الحلقـــــــــــة السابعـــــــــة عشـــــر
ليلى في المطبخ بتصب مية في كوباية وتلاقي فجأة ايد بتلف من ورا ضهرها ..
ليلى:حبيبي جيت برضو ‘ انا كنت لسه هجيلك
تلف ليلى وتلاقي فارس هو اللي بيحضنها مش قيس
ليلى بصدمة بتبعد نفسها بسرعة:فف فارس
فارس يقرب منها ويمسكها بقوة:ايوة فارس اللي سبتي حبه ورمتيه ورا ضهرك
وروحتي اتجوزتي
اخوووه!
ليلى بخوف:فارس سبني يا فارس بدل ما حد يجي ويشوفنا ارجوووك
فارس:خايفة من ايه ؟ ها؟
ليلى:خايفة على قيس
فارس:واناااا؟
ليلى:انت؟ انت ايه؟ ما انا كنت معاك وليك وعايشة عشانك! عملت ايه؟ سبتني
وجريت ورا بنت
خالتك عشان الفلوس..
فارس:اا اانا كنت محتار ومش عارف اعمل ايه ! ا اانا لقتني متورط معاها
ومعرفتش اتصرف
لو كك ككنت عاندت وسبتها مكنتش انا ولا انتي هنعرف نعيييش!
ليلى:يبقى ارجوك عيش معاها وسبني انا اعيش
فارس بيقرب ليلى عليه اكتر ويقولها:انتي الحب الوحيد اللي حسسني ان ليا
قيمة ووجود في الدنيا
دي ‘ يبقى مينفعش اسيب وجوودي!
ليلى بخوف:اا انت اكيد مجنون
فارس:انا هبقى مجنون لو سبته يستمتع بيكي لوحدك
ليلى بضعف:فارس سبني لو سمحت ‘ انا بجد مش قادرة
فارس:لسه قلبك بيدق لما بلمسك
ليلى بارتباك:للل لا اا
فارس:لسه كل حتة فيكي وعنيكي بتنادي عليا اول ما بتشوفيني
ليلى بتحاول تفك نفسها من ايد فارس فتلاقي فارس بيضمها اكتر وفجأة الكهرباء
تقطع
******************************************
سعد في الاوضة اللي في الملحق اللي معمول ليهم في الفيلا:حتى عند الناس
الاغنيا النور بيقطع
عبد الله:ههه شفت ‘ او احنا نحس عليهم
سعد:نحس؟ لحسن يطردونا من البيت الحلو ده يا عبد الله
عبد الله:يا عم يطردونا ايه ‘ اختك اتجوزت قيس خلاص
سعد:هو قيس ليه غيرنا يا عبد الله؟
عبد الله وهو سرحان:اهو ربنا عايزه كده يا سعد
سعد:تفتكر انا ممكن ابقى زيه؟
عبد الله:لا ما انت كويس اهو
سعد:بس احنا رغم اننا كويسين لكن فقرا وهو غني عننا وعيان
عبد الله:احنا اللي عيانين يا سعد مش قيس
سعد:طط طيب ه هو هه هو ليه ليلى مش فرحانة زي اي عروسة بنشوفها في الشارع؟
عبد الله بحيرة:مش عارف؟
سعد:هي مش بتحبه؟
عبد الله:مكنتش اتجوزته؟
سعد:طب ما سماح مش بتحب عم هاني واتجوزته يبقى اشمعنا؟
عبد الله:نام يا سعد عشان اسئلتك كترت
سعد:يوه يا عم مش عارف انام فقلت احكي معاك
عبد الله:ومش عارف تنام ليه؟
سعد:اممم بصراحة؟
عبد الله:اه؟
سعد:مش متعود انام على مرتبة ومخدات كتيرة ‘ ده انا خايف انام اصحى ادور
ساعة على وشي ما
بين المخدات!
