الحلقة التاسعة من قصة " الحُب خلف الأسلاك الشائكة"

الحلقة التاسعة

انا بارتباك وخوف:احمد احنا مش هينفع نكمل مع بعض

احمد بصلي جامد وقالي:ليه؟

انا:لما حكيت لماما قالتلي انه هيمش راضية باللي بينا ده

احمد:وهو ايه اللي بينا يا ندى! ده انا حتى كلمة بحبك مسمعتهاش منك؟! وانا قايلك اني مستعد اقابلهم

واطلب ايدك..

انا:مش دلوقتي يا احمد استنى على الاقل اما ابقى في اخر رابعة ولا حاجة

احمد:ندى صدقيني انا مستعد اروح اقول لامي واجيبها ونيجي نطلب ايدك

انا:مش دلوقتي ‘ ومش هقدر اكلمك من ورا اهلي يا احمد

احمد بضيق:مبقولش تكلميني من ورا اهلك يا ندى ولا عايزك تكلميني اصلا في الحرام ‘ كل اللي

طالبه اني اتقدم ليكي وتبقي من نصيبي..

انا:ان شاء الله يا احمد ‘ بس بردو مش ده الوقت المناسب

احمد بضيق:ماشي يا ندى..

بعدها اداني مُصحف هدية وقالي:

اتفضلي جبتلك المصحف ده هدية عشان يحرسك دايما ويكون معاكي حافظك من اي حاجة

وتقري منه..

انا بفرحة:ربنا يخليك يا احمد ‘ بس فين العيدية انت هتاكلها عليا

احمد بيفتح درج الكشير بتاع العيادة وبياخد عشرة جنية صحيحة وبيقولي:

اتفضلي يا ستي

انا:لا انا عايزة عشرة منك انت

احمد بضيق شديد وعصبية:

انا على فكرة مبسرقش ولا حرامي ‘ كل الحكاية اني معايا عشرة فكة وانا كنت عايز اغيرها بالعشرة

الصحيحة اللي في الدرج..

انا بارتباك:انا اسفة والله مكنتش اقصد يا احمد صدقني ‘ انا قصدي يعني....

وقام مشي احمد من العيادة ونزل على طول قبل ما اكمل كلامي‘ وقابل سارة في وشه

سارة:الاكل اهو يا سيدي

احمد بضيق:شكرا يا سارة.. عن اذنك

سارة بتدخلي تقولي:ماله احمد؟

انا:ممش عارفة

سارة:اصل غريبة يعني انا سبته وهو مبسوط ودلوقتي لقيته نازل مكشر ‘ حتى مخدش مني

الاكل اللي طلبه ادهوله!!

انا بارتباك لسارة تحس:ااه اا اصل جاله تلفون

سارة بشك:تلفون ايه ده؟

انا:تلفون منا مم اكيد مش هسأله مين بيكلمك ميصحش يعني

سارة:اه صح عندك حق

انا:طيب انا هدخل المخزن اعمل مكالمة معلش

سارة:طيب وانا هكلم احمد اشوف ماله

اضايقت جدا من قرب سارة لاحمد بس دخلت اكلم علياء واحكيلها اللي حصل..

علياء:انتي بجد دبش وغبية يا ندى ‘ اهو الولد حز في نفسه وافتكرك بتقولي عليه حرامي

انا بخوف وعياط:طب اعمل ايه يا علياء قوليلي

علياء:كلميه

انا:اكيييد مش هيرد خصوصا اني قلتله مش هكلمك من ورا اهلي تاني

علياء:اففففف طب اديني رقمه وانا هحاول افهمه انك لما قلتي الكلام ده كان قصدك ان العشرة

تبقى منه هو نفسه..

انا:طيب خدي الرقم معاكي 010..........

علياء:خلاص تمام اقفلي وهكلمه واكلمك..

وقفلت مع علياء واستنيتها بفارغ الصبر تتصل بيا وبعد عشر دقايق كلمتني وقالتلي:

يا بنتي انتي قلتليه ايييه وجعه اوي كده!!

انا بخوف:والله زي ما قلتلك اللي حصل بالظبط

علياء:ماهو شكله اتوجع اوووي لانه كان فاكر انك فكراه بياخد فلوس مش بتاعته وحس انه كانه

حرامي في نظرك..

انا:لا والله ابداااااا يا عليااااء‘ طب فهمتيه انا كان قصدي ايه؟!

علياء:ايوة شرحتله وهدي بعد ما كان متعصب اوي

انا:تفتكري اكلمه؟

علياء:لا بلاش يا ندى طالما قلتليه انك مش هتكلميه عشان مامتك وهو مقدر ده بس بيقول انه عايز

يجي يتقدم وانتي اللي خايفة..

انا:ايوووة طبعا يا علياااء يتقدم ايه دلوقتي وبابا اعمل فيه ايه..

علياء:طب ناوية على ايه يا ندى؟

انا:ناوية على انه استنى شوووية بعدين وبعدين اخليه يتقدم وربنا يستررر..

