الحلقــــــــة الرابعـــــة عشـــــــر
قيس يقول فجأة : قيس قول حاجة قبل اكل
فارس:مش وقته يا قيس
قيس بضيق:فارس مش مزاجه ‘ قيس يقول يعني قول
محمد باحراج:قول يا بني خير
قيس بفرحة يبص على ليلى ويقول:
قيس حب ليلى ‘ وشوف ليلى انفع ليه واتجوزوا
بسمة قلبها يدق بسرعة من الخوف والخجل ‘ محمد يرتبك جدا ويبتسم ابتسامة
بلهاء وميبقاش عارف
يقول ايه.. اما فارس فعينه كلها تطق شرار وغيظ مكتوم لدرجة ان وشه يبقى
احمر ‘ رشا قاعدة
وملامحها كلها عليها ابتسامة مليانة خبث وشر.. اما اهل رشا فيبصوا لبعض
ويبصوا لقيس
وليلى من فوق لتحت .. حاتم قاعد مش فاهم ايه سبب القلق اللي مرسوم على كل
الوشوش دي ويكون
مستغرب ومندهش وكل شوية يبص لنوال وليلى.. ليلى قاعدة مرتبكة جدا ولون وشها
اصفر
وملامحها متوترة جدا ومبقتش عارفة تقول ايه ولا تتكلم..
فارس بعصبية وضيق:اعتقد ده موضوع مفهوش نقاش اصلا ‘ وموضوع زي ده المفروض
كنت
تفاتح عيلتك فيه قبل اي حاجة مش تقوله قدام الملأ كده!
قيس بتوتر يبدأ يضم اصابع ايده بعصبية ويقول:فارس لوش دعوة بقيس ‘ قيس
اتكلم وقت احبه
قيس كبير مش عيل ‘ قيس حر
بسمة بتوتر شديد:قيس حبيبي ‘ ده وقت غدا دلوقتي بعدين نتكلم
قيس يمسك المعلقة ويبدأ يخبط على السفرة بيها ويقول: قيس قول كلمة وقت عايزه
‘ محدش قول
قيس امتى اتكلم ولا لا..
ليلى بكل ارتباك وتوتر تمد ايدها لقيس وطبطب على ايده براحه وتقوله:قيس هه
ههما م ممش قصدهم
هما بس ق قصدهم ان دلوقتي وقت غدا..
قيس يهدى شوية وبعدين يبتدي ياكل ويبص لليلى ويقول:هـ هتوافقي ليلى؟ ه
هتوافقي صح
ليلى تبتسم ابتسامة مليانة توتر وقلق تقول:بعدين يا قيس هنتكلم
فارس يبص على ليلى والشرر بيتطاير من عينه ويبقى عايز يقوم يخنق قيس من
الغيرة..
********************************************
بعد الغدا ليلى ونوال قاعدين في الملحق المخصص لليلى..
نوال:يالهوي على نظرة فارررس انا كنت حساه خلاص على تكه ويقتل قيس
ليلى:انا مش ده اللي هاممني دلوقتي
نوال:امال ايه؟
ليلى:انا خايفة على قيس
نوال:من ايه يا ليلى
ليلى بعد سكوت لثواني:ا انا لسه مبحبش قيس ‘ الحب اللي يخليني اتجوزه
فاهماني يا نوال؟
نوال:لسه برضو مش قادرة تخرجي فارس من دماغك
ليلى:مش بالظبط انا حقيقي مبقتش بطيقه
نوال:بس لسه حتة في قلبك بتدق ليه!
ليلى تبص لبعيد وتقول:معرفش
وفجأة يسمعوا صوت خبط ‘ ليلى تفتح الباب تلاقي حاتم..
حاتم:مفيش انا لقيت نفسي لوحدي فقلت اجي اقعد معاكم
نوال تفرح جدا وقلبها يدق بسرعة
ليلى بابتسامة وتبص على نوال:اه طبعا اتفضل حضرتك
حاتم:لا بقلكم ايه من غير جو الرسميات ده عشان بتخنق ‘ اه احنا مش في الشغل
دلوقتي
***********************************
رشا قاعدة مع فارس في الجنينة بتاعت الفيلا وفارس سرحان ..
رشا:مالك يا فارس
فارس بضيق:مفيش
رشا بكل خبث:انا مكنتش عارفة انها سوسة اوووي كده ‘ ولا كان باين عليها في
مصنع بابي ‘ فضلت
تدحلبلك وتفهمك انها بتحبك بس هي باصة لفلوسك مش اكتر ولما لقت انك ضعت
منها ‘ بدأت تبص
لقيس..
فارس:وهو قيس حيلته حاجة!
