الحلقــــــــــــة الخامســـــــــة
دخل سعد بسرعة اوضته وراحت مامته قعدت على الكنبة مع حنان تلعبها ‘ ثواني
وخرج سعد ومعاه
الكيس الاسود ودخل اوضة باباه ومامته وقام طلع المنفاخ وبص على بُق باباه
اللي مفتوح وهو نايم
وقرب المنفاخ اوي ونفخ نفخة واول ما دخل الهوا في بُق باباه ‘ باباه شرق
جامد وصحي من نومه
وقعد يكح كتير .. سعد خد نفسه والمنفاخ والكيس وجررري من الاوضة..
سعاد راحت جري على اوضة فرغلي ولقته عمال يكح كتيير وشرقان ومش قادر ياخد
نفسه ‘ جريت
تجبله مية..
بعد دقايق قام فرغلي وعيونه بتطق شرار زق سعاد وخرج الصالة يدور على سعد
ويقول:
وحياة امك المعفنة ما انا سايبك يا ابن الـ .....
سعاد:يخيبك راجل ده جزاتي بعد ما ادتلك مية بدل ما كنت هتروح فطيس
فرغلي زقها وقال:ابنك عايز يموتني
سعاد:عيل وميعرفش
فرغلي:انا هوريه العيل ده ابن الـ .....
**************************************
ليلى ونوال يخرجوا من المصنع وليلى تكون منهارة من العياط ..
نوال:خلاص بقى يا ليلى قطعتي قلبي
ليلى:انا مش بس خسرت فارس وخسرت شغلي وانتي كمان خسرتي شغلك بسببي وقلتلك
مية
مرة ملكيش دعوة بيا يا نوال انتي امك عيانة وانتي بتجيبلها الدوا ! بس انتي
مبتسمعيش الكلام
نوال:يا يختي الارزاق على الله ! وقلتلك محدش بيموت ناقص عمر ‘بكرة هلف على
المصانع
والشركات..
وفجأة يلاقوا فارس بعربيته وراهم ..
نوال:الحقي فارس جاي ورانا
ليلى بعصبية:مدي خطوتك مش عايزة اشوفه
فارس يوقف العربية وينزل جري ويجري لحد ما يلحق ليلى ويقف قدامها ويقول:
ليلى استني
ليلى بتزق ايده بغضب:ملكش كلام معايا يا باشا
فارس:ليلى اسمعيني ارجوكي ‘ صدقيني انا .... انا ....
نوال:ليلى انا همشي خطوتين يختي
عقبال ما تخلصوا كلامكم
ليلى:لا استني انا جاية معاكي
فارس:روحي انتي يا نوال معلش شوية
نوال تبص لفارس بقرف وتمشي خطوتين لقدام..
فارس:ليلى صدقيني انا لقيت فجأة باباها بيقلي انا مستنيك انت وعيلتك ‘ انا
فجأة لقيتهم بيرموها ليا
بس بس صدقيني انا اا اانا بحبك انتي!
ليلى بسخرية:هه هتحب فيا ايه يا باشا؟! هاا؟ لا عندي فلوس ولا املاك اعليك
بيهم ! ده انا هعرك
اكتر..
فارس:ليلى حقيقي انتي مينفعش تتقارني بيها ‘ بس بب بس الظروف هي اللي حكمت
بكده بب بس
ليلى:يا فارس بيه انت جبان وعمرك ما كنت هتختارني ! انت لو ادولك الفرصة
انك تختار الف
مرة هتختارها هي عارف ليه؟!
فارس:....
ليلى:عشان انت جبان ! الفلوس والمصالح تهمك اكتر! اللي زيك يا فارس بيه
ميعرفش يعني ايه
القلب يدق ويعشق ! احنا بس الغلابة اللي بنعرف قيمة المشاعر..
فارس:انتي بتظلميني يا ليلى
ليلى:لا يا فارس بيه مش انا ! انت اللي ظلمت نفسك مش انا انت اللي ظلمت
نفسك لما قررت تعيش
بحال السوق.. مبروك يا فارس بيه ويارب تعرف تتهنى
مشيت ليلى خطوة ولفت تاني لفارس وقالتله:اه صح يا زين ما اخترت‘ انتم
لايقين اوي على بعض..
