الحلقـــــــــة السادســــــــة
وفجأة يفتكر لما كان في المدرسة وقاعد في نص الحوش وبياكل شيكولاتة وموسخ
نفسه وهدومه
والعيال بتلف حواليه تضحك على منظره ويقولوا:
المجنون اهوو اهوو المجنون اهوو اهووو
بعدين يبص على واحد واقف بعيد يبص عليه ويكون مكشر ومتنرفز اوي
العيال:مجنون اهبل ‘مجنون اهبل ‘ مجنون اهبل
واحد من العيال يبص للولد اللي واقف بعيد ومتنرفز ويناديه:فااارس اخوك
المجنون اهوو اهووو
فارس يجي جري يسحب اخوه من النص ويزق كل واحد يقف قدامه ويفضل يجري بيه لحد
البيت واول ما يدخل يزعق في مامته ويقول:انا مبحبش قيسسسس ده مش اخويااااا
! ده واحد مجنون
بيضحك الناس علياااا انا بكرررررررهه جدااااااا ومش هروح معاه نفس المدرسة
تاني فاهمييييييين
مش هرووووووح معاه تااااااني..
قيس يرجع بذكرياته ويخبط على الطرابيزة اكتر ويقول:ككك كهربااااا نوووور
لمممبة قييييس ووحده
تدخل فجأة الام الاوضة ومعها كشاف وتحضنه:معلش يا حبيبي ‘ انا كنت نايمة
ولسه سامعة صووتك
قيس يبص ليها بابتسامة ويغمض عينها:نووور ‘ قيس مع مامته مش لوحده نووور
باباه يدخل ويقول:في ايه يا بسمة؟
بسمة:النور اتقطع يا محمد فاتخض
************************************
تاني يوم ليلى بتصحى بدري قبل الكل تلبس لبسها وتنزل بسرعة ‘ تلاقي نوال
مستنياها..
نوال:صباح الخير
ليلى بحزن:صباح النور
نوال تبص ليلى وتقول:ايه ده يا ليلى؟
ليلى:ايه؟
نوال:تحت عينك مورم! انتي مضروبة؟؟
ليلى:....
نوال:ابوكي؟ صح؟؟
ليلى:والنبي يا نوال ما نتكلم في الموضوع ده لحسن تعبانة
نوال بتطبطب على ضهر صاحبتها ويمشوا هما الاتنين في الشارع وكل واحدة بتفكر
يا ترى هتلاقي
شغل ولا لا وكل واحدة فيهم محتاجة الشغل اكتر من التانية..
***************************************
سعد يصحى مفزوع من النوم على صوت باباه وهو بيزعق من جوة الحمام:
انتي ياللي اسمك سعااااد ‘ فين الصااابووون
سعاد:عندك على الحوض
فرغلي:مفيش اي زفت حاجه
سعاد:يبقى خلصت!
فرغلي بزعيق:ماهو انا عااااايش مع بهااااايم ‘ يعني ايه الصابون يخلص
ميتجبش غيرررره
سماح تصحى من نومها تبص في الساعة تلاقيها سبعة ونص تقول:يخربيت العيشة
واللي عايشنها
فرغلي يسمعها من الحمام:اييييه الهاااانم مش عاجبها؟! معلش يا سماح هانم
الفطار هيتأخر شوية
بس تحبي نجبهولك هنا ولا هتفطري على البحر!
سماح بصوت واطي:يخربيت ظرافة اللي جابتك
بعدين تبص لسعد وتلاقيه بيترعش:مالك ياض بتترعش كده ليه؟
سعد:عايز حمام
سماح:طيب ما تقووم! ولا عايز تعملها على روحك تاني
سعد:خخ خايف منه
سماح بنرفزة:قوووم يا زفت وخلصصصصني مش ناقصة دلعك
********************************
عبد الله في البنزينة بيملي بنزين للعربيات اللي بتيجي وهو عمال بيشتغل
فجأة يلاقي عربية جاية
مسرعة ووقفت وزمرررت جامد ‘ هو بص ليها بس كمل اللي في ايده .. العربية
زمرت جامد
تااااني بس عبد الله كمل اللي في ايده ‘ فجأة ازاز العربية نزل وواحدة طلعت
من الشباك وقالت:
انت يا اطررررش! ايه غبي مش سامعني بزمرررلك !
عبد الله:حضرتك مش شايفة في ايدي شغل! اكيد كنت هخلصه واجيلك
البنت:انت ازاااي تكلمني انا كده!
تنزل من العربية وتقول بعلو صوتها:فييين مسؤول البنززينة!
عبد الله:حضرتك هو مش موجود دلوقتي لو عندك شكوى تقدري تكتبي في ورقة شكوتك
وترميها
في صندوق الشكاوي اللي هناك..
