الحلقــــــــة السابعـــــــــــة
في بيت سعاد ..
فتحية: بصراحة يعني جوزي شافه كان مع واحدة وشكلها غني جدااا
سعاد:يكونشي بيشتغل سواق عندها؟
فتحية:سواااق ايييه! جوزي شافه نازل معاها وهو يعني .... ماسك ايدها
سعاد بصدمة:اييييييييييييه!!
فتحية:انا قلت يا ختي مش عايزة اقلك ‘ بس بصراحة بقى هو راجل الواحد
ميداريش على اعماله
سعاد بدموع:ربنا يخليكي انك فتحتي عنيا
فتحية:بتعيطي ليه! هو ده راجل يتبكي عليييه لا مؤاخذة!! ده انا لو منك
ازغرررط وارقص
سعاد:يا فتحية الست مننا محتاجة راجل ترمي حملها عليه وانا عندي خمس عيال
فتحية:راااجل! راجل ايه يا سعاااد!! ده حيطة مايلة! هو احنا مش عارفينه! ما
الحارة كلها عارفة
انه مسرح عيالكم يجبووله لقمة العيش .. ده ابنك الكبير طفش منه..
سعاد:طب دلييني اعمل ايه يا فتحية؟
فتحية:واجهيه يا ختي اما يرجع!!
*****************************************
ليلى ترجع من اللف في الشوارع تاني وتلاقي سعاد قاعدة بحنان وعمالة تعيط..
ليلى:مالك ياما؟؟ عبد الله جراله حاجه؟
سعاد:تفي من بقك بعد الشرر
ليلى:امال فيه ايه يامااا؟ البت حنان عيانة ومكسوفة ياما تشتكي ومفيش
فلوووس؟!
لسه سعاد هتتكلم يدخل فرغلي واول ما يشوف ليلى يقول:
لقيتي يا زفتة الطين شغل؟
ليلى:لسه يابا ‘ النهاردة لفيت كعب داير على المحلات وكل مكان عشان الاقي
شغلانة وملقتش
فرغلي يزق ليلى من طريقه ويروح يقعد على الكنبة اللي سعاد قاعدة عليها ..
اول ما يقعد يزق بايده سعاد ويقلها:قوومي يا ولية حضريلي لقمة اكلها
سعاد لليلى:خدي يا ليلى حنان دخليها
ليلى تستغرب وتاخد حنان ولسه هتمشي فتسمع امها بتقول:كنت فين يا فرغلي
فترجع تاني تقف ‘ فرغلي يبص بتعجب لسعاد ويكشر ويقول:انتي بتتكلمي معايا
كده ازاي يا ولية!
سعاد بزعيق:بتستغفلني ياااااراااجل يا دوووون بعد العمررر ده كله!! يا راجل
يا معفن ياللي
متستحملكش قطة جربانة وانا ساااكتة علييييك هااااا ..
فرغلي يقوم بكل عصبية يضرب سعاد قلم ويقلع الحزام ويبدأ في الضرب ‘ في نفس
الوقت يكون
عبد الله داخل البيت!!
*******************************************
سماح وهي في شقة من الشقق وهي بتنضف بتطلع كذا كيس بلاستيك وتدخل المطبخ ‘
تفتح التلاجة
وتطلع الحلل اللي فيها بواقي الاكل وبعدين تملى الاكياس بيها وتقوم غاسلة
الحلل.. بعد ما تخلص
غسيل بتبص وراها وتطمن ان الست بعيد ومش شايفاها وتقوم دالقة من صابون غسيل
المواعين
في كيس من الاكياس وتقفله كويس وتلفه وتخبيه في حاجاتها.. وبعد ما تخلص
تروح تقول للست:
ستي انا رميت الاكل الباقي زي ما طلبتي وغسلت الحلل خلاص وشطبت المطبخ ‘بس
على فكرة
صابون غسيل المواعين قرب يخلص..
الست:طيب ابقي اكتبي يا سماح ايه الحجات الناقصة في المطبخ في ورقة وعلقيها
على التلاجة
سماح:حاضر يا ستي ‘ تؤمري بحاجة؟
الست:لا خلاص ‘ استني اما اجبلك الفلوس
سماح بانشكاح:ماشي يا ستي
وبعد ما تاخد سماح الفلوس تقوم تطلع وتروح شقة هاني..