****************************************
عبد الله بيلف على شركات كتيرة ومصانع كتيرة عشان يدور على فرصة شغل والكل
بيرفضه لحد
ما بيوصل لبنزينه ويلاقي فرصة شغل فيها ..
عبد الله:طب هبتدي من امتى؟
مدير البنزينة:من بكرة وخلي بالك ورديتك بتتغير ‘ ميعادها مش ثابت
عبد الله بفرحة ولهفة:طب والمهية كام؟
مدير البنزينة:150 جنيه وانت وشطارتك بقى في البقشيش
عبد الله بصدمة:150؟
مدير البنزينة:ايه انت مستقلهم! انت تحمد ربنا ان واحد زيك مش مكمل تعليمه
بقى عنده شغل بالمهية
دي!
عبد الله بكسرة نفس:صح ماشي بكرة 6 الصبح هكون هنا يا فندم
مدير البنزينة:تمام
******************************************
بليل فارس بيكون في اوضته بيلبس بدلته وبيتأنق وبيعدل الكرافتة بتاعته ‘ بتدخل
عليه والدته وتقول:
انا فرحانة اوووي يا حبيبي ‘ اد ايه طول عمري كان نفسي ان انت ورشا تتجوزوا
فارس بيبوس والدته ويقول:بابا جهز؟
والدة فارس:اه يا حبيبي جهز .. بس انا .... كنت عايزة يعني ......
فارس:مينفعش يا ماما مش عايز الليلة تبوظ
والدة فارس بحزن:بس ..... حرام عليك يا ابني كده
فارس بعصبية:انا تحت ياريت تنزلي انتي وبابا بسرعة
******************************************
بعد الخطوبة ما تمت فارس وصل اهله و راح ‘’night club’’ متعود يقابل
فيه صحابه .. المكان
مليان ناس بترقص وتشرب واغاني عالية وانوار خافتة.. فارس بيدور بعينه على
صحابه لحد ما
بيلاقيهم..
فارس بيطلب من الراجل اللي على البار: ويسكي بسرعة
شادي:ايه يا عم خطبنا بقى ومبقاش حد ادنا
فارس بسخرية:هه تفتكر !
شادي:مالك؟
فارس:مخنووووق
شادي:ليه؟
فارس:عارف لما تحس انك بتبيع نفسك؟!
شادي:ايه يا عم الكلام القديم ده؟! وابيع نفسي والحوارات القلش دي ! يا بني
انت النهاردة طاقة رزق
اتفتحتلك !
فارس:بس بعت انسانة بتحبني وشارياني وكسرت بنفسها وقلبها
شادي:اه البت اللي بتشتغل معاكم في المصنع
فارس وهو بيشرب الويسكي على بق واحد ويقول :ليـــلى
شادي:يا عم دي كانت هتخليك زي ما انت انما التانية هتعلييييك لفوووووق يا
صاحبي
فارس:تصدق لو قلتلك اني كنت بلاقي نفسي مع التانية مش مع رشا!
شادي:انت بتحبها يا فارس؟
فارس:مش عارف لو الشعور اللي انا حاسه يبقى اسمه حب ولا لا ! بس انا بحب
معاها انها بتحسسني
برجولتي وانها معتمدة عليا في كل حاجة ... اني امانها وضهرها ! انما
التانية بحس معاها اني كلب
مربوط بحبل وهي بتلف بيه في ساقية!
شادي:طب اسمع بقى يا صاحبي مفيش مانع توطي للريح شوية!
فارس بحيرة:يعني ايه؟
شادي:يعني تتجوز رشا وتبني نفسك وتكون فلوووسك وبعدين تتجوز التانية!
فارس:تفتكر هترضى؟
شادي:ياعم اللي زي التانية دي هتوافق باي حاجة
فارس:ايه اللي يجبرها؟
شادي بابتسامة:الزمن يا صاحبي
فارس وهو بيشرب :ياريت
*********************************************
ليلى بترجع البيت بتلاقي سعد قاعد على السلالم..
ليلى بخضة:مالك يا سعد؟ قاعد كده ليه!؟
سعد بخوف:ششش وطي صوتك مش عايز ابوكي يسمعنا
ليلى:ليه عملت ايه؟
سعد:ما فيش حاولت انفخ ابوكي
ليلى بعدم تصديق:ايييه!
