الحلقـــــــــــة الثالثــــــــة والعشـــــــرون
عبد الله بغضب يجري يغير هدومه ويطلع جررري ويقول:ورحمــــــــــــــــة
امك الغاليـــــــة يا
سماح لاعرفه مقامه واعلمه ازاي يمد ايده على اختي ويرميها في انصاص الليالي
كده في الشارع
مبقاش عبد الله ابن سعاد!
سماح بخوف وهلع تحاول تمسك اخوها اللي بيفلت منها وتقول
بهستيريا:استنــــــى يا عبد الله
عبد الله لسه هيخرج من باب الفيلا يلاقي ليلى بتمسكه وتقول بزعيق:ايه يا
ابن امي؟! خلاص بقيت
فتوة كمان ورايح تتخانق وتضرب وتعمل عركة؟!
عبد الله بعصبية:انتي مش شايفة ووش اختك عامل ازاي ! والكلب رماها في انصاص
الليالي
ليلى بغضب:وانت لما تضربه وهو يحطك في دماغه هيبقى ده الحل وهتبقى وقتها
انت سبع البرومبا!!
عبد الله بعصبية وزعيق:فييييه اييه يا ليلى هي مش اختك ولا ايه اللي اتضربت
دي
ليلى:لا اختي بس انا وانت وهي نفسها عارفين انهاااا غلطت يبقى منروحش نصلح
الغلط بالغلط
سماح بعصبية جت وقالت:غلطتتتت عشان حبيييت في يوم اعيييش الدنيا اللي فضلنا
طول العمر
محرووومين منها؟!!!
ليلى:وهو انتي بس اللي اتحرمتي منها؟! ما غيرك ملاااايين نفسهم يعيشوا بس
عيشتك اللي مش
عجباكي دي..
سماح ووشها كله دموع سايحة بكحلها:جايز زي ما بتقوولي كده ‘ بس مكنش عندهم
اب كل يوم
يسمع على جتت عياله بالكرباك والضرب والررررفس عشان ينزلوا يجيبوا ليه
الفلوس وهو
مرزوووع يشرب في معسل عشان مزاجه..
ليلى بعصبية:مش مبررررررر مش مبرررر يا اختي يا بنت امي
سماح بحقد:لاااا مبررر ‘ لما كنت كل يوم اصحى الصبح اروح اخدم في بيوت
الناس وانا شايفة اللي
قدي شايلين شنطهم وكراستهم ورايحين يتعلموا يبقى مبررر ‘ لما اشوووف نظرات
الناس اللي
كنت بشتغل عندهم لما ينسوا فلوسهم بالغلط والست تقول لجوزها مش قلتلك متسبش
فلوس
قدام الخدامة وكاني بسرق وحرامية يبقى مبررر ‘ لما اشوف كل البنات بيخرجوا
مع اباهتهم
ويتكلموا ويضحكوا ويوم ما الدنيا تيجي عليهم يجروا في حضنه وانا ابويا ليل
ونهار مدوقنا
المر من كعانااااا يبقى مبررر يا ست ليلى .. مبرر يخليني كل يوووم اكره
عيشتي وادور على اي
فرصة تخليني اجيب القرش اللي ذلنا وسط الناس وخلى ابونا يذلنا..
ليلى:خد اختك يا عبد الله وادخلوا ناموا وبكرة نفكر في حل يجبلنا حقنا صح
مش بالدراع
عبد الله يطبطب على سماح وياخدها في حضنه ويمشي معاها على الملحق
**************************************************
بعد ساعة وبعد ما يتأكد عبد الله ان سماح نامت بيخرج وبيروح يقابل غسان..
غسان:ايه يا عم عاش من شافك ‘ وواخد اجازة من الشغل ومحدش عارف يعترلك على
طريق!!
عبد الله:مفيش انا بس اخواتي في مشاكل وكده فكان لازم ابقى معاهم
غسان:لو عاوز فلوس ياض قووولي وانا رقبتي سدااادة
عبد الله:لا تشكر يا صاحبي
غسان:طب ‘ خد بقى شدلك سطر
عبد الله:ما انت عارف يا غسان مليش فيه
غسان:طب خد السيجارة دي هتظبطلك المزاج
عبد الله:ماشي طالما مزاج في سيجارة مفيش مانع ..
