الحلقة الثالثـــــــــــــة
ليلى تخبط على مكتب رشا وتدخل تلاقي رشا قاعدة ماسكة
التلفون وبتضحك وبتقول:
يا بنتي اكيد انا وفارس لما نتجوز هنعمل فرح كبير وهنجيب
كل الممثلين وساعتها بقى هيجي
وابقي شوفيه بنفسك ..
رشا تبص باحتقار لليلى وتشاورلها بايدها انها تقعد ‘
ليلى اول ما سمعت جملة رشا معدتها
اتقلبت واضايقت جدا وحست بنار قايدة في قلبها من
الغيرة..
رشا في التلفون:لا طبعا انا عايزة ااجله بس لو احكيلك
الزن اللي من فارس عامل ازاي لدرجة
اني عايزة اقوم اتجوزه دلوقتي عشان بس اخلص من زنه..
ليلى بدأت تفرك في ايدها بعصبية وضيق
رشا:هههههههههههه طب بقلك يا موووني حبيبتي ‘ هقفل
دلوقتي وبعدين ارجع اكلمك ولا اجيلك
نخرج..
تقفل رشا التلفون وتبص لليلى اللي وشها ملامحه كله
متغيرة..
رشا بغيظ:انتي كويسة يا لولا؟
ليلى بتعجب:لولا!
رشا:ههههههههه ااه اصل انا مزاجي حلووو اووي
ليلى باقتضاب:يارب دايما , خير حضرتك كنتي طلباني؟
رشا وهي بتحاول تعمل نفسها بتفتكر:اامممم مش فاكرة كنت
عايزة ايه! ههههههه اصل انا متبرجلة
اووي من ساعة ما عرفت ان فارس وبابي اتكلموا في موضوع
جوازنا..
ليلى بصت في الارض وساكتة
رشا:امممم لا بصي مش فاكرة خالص ‘ روحي انتي يا لولا
دلوقتي كملي شغل ولما افتكر بقى
*************************************
تنزل ليلى المعمل بتاع المصنع ودموعها مليانة جوة عنيها وتحس ان الدنيا
بتلف بيها وفجأة تقع على
الارض..
بعد دقايق تفوق ليلى من الاغماءة وتلاقي العمال حواليها وجمبها نوال
مخضوضة:
مالك يا ليلى؟
ليلى بارهاق:حاسة اني مخنوقة
نوال:هووونا يا جماعة البت هتفطس ‘ يلااااا وسعوااا كده وهوووونا
كل واحد من العمال يروح لشغله ونوال تقول بلهفة لليلى:
ايه اللي جرى؟
ليلى بانهيار:رر رشا
نوال بعصبية:عملتلك ايه الحيزبونة دي؟!
ليلى:رر رشا هتتجوز فارس
نوال بصدمة:ايه!؟ لا مش معقول!! اهدي بس كده يا ليلى الله يرضى عنك
وفهميني؟
وبعد لحظات تكون ليلى حكت كل اللي سمعته ورشا بتتكلم في التلفون..
نوال:وانتي صدقتي بقى؟
ليلى:قوليلي اعمل ايه لما اسمع كده؟
نوال:يا بنتي اكيد قصداها واكيد التلفون ده تمثيلية
ليلى:تمثيلية لو هي عارفة اني رايحلها لكنها مكنتش تعرف ! اه هي قالتلي بعد
ما تخلصي شغلك لكن
انا مستنتش ورحتلها على غفلة..
نوال:وانتي فاكرة ام اربعة واربعين دي مش حطالنا هنا جواسيس!؟ اكيد يختي
شافوكي لما سبتي
شغلك جريوا اواام يقولوا للست الهانم..
ليلى بتفكير:حتى لو شافوني قمت ما انا ممكن اكون رايحة لفارس؟ او الحمام او
اي حتة تانية؟
نوال:بس الكاميرات اللي الهانم مرشقاها في المصنع تخليها تراقبك
ليلى وهي بتمسح دمعتها:طيب والعمل؟
نوال بضيق:تروحي لفارس يوقف المهزلة دي بقى يختي اااه البت السهنة دي طالما
حطيتك يختي
في دماغها يبقى مش هترتاح الا لما تطيرك..
