الحلقــــــــة التاسعـــــــــة
عبد الله يسرح شوووية وبعدين عينه تطق شرار ويجري على الغرزة اللي بيقعد
فيها غسان..
غسان يكون قاعد بيشرب في حشيش زي عادته مع صحابه وبيضحك ‘ عبد الله يهجم
على غسان بكل
عصبية ويقول:
بتستغفلني وتسرررقني يا غسان يا كلب
غسان يزقه جامد ويضربه بوكس في وشه
ويقوله:انت بتخرف تقول ايه
عبد الله:مفيش حد غيرك دخل المكتب وخد الفلوووس ‘ انا عارفك
غسان:يا عم هسرقهم ليييييه
عبد الله بنرفزة:معررفش!!
غسان:استهدى بالله بس واقعد كده
عبد الله بعصبية:مفيش وقت للقعاد انا لازم اجبله المبلغ قبل ما اتسجن
غسان:يا عم هكون احسن منك واسلفك
عبد الله يهدى شوية ويقتنع ان مش غسان اللي سارقه ويقول:بس ده دول700 جنيه
غسان:ولا يهمك اسلفك
عبد الله:بب بس ...
غسان:بس ايه ؟ انت صاحبي يا جدع ‘ اه انت غبي وغشيم بس صاحبي وهكون جدع
معاك
عبد الله بأسف: متزعلش مني على عصبيتي
غسان:لا يا عم مش زعلان
************************************
ليلى تخرج بسرعة من الشقة ويكون فارس نِفسُه ينزل يجري وراها بس خايف لأمره
ينكشف فيسأل
مامته:
هه هي امتى جت؟
بسمة بتعجب:منا قلتلك يا فارس اني جبت مربية لقيس
فارس بارتباك:قق قصدي ج ججت ازاي؟ رشا هي اللي قالتلك عليها؟!
بسمة باستغراب:رشا!! هي رشا دي عمرها تجيب حاجة لقيس!!
فارس بتوتر:اا امال جت ازااااي!!
بسمة:مفيش عملت اعلان في الجريدة وهي جت عن طريقه
فارس يقوم وهو سرحان يدخل اوضته
بسمة:مش هتتعشى يا حبيبي
فارس سرحان ومبيردش عليها
***************************************
فارس جوة في اوضته قاعد على السرير وعمال يفتكر زمان.. يرجع بذاكرته لورا
ويفتكر لما
كان في المدرسة..
العيال في الفسحة قاعدين بيلعبوا وقيس قاعد لوحدة في حتة وفارس في حتة
بعيدة..
فارس يروح لصحابه عشان يلعب معاهم..
صحابه:امشي بعيد احنا مش عايزينك تلعب معانا
فارس:ليه؟
صحابه:عشان انت مجنون
فارس بعصبية:لااااا انا مش مجنون
صحابه وهما بيضحكوا:تبقى عبيييط
فارس:لااا انا مش عبيط
صحابه يشاوروا على قيس:اخوك عبيط تبقى انت كمان اكيد عبيط
فارس وهو بيبص على قيس وعينه بتطق شرار:ده مش اخوويااا
صحابه:ازاي انتم مامتكم بتيجي تاخدكم مع بعض
فارس:لاااااا ده مش اخووويا
صحابه:طب لو هو مش اخوك وانت مش عبيط روح اضربه
فارس يقف شوية وبعدين يروح عند قيس ويضربه جامد فصحابه يجوا يلفوا حواليهم:
ها ها ها ها بيضرب اخوووه شوووفت انت عبيط ازاااي
العبط اهم اهم العبط اهم اهم العبط اهم اهم
فارس يعيط:انااااا مش عبيييييط
قيس يغطي وشه ويقول:مش عبيط انا مش عبييط
************************************************
يفوق فارس من ذكرياته ويروح يقف قدام المراية ويفتكر كلام مامته زمان وهي
بتقوله:
يا بني حرام عليك متقساش على اخوك كده ‘ اللي هو فيه ده غصبن عنه.. يا بني
كون حنين على اخوك
يا بني بعد ما انا اموت انا خايفة على قيس..
فارس يحس بخنقة ويحس بغيرة ان ليلى بقت مربية قيس..
يقف مفزوع ويروح اوضة قيس ويدخل من غير ما يخبط ‘ فيلاقي قيس نايم .. يقرب
من السرير
بخطوات بطيئة ويقف قريب من قيس ويتأمله وهو نايم
فارس بصوت عالي:ليه كل حاجة حلوة بتجيلك انت بالذات!!
فارس يلاقي صمت وسكون هما اللي بيردوا على سؤاله ‘ شعور جواه جاله انه يصحي
قيس ويزعق
ليه ويقوله:ليلى دي بتاعتي انا وبغير انها تشتغل معاك بس كان اضعف من كده
بكتير..