سعد:جبت منفاخ وحطيته في بقه ونفخت واول ما نفخت حس بيا وشرق قمت جريت بقى
ليلى:يالهووووي! ابوك جراله حاجه
سعد بحزن:لا
ليلى:طب احمد ربنا انه مجرلهوش حاجه والا كنت هتروح في ستين داهية
سعد:لا انا زعلان
ليلى:ليه؟
سعد:كان نفسي يبقى شبه البالونة ونطيره بقى بعيد ميعرفش يرجع
ليلى:ههههه ضحكتني وانا مليش نفس
تقعد ليلى جمب سعد على السلالم..
سعد ببراءة:مالك؟ المعلم بتاعك في الشغل شد ودانك ؟ زي ما المعلم عفت بيعمل
معايا؟
ليلى:لا انا اطردت ومش عارفة لما اقول لابويا هيعمل ايه!
سعد يفكر شوية وبعدين يقول:جتلي فكرة
ليلى:ايه؟
سعد:احنا نقدم على هجرة ونهج
ليلى:ولا يا سعد انت مين اللي جاب الفكرة دي فدماغك!؟
سعد:انا سمعت مرة الواد سُمعة بيقول لعبد الله كده
ليلى:تصدق عبد الله وحشني
سعد:ما تيجي نروحله
ليلى:اخاف نتأخر وابوك يهزقنا
سعد:يوووه بقى ياما نفسي السلعوة تيجي المنطقة بتاعتنا بقى
ليلى:عشان تاكلنا ونموت؟
سعد:لا يا فالحة منا هدلها على ابويا والمعلم عفت ونبقى خلصنا..
ليلى تاخد ايد سعد وتقوله:قوم بينا نطلع للهم
سعد:لا انا خااايف ‘ انا هبات هنا تحت السلم
ليلى:متخافش مصيبتي هتلهي ابوك عنك!
*********************************************
فرغلي قاعد في الصالة وجمبه ليلى اللي كانت بتتكلم وفجأة يبرق
ويقول:ايييييييه يا رووووح امك!
اتطرددددتي!!!
ليلى:غصبن عني يابااا
فرغلي:ليييه سرقتي ولا عملتي ايه!
ليلى بخوف:لا يابا بس هي بنت صاحب المصنع حطاني في راسها وفكراني هخطف منها
ابن خالتها
فرغلي يقوم يلطش ليلى ويرفصها برجله:ليييه رايحة تعشقي وتتمعشقي يا بنت
الـ...... اهي يا ختي
طردتك وهتلحسي تراب الاسفلت عشان تلاقي فلوس تاني .
ليلى بعياط:انا من بكرة هدور على شغل تاني والله
فرغلي يقلع حزامه ويضرب بكل قوته في ليلى
سعاد تصرخ:حراااااام عليييييييييك يالهوووووووي الحقوووونا يا ناس
سماح تدخل البيت وتلاقي ابوها بيضرب ليلى تجري عليهم وتقول:فيييي ايييه
يابااااا
فرغلي:الهانم اطررررردت من الشغل عشان رايحة تعشقلي وتتمايص
سماح بتطلع فلوس كتيرة لابوها وترميها في وشه:خدددد مش دووول اللي بتضربها
عشانها خددددد
وارحمنااااا بقى..
فرغلي ياخد الفلوووس ويبتسم ابتسامة مليانة جشع ويقول:انقذتك بنت الايه
مني.. غوروا من وشي
سعاد في الارض بتعيط وتقول:حسبي الله ونعم الوكيل
فرغلي:بقلك ايه يا ولية لو مقومتيش غورتي تنامي جمب بنتك الصغيرة لاكون
كاتمك للابد
سعاد:يا اخي امتى يجي اليوم اللي اخلص فيه منك للابد
فرغلي وهو بيشد نفس:قررريب
*******************************************
ليلى وسماح مسكاها مسنداها داخلين اوضتهم يلاقوا سعد قاعد في الركن وبيعيط
جامد وتحته مية
ليلى بفزع:ايه المية دي يا سعد
سعد بيعاط وشحتفة:اا اانا خخ خفت اووي ااا انا كنت خخ خايف
سماح تقرب منه وتشوف هدومه مبلوولة:يالهوووي عملتها على روووحك في السن
ده!!