عبد الله:ههههه نام يا لمض
سعد:هي الكهربا مش هترجع بقى ‘ لحسن انا حاسس اننا في حتة مقطوعة
عبد الله:نااااااام يا سعد
سعد:خلاص نمنا متززوووقش
**************************************************
قيس في الاوضة قاعد على طرف السرير وحاطط ايده على خده وعمال يتهز لقدام
وورا وصوابع
ايده يتنيها شوية ويفردها شوية ويقول:قق ققيس خ خخاف ضلمة قيس مش حب ضلمة
ققيس ناادى ليلى ‘ لل ليلى مسمعهوش
ليلى أخر وهو جي ججيب مييية ليلى أاا أخررر
**************************************************
فجأة النور يجي مرة واحدة وتفتح ليلى عيونها وتجري فورا على اوضتها واول ما
تدخل تلاقي قيس
قاعد على طرف السرير وعمال يقول:قيسس حبش ضلمة وليلى مش موجودة
ليلى تجري تحضنه بعنف وخوف وارتباك وتقوله:معلش يا حبيبي ‘ انا اسفة والله
اســـــفة والله اسفة
قيس يمسك في ليلى بقوة ويقول:لل ليلى أخرر على قيس وكهرباا كهـ كك كهربا
رووح منه
ليلى بعياط:اسفـــــــة والله ‘ متزعلش مني ؟ انت زعلان؟
قيس بابتسامة:عيطش ليلى ‘ قيسسس ق ققيس مش ازعل من ليلى
ليلى:انت ازاي بريء اووي كده؟
قيس:عشان حبك
ليلى:اشمعنا انا؟ ليييه انا بالذاااات
قيس:ليلى قلبه من جوة حلو ‘ لون ابيض زي الفانيليا ناااعمة وريحتها حلوووة
ليلى:مش يمكن اكون من جوة لوني اسود؟
قيس:لاا ليلى شوف نفسه لونه اسود بس هو دور جواه يلاقي لون ابيض كتير في
قلبه
ليلى:قيس هو اللي جواه ابيض اوي
قيس:ابيض واحمر عشان احمر حب ليلى
ليلى:عايزة انام اوووي
قيس:نام في حضن قيس ‘ تعالى ليلى نااام نااام في حضنه قيس
وياخدها قيس في حضنه واول ما تغمض عينها تنام وتكون الدموع نازلة منها وحتى
وهي نايمة
**************************************************
تاني يوم الصبح الكل بيصحى وبينزل يقعد على السفرة عشان الفطار ..
سعد:انتوا بتتغدوا بدري اوي كده ليه
بسمة:ههههه غدا ايه يا سعد ده فطار
سعد:يالهوي كل ده
ليلى تضرب سعد في كوعه وتقول بصوت واطي:بطل فضايح بقى
سعد بصوت عالي:اااااي بتضربيني كووع لييييه
محمد:ههههههه خليه على راحته يا ليلى ‘ الولد ده امبارح هلكني من الضحك
قيس يضحك ويقول:سعد صاحبي حلوو ويضحك
سعد وهو يقلد قيس:اه انا سعد صاحبه اضحك
الكل:هههههههه
ليلى بقلق:هي حنان فين؟
بسمة:متخافيش يا حبيبتي حنان نايمة في الاوضة عندي
فارس ينزل من فوق وهو مكشر ورشا جمبه ماسكة ايده ‘ عبد الله اول ما يشوف
رشا ايدها في ايد
فارس يتصدم ويستغرب جدا..
ليلى اول ما تشوف فارس قلبها يتوتر ويرتبك جداااا ..
فارس:صباح الخير
سعد وبسمة ومحمد:صباح النور
عبد الله قاعد سرحان ومبلم في نفس الوقت..
بسمة:مش هتفطر حبيبي؟
فارس:لا ورايا شغل ‘ سلام
ويبوس رشا قبل ما يمشي في نفس اللحظة اللي عبد الله كانت عينه عليهم ورشا
بصت على عبد الله
وهو بيبص عليهم..
*********************************************
بعد الفطار عبد الله كان رايح ناحية الملحق بتاعهم ولقى رشا بتجري وراه..
رشا:عبد الله عبد اللله
عبد الله بيلف:عايزة ايه؟
رشا:مالك!