رشا:طبعا حيلته كام فدان هيورثهم من your dad بعد عمر طويل ليه يعني..
فارس:ملهوش ياخد اصلا ده عبيط! حد يمَسّك عبيط فلوس واراضي
رشا:بس لو اتجوزته ليه يا حبيبي ياخد ‘ مش بقلك هي بتلعب على كبير اووي ..
اوعى تكون فاكر انها
حبتك بجد ‘ الصنف ده انا عارفاه كويس اوووي..
فارس بضيق:خلاص يا رشا ‘ غيري الموضوع
رشا بدلع تقرب لفارس وتحط ايدها على رقبته وتطوقه وتقوله بكل دلع: ما تيجي
نطلع لفوق
فارس وهو سرحان:دلوقتي؟ واهلك هنا؟
رشا:ما بيتنا هو بيتهم مش محتاجين حد يعني
فارس باستسلام:بس يا رشا مش وقته
رشا تسحبه من ايده بكل دلع وتاخده على اوضتهم وتقول:ده هو ده وقته
*******************************************
سماح بعد ما تخلص تحضير الاكل تطلع من المطبخ وتدخل المكتب فجأة على هاني ‘
واول ما يشوفها
يقفل الصفحة بسرعة..
سماح بقرف:الاكل خلصته
هاني يمسك ايدها ويقربها ليه بالعافية ويحاول يبوسها فتزقه وتقول
بعصبية:افففف ايه القرررف ده
اييييه مبتشبعش ما احنا لسه خارجين من شوية من الاوضة..
هاني بزعيق:بقلك اييييه ‘ انتي شكلك نسيتي انتي كنتي اييه وانا عملتك اييه
سماح:لا منستش
هاني:امال مالك بتتمنعي ليه كده
سماح تحاول تمسك اعصابها وتقول:يا هاني انا تعبت
هاني يقول بكل برود:ابقي شوفي مالك وزبطيلي نفسك ‘ انا اتجوزتك عشان
تفرفشييني مش تقرفيني
سماح:ماشي يا هاني
وبعد ما هاني يخرج تجري على الكمبيوتر وتحاول تدعبس في الكمبيوتر وتلاقي
على الديسكتوب
صور لبنات عريانة وفيديوهات مشبوهة..
سماح بصوت عالي:كتك القرف راجل تقررف
هاني بصوت عالي:اييييه هاكل لوحدددي ولا ايه
سماح تحاول ترسم ابتسامة باهتة على وشها:جاية اهو
*****************************************************
ليلى مع قيس في الاوضة هو عمال يصنع في مجسمات العربيات بتاعته وهي بتتأمله
وبتتأمل شعره
مجعد ‘ عينه ضيقة وحواجبه كثيفة وعنده دقن خفيفة .. بشرته سمرا ولون عينه
بني غامق وشفايفه
مكتظة شوية..
قيس يبص ليها فجأة وهي بتتأمله يقول:ليلى اسرح في ايه؟
ليلى تنتبه:ها ؟ لا مفيش
قيس:ليلى ازعل؟
ليلى:من ايه؟
قيس:مني؟
ليلى:ليه؟
قيس:عشان قيس حبها وقول اتجوزها؟
ليلى بألم:يا قيس انا محتاجة انك تفهمني شوية
قيس بكل اهتمام:قول ليلى ‘ قيس والله افهم؟ قول خافش
ليلى تبص ليه شوية وتقول: قيس انا مش عايزة اكدب عليك واوفق عليك بس كده ‘
انا عايزة فعلا
لما اتجوزك ا اا اكون ... يعني اكون بحبك الحب اللي هو مابين اي بنت وولد
فاهمني؟
قيس يسكت شوية:ليلى مش حب قيس عشان هو عيان في مخه؟
ليلى:لالالالا مش كده
قيس بوش حزين:ليه؟
ليلى:عشان انا قلبي لسه مجروح وخايفة اجرحك معايا
قيس يقرب من ليلى ويقول:قلب ليلى اوجعه؟ ليه ليلى ليه
ليلى والدموع في عينها وبابتسامة حزينة ومكسورة:تصور ان انت بالذات اللي
بتسأل السؤال ده
قيس ياخد ايد ليلى ويقربها لقلبه ويقول:قلب ليلى اوجعه اوجع قلب قيس ‘ قيس
عيش خلي ليلى
مبسوط .. اوعى خاف ولا ازعل ‘ قيس حبه ليلى حبه اوي وخاف عليه..