ليلى:وفارس هيعمل ايه بس
نوال بعصبية:هو ايه اصله ده يخواتي !! يعني ايه يعمل ايه ! يشكمها بت
المفكوكة دي
ليلى بارتباك:طط طب انا هروح ليه وربنا يستر
***************************************
عبد الله قاعد في غرزة مع صبيان وعمالين كلهم يحششوا ويضحكوا
غسان:بقلك ايه ياد يا عبد الله
عبد الله وهو بيلف السيجارة وبيولعها من طرفها وبيشد نفس على خفيف في الاول
عشان باقي السيجارة
تولع:قوول
غسان:عايزك في مصلحة
عبد الله:ايه؟
غسان:تشتغل معايا
عبد الله وهو بيشد نفس:اشتغل معاك انت! هتشغلني ايه بقى؟!
غسان بصوت واطي وهو بينفخ الدخان بتاع سيجارة الحشيش في الهوا
وقال:ديـــــلر
عبد الله:لا يا عم حد الله
غسان بيضحك بصوت عالي:هههههههه زي ما الشاعر الكبير عمرو دياب قالها: كلهم
بيقولوا كده
في الاول!
****************************************************
في الورشة عند المعلم عفت سعد قاعد قدام العجلة اللي مرمية قدامه على الارض
والمفروض يصلحها
عمال يلعب في العجل بتاعها ‘ يدخل المعلم من برة ويلاقي سعد كده يقوم رايح
ماسكه من ودانه اوي..
سعد والدموع نازلة منه:ااااااي وداااااني يا معلم ودااااااني
المعلم عفت:وهقطعهالك يا ابن اللذينة بقى انا سايبلك مالي ومحلي في ايدك
وانت قاعد فرشلي في
الارض تلعب في العجل !
سعد بعياط:حاولت اصلحها معرفتش
المعلم عفت:عشان انت واد حمار غشيم مش عايز تشتغل
سعد:طب حاسب وداني بقى حرام عليك
المعلم عفت يسيب ودان سعد ويقوله:المرادي انا قرصتك بس لكن وحياااااة امك
لو ما اتعلمتش
وصحصحت كده لاكون رقعك علقة سخنة مخدهاش حمار في مطلع! غووور يلا من وشي
سعد يدخل جوة الورشة ويقف في ركن ويستخبى ورا العجل الكتير وكوتشات العربية
اللي متنطورة
في الورشة ويقعد يعيط كتييير اووووي وهو حاطط ايده على بقه..
****************************************
سماح رغم صغر سنها الا ان جسمها نضج بدري ‘ شعرها حرير بني وبتلبس منديل
فوق راسها
وشعرها ينزل من ورا ديل حصان وعيونها واسعة ودايما تلبس فساتين ضيقة توضح
معالم جسمها
البارزة واحساسها اللي دايما جواها انها تحس بانها بنت مرغوب فيها..
سماح بتشتغل خادمة بتنضف البيوت كل يوم.. ليها عمارة في المعادي معروفة
فيها ‘ مهمتها تروح
تلت ايام في الاسبوع تنضف 4 شقق..كل شقة طبعا ساكنها حد مهم وكبير جدا..
في احدى الشقق وسماح بتنضف تكون بتغني وهي بتتمايص بجسمها وتنضف البلكونة:
البحر بيضحك ليه وانااا نازلة ادلع املا القلل هأهأهأ.. البحر بيضحك لييه
ليه ليه واناا نااازلة قال
ايه املا القلل هيههيهي..
تخرج ست من اوضتها لابسة هدوم فخمة تقول بأنعرة:بنت يا سماح خلصي تنضيف
بسرعة ومتتلكعيش
وانتي بتنضفي وبلاش مياعة !
سماح:حاضر يا هانم
تقعد الست على الكرسي وقدامها شاشة بلازما كبيرة ولسه هتاخد الريموت لقت
فلوس جمب الريموت
قامت بعلو صوتها:يا مدحت يااا مدحت
يخرج رجل كبير لابس بدلة من اوضة نومهم:ايوة فيه ايه؟
الست:مش قلتلك ميت مرة مترميش فلوووسك متنطورة كده!