البنت:انا هوووريك تكلم اسيااادك ازاي يا حتت صرصاااار انت مبقاش رشااا عزت
السلحدااار
عبد الله:حضرتك هتملي بنزين من هنا ولا هتروحي بنزينة تانية؟
رشا بكل عصبية تبصله وعينها مليانة شرار وتقوله:هورررريك
*******************************************
فارس بيصحى من النوم وبيدخل المطبخ يحاول يعمله نسكافيه ‘ بسمة بتدخل عليه
وتقول:
ايه ده يا فارس انت لسه مروحتش الشغل
فارس:مليش نفس
بسمة:معقولة! ده كلام انت عايز عزت يقول عليك ايه! انك ما صدقت خطبت رشا
وهتستغل
الموضوع ده!
فارس بعصبية:ماما انا قايم مصددددع ومش قادر فلو سمحتي تسسسكتي دلوووقتي
فجأة يتفتح باب اوضة قيس ‘ فارس يبص بطرف عينه على الاوضة فيلاقي قيس مخرج
راسه من
الاوضة وبيبص يمين وشمال..
فارس:روحي شووفيه عايز ايه بدل ما يعمل ازعاج على الصبح مش ناقصاه هو راخر
بسمة بتبص بيأس لفارس وبعدين قيس وبعدين تمشي من المطبخ..
فارس يضايق اكتر من نفسه ومن خشونته مع اخوه اللي كان بيتمنى لو كان يموت
وميفضلش عايش
فيرمي المج بتاع النسكافيه على الارض ويمشي...
*******************************************
سماح بتدخل العمارة عشان تبتدي تنضيف زي كل يوم فبتقابل هاني نازل على
السلالم ‘ هاني اول
مايشوفها يقولها: صباح الخيير على سموحتي الحلوة
سماح بدلع:صباح النور يا باشاا
هاني وهو بيقرب منها:صباح الفل والياسمين والحلاوة كلها
سماح:يووه يا باشا ‘ ميصحش كده لو حد نازل ولا طالع وشافنا هيقول ايييه
هاني:المهم يا حلووة ‘ اووعي تمشي قبل ما ارجع من الشغل
سماح بدلع اكتر:والله معرفشي بقى على حسب هييهيهي
هاني:هخلص قبل ما تمشي انتي ‘ لحسن جايبلك هدية النهاردة ايييه هتاكل منك
حلاوة
سماح وهي ماشية وطالعة:فوتك بعافية يا باشاا
هاني:فكرتي في اللي اتفقنا عليه؟
سماح بخباثة تلف وتقوله:فكرت انت في اللي انا قلتهوولك؟!
وتلف وتطلع على السلالم وهي بتتمايص
****************************************
سعد بيروح يفتح الورشة بعد ما بياخد المفتاح من شقة المعلم عفت ‘ اول ما
يفتح يقعد على الكرسي
بتاع المعلم عفت ويقلد المعلم وحركاته.. يعمل نفسه كانه بيلعب في شنبه زي
المعلم وبعدين يكح
ويضخم صوته ويقول:
وّلا يا عفت انت يا زفت تعالى من جوة ‘ انت صرصاااار انت حششششرة
وبعدين يعمل كانه فيه حد جه من جوة ويعمل نفسه ماسك ودانه ويقوله: انت يا
عفت حمااار وعايزني
دايما اقرصك من ودانك ‘ بسسس اخررررس لما سيدك سعد بيه يتكلم يااااض يبقى
تخرررررس
فاااهم ولا لا!
وفجأة يلاقي حد بيضربه على قفاه ويقوله:اما انت صحيح عيل سااافل قاعد بتمثل
يا روح امك !
سعد يبص وراه فيلاقيه المعلم عفت فيقول بارتباك:مم معلم عع عفت
عفت:ايوة يا خويا ! غوور ياض بسررعة هات شيشة من القهوة وكوباية شاي
بالنعناع وعارف لو
مكنتش سخنة ملهلبة هغمس وشك العكررر ده في زيت التشحيم! هاااا عشان تبقى
تعرف تمثل اووي
وتعيش الدور ..
سعد:هوااا يا معلمي
وبعدين يمشي خطوتين برة الورشة فيرجع يبص على المعلم يلاقي ضهره ليه فبسرعة
يدور تحت رجله
على زلطة ويرميها على قفاه ويجري بسرعة يستخبى ‘ المعلم عفت اول ما يحس
بالزلطة يقول:
ااااي
يبص وراه ميلاقيش حد فيرجع يقعد على الكرسي..
سعد وهو ماشي للقهوة ويكون مقلد صوت المعلم ويقول بصوت واطي وضخم:انت
صرصاااار انت
حشررررة..
وبعدين يفتكر القفا اللي خده فيحسس مكانه ويطلب بسرعة الطلبات من القهوة..