غسان يبص في ساعته ويقول:اوبا ده انا يدوب اخلع
عبد الله:على فين؟
غسان:المعلمة حابة تشوفني
عبد الله:الا هي المعلمة دي فين اراضيها
غسان:واحنا من امتى بنسأل ‘ما انت عارف النظام
عبد الله بخباثة:اشمعنا يعني!
غسان:لاااا حبيبي اصحى هي السيجارة لفت فيوزات مخك ولا ايه!!
عبد الله:خلاص يا عم دي كانت بس ساعة فضفضة
غسان وهو بينفخ السيجارة:لا حبيبي متفضفضش كتير اصل صوتك مزعج هاهاها
ويمشي غسان وبعد ما يمشي بشوية يجري عبد الله وراه عشان يراقبه
**************************************
غسان بيوصل عند فيلا فيفي وبيدخل ويكون فرغلي قاعد بيشم في بودرة..
غسان:اهلا هو انت وصلت لحبيب القلب
فرغلي وهو بيشد:يا اخي الواحد كان تايه عنه من زمان ليه مش عارف!
غسان:حبيبي يا عم فرغلي ‘ فين المعلمة
عبد الله بيوصل للفيلا اللي وصل ليها غسان وبيفضل يلف حواليها كتير وبيلاقي
بودي جارد واقفين
على باب الفيلا فبيعرف انه صعب يدخل الفيلا فيروح يلف ويقوم ناطط من السور
ونازل بسرعة
جوة قبل اي حد من البودي جارد يشوفه..
يجري في الحديقة وهو بيتلفت وراه ويمينه وشماله لحد ما يستخبى ورا حيطة
ويسمع صوت غسان
وهو بيقول:
طيب هي امتى هتنزل
فرغلي:مصيرها تنزل يعني هي هتطير انت مستعجل على رزقك ليه
عبد الله يتصدم اول ما يسمع الصوت اللي عارفه كويس ويبص بسرعة عشان يتأكد
انه سمع صح
مش اتوهم ويلاقي فعلا ان ده صوت باباه..
عبد الله بغضب:يا ابن الـ ..........
ويبقى عايز يدخل يتهجم عليه يقتله بس يفضل يفكر بحيرة وبعدين يقرر يراقب
الموقف من غير ما
يتدخل..
بعد خمس دقايق تنزل فيفي وتلاقي غسان..
فيفي:ايه ياض يا غسان اتأخرت ليه
غسان:عقبال ما قدرت اخلع من الواد عبد الله ‘ لحسن ده كان شابط فيكي اوي
فيفي:ازاي يعني!
غسان:كان عايز يعرف فين اراضيكي
فيفي:وقلتله ايه؟
غسان:قلتله الاسئلة دي مبتتسألش
فيفي:اممم ابقي خليه يجي
فرغلي بخضة:يجي فين؟!
فيفي:يجي هنا
فرغلي:ولو شافني
فيفي:مش هيشوفك لانك هتبقى وقتها برة
فرغلي بضيق:انا مش فاااهم اصررررارك على الواد ده بالذات اوي كده ليه
غسان بغيرة:اه يا معلمة اشمعنا عبد الله يعني!!
فيفي وهي سرحانة:مزاج والمعلمة لما مزاجها يحكم يبقى انتهت
****************************************************
عبد الله بيحاول يرجع زي ما دخل وبيطلع بسرعة من الفيلا ..
عبد الله بيفضل ساعة ماشي في الشوارع على رجليه وبيكلم نفسه:معقوووول!! يا
ابن الـ .... يا غسان
يعني انت ورطتني معاك قصد لا وايييه واللي اسمه ابويا كمان عارف وساكت
وراضي! يلعن ابو
دي دنيا اللي تاخلي اب زيه كده!!
واول ما النهار يشقشق يرجع عبد الله الفيلا تاني
***************************************************
الصبح ليلى بتصحى متلاقيش قيس جمبها فتتخض وتطلع تجري برة الاوضة فتتخبط في
فارس وهو
نازل..
فارس:مالك؟!
ليلى بفزع:ق ققيس قيس مش في الاوضة
فارس باقتضاب:لسه شايفة من الشباك تحت في الجنينة
ليلى بتزفر بهدوء واطمئنان:اففف الحمد الله
فارس بيبص حواليه وبعدين يقولها:فكرتي في كلامي
ليلى بتكشر وتقول:كلام ايه يا فارس!!
