الحلقــــــــــة الخامســـــــة والعشــــــرون
عبد الله واقف مصعوق من المشهد اللي قدامه ‘ في نفس اللحظة فيفة تلف وتنادي
البودي جارد بصوت
عالي وتقول:
تعالواااا ارموا الراااجل ده بررررررررره للكلااااااب
في نفس اللحظة فرغلي ياخد سكينة كان بيقطع بيها الفواكة ويجري على فيفي
ويضربها في قلبها
كذا مرة لحد ما تقع تغرق في دمها..
فرغلي بهستيريا يجري على عبد الله اللي لسه واقف مصعوق مش عارف يعمل ايه
ولا يروح فين
ولا يجي منين ووشه اصفر:اجرري اجررري يا بني بسسسرعة
عبد الله وهو عمال يبص على فيفي ويتهته في الكلام ‘ فرغلي:اجرررري يا بني
قبل ما ااي حد يجي
يلاااا بسسسرعة يااا بني ووسااامحني وقووول لاخوااااتك يسامحوووني قووولهم
انااا اسف مكنتش
الاب اللي هوو ‘ قووولهم يا بني اناااا مكنتش قاصد ابقى وحش اوي بس بب بس
الدنيا هي اللي
ووحشة معانااا ‘ اجرررري يا عبدد الله بسسسسرعة بسسسسسرعة..
عبد الله واقف في مكانه متسمر ومتنح ومش عارف يعمل ايه وابوه بيزقه ويطلب
منه يجري ويقول:
اوووعى تعرف غسان الكلب ده تاااني ‘ يلاااا بسسرررعة
عبد الله يبدأ يستوعب الدنيا من حواليه اول ما يسمع اصوات البودي جاردات
وهما بيجروا من بعيد
ويبدأ يهرب من زي المكان اللي جه منه ..
في نفس اللحظة يدخلوا البودي جاردات ويلاقوا فرغلي ماسك السكين وبيضرب فيفي
بكل انتقام
ويقولها:
موووتي يا كلبة يا نجسة موووتي زي ما قتلتييني وقتلتي عيييلتي موووووتي
موووتي مووووتي
يطلبوا بسرعة البوليس ويحاولوا يشيلوا فرغلي اللي كان غرقان في موجة
هستيريا خارجة عن
الارادة..
****************************************************
عبد الله وهو بيجري في الشارع تلفونه يرن واول ما يبص في الشاشة يلاقي غسان
عبد الله يرد بعصبية:
انت عارف يا .... يا ابن الـ ...... لو اتصلت هنااا تاني ورحمة امي اللي
ماتت وهي مش لاقية حق
العلاج لاكون موريك قيمتك يا ........
غسان باندهاش وصدمة:ايه ده ايه ده ايه ده!! مالك يا صاحبي!!
عبد الله بغضب:اسفوخس على دي معرفة يا ابن الـ ...... دي صحوبية بنت ......
ويقفل التلفون في وش غسان
*********************************************
بسمة قاعدة بتعيط في الصالون وجمبها محمد وقدامها ليلى اللي كل شوية تبص
على الساعة وتبص
على اوضة قيس بقلق..
بسمة:بقاله ساعة كل ما حد فينا عايز يدخله يزعق فينا! ده عمره ما عملها يا
محمد
محمد بألم:احنا غلطنا يا بسمة لما سبنا الموضوع يتمادى بالشكل ده
بسمة بعياط:فعلا يا محمد شكلنا غلطنااا على اخر ايامنا بنشوف ابننا بيتعدى
على حق اخوه الغلبان
ليلى بضيق وألم:ا اانا حاسة اني السبب يا ماما
بسمة بحزن:مش انتي يا بنتي ‘ ده موضوع قدييييم اووي ما بينهم بيكي او من
غيرك كان هيحصل
********************************************
رشا في الاوضة قاعدة خايفة من فارس اللي عمال يمشي رايج جاي في الاوضة بشكل
عصبي
ويقول بزعيق:الكلاااااب اتأخرواااا
رشا بخوف:ه ههما مين دول
فارس:تعرررفي تخررررسي دلوووقتي مش وووقتك
رشا بغضب:هوو في ايييه!! انت فاكر نفسك ميييين!!
فارس بحنون:رشاااااا والله ما شايف قدامي دلوقتي فاقصررري الشررررر
وابعدددي عنك لو خايفة
على نفسك!!
رشا بتسكت لانها خايفة ومرعوبة من عصبية فارس اللي اول مرة تشوفها بتوصل
للحد ده
********************************************
فجأة يرن جرس الفيلا ليلى تبص لبسمة وتقول:خليك يا عمي انا هروح افتح
محمد بتعب:ربنا يخليكي يا ليلى
ليلى بتروح تفتح وتلاقي ناس لابسين بلطوا ابيض وعلى البلطو شعار مكتوب عليه
مصحة كمال
الدرويش..