*************************************
سعاد قاعدة في البيت ‘ بترضع حنان وبعدين تروح تطبخ وتسمع باب بيخبط تروح
تفتح تلاقي
جارتهم ..
فتحية:ازيك يا سعاد يختي عاملة ايه
سعاد بغلب:الحمد الله يا فتحية ‘ ادخلي جوة واقفة ليه كده
فتحية:والله محرجة منك يا سعاد مش عارفة اقولك ايه
سعاد:خير يختي؟ فيه ايه؟
فتحية:قوليله قبله جوزك هنا؟
سعاد:لا ياختي نزل
فتحية:احسن ‘ المهم يا سعاد انا جاية اقلك خبر والله اعلم انا مش متأكدة
منه اوي
سعاد:اييه؟ وهوشتييني! قووولي خير؟
فتحية:جوزي ليلة امبارح شاف جوزك في عربية اُبهااا وكبيرة وشرحة من عربيات
ولاد الزواات دولا
سعاد وهي مندهشة:ايييه! جوزي انااا ! فرررغلي
فتحية:ااه يا ختي ومش بس كده!
سعاد:امااال ايه كمان
فتحية:مممم مش عارفة اقلك ايه بس ....
سعاد:قووولي يا فتحية فيه ايه كمان!!!
**********************************************
ليلى ونوال قاعدين على الرصيف من كتر التعب..
ليلى:احنا دورنا كتير وملقناش حاجة
نوال وهي بتفك الجزمة من رجلها تقول:اااخ حتى الجزمة باشت يختي من كتر
المشي
ليلى بتلف وراها وتقول:يختي مفيش محل نشتري منه مية تلاقي صيدلية ومعلقة
ورقة انهم عايزين
موظفة..
ليلى بفرحة:بت يا نواااال
نوال:ايه؟
ليلى:قووومي يا بت ادخلي الصيدلية اللي ورا دي ‘ طالبين شغل قووومي روحي
شوفي النظام ايه
نوال:وانتي ليه لا؟!
ليلى:يا بت انتي خدتي كورس تمريض قبل كده انما انا لا وبعدين انتي احوج مني
بالشغل ده عشان امك
نوال:لا يختي ااه يا نشتغل سوا يا لا
ليلى:قوومي يا نوال ‘ امك دواها قرب يخلص وانا عارفة بالحال وبعدين الشغل
ده رزق !
جملة ليلى واحتياج نوال للفلوس عشان دوا مامتها المريضة شجعوها على انها
تدخل الصيدلية وتشوف
الشغلانة اللي طالبينها..
وبعد لحظات بتخرج والانشكاح ماليها وبتجري على ليلى وتقولها:قبلوووني يا بت
وهشتغل من بكرة
ليلى:يااا فرج الله
نوال بتحضنها اوي وتقولها:ربنا يخليكي ليا يااارب ويعوضك بشغلانة احلى
يااارب
***************************************
على العصر عبد الله بيكون خلص ورديته في البنزينة ‘ بيغير هدومه وبيسلم
العهده للي بعده ويخرج
يلاقي غسان مستنيه..
غسان:مبروك يا صاحبي على الشغلانة
عبد الله بابتسامة:الله يبارك فيك ‘ شغلانة حلال وحلوة
غسان:وبكام بقى المهية!
عبد الله باحراج وارتباك يحاول يغير الموضوع:بقلك ايه انا جعان ‘ اعزمني
على سندويتشات
فول وطعمية..
غسان:هه ماشي يا صاحبي ‘ مكسوف تقول ان مهيتك مش اد كده هه
عبد الله بضيق:بقلك ايه يا غسان الله يرضى عنك ‘ فكك مني بقى في الموضوع
اياه
غسان:يا صاحبي انا قلبي عليك من البهدلة عشان ملاميييم وتستحمل القرف والذل
عشان كام ملطوش
وانت في ايدك تعيش ملك وتدوس على اي حقير !
عبد الله:بس لو وقعت هروح في ستين داهية
غسان:انا شفت من قبلك وجربت وعرفت ودووقت عشان كده عايز اختصرلك السكة بدل
ما تووه في
حواريها..
عبد الله:خليني كده يا صاحبي انا عيلتي محتاجاني
غسان:ويا ترى مهيتك هتكفي عيلتك؟!
عبد الله يسكت فغسان يرجع يقوله:فكر تاني وتالت يا صاحبي
******************************************
رشا في المصنع قاعدة في مكتبها وبعدين التلفون يرن تشيله على طول: جه؟ طيب
اوك
تروح تقف قدام المراية وترش برفيوم كتير وتظبط شعرها وتروح على مكتب فارس..
فارس لسه بيقعد على المكتب يلاقي رشا دخلت..