هاني يكون لابس روب مربوط من عند وسطه بس مفتوح من عند صدره واول ما يشوف
سماح يقولها:
نووورتي ‘ ادخلي
سماح:لا يا باشا انا قلتلك مبدخلش شقق عزاب
هاني:يا بت ما انا مش غريب خلاص
سماح:هييهي مش لما نكتب يا باشا الاول
هاني:هنكتب يا بت بس زي ما قلتلك في السر ‘ انا مش عايز شوشرة
سماح:رسمي يا باشاا رررسمي ! انا جو العرفي وجو الافلام الابيض واسود ده
مبيخلش عليا
هاني:رسمي؟!
سماح:ااه رسمي وهيبقى برضو في السر بس عرفي ومش عرفي انا مليش فيه ومش سكتي
هاني بابتسامة:طب مش هنختلف بس ادخلي
سماح:يابااشاا انت ليييه مصمم تقراااني غلط يوووه ‘ انا ماشية بقى وابقى
ادخل لما تقول ياباشا
انا موافق..
سماح تنزل وهي بتدندن وتقول:مشربش الشاااي اشرب كازوزة انااا مشربش الشاااي
هيههيهيهي
هاني وعينه كلها على جسم سماح بيضحك ويقول:هنشرب شرباااات
**********************************************
عبد الله بكل عصبية يتهجم على فرغلي ويقوله:انت اييييه مبتحرمش
فرغلي:رجعت يا سبع البارومباااا
سعاد:اسأله يا عبد الله ميين الست اللي مااااشي معاها وبياخد فلوووسنا
ويروح يبقشش عليهااااا
فرغلي:فلوووس ايه يا ام فلوووس هو انتم حيلتكم حااااجه! ده انتوا عيلة تقرف
عبد الله:وكمااان بتاخد فلوووس اخواتي وتروح تصرفها على الستات الوسخة
فرغلي يزقهم كلهم ويدخل الاوضة ياخد شنطة صغيرة ويلم كل هدومه ويفتح
الدولاب وياخد
فلوس محوشها من اللي كان بياخده من عياله ويخرج برة..
سعاد اول ما بتشوفه بتصرخ:يالهووووووووي ‘ تعالوووو يا نااااس شووفوااا
الراجل المعفن اللي
كنت راضية بييييه هيرميني انا وعيااااله ويهررررب
فرغلي:غوووووري ولية نكدية ‘ روحي وانتي طاااالق ‘ وعلى فكرة بقى انا هتجوز
الست اللي
شافوني معاها وهعيش بقى لفوووق ‘ وخليكي انتي يا فقرييية مع عياااالك خليهم
ينفعوكي..
عبد الله يهجم عليه ويززقه لبرررة ويزعق ويقول:غوووور في ستين داهية ‘ ده
احنا هنعمل
فرررح انك غوورت في ستييين داهية..
سعد يكون طالع ويشوف المنظر فيجري عليهم ويقول:في اييه؟
عبد الله:ادخل يا سعد جووة ‘ ومن النهاردة مفيش شغل
سعد:قول وربنا؟
عبد الله:ادخل يا سعددد
***********************************************
ليلى قاعدة بتهدي مامتها
وتقولها:خلاص ياما بقى ‘ اهو راح وريحنااا
سعاد:انا مش مصدقة انه باعنااا ‘ الناس تقوول اييه ‘ العرسان كده
هيتجوزوكوا ازااي
ليلى:ياما عرسان ايه اللي بتفكري فيهم دلوقتي
عبد الله:كويس اني جيت في الوقت المناسب ‘ ده انا كنت جاي الم هدومي بس
كويس ياما ومتخافيش
انا بدأت اشتغل دلوقتي في بنزينة واهو مرتبي على مرتب ليلى هيكفي وهخلي
البت سماح تقعد كمان
من الشغل ولو حبت ترجع تتعلم هعلمها هي وسعد..
سعد بفرحة:يعيش عبد الله يعيش يعيش يعيش
ليلى بحزن:اا انا اطردت من شغل يا عبد الله
عبد الله بصدمة:ايه؟! ليه؟
ليلى:منها لله السبب
عبد الله يطبطب على ليلى:معلش يا حبيبتي ‘ ربك كريم وهيرزقنا
ليلى بابتسامة:بس انا بدور والله متخافش مش هقعد ايدي فاضية كده
سعد:طب اا انا خمسة وراجع
عبد الله باستغراب:رايح فين؟
سعد:مافيش عندي حساب هخلصه وارجع
سعاد بتعجب:حساب ايه ده ياولا؟
سعد:حساب يامااا هخلصه وجاي فوريرة
عبد الله يضحك:انت عايز تلعب في الشارع صح؟ روح يا سعد بس متتأخرش
سعد :ها ااه ااه هلعب ..