ليلى بخوف وهلع:ايوة؟ افندم؟
واحد منهم:لو سمحتي فارس بيه موجود؟
فارس ينزل على طول من فوق ويقول:اتأخرتوا ليه؟!
ليلى بهلع تبص لفارس وتبص للي واقفين ونفسها تكدب عينها وقلبها..
فارس:المريض فوق
بسمة تقوم بسرعة بهلع:مريض مييين ‘ انتوا هتعملواا ايه! هتعملوووا اييه ؟؟
الحقني يا محمد
محمد بتعب شديد يقوم يقف ويقول:هتعمل ايه يا ولد!!
فارس:اطلعوا انتوا بسرعة ‘ وخلي بالكم المريض حالته خطيرة!! وملكوش دعوة
باي نقاش هيتم
هنا..
محمد بعصبية والدم بيغلي جواه:انت بتتحداااااني يااااا ولد
فارس بزعيق:بصوااااا ‘ اللي فووووق ده مريييض ولازم تعترفواااا!! وجووووده
خطررر بينااا
ليلى بزعيق:انت اللي خطرررر
فارس:انتي تخرررسي انتي السبب من ساعة ما جيتي ودخلتي بيتنا وجننتيه اكتررر
محمد لسه هيضرب فارس يقوم يقع على الارض في نفس اللحظة اللي بيجروا عليه
يكون
بتوع المصحة ماسكين قيس بقوة ومكتفينه وعمالين يزقوه معاهم..
قيس بدموع:ليلـــــــى ليلــــــــى قولي ان قيــــــــس مش مجنوووون مش
مجنووووون
بسمة مبقتش عارفة تلحق مين ولا مين وجريت على فارس تضربه
وتقوله:انــــــــــــــت اكيد
قلبك حجرررررررر انت مش ابنيييي انت مش ابنيييييي انت
قلبــــــــــــــــــــك حجرر
فارس بزعيق لبتوع المصحة:انتواااا واقفين بتتفرجوااااااا!! امشواااااا بيه
بسرررررعة
ليلى بانهيار بتجري وراهم وتصرررخ:ياااااا عبد الله ياااااااا عبد الله
ياااااااااا سماااااااح تعالوااااا
سعد بيجي بسرعة جررري واول ما يشوووفه قيس يقول:
سعدد سعدددد قوووول ان قييييس مش مجنووون قوووول سعد والله قيس مش مجنوووون
سعد بعياط يجري ويمسك في بلطو واحد منهم ويضربه بكل قوته ويقوله:اوووعى
سييييبه ده اعقل
مني ومنك اووووووعى اوووووعى
الراجل يزق سعد ويقوله:ملكش دعوووة بدل ما ناخدك معانا
سعد يقوم بسرعة ويحاول يلحقهم بس هما يركبوا العربية بسرعة ويجروااا ‘ سعد
يجري وراهم في
الشارع وبعدين يقع من كتر الجري وميلحقش العربية ويسمع صريخ قيس وهو بيقول:
قيـــــــــــس مش مجنوووون سيبه قيـــــــــس سيبه قـــــيس
سيبــــــــــــــه مش مجنووووون
يااااااااارب ياااااااارب كون مع قيـــــــــس
يااااااااااااااااااااااااااااارب!!
********************************************
ليلى بتجري على فارس وتفضل تضرب فيه عند صدره وتقوله:حرررررررام علييييك
حرام
علييييييييييك ‘ يلعن ده اليوم اللي شفتك فييييييييه ..
بسمة بعياط وانهياررر:الحقيييييييييني يا ليلى
في نفس اللحظة يدخل عبد الله من برة ويشوف المشهد ده يجري بسرعة عليهم
ويقول:
ليلى فيييه ايه؟؟
ليلى بانهيار:عبد الله الحقنا يا عبد الله ‘ عمي محمد وووقع
عبد الله يتصل بسرعة بالاسعاف ‘ ويدخل سعد هدومه متقطعة مع الوقعة وبعياط:
معرفتشش يا ليلى الحق قيس معررررفتش ‘ هما خدوه فين يا ليلى خدوه فييين
عبد الله بدهشة وصدمة:ايه اللي حصل ؟!!!
فارس بزعيق لليلى:قولتلك متتحدنيييش!! عملتي فيها شجااااعة اشربي بقى
ليلى بانهيار وبكل حقد:حسبي الله ونعم الوكيييييييل فيك
بسمة بزعيق:اطلععع بررررررررررة لا انت ابني ولا انا اعرررررفك
بررررررررررررة
************************************************
قيس في الاوضة اللي محجوز فيها في المصحة يدخل عليه واحد ومعاه اكل
ويقوله:خد ده اكلك
قيس:قيس مش اكل حاجه هنا ‘ قيس مش مجنون عشان احبسوه
الراجل:بقلك ايه انت تقعد ساااكت!