يخرج بسرعة من الاوضة ويقفل وراه الباب بصوت عالي
قيس يصحى مفزوع ويبص حواليه وبعدين يرجع ينام تاني بكل براءة
*********************************************
تاني يوم الصبح في بيت سعاد ‘ سماح بتصحى من النوم وتقعد توضب في شنطة
هدومها وتستغرب
لما تلاقي ليلى لسه نايمة..
سماح:ليلى
ليلى بكل نعاس:ايوة يا سماح
سماح:انتي معندكيش شغل يا بت؟
ليلى:عندي بس بفكر مروحش
سماح:يووه يخيبك!! ليه يا بت؟!
ليلى:قيس طلع اخو فارس
سماح تتصدم وتسيب اللي في ايدها وتقرب من ليلى وتقول:اييييييه!!
ليلى:زي ما بقلك كده
سماح:يالهوي؟! وبعدييين يعني الشغل ده كمان هتسبيه؟
ليلى:مقدرش اسيبه وانتي عارفة بالحال
سماح:يا بت حال ايه انا هجبلكم فلوس كتيرة
ليلى بغضب:قلتلك ميت مرة مش هلمس من فلوسك دي
سماح:اتوووكسي يا موكوووسة!
ليلى:مش عارفة اعمل ايه يا سماح
سماح:روحي وغيظيه وخليه يفلفل كدهون ويسيب مقصوفة الرقبة قريبته ويرجع ليكي
ليلى:طبعا انا مش هسمح بده
سماح:ليه بقى ان شاء الله؟!
ليلى:قلبي منه انكسر
سماح:كتك كسر حوقك يا شيخة ‘ يابت انتي طالعة خايبة لامك كده لييه! يا بت
انا عايزاكي تكوني
واعية وصاحية عشان تكبشي بقى بايديك الاتنين دول فلوووس كتييير..
ليلى:تصدقي بالله يا بت يا سماح
سماح:لا اله الا الله ؟ مالي؟
ليلى:انتي لو ممشتيش من وشي دلوقتي لكون منسرة عليكي الشبشب ابو صباع
المعفن بتاع ابوكي
********************************
سعد يدخل لمامته المطبخ ويقولها:اماا انا جعان
سعاد:منا بعمل الاكل اهو يا سعد ‘ روح العب مع حنان شوية
سعد:حنان مقرفة
سعاد:يخيبك يا ولا حد يقول على اخته الصغيرة كده!
سعد:ما انا كل ما اشيلها يمة تكون عاملة على روحها وريحتها مقرفة
سعاد:هههه منت كنت انيل منها كده
سعد:يوووه بقى
بعدين يدخل سعد عند ليلى يلاقيها بتلبس:
ليلى؟
ليلى:ايوة يا سعد
سعد:عايز اجي معاكي
ليلى:تيجي فين يا سعد؟ هو انا رايحة الملاهي؟
سعد:مليييش فيه خدددييني معاكي
ليلى:والنبي اسكت يا سعد انا متأخرة
سعد:ملييييش دعووووة عايز اجي معاكي
ليلى تبص ليه وبعد لحظات تفكير: بس مش هتعمل قلة ادب؟
سعد:لا مش هعمل هكون زي القطة اللي مقطوع ديلها!
ليلى بتعجب من التشبيه:ايه!
سعد:يعني بتكون منكسرة كدهون وراسها لتحت انا هعمل زيها
******************************************
قيس في الاوضة كل شوية يبص للساعة ويبص على باب اوضته ‘ بعدين يقوم يفتح
الباب ويطلع
راسه يمين وشمال وبعدين يرجع يقفل الباب ويبص على الساعة وبعدين يبص على
الشباك..
قيس يكلم نفسه بصوت عالي:ليلى اهرب
وبعدين يقرفص في صوابع ايده ويفتحهم ويقرفصهم ويقول:قيس ازززعل ‘ قيس عاوز
ليلى
ليلى اهررب ‘ شرير زعق خلاه مجيش تاني..
وفجأة يسمع صوت جرس يقوم بلهفة يقول:قيس ليلى اجه ليلى اجه قيس ‘ ليلى اجه
ليلى مش اهرب
قييس ليلى مش اهرب..
واول ما يسمع خبط على الباب يفتح بابتسامة ويقول:ليلى اجه
يلاقي ليلى واقفة بابتسامة وجمبها سعد بيبص على كل حاجة من حوله باستغراب
واندهاش..
قيس اول ما يشوف سعد يقول:
ايه ولد ده! ايه ده ليلى
************************************************
تدخل ليلى الاوضة ومعاها سعد وتقفل الباب ..