ليلى:وطي صووتك يا سماح ‘ تعالى يا سعد يا حبيبي
سعد:اا انا خخ خفت ليجي يي يضربني ‘ اا اانا كك كنت عاا عايز احميكي بب ببس
انا مم معرفتش
ليلى بتحضن سعد:ولا يهمك يا حبيبي
سماح بقرف:ولا يهمه ايه ! خليكي دلعيييه لحد ما يتعود على القرف ده ‘ رووح
انجررر ادخل
الحمام غير هدومك واستحمى يا معفن..
ليلى تبصلها بعتب:خلااص بقى يا سماح!
**************************************************
بعد ساعة الكل في بيت فرغلي يكون نايم ما عدا سماح وليلى اللي كل واحدة
فيهم باصة لسقف الاوضة
وبتفكر..
سماح تبص لليلى:ايه اللي حصل يا ليلى يخليكي تتطردي؟
ليلى بدموع:فارس خطب رشا
سماح:ده حيوان ميتبكيش عليه واهو غار في ستين داهية! اتعلمي بقى انه مفيش
حاجة اسمها حب
ليلى:ليه بتقولي كده؟ ليه بحسك قلبك قاسي؟!
سماح:من اللي بنشووفه يا ختي حوالينا ومن ابوكي ومن العيشة الغم دي! عجبك
يا ختي حالتنا
كل يوم ضرب وقرف عشان قرش بيذل فينا!
ليلى بتبص لسماح وتقول:جبتي منين الفلوس الكتيرة اللي رمتيها لابوكي
النهاردة؟
سماح:من هاني بيه ومستعد يديني زيهم كل يوم !
ليلى:ازاي؟ ومقابل اييييه!! اوووعي تكوني يا بت ....
سماح بتقاطعها:لا يا ختي متخفيش انا مش خايبة زيك! انا بعرف اجيب القرررش
من غير ما اجرح
نفسي!
ليلى:ليه وانتي فاكرة اني حبيت فارس عشان فلوسه؟
سماح:بلا وكسة هو ده حيلة امه فلووس !
ليلى:بت يا سماح لهجتك بقت تخووفني
سماح:عارفة يا بت يا ليلى نفسي في ايه؟
ليلى:ايه؟
سماح:نفسي في بيت كبير يلمنا كلنا ما عدا ابوكي ويكون البيت ده فيه كده حوض
بانيو ابصر اسمه
ايه ده بشين نبلبط فيه زي ولاد الزوات كدهون يعني..
ليلى:وانا نفسي يكون فيه جنينة مليانة ورد ونسقيها كل يوم وتطلع فل وياسمين
سعد يقول فجأة :وانا نفسي في مطبخ يكون فيه فرخة كبيرة اكلها لوحدي
ليلى وسماح:ههههههه انت لسه صاحي
سعد:لا صحيت اول ما شميت ريحة الفرخة
ليلى وسماح:هههههههه
****************************************
في اوضة عبارة عن سرير ومكتبة كبيرة مليانة مجسمات صغيرة لعربيات كتيرة ومن
كل نوع ويكون
فيه كنبة الناحية التانية وشاشة بلازما كبيرة متعلقة على حيطة الاوضة وطرابيزة صغيرة في النص..
يكون واحد قاعد على الارض بيتفرج على توم اند جيري ويضحك بكل براءة .. بعد
ما بيخلص
الكارتون بيروح يكمل مجسم العربية اللي في ايده وفجأة يتقطع النور فيبدأ
يخاف ويقول بصوت
عالي وهو بيخبط على الطرابيزة الصغيرة اللي قدامه:كك كهربا كهربا فيين
هاتوا كك كهربا ‘ نور ‘ لل لمبة ‘ لمبــــة لل لمبببببة نووور نووور ضض
ضلمة كك كهربا
خاااف اقعد خااااف كك كهربباااا
ويبدأ يطلع صوت مليان خوف وشبه عياط ويخبط اكتر:سيبووه لووحده فيين كه
كهررربااا
وفجأة يفتكر .....
...............
استنوني الحلقــــــــــة اللي جايـــــــــــة