ليلى تعيط اكتر من كلام قيس وتقول:حرام عليك يا قيس ‘ انا مش حمل كل حبك ده
والله
قيس:ليه خاف ليلى؟ حب قيس مش خطر
ليلى:حب قيس ده احلى حاجة في الحياة بس مش معايا اناااا مش معايا
قيس:قيس اعرف قلب كويس ‘ وقلب ليلى كويس ‘ هو عارف
ليلى:مش يمكن مش عارف اي حاجة؟
قيس:حس ‘ غمض عينه وحس وشوف بقلبه يلاقي ليلى ملاك ‘ انتي ليلة قيس ليلته
بس وحده
مش ليلة حد تاني..
ليلى تبص ليه بضعف واستسلام ‘ قيس ياخدها في حضنه اوي ‘ حجاب ليلى يتزحلق
ويقع
على الارض وهي مش حاسة بنفسها وفي دنيا تانية ‘قيس يغمض عينه وهو بيستنشق
ريحتها ويقول
ليلة قيس وبس ‘ كل ما خاف يفضل في حضنه وبس
********************************************
عبد الله في الكابريه ‘ بيتفرج على البنات اللي بيرقصوا وبيدي الطلبات للي
بيطلب..
غسان:ايه عجباك واحدة منهم
عبد الله:لا مش لوني
غسان:ههههه امال ايه هو لونك يا صاحبي
عبد الله:اكيد مش هتبقى واحدة من هنا
غسان:اللي هنا ومش عجبينك دوول هما اللي في ايدهم يودوك لدنيا فووووق اوووي
عبد الله بقهر:كرهت الدنيا اللي فوق من قبل ما اشوفها من كتر ما دنيتي اللي
تحت بهدلتني
غسان:بهدلتك ايه! هو انت كنت تحلم تقبض مرتب بــ 4000 جنيه ده غير العمولات
اللي بتاخدها لما
....
عبد الله:بس انا وانت عارفين انها فلوس حرام هتحرقنا في الاخر
غسان:بص يا صاحبي ‘ عشان تعرف تعيش مع الناس اللي بترقص قدامك على وجعنا
دول ومش
حاسين يبقى اتعلم تدوس على قلبك وتفوت في الحديد وهو سخن..
عبد الله:اما اتصل بليلى اشوفها روحت البيت ولا لسه
غسان:ماشي شوفها يا ابو قلب طيب
*****************************************
ليلى:لا والله يا عبد الله لسه مروحتش
عبد الله:طب هاجي اخدك ونروح سوا طالما اتأخرتي كده
ليلى:بقلك اطمنت على سعد ‘ لحسن انا النهاردة اتلهيت
عبد الله:اه كلمته وبيقول امك تعبانة لسه وهو محتاس بحنان
ليلى:يا عيني ‘ طب اروح انا ومستنكش
عبد الله:لا الدنيا مبقتش امان يا ليلى ‘ هعدي عليكي
********************************************
رشا في اوضتها قاعدة وجمبها فارس بيقرأ ورق الشغل .. رشا بتحطم نكير ومرة
واحدة بكل
عصبية تزعق وتقول:افففففف
فارس:ايه يا رشا مالك؟
رشا:تؤ مش عارفة احط منكير لنفسي في الايد التانية
فارس:ايه التفاهة دي! انا قلت فيه حاجة اهم
رشا بضيق:هو انا كل حاجة بعملها تافهة على طول
فارس:يوووه ومملة كمان ‘ انا هنام
ويقفل نور الاباجورة بتاعته..
رشا تبص حواليها وتقول:وانا نازلة اتمشى تحت
******************************************
ليلى عند قيس:يا قيس اخويا جه ومش عايزة اتأخر عليه ‘ سبني بقى
قيس:لا ليلى نام هنا
ليلى:مش هينفع انا ماما تعبانة ومش هقدر اسيبهم لوحدهم وعبد الله هيرجع تاني
الشغل
قيس:ليلى لما اتجوز قيس اعمل ايه؟
ليلى:.....
****************************************
رشا بتتمشى في الجنينة بتلمح عبد الله واقف مستني ليلى ..
رشا لنفسها:الولد ده شفته فين قبل كده!! شفته فين فييين
..اااااااااااااااااه ده بتاع البنزززينة!
رشا بتروح وهي لابسة الروب على قميص النوم وبتقرب لعبد الله وتقول:
انت بتعمل ايه هنا
عبد الله يستغرب من رشا وطريقتها في الكلام:افندم؟!
رشا:ايه مش فاكرني؟! مع اني انا افتكرتك على طول
عبد الله:انا اول مرة اشوفك اصلا
رشا:مش انت بتشتغل في بنزينة
عبد الله باستغراب:كنت
رشا:انا اتخانقت معاك قبل كده وقلتلي مش هتحطلي الا لما تخلص اللي في ايدك
عبد الله يفتكرها ويقول:ايووة افتكرتك
رشا:بتعمل ايه هنا؟
عبد الله:مستني اختي
رشا بصدمة:اختكككك! مين؟
عبد الله:ليلى
رشا:اييييييييه انت اخو ليلى!!