عبد الله:مالي ايييه! انتي متجوووزة!!
رشا:وانت مكنتش تعرررف!!!
عبد الله:لاااا مكنتش اعرف ولو حتى ليلى قالت عنك انا عمري ما جمعت ان انتي
رشا مرات فارس
بيه!
رشا:ولووو ده هيغير ايه؟!
عبد الله بتعجب:هيغير ايه؟! يعني ايه؟؟
رشا:يعني زي ما احنا ‘ اتقلبت ليه بقى؟
عبد الله:بصي يا هانم انا مش بتاع تسلية
رشا:ومين قال تسلية؟
عبد الله:لو سمحتي انتي ست متجوزة وانا محبش اكون السبب في خيانتك لجوزك
رشا بتضحك بسخرية:هههههههههه ضحكتني
عبد الله باشمئزاز:ايييه اللي يضحك!
رشا:انت عينك متشالتش النهاردة من عليا على الفطار حتى بعد ما عرفت ان فارس
جوزي!
عبد الله بارتباك:كك ككنت ع ععايز ا ااعرف ا اانتي بتخوني جوزك ليه
رشا:وطي صوتك انت اتهبلت ولا ايه
عبد الله:اا انا مش هوطي حاجة وامشي بقى
رشا تمسك ايد عبد الله وتزقه على الملحق وتقوله:تعالى بس ما تقفلش دماغك
كده
عبد الله بخوف:اطلعي بررة لحسن حد يشووفنا
رشا:محدش هنا بيشوف الا اللي هو عايز يشوووفه
عبد الله يفضل يبص حواليه كتير..
رشا بكل هدوء بتروح تقعد على الكنبة وتقوله:بص انا مش بس هنا اللي خاينة
عبد الله باستغراب:يعني ايه؟
رشا:يعني اللي متعرفهوش ان اختك كمان خاينة!
عبد الله بعصبية يقرب من رشا ويضربها بالقلم ويقول:اخررررررسي
**************************************************
ليلى وقيس قاعدين في الاوضة بتاعتهم ومعاهم سعد بيتفرج على المكتبة اللي
مليانة عربيات بتاعت
قيس..
سعد:مش انت يا قيس يا صاحبي المرة اللي فاتت لما اتفرجت عليهم قلتلي هتبقى
تديني واحدة
ليلى:سعد حبيبي ‘ قيس بيحب العربيات بتاعته اوي فمش هينفع
سعد:مليش دعووة هوو قالي المرة اللي فاتت كده
قيس:ق ققيس ادي سعد عربية صغيرة اده
ليلى تبص لقيس بتعجب:ليه كده يا قيس؟
قيس:حب شوفه سعد اخو ليلى مبسوط وكده ليلى كمان انبسط
ليلى تقرب من قيس وتقول بابتسامة:ربنا يخليك لينا
قيس يبتسم ويقول:ليلى ليلة مين
ليلى بضحك:ههههه ليلة قيس
قيس يضحك اكتر لما يشوف ضحكة ليلى ويكون فرحان انه بيقدر يخليها تضحك..
***********************************************
نوال قاعدة في الصيدلية وعمالة بتراجع الحسابات وفجأة يدخل حاتم عليها
ويقول:
صباح الخير
نوال بارتباك:ايه ده صباح النور يا فندم اتفضل
حاتم:خليكي خليكي ‘ بلاش جو الرسميات ده اوي لحسن بيخنقني
نوال:ازاي يا فندم
حاتم:بصي اسمي حاتم ‘ اسهل حتى من يا فندم بتاعتك دي
نوال بضحكه:هههههه هحاول
حاتم يبص لضحكة نوال ويسرح شوية..
نوال تحس باحراج لسرحان حاتم فيها..