رشا:ايه يا حبيبي اتأخرت ليه؟ مش عادتك
فارس:مكنتش هاجي
رشا تقرب بدلع:تؤتؤ انت عايز papa يقول بقى انك
مش بتاع شغل وانك ما صدقت تخطبني وتكسل
فارس بضيق:رشااا انا مصدددع وتعبان جدااا
رشا تقرب اكتر من فارس:طب واللي يخلي الصداع يروح ؟
فارس بضيق اكتر:رشاااا احنا هنا في الشغلللل مش منظر لو حد دخل علينا!!
رشا بعصبية:ايييه خايف من مييين تاني هاا؟ ما خلاص الصرصارة بتاعتك مشيت !
ولا انت مبقتش
طااااايق الشغل بقى من بعد ما مشيت؟
فارس يفتكر كلام شادي فيمتص غضبه وبعدين يروح لرشا ويمسك ايدها برقة
ونعومة:
حبيبتي انا بس مش عايز اي حد يقول نص كلمة وباباكي يضايق
رشا تلين معاه:انت واحشني اوووي
فارس:وانتي اكتر حبيبتي
رشا:بقلك ايه ما تيجي ناخد يومين اجازة ونطلع شرم سوا؟
فارس:فكرة والله بس نأجلها شوية بعد ما نكسب المناقصة الجديدة
رشا:صح انت صح
بتقرب منه وبتبوسه من خده وبعدين تقول:هسيبك بقى يا روحي تكمل شغل...
*********************************************
قيس في الاوضة قاعد عمال يصنع في المجسمات اللي هو بيحب يعملها ‘ بسمة بتدخل
عليه وتقوله
حبيبي انا هخرج شوية
قيس يبصلها:ماما تخرج ؟ ماما تروح فين؟
بسمة:هروح مشوار هنا قريب ‘ بابا موجود متخفش
قيس يكشر:فارس؟
بسمة:اطمن في الشغل
قيس يقف ويقفل ايده بعدين يفضل
يشوح بيها وبعدين يغمي عينه بايده الاتنين وبعدين يرجع بصوابعه
يعمل حركات مريبة و يقول:فف فارس يكره قيس ويضربه
بسمة:مش موجود يا حبيبي مش موجود دلوقتي متخفش
قيس:قيس يخاف يقعد لوحده كتير
بسمة تبصله بتعب والدموع تملى عينها وتخرج من اوضته وتدخل اوضتها تعيط كتير
*******************************************
يدخل جوزها عليها فيلاقيها بتعيط:مالك يا بسمة؟
بسمة:قيس محتاج حد يا محمد
محمد:ياما قلتلك وانتي مسمعتيش كلامي انه نوديه مصحة تهتم بشؤونه
بسمة بفزع:لااااا مصحة لاااا
محمد:طب شووري عليا انتي عايزة ايه؟
بسمة:اا احنا لازم ندور على حد يقعد معانا هنا وخصوصا مع قيس
محمد:مربية يعني؟
بسمة:ايووة
محمد:طب وليه واحنا في ايدينا نوديه مصحة؟!
بسمة:ابني مش هيروح مصحة! فااااهم مش هيروح مصحة طووول ما انا عايشة!!
محمد:يا بسمة في المصحة قيس هيلاقي ناس كتيرة زيه وزي حالته
بسمة:ابني مش مريض ولا مجنووون!!
محمد:ابنك عنده 30 سنة بس مخه اتوقف عند سن الست سنيييين!! يعني محتاج حد
يعامله على انه طفل!!
بسمة بانهيار:ابني راجل وبيحس وبيفهم احسن مني ومنك كمااان! هو بس عشان
اتعزل في الاوضة
سنيين ومبيشوفش حد..
محمد بيحضنها ويقولها:قيس ابني زي ما هو ابنك وبتعذب لما بشوفه كده
بسمة:محدش بيتعامل مع قيس زي ما انا شايفاه انت شايفه لازم يروح المصحة
وفارس اخوه عايز
يمحيه من على الوجود..
محمد بيبوسها ويقولها بكل حنان:خلاص حبيبتي اعملي اللي انتي شايفاه صح ‘ ده
ابني مهما كان
ومش هبخل عليه بحاجه..
بسمة:يبقى من النهاردة هنزل اعلان في الجرايد اطلب مربية !
محمد:انصحك تكتبي انها مش هتتعامل مع طفل عادي
بسمة:لا مش هكتب كده هكتب انها تكون مربية واللي هتيجي هفهمها ظروف قيس
قبلت قبلت ولو
مقبلتش هيجي غيرها كتير..
***************************************
في بيت سعاد ..
فتحية: بصراحة يعني جوزي شافه كان مع واحدة وشكلها غني جدااا
سعاد:يكونشي بيشتغل سواق عندها؟
فتحي:سواااق ايييه! جوزي شافه نازل معاها وهو يعني .... ماسك ايدها
سعاد بصدمة:اييييييييييييه!!
........................
استنوني الحلقة اللي جاية