عبد الله بتعجب:ايوة؟ ليه؟؟
رشا بدلع:ممم مفيش مش مهم ‘ المهم انت كام سنة؟
عبد الله:يعني 18 بس داخل على ال 19 قريب
رشا:واو مع ان شكلك اكبر
عبد الله:...
رشا:بس انا عمري ما شفتك قبل كده ‘ انت مبتجيش لليلى كتير؟
عبد الله:لا
رشا:لسه شغال في البنزينة؟
عبد الله باقتضاب:لا
رشا:امال فين؟
عبد الله:اظن ده ميهمش حضرتك
رشا برقة اكتر:مين قالك مش يمكن يهمني؟
عبد الله باستغراب:معتقدش
ليلى بتنزل فجأة وتقول:رشا! بتعملي ايه هنا
رشا بدلع:تصدقي يا لولا اخوكي شكله ظريف اوي
ليلى:يلا يا عبد الله ‘ عن اذنك
*****************************************
عبد الله باهتمام:مين دي يا ليلى؟
ليلى:ملكش دعوة بيها يا عبد الله
عبد الله:انا بسأل
ليلى:ولا تسأل ولا اي حاجة وفكك منها
عبد الله في سره:بس شكلها حلو ‘ اينعم هي زي البنات اللي بشوفهم بس حاسس ان
دي مختلفة
*******************************************
رشا بتطلع الاوضة عند فارس وتطلع على السرير تبص لفارس وتفتكر عبد الله
وبعدين تلعب في
شعرها بكل دلع وتقول في نفسها:
شكله راجل قووي ‘ دخل دماغي جدا
معقول رشا عزت تعجب بواحد زي عبد الله!
وفيها ايه لو كان راجل زيه مش زي الانسان اللي نايم جمبي ومش حاسس بيا وكل
همه ست ليلى
بتاعته دي ‘ هه اهي بكرة تتجوز اخوه وتديله باللي في رجلها..
*****************************************
عبد الله وليلى داخلين البيت يلاقوا سعد عمال يعيط واول ما يشوفهم يجري
عليهم ويقول:
الحقني يا عبد الله
ليلى اول ما تشوف سعد كده ‘ تجري بسرعة على مامتها وتلاقيها نايمة ووشها
اصفر خالص واول
ما بتلمسها بتلاقيها متلجة ..
ليلى برعب:اماااا ‘ اصحي يا امااا
سعاد مفيش منها اي حركة ولا بتتجاوب مع ليلى
عبد الله يجي هو كمان مع سعد اللي بيعيط ويجري يبوس ايد مامته ويقول:اما
اصحي يا اماا ‘ انا جبت
فلوس النهاردة وهعالجك يامااا من بكرة ولا لااا بلاش ‘ قووومي يامااا معانا
دلوقتي على المستشفى
قووومي يامااا قووومي ردي علينا
ليلى بانهيار:امك ارتاااااحت يا عبد الله خلاااااص امك رااااحت للي فووووق
عبد الله بدموع:لا مينفعش ‘ هي متعرفش انا بعمل ايه وربنا عشان اجبلها
الفلوس دي
سعد:ليلى هي امي سابتنا خلااااص ها سابتنا خلاص يا ليلى
في نفس اللحظة حنان تعيط وكأنها بتشاركهم هي كمان الحزن
ليلى بتحضن سعد اوي والاتنين بيعيطوا ‘ عبد الله كل شوية بيهز في مامته
ويبوس ايدها ويقول:
اصحي ياماااا والله هنعالجك والله هنعااالجك اصحي ياماااااااا بس
يطلع الفلوس من جيبه ويقول:شووفي يا امااا شوووفي فلوس اد ايه ‘ متخافيش
هتتعالجي ياماااا
************************************
بسمة قاعدة تاني يوم في الفيلا وبتتكلم في التلفون وتقول:شدي حيلك يا ليلى
يا بنتي ‘ ربنا يرحمها
يارب..
ليلى بحزن شديد وعياط:يارب
بسمة:انا مقدرة ظروفك وهديلك اجازة لحد ما اوضاعك تتحسن
ليلى بخوف وتوتر:اا اا انا ....
بسمة:انتي ايه يا ليلى؟
ليلى:ا اانا احتمال يا هانم مقدرش اكمل عندك
...........................
استنوني الحلقة اللي جاية