ويجري بفرحة
**************************************
سعد ينزل الشارع فيقابل سماح ‘ سماح تقوله بتعجب:رايح فين يا سعد
سعد بانشكاح:ابووكي غار يا سماااح ‘ احنا هنعيش احرار خلاص
سماح وهي مصدقة:ايه اللي بتخرفه ده ياض؟ غار فين؟ واحرار ايييه؟؟
سعد:اه والله زمبؤلك كده
سماح تمسك سعد من قفاه وتقوله:ولااا الكلام اللي بتقوله ده جد؟؟
سعد:جد الجد كمان! انا رجعت من الشغل لقيت عبد الله ماسك في خناق ابويا
وبعدين ابويا خد لبسه
وطفش..
سماح:وانت نازل فين كده؟
سعد بارتباك :اا اا هروح العب في الشارع
سماح تجري على البيت بسرعة وسعد يجري يروح الورشة وبعدين يدور على زلط كتير
في
الشارع وياخده وبعدين يبدأ يضرب ازاز الورشة بيه ويزعق ويقول:
يا عفت يا حماااار
المعلم عفت يطلع بكل عصبية:وحياااة امك لانت مطرووود من الشغل يا معفن يا
برص
سعد:عااادي اصلاااا انا مش هشتغل معاك تاااني
المعلم عفت:ابووك مش هسييبك وهيجيبك تاني هنا وساعتها هسلخكككك وهعلقك مكان
العجل هنا
سعد وهو بيضرب الورشة بالزلط:ابوياااا طفششش ابووياااا طفششش خلااااص
ويطلع يجري بسرعة قبل ما المعلم يجري وراه ويمسكه..
****************************************************
سماح بعد ما تسمع كلام اختها:يالهووي يعني ابووكي كان بياخد فلوسنا ويصرفها
على واحدة ست!
ليلى:ايووة تخيلي! احنا نشقى ونتعب وهو يصرف على ست تانية وهتجوزها
سماح بانشكاح:خلاص مفيش شقى تااااني
ليلى:ازاي؟
سماح:انا جالي عرييس
ليلى بصدمة:ايييه عريس؟! ميين ده
سماح بكل غرور:هاني بيه
ليلى:هاني بيه!! يطلع مين ده يا بت يا سماح؟
سماح:ده راجل كوبااارة اوووي في العمارة اللي بنضف فيها ‘ شافني وعجبته
وعرض عليا الجواز
ليلى:يالهوووي هتتجوزي راجل كبير قد ابووووكي!!
سماح تقف قدام حتت ازاز في نص الاوضة مخلينها تكون مراية وبتسرح في شعرها
بدلع وتقول:
لااا هتجوز واحد هيغرقني فلوووس ودهب والماااظ ولبسسس وهيستتني
ليلى:بس مبتحبهوووش!
سماح بسخرية:حب؟ حب ايييه اللي انت جاي تقوول عليه ! كان عاملك ايه يختي
الحب؟! مش الحب
ده اللي خلى فارس بيه يرميكي ويجري ورا رشا هانم بنت الحسب والنسب!!
ليلى بعصبية:انتي ازاااي بتتكلمي كده
سماح:انا بس عايزاكي تفووقي يا ختي ‘ احنا الغلابة اللي زينا عايشين في
غاااابة لو مطلعلناش
ضوااافر وعرفنا ازاي نخربش ونسرق اللقمة يبقى هنمووت ممن الجوع..
ليلى:انا مش موافقة على جوازتك دي ولا عبد الله هيوافق ولا امي اصلااا
سماح بعصبية:محدش له كلمة علياااا!! انا اللي هتجوزز مش انتم
ليلى:يابت هتدفني نفسك بالحياااا!! لما تلاقي اللي قدك عايش بيحب ويتحب !
يا بت متستعجليش
على رزززقك!