قيس:ايه ولد ده
ليلى:سلم يا سعد
سعد بيبص على قيس بكل انبهار ويقول:اسلم على مين
ليلى:على قيس
سعد:هو عنده كام سنة
ليلى توشوش سعد:سعد متسألش السؤال ده تاني وبعدين اتعامل معاه بكل ادب
واحترام فاهم
سعد:ليه هو حرام؟
ليلى:سعد ما تخلنيش اروّحك؟!
سعد:لالالا خلاص ‘ ازيك يا عم
قيس:ايه عم ‘ فين عم ‘ فيه قيس وليلى وولد صغير مفيش عم
ليلى بارتباك:سعد روح العب في العربيات اللي هناك ‘ ممكن يا قيس؟
قيس:لا خاف عربيات
ليلى تشد سعد:خلاص بلاش يا سعد ‘ اقعد جمبي
وبصوت واطي:انا بس ايه خلاني اجيبه معايا ‘ هحتاس بيه زيادة
قيس يقرب من سعد اوي وبعدين يبص لليلى ويبص لسعد
سعد:تيجي نلعب؟
قيس بفرحة:العب انا العب
ليلى:هتلعبه ايه يا سعد؟
سعد:يوه ملكيش دعوة انتي ‘ انا وقيس صحاب دلوقتي صح يا عم؟
قيس بانشكاح:صح عم
**********************************************
فارس في مكتبه في الشركة قاعد سرحان ‘ بيفكر في ليلى وبيسأل نفسه يا ترى هي
في البيت؟ طيب
بتعمل ايه مع قيس..
فجأة تدخل رشا..
رشا:حبيبي وحشتيني اووووي
فارس سرحان ومش مركز مع رشا
رشا بتقف قدام فارس بتعجب:فاارس!
فارس لسه سرحان
رشا بتعلي صوتها اكتر:فاااارس
فارس:ها بتقولي حاجة يا ليلى؟
رشا بترفع حاجب وتقول:نعم!! ايه اللي فكرك بالزفتة دي
فارس بتوتر وارتباك:اا مم معلش يا رشا بس
رشا بكل قرف:بس ايه وزفتت اييييه ! ايييه مش قادر تنسى الهااانم! مش
قاااادر على بعدها
قاعد سرحااان فيهاااا ‘ مش مكفيييك اني سلمتلك نفسي وبرضوووو طفس ورمرام
وعينك
بتززززوغ..
فارس يقف بسرعة ويكتم بق رشا ويقولها:بس بس هتفضحينااا
رشا تشيل ايد فارس وتقوله:الاسبوع الجاي تعمل حسابك انه يكون كتب كتابنا
وبعديه بيومين نتجوز!
احنا مينفعش نسنتنى خلاص!
وتسيبه وتمشي .. فارس يتف على الارض من القرف ويقول:
انا مش عارف ورطت نفسي فيكي ازاي
*************************************************
في فيلا شيك وراقية في الزمالك ‘ فرغلي قاعد مع ست غنية جداا ولبسها شيك
وراقي..
الست:بقلك ايه يا فرغلي
فرغلي:قووولي يا ست الستات
الست:احنا محتاجين عبد الله في شغلنا اوووي
فرغلي:اشمعنا هو؟! ده واد مقرف وملهوش في السكك بتاعتنا دي وبعدين ما انتي
زقيتي عليه
غسان وبرضو مش راضي..
الست:ما انت غبي خليت الخطة تفشل ‘ انا كنت عايزاك تقعد في البيت ومتهربش
دلوقتي عشان تخليه
يلجأ للشارع اكتر وساعتها غسان يقدر عليه اكتر..
فرغلي:ما انتي يا فيفي عملتي كده ومنفعش وبعدين بصراحة انا مقدرتش اقعد مع
العيلة دي اكتر
من كده ‘ انا قرفت منهم ورميت طوبتهم..
فيفي:لانك يا حبيبي غبي مبتحبش تفكر ‘ انت عندك عيلة لو كنت بتستغلها صح ‘
كنت هتطلع
من وراهم الشهد كله..
فرغلي يضحك بصوت عالي ضحكات مليانة سخرية:اصلك متعرفهمش يا حياتي ‘ دول
عيال
فقرية شبه سعاد بيموووتوا في الفقر..