فارس:انتي عارفة انا اقصد ايه
ليلى بصدمة:انت مش معقول تكون لسه بتفكر بالطريقة دي! انا افتكرتك قلبك حن
على اخوك!!
فارس:هديكي وقت تفكري تاني لان واضح الايام اللي فاتت عقلك كان مشوش بس لو
خايفة على قيس
دوري على مصلحته..
ليلى بخوف:ي يعني ايه؟؟؟ قصدك اييييه؟؟؟
فارس بيهمس ناحية ودنها:يعني لو عايزاه يفضل عايش طبيعي حر مش مسجون جوة
مصحات
للناس اللي زيه..
ويبتسم بكل استهزاء وسخرية ويمشي ويسيبها واقفة مصدومة في مكانها..
*********************************************
سماح بتقوم تلبس ولسه جاية تخرج فبيقابلها عبد الله:رايحة فين يا سماح
سماح بتوتر:رايحة البنك
عبد الله باستغراب:ليه؟
سماح:ليا حساب هناك
عبد الله:حساب؟
سماح:اه
عبد الله بدهشة:غريبة؟!
سماح:وهو انت كنت فاكر اني هبيع عمري ببلاش
عبد الله بضيق شديد:برضو مفيش فايدة فيكي!
سماح:عن اذنك يا عبد الله
عبد الله:متتأخريش
سماح:ربك يسهلها
*******************************************
سماح قاعدة في الكافيه اللي جمب البنك ومتوترة جدا وكل شوية عينها على
الباب بتبص لحد ما تشوف
احمد داخل واول ما يشوفها يبتسم..
احمد:اتأخرت عليكي
سماح:لا ولا يهمك
احمد:معلش يا دوب خلصت وجتلك على طول
سماح:ا اانا مكنتش هاجي بس جيت مخصوص عشانك
احمد بفرحة شديدة:بجد
سماح:اه
احمد:ا اانا مش مصدق اني قاعد معاكي وبتكلم معاكي ‘ انتي كنتي زي حلم
بالنسبة ليا صعب احققه
سماح:ليه؟
احمد:يعني
سماح:انت ليه مهتم بيا اوي كده
احمد:عشان قريت في عينيكي كلام كتير وحاسس ان جواكي كلام كتير محتاجة
تفضفضي بيه
سماح:قريت ايه؟
احمد:قريت انك وحيدة وبتغرقي ومحتاجة ايد تتمد ليكي وتشدك من بحر الضياع
اللي انتي فيه
سماح قلبها بيدق وتتنهد وتقول:ياااااه كل ده حسيته جوايا
احمد:واكتر ولو تسمحيلي اسمعك ‘ انا عايز اسمعك وبس
تبدأ سماح تحكي لاحمد عن قصتها كلها من ساعة ما اتولدت وعن عيلتها وازاي
قبلت تتجوز
هاني وليه لحد اللي حصل امبارح..
احمد:طب ودلوقتي انتي ناوية على ايه
سماح:هستسمر فلوسي اللي كسبتها من البورصة
احمد:ا اانتي كنتي بتحطي فلوسك في البورصة!!
سماح:امال تفتكر الفلوس اللي كل شوية بحطها في البنك دي ايه! هو كان بيديني
ملامييم بس انا بقى
لعبتها صح ‘ خدتهم وحطتهم في البورصة والحمد الله بدأوا يجيبوا غيرهم
وغيرهم يجيبوا غيرهم
احمد:وناوية تستمريهم في ايه؟
سماح:في العقارات
احمد:معلش يا سماح متزعليش مني بس انتي مش مكملة علام ازاي مخك بيجيب
الافكار دي
سماح:جايز متعلمتش في المدارس بس فيه مدرسة مهمة اوي دروسها اصعب من
المدارس والجامعات
وهي اللي ادتني شهادة التخرج..
احمد بدهشة:مدرسة ايه دي؟!
