مرتبكة جدا:ممم ماهوو ماهو عشان بنتي نسمة

بابا:وهتصرف عليها وتجيب حجات للبيت ولبنتك

حسام بكل غرور:اما ربنا يسهل ويجبلي فلوس هديها ليهم وهي تصرف براحتها.. هديها

مصروف للبيت يعني ‘ بس مش اكون بستلف من اخواتي وتقولي اديني مصروف للبيت

بابا بصلي فقمت قلتله بسرعة وبارتباك:ممموافقة

بابا قالي:انتي متفجة معاه ؟

انا بارتباك:لا مش كده يا بابا بب ببس انا اانا فكرت في نسمة بردووو

بابا:متجيش بعد اكديه وتجولي طلاج

انا بارتباك وحزن:لا اا ان شااء ء الله لاا

*********************************************

ورجعت تاني لحسام ولقيت احمد بعتلي مسج: عايز اكلمك ضروري

بس انا قلت مش هكلمه وانه خلاص لحد كده بقى

بس لقيته بيتصل بيا كتير فبعت ليه مسج: لو سمحت متتصلش هنا تاني ‘ انا رجعت لحسام

بعتلي احمد مسج:طب عشان خاطري ردي عليا والله محتاجك اووي ‘ ومينفعش احتاجك

وملقكيش..

فضلت افكر كتير ارد ولا لا ‘ بس خفت احمد يفتكرني اني انانية وان لما هو يحتاجني ممدش

ايدي ليه وفعلا رجعت كلمته..

رجعنا اتكلمنا اسبوعين وبعدها في يوم اتصل بيا وقالي لو سمحتي متتصليش بيا هنا تاني

انا بعصبية:انت فاكررررني اييييييه؟؟ انت فاكرني لعبة عندك ولا ايييييه!!!!!

احمد:معلش بس انا دلووقتي خاطب ومينفعش نتكلم

انا:يا سلاااام وهو مين اللي بعتلي مسج وفضل يترجاني عشان اكمه

احمد:وانا بقلك اهووو انا دلوقتي خاطب ومينفعش اكلم حد غير خطيبتي

انا:وانا؟؟؟

احمد:انتي يا ندى كنتي ورقة من اوراقي وخلاص انا رميتها في الزبالة

انا:شكرااا كتر خيرك ‘ انت اصلا مش بني ادم ولا عمرك حبتني ‘ انت كنت بتتسلى بيا

وانا غلطانة اني ضيعت عمري معاك ‘ وبعدين تعالى هنا وقولي اشمعنا انا بكلمك وانا متجوزة؟؟

احمد:والله انتي حرة انتي بتقدري تعملي كده ‘ لكن انا مقدرش اعمل كده وبصراحة متتصليش بيا هنا

تاني ‘ عشان لو اتصلتي انا مش هرد عليكي..

وقفل السكة في وشي.. وقتها كرهت احمد اوووي ‘ ايوة كرهته على اد الحب اللي حبيته ليه..

استهتاره بيا وجرحه ليا ولكرامتي اكتر من مرة وانا اقول معلش ما انا بردو جرحته زمان لما

ضعفت واتجوزت غيره ‘ بس اخر حاجة كنت اتوقعها ان الامور توصل بينا للمرحلة دي..

********************************************

اتصلت بعلياء وحكيت ليها اللي حصل فلقيتها بتقولي:احمد اتصل بيا

انا:ليه؟

علياء:بيقولي اني اقولك انك متحاوليش تدخلي حياته تاني ‘ وانه انه عمل كده عشان مصلحتك

انا:هه مصلحتي؟ مصلحة ايييييه!! ده قالي كلام بشع يا علياااء ده بردو عشان مصلحتي

علياء:اصلا قالي كلام غريب وانا زعقتله

انا:قالك ايه؟

علياء:قالي انه اختار يبعد مخصوص الفترة دي عشان لقى انك ضعيفة وممكن تطلبي منه طلبات

مش صح..

انا:نعععععععم يعني اييييييه!!! ايه اللي بتقوووليه ده؟؟

علياء:هو اللي بيقول ولما سألته قالي انتي طلبتي انكم تهربوا سوا

انا:ايوة ‘ انا طلبت نهرب بس اكيد عشان نتجوز !!!

علياء:انتي لازم تفوووقي بقى يا ندى وخلاص فكك منه وعيشي حياتك مع بنتك وجوزك

************************************

ورجعت عشت حياتي وكالعادة رجعت للخناقات معاه تاني على الفلوس واللي فيه مغيرهوش ‘

لا بالعكس ده بقى يزودها اكترررر..

انا:حسام انا عايزة ادفع الايجار ‘ انا بقالي شهرين بدفع لوحدي

حسام بكل برود:مش انتي اللي عايزة تنقلي لشقة عدلة ‘ استحملي بقى

انا:بس اتفقنا كان

حسام مقاطعا:لا بقلك ايه ‘ بلا اتفاق بلا معاهدة ‘ دفع مش دافع!! ولو عاوزاني ادفع ‘ يبقى نروح

نعيش في الشقة القديمة..

***************************************

وفي يوم كنت رايحة في البلد وماشية وقابلت احمد بس لفيت وشي بسرعة وكملت طريقي عشان

مكنتش عايزة اضعف بس لاحظت حاجة غريبة اووووي.....

استنوني الحلقة اللي جاية

..................................................