حاتم:احم طب انا عايز اشرب اي حاجة
نوال:اعملك شاي؟
حاتم:اممم بتعرفي تعمليه كويس؟
نوال:طبعا يا فندم
حاتم:هاااا وبعدين
نوال بكسوف شديد:ق قصدي يا ... حاتم
حاتم:يا ايه؟
نوال وشها يحمر
حاتم:ههههه خلاص خلاص ‘ اعمليلي شاي وحطي عليه 5 معالق سكر
نوال بصدمة:ايـــــه! خمس معالق
حاتم:انتي بخيلة؟
نوال:بخيلة ايه كده يجيلك السكرر بعد الشررر
حاتم بهزار:انتي بتفووولي عليا ولا ايه
نوال:لا بجد مش هينفع 5 والله مضر
حاتم:يوه عكري مزاجي بقى
نوال بارتباك:مش قصدي والله بس ... خلاص خلاص هحطلك خمس معالق
حاتم:خمس معالق يا مفترررية! عايزة تخلصي مني هاا
نوال:هههههههه
حاتم:ايوة كده اضحكي ‘ انا حبيت اهزر معاكي معلقتين بس لو سمحتي
نوال بابتسامة وقلبها بيدق:حاضر
حاتم يسرح لبعيد ويقارن صورة نوال بصورة رشا وبعدين يطرد الافكار من دماغه
ويرجع للواقع تاني
*******************************************
رشا:متتصدمش اووي كده ‘ اختك بتحب جوووزي انااا! جوزي اللي من ساعة ما
اتجوزته وهو
مش طايقني ولا طايق يلمسني! انا وهو متجوزين بالاسم بس! كل يوم وكل ساعة
وكل لحظة بشوفها
فيه وجواه وانا مرااااته ولا سااائل فيا..
عبد الله بصدمة:اا اانتي اكيد كدااابة
رشا بغيظ:لو مش مصدددقني رااقب نظراتهم لبعض شوووفهم ازاي بيبصوا من تحت
لتحت على بعض
وزي ما يكون محدش شايفهم !!
عبد الله:معقووول ليلى!!
رشا:ايوووة امال فكرك هي قبلت تتجوز واحد زي قيس ليييه ها؟!! عشان تبقى جمب
جوووزي انا
طوول الوقت ويحلى اللعب ليها على كيف كيفها..
عبد الله:لا ليلى متجوزتش قيس عشان كده
رشا:انت بس على نياتك واهبل ومش فاهم حاجة
عبد الله بصدمة:لو بتكلميني عن سماح هصدق لكن ليلى!!!!
رشا:ايوووة ليلى! اوعى تتغر في توب الملاك اللي هي لبساه ده ‘ اناااا بشوف
بعيني خيانتهم كل يوووم
وبتحررررق..
عبد الله يبص لرشا بكل صدمة ‘ رشا تبدأ تعيط عياط تمثيلي:انا قلبي مكسووور
اووي يا عبد الله
وما صدقت شووفتك ‘ حسيت فيك بكل الامان كله..
عبد الله بارتباك:بب بس ا اانا ....
رشا:متخافش يا حبيبي محدش هيعرف ‘ اللي هنا نايمين في العسل والا كانوا
حاسوا بقى بخيانة ست
ليلى وفارس..
عبد الله بألم:ا اانا مش حابب مم ممش ح ححابب اكون سبب في خيانة
رشا بتقرب لعبد الله:لااا انت طوق نجاة ليا
عبد الله:طب اطلقى منه
رشا بخبث:وهتتجوزني؟
عبد الله بعد تفكير:ايوة هشتغل وهتجوزك
رشا:هطلق منه بس مستنية الوقت المناسب
عبد الله بلهفة:بجد؟
رشا:بس توعدني تفضل جمبي
***********************************************************
فيفي قاعدة وجمبها غسان..
فيفي:في ايه يا غسان عمال يومين تزن عايز اشوفك يا معلمة عايز اشووفك! في
ايه اكلت وداني؟
غسان بحقد:اا انا شايف يا معلمة ان الواد عبد الله ده اي كلام ومش هينفعنا
فيفي:لييه؟! انت شميت الغدر فيه؟
غسان:لااا بس بدأ يتنطط في العلااالي يا معلمة وبدأ يصطاد في الزباااين
فيفي:يعني ايه؟
غسان بغيظ:يعني عينه فارغة زي ابوووه
فيفي:يبقى تقرصله ودانه وتعرفه ان شغلنا ملوش في سكك الملاوعة
غسان:انا بقول نخلص من هبله خالص ونرميه برة من حضننا
فيفي:لا الواد ده خامة وبيعجبني انه بيسمع الكلام على طول وحاضر وآمييين
غسان:الله يا معلمة منا رقبتي سدادة!