سماح:انا قلت كلمة وخلاااص .. ودلوقت هطلع اقول لامك عشان هاني يجي ويخلص
قوام
ليلى:وحياتي عندك يا سماح لتفكري
سماح بألم:انتي بقى اللي ارمي اوهامك واحلامك شوية ورا ضهرك وشوفي الدنيا ماشية ازاي
*******************************************
بعد اسبوع فارس يكون في مكتبه قاعد زهقان ‘ ينزل المعمل بتاع المصنع
ميلاقيش ليلى فيضايق
فيطلع يروح مكتب رشا..
فارس بزهق:حبيبتي ما تيجي نخرج؟
رشا بفرح:يلااا حبيبي
فارس:خلاص هعدي عليكي في البيت ماشي؟
رشا:ماشي يا قلبي
******************************************
ليلى قاعدة في البيت وبتفتح الجريدة زي ما اتعودت عشان تشوف الوظايف المعلن
عنها وتعلم عليهم
وتتصل بوظيفة وظيفة..
وتلاقي بالصدفة اعلان برفيوم من تصنيع مصنع عزت السلحدار فتفتكر فارس وتنزل
دموعها غصبن
عنها وترجع بذكرياتها لورا..
فارس وهي قاعدين مع بعض على النيل في العربية ..
فارس:عارفة يا ليلى احلى حاجة فيكي ايه؟
ليلى:ايه يا فارس؟
فارس:برائتك
ليلى تبتسم
فارس:ربنا يخليكي ليا
ليلى باحراج:ويخليك ليا ويخليلي حبك ياارب
ترجع ليلى للواقع وتمسح دمعتها وتكمل تدوير في الجريدة وتلاقي اعلان مطلوب
مربية تعمل في البيت
لساعات طويلة بمرتب عالي وجمب الاعلان محطوط رقم فتتصل وترد عليها بسمة..
***************************************
سماح لعبد الله:يعني ايه مش موافق!
عبد الله:بقلك مش موافق ارميكي لراجل اكبر من ابوكي يا سماح!!
سماح بعند:وانا عايزاااه هووو فااااهم!
عبد الله بعصبية:ياااا بت افهمي بقى بكرة هتيجي تقوليلنا وافقتووني ليه !
فيه ايه يا سمااح! تبيعي
نفسك ليييه..
سماح بعصبية:محدش له دعوووة بياااا ومش هندممم
عبد الله بيأس:انتي حرة
***************************************
ليلى بترن الباب عند بيت قيس وفارس ‘ بسمة تفتحلها بابتسامة..
ليلى:انا ليلى اللي اتصلت بحضرتك امبارح بخصوص الشغل
بسمة:اتفضلي يا بنتي
ليلى تقعد في الصالون وبعد ما تضايفها بسمة تقولها:
بصي انا كنت كاتبة في الاعلان اني محتاجة مربية
ليلى:ايوة ‘ ممكن اعرف هما الاطفال كام عمرهم؟
بسمة بتوتر:هوو هو واحد بس
ليلى بابتسامة:تمام
بسمة:بس هو مش طفل
ليلى بتعجب:امال؟
بسمة:هه هه هو عنده 30 سنة بس يعني تفكيره اتوقف عند سن ست سنين
ليلى:اه فهمت
بسمة:اتمنى تحكمي قلبك قبل عقلك ‘ انتي عاشر واحدة تيجي واول ما ....
ليلى:كملي حضرتك
بسمة:واول ما تقعد مع قيس بتعتذر
ليلى:ممكن اقعد معاه
بسمة بقلق:اا ...
ليلى:متخافيش يا هانم ‘ اعتبريني قبلت الوظيفة
بسمة بفرحة:بجد؟؟ يعني مش هترجعي في كلامك؟؟
ليلى:لا يا هانم
ليلى في سرها:اكل العيش يخليني اوافق باي حاجة
بسمة:طط طيب اتفضلي معايا
*****************************************
قيس قاعد في الاوضة زي عادته بيظبط في المجسمات اللي هو بيصنعها بايده
للعربيات ويسمع
خبط على الباب وبعدين تدخل بسمة ووراها ليلى..