فيفي:بس انا هفضل ورا عبد الله لحد ما غسان يجيب رجله
فرغلي يقوم ويقرب من فيفي وعينه كلها مليانة خباثة وبتفترس فيفي:
طيب ما تيجي تجيبي رجلي انا دلوقتي
اولفت:هيهيهيهيهيهاااهاهاها
**********************************************
عبد الله راح البنزينة وسلم 700 جنيه للريس وقاله:اتفضل يا ريس الفلوس اهي
الريس:مرة تانية متبقاش تمد ايدك على فلوس غيرك
عبد الله:والله العظيم ملمستش حاجة ‘ بس جبتهم عشان متشردنيش انا واخواتي
يا ريس
الريس:غووور بقى من ووشي ومتورهونيش تاني
عبد الله:مفيش امل انك تشغلني وانا والله اوعدك غلطة زي دي ما تتكرر تاني
الريس:لااا مفيش شغل لحرامية زيك
يمشي عبد الله حزين من البنزينة ويرجع لغسان اللي كان مستنيه في العربية..
غسان:هااا عملت ايه؟
عبد الله:مصمم انه يطردني
غسان وكانه حزين:طب هتعمل ايه يا صاحبي؟
عبد الله بضيق:مش عارف يا غسان ‘ الدنيا كحل واختي هتتجوز قريب واختي
الكبيرة بتشتغل شغلانة
فلوسها حلووة بس برضو انا راجل البيت ولازم اكفيه انا والواد سعد عايز
ادخله مدرسة ..
غسان:ما انا قلتلك يا صاحبي
عبد الله بعصبية:بقلك ايه يا غسان اقفل على الموضوع ده
**********************************
سعاد قاعدة مع حنان بتلعب معاها وتقولها:
يا ترى يا حنان لما تكبري هتبقي شبه مين ليلى ولا سماح؟ نفسي تكوني زي ليلى
بس مش زيها اوي
يعني البت دي حظها ماايل مش زي البت سماح ..
تشرق سعاد وهي بتتكلم وتفضل تكح كتير اوووي لحد ما تحس انها هترجع وتجري
على الحمام
وتتف تلاقي دم احمر بينزل!!
*********************************
ليلى ترجع من المطبخ ومعاها صينية فيها اطباق مليانة اكل ووراها بسمة..
بسمة:الاكل جه
قيس:جعان قيس وفرحان
سعد:وانا جعااان
بسمة:طب يلا يا حبايبي كلوا
سعد ياخد طبق ويبدأ ياكل بسرعة اوي وميلحقش يبلع وياكل اكل كتير ويحشره جوة
بقه
قيس يشوف منظر سعد فيضحك ‘ ليلى تحس باحراج فتقوله:
سعدددد
سعد:اصل عندهم اكل حلو اووي يا ليلى
بسمة:سبيه براحته يا ليلى ‘ الولد ده دمه شربات
سعد:شكرا يا هانم
بسمة:قولي طنط يا حبيبي
سعد:لا يا هانم عيب انا مقدرش اشتمك
بسمة تبص لليلى والاتنين يضحكوا
قيس يبص على ليلى وهي بتضحك ويتأملها وهو فرحان ‘ ليلى تاخد بالها من قيس
اللي عمال يبص
عليها..
قيس:ليلى حلوة ضحكة
ليلى تحس باحراج وبسمة تبص لقيس وتبتسم ابتسامة مليانة خوف وشك ..
سعد وهو بيقلد طريقة كلام قيس:وسعد حب قيس
قيس:قيس حب سعد شقي
**********************************************
يوم الخميس يجي والكل في بيت سعاد يلبس ويستعد لكتب كتاب سماح على هاني..
هاني يجي ومعاه مأذون واتنين شهود ويكتبوا الكتاب وبعد ما يكتبوا سعاد
تزغرط..
هاني:يلا بينا يا سماح بقى؟
سعاد:مستعجل ليه يا باشا
هاني:معلش
سعاد تدخل تجيب صنية فيها كوبايات شربات ‘ هاني اول ما يشوفها يقرف ويبان
على ملامحه
سماح بضيق:خلاص يا ماااا ‘ انا وهاني هنمشي بقى
هاني باشمئزاز:اه ياريت بقى يا سمووحة
سعاد بكسرة نفس:هتوحشيني يا سماح ‘ ابقي تعالي زورينا
هاني باستعجال:يلااا بقى انا مستعجل
تكح سعاد كتيير وتطلع تجري على الحوض وبرضو تتف دم واللي يشوفها المرادي
عبد الله
عبد الله برعب:ايه ده ياما؟!
سعاد بهلع وارتباك:اا مم ...
عبد الله:ده دم ياماااا!!! احنا لازم نوديكي لدكطور
سعاد بحزن:ملهوش لازمة المصاريف دي يا بني
ليلى بقلق:ازاي يمه ده كده الموضوع خطير!!
سعاد:اا ا انا روحت المستوصف وعرفت مالي
ليلى وعبد الله:مالك يما؟؟
سعاد ودموع مالية عينها:ع ععندي ....
ليلى بتوتر:اييه ياماااا؟؟
سعاد:ع عع عندي اا السل
......................
استنوني الحلقة اللي جاية