فيفي:ياض انت الايد اليمين وعارف خبايا كتيييرة اووي وبقى ليك في سكك
الملاوعة كمان
انما الواد ده هيجيب دوغري معايا ..
غسان بغيظ:مممم بس يا معلمة
فيفي مقاطعة كلام غسان:خلاص بقى وبعدين مش عارفة ليه شامة ريحة وتكة في
الموضوع
غسان بارتباك:اا لا اا لا يا معلمة مش كده
فيفي:عمتن لووو فيه ‘ ابعد المواضيع الشخصية عن الشغل يا غسااان
غسان بضيق:عُلم يا معلمة
*******************************************************
قيس وليلى قاعدين تحت في الصالون وقيس عمال يقرأ من كتاب وبيحاول بصعوبة
يقرأ وجمبه
ليلى بتساعده على ده..
قيس:قيس اتعب بقى ليلى
ليلى:حبيبي لازم تخلص الكتاب عشان فيه كتب تانية
قيس:قيس اتعب ‘ قيس اقعد مع ليلى حبه
ليلى:ههههه قيس بيدلع وبيقعد كتير مع ليلى يحب فيها
قيس وهو بيبص في عيون ليلى:قيس عمره اشبع من عيونه حلو
ليلى بكسوف:ب ببس احنا عندنا حجات كتيرة لازم نخلصها
قيس:لووش دعوة قيييس ‘ خد فسحة ارتاح فيها واقعد مع ليلى
ليلى:قيس دي 7 فسحة ناخدها في ساعتين!
قيس يضحك ببراءة:هههه عارف
ليلى:هههههه شقي ! زي سعد لما يحب يهرب من حاجة
قيس يمسك ايد ليلى بحب ويبوسها من جوة ويقول:قيس شاف امبارح في فيلم ولد
بوس ايد بنت حبه
من جوة وقولها انه ملكها ‘ انا ملك ليلى..
ليلى تبتسم بهدوء وقلبها ينقبض وفجأة يدخل عليهم من برة فارس واول ما يشوف
قيس ماسك ايد
ليلى يغير جدا فيقول:
ازيك يا ليلى
ليلى تبص بتوتر لقيس وترد بارتباك شديد:اا الحمد الله
فارس:بتعملوا ايه هنا؟
قيس يتني في صوابعه كتير ويفردها ويقول:ش ششرير لووش دعوة بليلى
فارس بصوت مليان غضب:اسمـــي فااااارس!
قيس:قيس حبش قوول اسمه
فارس يمشي وبعدين يشاور لليلى انها تروح ليه..
ليلى بارتباك وتوتر تفضل تبص لفارس اللي بيشاور ليها اشارات انها لازم تروح
ليه وبين قيس
اللي كل ما تبص ليه يصعب عليها جدا ..
قيس:لل ليلى يلا اقرااا
ليلى بارتباك:اا انن اانا
ترجع ليلى تبص على فارس اللي بيبرق ليها ويشاور ليها انها لازم تيجي فورا
ليلى بقلق:قيس حبيبي ا اانا هقوم ا ااشوف سعد وارجعلك
قيس بكل سذاجة:ماشي ليلى مش أخر
ليلى تقوم وقيس يحاول يقرأ في الكتاب ويقول:ق ققيس اقرا لازم ع عشان اعجب
ليلى وليلى حبه
*************************************
ليلى بتروح ورا فارس اللي بيمشي بيها لحد المخزن اللي موجود عندهم في
الفيلا ويدخل وتدخل وراه
واول ما يدخل تقوله:
..............................
استنوني الحلقة اللي جاية