علياء:ماشي.. انا هقفل دلوقتي ولما يرجع متحاوليش تفتحي معاه اي موضوع..

انا:لا انا اصلا ناوية اروّح وبعدها بكرة ولا بعده بالكتير هرجع على القاهرة...

علياء:خلاص هبقى اعدي عليكي قبل ما ترجعي القاهرة..

**********************

وبعد يومين رجعت تاني القاهرة والمرادي رجعت من غير ما اعدي على العيادة واسلم على اللي

هناك ‘ بس مكنتش عايزة اروح واشوف احمد واتأثر واضعف.. وفعلا فضلت لمدة اسبوعين

معرفش حاجه عنه ولا يعرف حاجه عني ولما اكلم سارة ابقى همووت واسألها عنه بس مبقدرش..

لحد ما في يوم جيت انام لقيته بيتصل..

انا لنفسي:ايه هتردي؟

تؤ لا مش هرد.. ولا ارد؟؟ يووووه هتعملي ايه يا ندى!!

ارد ولا بلاااش..لو رديت هضعف! بس لو مردتش هبقى هموت واسمع صووته.. طب ارد واسلم عليه

وبس ولو حاول يكلمني في اي موضوع اقفل معاه؟ ولا مردش وافضل متعذبة كده!!!

وفضل احمد طول منا بكلم نفسي يكلمني مرة واتنين وتلاتة وعشرة.. وانا كل ما يقفل قلبي يبقى عايز

يصرخ واول ما اشوفه اتصل تاني احس ان فيه فرصة امل اتولدت من جديد..

لحد ما بطل اتصال.. قلت لنفسي :

اهو شكله تعب منك و زهق وقفل..

ومفيش دقيقتين ولقيت رقم غريب بيتصل وطبعا حسيت جدا انه احمد بس اتلككت وقلت هرد

انا:الو

وسمعت اغنية شغالة

وبعدها السكة اتقفلت ومفيش دقيقة ولقيت مسج بس المرادي من رقم احمد مكتوب فيها:

وحشتيني..

فرحت وفي نفس الوقت دمعت لاني مبقتش عارفة ارد اقول ايه وبعدها بعت مسج تانية:

متنسيش تمسحي المسج عشان ماما...

***********************************

دي كانت اخر حاجة بعتها ليا احمد من ساعة ما قلتله على قراري لحد ما خلصت امتحانات

ورجعت تاني للبلد..

ولما رجعت روحت تاني يوم العيادة..

دكتورة منال:ازيك يا ندى وحشاااني

انا:وحضرتك والله يا دكتورة.. اخبار عيال حضرتك ايه؟

منال:كويسين والله ومطلعين عيني وعايزين يسافروا وانا قلتلهم مش كل شوية هسيب العيادة كده

انا:امال فين الباقي سارة وشيرين جوة

انا بخوف واستغراب:شيرين مين؟

منال:اه دي دكتور جديدة هنا

انا بخوف اكتر:ليه هو حضرتك مش عايزاني تاني؟؟

منال:وانتي مالك بيها يا ندى ‘ احنا زي ما متفقين انتي بتيجي تتدربي معانا فمكانك محدش ليه دعوة

بيه..

انا:الحمد الله .. افتكرت حضرتك هتقوليلي لا وكده

منال:ههههههه لا طبعا‘ انا بس الزباين كترت الحمد الله فمبقتش انا وسارة ملاحقين على المواعيد

انا:ايوة ماشاء الله يا دكتورة..

منال:طيب روحي سلمي على صحابك وشوفيلي احمد جه ولا لسه وناديه الله يخليكي عشان عايزاه

شوية..

انا وقلبي بيدق بسرعة اول ما سمعت اسمه:حاضر

وطلعت اشوفه مكنش لسه جه ودخلت لسارة اسلم عليها واتعرف على شيرين الجديدة اللي بقت معانا

في العيادة..

سارة:دي بقى شيرين دكتورة جديدة هنا معانا يا ندى.. شيرين دي ندى بتدرب في الاجازات هنا

معانا وهي رابعة اسنان دلوقتي..

انا بابتسامة:اهلا وسهلا

شيرين بابتسامة صفرا وبتبص من فوق لتحت:اهلا

معرفش مرتحتش لشيرين ولا لنظراتها بس محطتش في بالي خالص وسألت سارة:

هو احمد اتأخر ليه كده؟

سارة:امم مش عارفة‘تلاقيه مشغول بس ليه؟

انا:اصل دكتورة منال طلبت مني اقوله حاجه

سارة:اه مش عارفة والله ‘ تلاقيه جاي في السكة.. المهم يا ندى فكريني اقلك حاجة على احمد بس

بعدين مش دلوقتي..

انا باهتمام:ايه؟؟

سارة:بعدين بقى لحسن شيرين بتحكيلي موضوع مهم..

وفي لحظتها سمعت صوت باب العيادة فجريت اطلع اشوف مين ولقيته احمد..