بسمة:قيس ‘ عندي واحدة حابة تتعرف عليك
قيس وهو مشغول:قيس قيس يعمل عربية
ليلى تدخل بارتباك وبابتسامة تقول:صباح الخير يا قيس
قيس يرفع راسه ويشوف ليلى مبتسمة ويبص على مامته مبتسمة فيبتسم هو كمان
ويقول:
صص صص صباح الخير
ليلى تقول لبسمة بصوت واطي:ممكن حضرتك تتفضلي شوية انا حابة اقعد اتعامل
معاه لوحدي
بسمة بفرحة:ماشي يا بنتي بعد اذنك ‘ لو احتجتي حاجه ناديني فورا..
****************************************************
تخرج بسمة وتنزل ليلى تقعد على الارض قدام قيس..
تفضل ساكتة وبتتابعه بحماس وهو بيشتغل في هدوء وصمت وكل شوية يبص عليها..
بعدين تقوم تتجول في الاوضة وعين قيس وراها وتشوف هي بتعمل ايه
قيس يتكلم:ققيس اا انا قييس
ليلى بابتسامة:انا ليلى
قيس بابتسامة:لل لليلى
لل ليلى لل لليلى
ليلى تضحك بعفوية:قوولي يا قيس انت بتعمل ايه؟
قيس:اا اعمل عربية ‘ ق قيس شاطر يعمل عر عربيات
ليلى تبص على المكتبة اللي مليانة مجسمات عربيات وتبص لقيس:دي بتاعتك؟
قيس:شاطر قيس انا ‘ بب بعمل عربيات
ليلى:انت فعلا شاطر وموهوب
قيس:م مموهو ...
ليلى:موهووب
قيس:موهوب قيس مموهووب
ليلى:اه
قيس:يعني ايه؟
وفجأة يسمعوا صوت باب بيتقفل‘ قيس يبدأ يتحرك بطريقة سريعة في الاوضة ويغطي
ودانه ويقول:
شش ششريير شش شرير
ليلى بتعجب بتحاول تهديه:اا اهدى اهدى في ايه؟
قيس يجري على السرير ويستخبى تحت الغطا:
شش ششرير شرررير
ليلى تحاول تغطيه وبعدين تهديه وتطبطب عليه:اهدى متخافش
وتفكر شوية وبعدين تقوله بسرعة:طب اقولك تحب احكيلك حدوتة
قيس يشيل الغطا من على عينه بهدوء ويبتسم:هههه حدووتة ‘ ماما احكي حدوتة
لقيس ‘ برضو ليلى
احكي لقيس
ليلى تبتسم:ايوة هحكيلك حدوتة
وبعد خمس دقايق ينام قيس بهدوء وتخرج ليلى براحة ولسه هتقفل الباب قيس
يقول:
ليلى اجي تاني مش اهرب زي الباقي
ليلى تفضل باصة ليه وتبتسم:مش ههرب..
تخرج الصالة وتلاقي بسمة قاعدة واول ما تشوفها تجري بسمة عليها:
ها؟
ليلى:قوليلي حضرتك عايزاني من امتى لامتى وانا هكون عندك
بسمة:بجد؟؟
ليلى:طبعا
بسمة:كل يوم ‘ انا محتاجاكي كل يووم من الصبح لحد 10 بليل وهديكي 2000 جنيه
كويس؟
ليلى بدهشة من المبلغ:2000 جنيه؟
بسمة:ايه قليل؟
ليلى بفرحة:لا بالعكس دد دده اكتر من اللي كنت متوقعاه
بسمة:د ده اقل حاجه ‘ شكرااا يا بنتي شكراااا جدااا
ليلى:انا هستأذن حضرتك دلوقتي ومن بكرة هجيلك
بسمة:ماشي يا حبيبتي وانا هحكيلك بكرة عن قيس اكتر
ليلى:تمام
تفتح ليلى الباب من هنا في نفس اللحظة اللي يخرج منها فارس من اوضته ويروح
المطبخ بس ما
يخدش باله منها .. تنزل ليلى وتقفل وراها الباب وتنزل الشارع تتمشى..
فارس:انا نازل يا امي ‘ هخرج مع رشا
بسمة:فارس انا جبت مربية لاخوك
فارس بغضب:انتي عارفة رأي في الموضوع ده!
بسمة:يا ابني ده اخوك ‘ هتفضل معاه كده لحد امتى!
فارس يخرج ويقفل الباب وراه وميكملش كلام وينزل الشارع يركب عربيته ويلمح
ليلى من بعيد
فيقول:
....................
استنوني الحلقة اللي جاية