سماح بسخرية:مدرسة الحياة
احمد باعجاب شديد بذكائها يقول:ايوة برضو منين الحجات دي اتعلمتيها
سماح بثقة نفس:اقلك ‘ انا كنت بخدم في البيوت وخدمت في بيوت ياما ايشي
دكاترة وايشي مستشارين
وايشي رجال اعمال وبقيت من كل بقيت اخدم فيه القط كل حاجه ممكن في يوم
هستفيد منها ولما
دخلت البورصة دخلت عن طريق واحدة ست كنت بخدم عندها هي اللي علمتني وعرفتني
الحجات دي ازاي وبعدين عرفتني على صاحبتها اللي عندها مشروع عقارات
وبيأكلها الشهد
فقلت ليه يا بت يا سماح مكنش زيهم وزي اجوازتهم ‘ خصوصا ان راس المال اتوفر
خلاص..
احمد:عارفة والله برافو عليكي يا سماح
سماح بابتسامة:المهم كلمني عنك انت شوية ‘ ولا انا بس اللي هتكلم
احمد:بصي يا ستي انا من اسرة على اد حالها برضو من حي السيدة زينب لام
عاجزة واب طلع على
المعاش ومعاشه مبيكفيش عياله الخمسة..كنت بشتغل وانا في الجامعة عشان اجيب
مصاريف كتبي
واتخرجت وفضلت اشتغل كل شغلانة ممكن تتصوريها وفي نفس الوقت ابعد مما تكون
من شهادتي
اللي واخدها ‘ لحد ما ربنا كرمني بالبنك ده واهو مش هقلك الحياة زهزهت بس
ماشية..
سماح:انت عندك كام سنة؟
احمد:26 وانتي؟
سماح:16
احمد:يااااه ده انتي صغيرة اوي
سماح:يعني
احمد بيبص لسماح بنظرات كلها اعجاب وسماح تتكسف وتبتسم وقلبها يدق
************************************************************
ليلى قاعدة في الجنينة سرحانة وجمبها قيس بيحاول يقرا الكتاب بصوت عالي
وبعدين قيس يبصلها ويقول:
ليلى ماله ‘ ليلى مش ركز مع قيس
ليلى:لا يا حبيبي انا معاك
قيس بحزن:لا عين ليلى قول كلام صعب مش عارف قوله
ليلى بتبص اوي في عيون قيس وتقول:دايما بتفهمني!!
قيس:قيس حس ليلى اوي
ليلى بابتسامة بتحاول تداري حزنها:طب كمل حبيبي قراية يلا
قيس:لا قيس عاوز اعرف ليلى ماله
ليلى:مفيش يا قلبي
قيس:لا قيس قول فيه هو حس ليلى
ليلى في سرها:اقلك ايه بس يا قيس !
ليلى بتبوس قيس من خده وتحضنه بكل حنان وتقول:مش عايزة غير اني احس بالامان
جوة حضنك
قيس ياخد ليلى في حضنه اوي ويقولها بهمس:قيس اوقات ببقى عايز خبي ليلى جوة
ليلى بألم:ياريييت يا قيس كان ينفع
قيس:ليلى حزين ‘ خاف من حاجة؟
ليلى بارتباك شديد:ها لا ه هه هخاف من ايه
قيس:مش عارف ليلى مش عارف بس ب ببس لو فيه حاجة ضايق ليلى مفروض قول لقيس
مش افتكر ان قيس ضعيف مش اعمل حاجة
ليلى بتمسك ايد قيس:ما عاش ولا كان حبيبي اللي يقول كده عليك والله ما اقصد
قيس:ماشي يا ليلى
********************************************
بعد يومين ليلى قاعدة في الصالة سرحانة وبتيجي بسمة تقعد جمبها وتناديها..
بسمة:مالك يا ليلى
ليلى سرحانة:.....
بسمة:ليلى؟
ليلى:.....
بسمة باستغراب:ليـــــلى؟؟
ليلى تبدأ تستوعب:ها ايوة يا ماما خير
بسمة:مالك يا بنتي بناديكي بقالي كتير؟؟ فيه ايه؟؟
ليلى بعد تفكير طويل وقلق وتوتر:فـ فـ فيه حاجة يا ماما نفسي اقلها ليكي بس
مش عارفة ازاي
وخايفة جدا من العواقب..
في نفس اللحظة يدخل فارس ويقول لليلى بصوت عالي بتهديد:ها يا ليلى ياريت
تكوني فكرتي كويس
بشكل ميضرش حد وخدي بالك من العواقب !
بسمة باندهاش شديد:فيه ايه يا ولاد
ليلى بخوف وهلع وهي بتبص على فارس اللي عيونه كلها بتنطق شر وتقول:
.......................
استنوني الحلقة اللي جاية