بعدين بصت بطرف عينها على سماح وقالت بصوت واطي:خصوصا لما البنت تكون
بتنضف!
سماح سمعتها رغم انه صوتها كان واطي وحست بألم شديد..
بعد ساعات من العمل في الشقق في العمارة نزلت سماح وهي ماسكة كيس فيه اكل
من فضلات
الشقق..
وهي نازلة على السلالم قابلت رجل كبير وشيك جدا ..
سماح بابتسامة:ازيك يا هاني بيه
هاني اول ما بيشوفها بيبتسم ابتسامة مليانة خبث وعينه كلها بتفصص جسم سماح
حتةحتة..
هاني:عاملة ايه يا سماح؟
سماح بضحكة دلع:الحمد الله نحمدو يا بيه
هاني:ما تيجي اعزمك على حاجة ساقعة جوة بيتي ‘ اكيد زمانك تعبانة من
التنضيف
سماح:معلش يا بيه انا مبدخلشي شقق عزاب هيهيهيهي
هاني وهو بيلعب في شنبه:طب بقلك ايه يا بت
سماح:قول يا بيه بس بسرعة والنبي لحسن انا اتأخرت على البيت
هاني:ما تبقى تيجي تنضفي الشقة عندي وهديكي تمن شقتين
سماح بدلع وهي بتكمل نزول:قلتلك يا بيه انا امي محرجة عليا منضفش شقق عزاب
هيهيهي فوتك
بعافية..
تنزل سماح على السلالم وهي بتدلع في مشيتها والابتسامة مالية وشها لانها
متأكده من نظرات هاني
اللي بتلاحقها دايما
**************************************
قبل ما بتروّح سماح البيت بتعدي على بيت صحبتها واللي بيكون عبارة عن عشة
فوق سطوح احدى
العمارات..
سماح بتنادي بصوت عالي:بت يا بطة انتي يا بت
تخرج بنت في نفس سن سماح وماسكة معلقة طبيخ في ايدها واول ما تشوف سماح
تقول بفرحة:
تعالي يا بت وحشتيني ‘ اييه خلصتي شغل؟
سماح:اه خلصت يختي وطلعت عين اللي جابوني ‘ وقلت اعدي عليكي قبل ما ارجع
البيت المقرف
بطة:طب تعالي خشي جوة يا بت ‘ انا وامي طابخين بصارة انما ايه
سماح:اورديحي طبعا
بطة:طبعا وهو احنا بنشوف اللحمة الا كل فين وفين
سماح:طب انتي بت حلال ‘ استني
فتحت سماح كيس من الاكياس اللي كانت معاها وطلعت كيس صغير فيه خمس قطع لحمة
سماح وهي بتمد ايدها بالكيس بفرحة لبطة وبتقول:خدي يا بت مش هتاكلوها
اورديحي
بطة بدهشة وانبهار:يا بت الاييييه لحمة مرة واحدة ‘ جبتيها منين دي يا بت
سماح:خدتها من الشغل
بطة:ولاد الاغنيا كانوا رمينها برضو؟
سماح:ايوووة تخيلي المفترريين!! بيرموا اللحمة قال ايييه فيها يختي سمينة
هه قلت مش خسارة فيكم
بطة تحضن سماح وتقولها:اشاء الله يخليكي يختي ليا ولا يحرمني من مجايبك
العسل دي
سماح بتضحك بدلع وتقول:مش عايزاني احكيلك يا بت هاني عمل ايه النهاردة
بطة بحيرة:هاني؟ هاني مين؟
سماح:يا بت هاني بيه الراجل الكوباارة ده اللي بدله لوحدها ممكن تأكل
شارعنا ده كله لحمة لمدة
اسبوع
بطة:ايوووة ايوووة ماله؟
سماح:النهاردة وانا نازلة بقى يختي قابلني على السلالم ‘ الراجل يختي الطفس
كان شرقان عليا
بطة:ههههه يخيبه راجل ! مش مكسوف من نفسه
سماح وهي باصة لبعيد:فاكر ان بفلوسه هيشتري اي حد
بطة:وناوية على ايه يا بت معاه؟
سماح:ناوية اوقعه على بوزه! والغاوي ينقط بطاقيته بقى
بطة:بتفكري في ايه يا بت؟!