قيس بعصبية:قيس مش اسكتتتت قيس اخرررررج قيس اخررررج
الراجل:الاكل عندك ابقى اطفح وقت ما تعوز
ويقفل الباب ‘ قيس يروح ناحية الشباك اللي موجود في الاوضة واللي يكون عليه
سور من حديد
عشان محدش يقدر يهرب او ينط منه ويبص للسما ويقول وفي عينه دموع:
يااارب قيس عمره ما ازعل انه فيه في دماغه حاجه بس انا يااارب مش مجنون ‘
انا بس حب
ليلى وشرير مش عايز حتى ليلى كون مع قيس.. طول عمره شرير خد من قيس كل حاجه
وهو اسكت بس هو كمان عاوز ليلى وليلى لما اختار قيس شرير حطه هنا في السجن
على
انه مجنون بس انت يارب عارف كل حاجه ‘ ماما دايما تقول ان ربنا كبير اعرف
كل حاجة
ياااارب قيس عاوز اخرج برة من هنا خرجه ياااارب ‘ انت عارف قيس مش مجنون
والله
مش مجنون..
وتبدأ الدموع تنزل من قيس ويبدأ يقعد في ركن الاوضة ويقرفص على نفسه من
الخوف
ويفضل يقول:والله مش مجنون يااارب والله مش مجنون قيس
*******************************************
في المستشفى بسمة وليلى واقفين وعبد الله وسماح واقفين معاهم وفجأة تيجي
نوال عليهم
وتقول بخضة:ليلى في ايه؟
ليلى بانهيار:فارس يا نوال فااارس
نوال بخضة:ماله؟
ليلى:خد مننا قيس ووداه مصحة
نوال:ايـــــــــه!! ليه هو مفيش قانون ولا ايه في البلد دي!!
ليلى:عمي مقدرش يستحمل ووقع مننا ودخلوه العناية المركزة ‘ قلبه تعبان
اوووي
نوال بحزن:لا حول ولا قوة الا بالله ‘ سعد فين؟
ليلى:في الفيلا مع حنان والدادة مرضتش اخده ‘ احنا يدوب بنشيل نفسنا
بالعافية
بسمة بتوهان:طول عمره اناني وبياخد لعب اخوه بس عمري ما كنت اتخيل يجي اليوم
اللي يدخل
اخوه ويحبسه في مصحة!
نوال بتبص لليلى باستغراب فتقول ليلى بهمس:من ساعة ما جينا وهي يا عيني
بتخطرف بالكلام كده
وفجأة تدخل رشا المستشفى عليهم وتبص ليلى ليها بكل كره وحقد..
رشا: انا عارفة اني مش مرحب بيا هنا ‘ بس انا جيت يا ليلى النهاردة عشان
اعمل حاجة صح
في حياتي ...
ليلى بلهفة:هتخرجي قيس؟
رشا:ايوة يا ليلى انا عارفة يعني ايه قلب يتحرم من كل حاجة ومن الامان وانا
كرهتك وكرهت نوال
لكن عمري ما كرهت قيس ‘ جايز اكون كنت عايزة احرق قلبك في يوم عليه لكن
النهاردة
وانا بشوفه وهو بيتاخد غصبن عنه قلبي وجعني لاول مرة عليه..
ليلى بلهفة تمسك ايد رشا:هتخرجيلي قيس يا رشاااا ابووس ايدك
رشا:انا اللي ابوس ايدك يا ليلى تسامحيني على اي غلط ‘ انا حبيت اعمل اخر
حاجة كويسة
وبعدها هختفي من حياتكم تماما..
ليلى بتجري بلهفة على بسمة وتقول:ماما رشااا هتجبلنا قيس يا ماماااا
هتجبلنا قيسسسس
بسمة بتوهان:زمان لما كان يجي يعيط ويقول انه مش اخوه كنت بقول مصيره يكبر
ويفهم ان
الاخ ملهوش غير اخوه بس اتاري الكره كان بيكبر معا هوانا مش واخده بالي..
رشا بحزن على حال بسمة تقول:انا هروح المصحة واشوف فارس اتفق معاهم على ايه
ولو
طلب اني ادفعلهم فلوس اكتر من اللي دفعها فارس ليهم هخرجه وناس زي دي ما
المبلغ الاكبر
هيخرجوا قيس..
ليلى:اناااا جاية معاكي
رشا:خليكي هنا يا ليلى وانا ربنا يقدرني واجيلك بقيس
ليلى بتوتر:مبتضحكيش عليا يا رشا صح؟؟
رشا وهي بتبص على عبد الله:صدقيني انا عمري ما ندمت في حياتي اد ما ندمت
الفترة الاخيرة
دي لما خسرت حاجة كبيرة في حياتي وعرفت ان الشر مبيولدش غير شرر
ليلى وهي مصعوقة من تغيير رشا وبتبص لنوال اللي بتبتسم ليها عشان تديها امل
..............................
استنوني الحلقة اللي جاية