انا:اتأخرت ليه يا استاذ

احمد بصلي بنظرة فيها فرحة وعتاب وشوق وبعدين رد عليا ببرود ورسمية:

مفيش يا دكتورة ندى كنت تحت بجيب حاجات

انا باستغراب:دكتورة ندى مرة واحدة..

احمد:اممم..حمد الله على سلامتك يا دكتورة

انا بضيق:الله يسلمك.. دكتورة منال عايزاك وبتسأل عليك بقالها كتير..

احمد قام وعدى من جمبي من غير ما يبصلي وكانه بيتجنب انه يبصلي وراح لدكتورة منال..

ومتكلمناش طول اليوم ‘ رغم ان جت مواقف كتيرة وبقينا فيها في نفس المكان الا انه مكلمنيش

ولا انا كمان كلمته..

وما صدقت خلص اليوم ومشيت بسرعة من العيادة وانا دموعي على خدي واول ما رجعت البيت

لقيت ماما بتقولي:

ندى باباكِ عايزك في موضوع!

انا بارتباك:في ايه؟

ماما:لما تتكلمي معاه هتعرفي

انا:في ايه يا ماما ما تقوولي لو تعرفي حاجه

ماما بعصبية:ما تدخلي وتتكلمي معاه الله! ولا انتي لازم تناهدي

وروحت دخلت لبابا وقلتله:

ايوة يا بابا

بابا بصوته الجهوري:فيه عريس يا بنتي متجدملك

انا بارتباك:مين؟

بابا:دَكطور بيطري ابن عمك حمدان صاحب الصيدلية اللي على نصية الشارع وشافك وانتي

بتروحي تركبي عشان تروحي جامعتك..

انا:انا اسفة يا بابا بس انا رافضة

بابا:شفتيه اياكِ!! عشان ترفضيه؟

انا:معلش انا مش عايزة

بابا:طب شوفيه الاول جبل ما ترفضي!!

انا:انا مش مرتاحة للموضوع..

بابا:ماشي بس اعملي حسابك هعديها ليكي المرادي بس بعد اكديه لازم تجابلي وتشووفي

العريس..

وطلعت من الاوضة وجريت على اوضتي فضلت اعيط ولقيت احمد بيتصل بيا.. ساعتها رديت

على طول..

انا:الو

احمد:ازيك يا ندى

انا:الحمد الله ‘ ايه الدووشة اللي عندك دي؟!

احمد:اصلي في فرح ابن خالي ولما شفته مع عروسته حلمت اننا نكون مكانهم في يوم من الايام

انا والدموع بتنزل مني:يااارب يا احمد

احمد:يعني انتي عايزاني وبتحبيني يا ندى

انا:....

احمد:مبترديش ليه يا ندى

انا:خايفة يا احمد

احمد بعصبية:انتي ليه كل ما اقلك حاجة خايفة ‘ خايفة ‘ خايفة !! في ايه يا ندى!! ليه الرعب ده

كله اللي موجود جواكِ؟ ليه كل ما احاول اهدم سور وحاجز ما بينا الاقيكي بخووفك ده بتبني مليون

حاجز وتعجزيني!! عايز اتقدملك .. لا خايفة لبابا يرفض!! عايز احبك.. لا خايفة ماما تعرف!!!

انا مش عايز اعمل حاجة غلط معاكِ ومقدر ده منك بس انا عايز اطلب ايدك وانتي بخوفك ده

مانعاني!! قوليلي اعمل ايييييه طيب!! وحتى مش راضية تقوليلي انتي عايزاني وبتحبيني ولا لا!!

انا:انت عارف يا احمد ومن زمان

احمد:طب ايه بقى يا ندى

انا:احمد انا لسه بابا كان بيكلمني في عريس ورفضت حتى اني اشوفه وقلتله مش عايزة فمينفعش

دلوقتي اجي اقوله بابا فيه واحد عايز يتقدم! هيقلي يبقى هو ده بقي اللي بسببه رفضتي ويعاند!

متنساش ان بابا صعيدي ....

احمد:طيب يا ندى ‘ على العموم انا بس لما شفت ابن خالي والفرح قعدت اتخيلنا واتخيلك معايا

بس ممكن تسمحيلي اكلمك اطمن عليكِ؟

انا:ماشي..

ورجعت اكلم احمد تاني بس المرادي كان ورا ماما لاني خفت اقلها وتبعدني عنه تاني وانا كنت

بحبه اوووووي..

***********************************

وتاني يوم لما رحت العيادة مشوفتش احمد فدخلت لسارة بسألها عليه عادي فلقيت منها رد غريب

اوووي وخوفني جدااااا من احمد!!

انا:صباح الخير يا ساااارة

سارة:صباح الخير يا ندى

انا:بقلك احمد فين؟

سارة:معرفش وبعدين انا محكتلكيش امبارح قدام شيرين بس دلوقتي احنا لوحدينا

انا:اه صحيح في ايه؟؟

سارة:انا اصلا مبكلمش احمد

انا:ايييه؟!! ليييه؟؟

سارة:ده طلع وااااد واطي وزبالة

....................

استنوني الحلقة اللي جاية........