*****************************************
سعد بعد ما وقت شغله خلص واول ما المعلم عفت قاله تقدر تروّح دلوقتي رمى
المريلة اللي بيلبسها
عشان زيت الشحم بلهفة وجري يلعب مع العيال في الشارع ..
وهو قاعد بيلعب فجأة جه واحد وضربه على قفاه :اااااي
فرغلي بوحشية:بتعمل ايه ياض هنا
سعد ببراءة:بلعب يابا
فرغلي:هأو تلعب! ليه يا محروس؟! فين ياض يوميتك
سعد بيحط ايده في جيبه ببراءة عشان يطلع الفلوس لقى الجيب مخروم
سعد بخوف:اا لل ال الفلووس اال الفلوس شكلها وقعت يابا
فرغلي بصوت عالي:اييييييييييه! وقعت يارووووح امك!! ده انت نهار امك مش
فايت
سعد بيحاول يجري بعيد عن فرغلي بس فرغلي كان ماسكة بقوه وفضل ماسكة من قفاه
ويديه
بالشلاليت ويزعق:
وحياة امك الليلادي ماهي معدية يا ابن الـ.... عشان تبقى تاخد اليومية
وتلعب تاني في الشارع
سعد بعياط:فلووسي وانا حر فيها ‘ وعلى فكرة بقى انا قاصد اضيعها
فرغلي وهو بيضربه:طب انا هوريك عشان لسانك الزفر ده يا زفر
سعد بصوت واطي:طب والله كوتش العجل المعفن انضف منك
بعدين يعلي صوته ويقول:خلااااص يابااا حررررمت
فرغلي يدي في شلاليت بكل عزمه وقوته:حرررمت! حُرمت عليك عشتك يا ابن
الفقرررية
يفضل فرغلي يضرب في سعد لحد ما يدخلوا البيت واول ما يدخلوا البيت تجري
سعاد بخوف على
الصالة تلاقي فرغلي بيضرب سعد..
سعاد:يالهووووي بتضربه ليه
فرغلي بصوت عالي:الحيوان ضيع يوميته
سعاد بتشد سعد لحضنها:حراااام عليك الواد صغييير حراااام عليك هتعقده
فرغلي:اعقده! ده انا بعلمه يكون حريص ازاي على القرش
سعد بعياط:شش شفتي ياما شش شفتي ابويا عمل فيا ايه
سعاد بتاخد ابنها للحمام تغسله وشه وايده المتوسخين وتقوله:معلش يا ضنايا
معلش يا روح قلبي
سعد بعياط وشحتفة:هه هو هووو هو انتوا يمة خل خلفتونا ليه يماا ها
سعاد بتحضن سعد اوووي وتقوله:نصيبك يا بني تيجي وتشوف الغلب ده
************************************
ليلى بتخبط الباب على مكتب فارس وتدخل..
فارس بحنان:ليلى
ليلى بحزن:ازيك يا فارس
فارس:مالك يا حبيبتي؟
ليلى بتردد:فف فارس هو هه هو انت هتتجوز رشا؟
فارس يسكت لثواني ويقول:مين اللي قال كده؟
ليلى:هي
فارس باستنكار:رشا!! رشا جت وقالتلك كده؟
ليلى:لا طبعا هي مش هتيجي تقولي ! لكن هي ممكن تخليني اسمع عمدا
فارس يقرب من ليلى ويمسك ايدها ويقولها:بصي يا حبيبتي انا بحبك انتي ‘ رشاا
بنت خالتي اه
بس مجنونة وبتحب تغيظك عشان عارفة اني ميال ليكي انتي..
ليلى:وهي معقول هتطلع كلام زي ده وهو محصلش؟
فارس:ايوة عشان مجنونة
يقرب فارس من ليلى اكتر ولسه هيحضنها وفجأة
............
استنوني الحلقة اللي جاية
