الحلقـــــــــة الرابعــــــــة
يقرب فارس من ليلى اكتر ولسه هيحضنها وفجأة يدخل عزت فيبعد فارس بسرعة
ويقول بكل
رسمية:المهم ياريت تاخدي بالك من شغلك
ليلى بضيق:حاضر يا فندم
عزت بيبص ليهم بشك وارتياب:فارس كويس اني لقيتك عايزك حالا
ليلى باحراج:عن اذنكم
عزت:استني هنا ‘ انتي بتشتغلي هنا بقالك اد ايه؟
ليلى بخوف:خخ خخمس سنين يا باشا
عزت:امممم امشي دلوقتي
وبعد ما ليلى تمشي عزت يبص لفارس ويقوله: حلوة ها؟
فارس دمه يغلي ويقول بارتباك:اا انا مب مبخدش بالي من الكلام ده يا عمي
عزت بيطلع سيجار ويشرب منه نفس وبعدين يضحك بصوت عالي:ههههههه انت يا بني
فاكر اني
مش عارف اللي فيها ولا ايه؟
فارس بخوف:اا ق قصدك ايه؟
عزت يقعد على الكرسي ويحط رجله على الطرابيزة اللي قدام الكرسي وينفخ في
السيجار ويقول:
بص انت عشان بتفكرني بنفسي زمان هقلك درس حلو اوي ‘ اللي زي البنت اللي مشيت من
شوية دي
للتسلية ‘ انما الواحد لو حب يناسب ‘ يبقى يختار صح بقى ! يختار اللي هتعرف
تديله هيبة بين الناس
مش بنت من الشارع..
فارس وهو بيبلع ريقة بصعوبة:اا انا مش فاهم حضرتك بتتكلم عن ايه
عزت:يابني انا فاهم الموضوع كله وليا عيون بترصد
فارس يسكت
عزت:المهم بكرة انا مستنيك انت وعيلتك تشرفونا
فارس بتعجب:اا انا وعيلتي؟ ليه؟
عزت وهو بينفخ السيجار وبيقوم من مكانه وفي نفس الوقت بيضحك ضحكة عالية:
عشان تطبق الدرس اللي قلتهولك من شوية..
***************************************
عبد الله قاعد في الغرزة اللي بقت كل حياته مقضيها فيه وقاعد سرحان وفجأة
يجيله غسان..
غسان:ايه لسه مخدتش قرار؟
عبد الله:مش عايز يا غسان
غسان:ليه بقى؟
عبد الله:يعني انا اه مكملتش علام بس عارف ان السكة دي سكة خطرة وملهاش
امان ‘ وانا بصراحة
عندي عيلة عايز انقذها من الوحلة اللي هما فيها..
غسان:ما هو انت كده بتنقذهم بسرعة من ابوك المفتري
عبد الله: يا عم ده انا وقتها هتبقى روحي على كف عفريت
غسان: الدار امان
عبد الله بتعجب:اشمعنا؟
غسان:عشان يا حبيبي اللي هنشتغل لحسابه حد مسنود اوووي من فوووووق فووووق
اوووي
عبد الله بحيرة اكتر:مش فاهم؟
غسان وهو بيولع سيجارة حشيش وبيديها لعبد الله:بص يا حبيبي افهمك ‘ اوعى
ياض تكون فاكر ان اللي
في الحكومة واللي ماسكين مناصب عالية ايدهم نضيفة ! هه تبقى جحش لو فهمت
كده
عبد الله:ازاي
غسان:يا حبيبي فيه ناس من اللي هما فوووق وفي الحكووومة نفسيها مصلحتهم ان
الشعب يتفسح كل
يوم في مدينة اللاللا
عبد الله بضحكة:ههه حلوة اللاللا دي ! فيها فرص شغل جامد
غسان وهو بياخد منه السيجارة:ههههه انت وصلت
عبد الله :اه يا عم من بدري
غسان:حلوو كده يحلو الكلام ‘ المهم بقى يا صاحبي الناس دي حيتااان ‘ الصبح
يطلعوا يتكلموا عن
المبادىء وعن الكيم والاخلاك وبليل يتاجروا في كل حاجة حتى الدم!
عبد الله:يعني انت عايز تقنعني اننا لو اتقفشنا مش هنروح فطيس
غسان:وده كلام بردو! احنا ولاد مين يا عم في مصر عشان منروحش فطيس!
عبد الله:تؤ انته هتمخولني ليه
غسان:بص يا كفاءة انا بقلك اننا تبع حد كبير يعني الوقعة مش هتبقى بسهولة
عبد الله:بس في نفس الوقت الوقعة فيها قطمة وسط
غسان:هتبقى مصلحة برضو
عبد الله:ازااي؟
غسان:هتتراضى انت وعيلتك كلها عشان تبقى صُكماٌ بكماً
عبد الله وهو بينفخ يسكت شوية ويقول:هي مش سُكتاٌ بكما؟
غسان:واسمك متعلم ! لا طبعا اسمها صُمكاً بُتمن
*****************************************
تاني يوم الصبح ليلى بتنزل مع سعد وسماح عشان يروحوا الشغل بعد خناقة كبيرة
زي كل مرة مع
باباهم على الفلوس..
سماح:نفسي في يوم اصحى الاقي جعورة ابوكي دي يا ليلى اختفت! ازاااي
متسألنيش
ليلى بيأس:هنعمل ايه بقى ده حالنا
سعد بسذاجة:هو احنا مينفعش ننفخه؟
ليلى وسماح يبصوا لبعض باستغراب وبعدين يبصوا لسعد وتقول ليلى:ننفخه ازاي
يا سعد! هو فيه
بني ادمين بيتنفخوا؟!
سعد:امال هو ليه في الرايحة والجاية بيقولي هنفخك هنفخك
سماح:ههههه يخيبك يا عبيط قصده يقطعك من الضرب
سعد بتفكير عميق:يعني مينفعش لو جبت منفاخ وحطيته في بقه انفخه؟!
ليلى:لا يا سعد وبعدين عيب لما تتكلم على ابوك كده
سعد:ده مش ابويا
سماح:ايه؟! ليه ان شاء الله
سعد:انا عارف اني كنت على مسجد وهو لقاني
ليلى:ايه يا سعد الكلام التخاريف اللي على الصبح دي بتقولها!
سعد:انا امبارح شفت فيلم والراجل كان بيعامل عب حليم وحش وبعدين اعترفله
وقاله انت مش ابني
فانا عرفت بقى اني كده عشان كده هو ابا بيعاملني وحش..
سماح وهي بتنزل تبووسه:ياااا لمض انت ابننا غصبن عننا
سعد:لا انا اكيد ابن ناس غالية وانتوا بتضحكوا عليا
سماح:انا هروح شغلي اتأخرت وانت يلا يا لمض على الورشة بدل ما انت اللي
تتنفخ
ليلى بتحضن سعد وتقوله:لو ربنا قدرني وقدرت اقنع ابوك انك متشتغلش هقوله ‘
بس انت يا حبيبي
روح دلوقتي وبعدين نبقى نشوفلنا صرفة..
سعد:اففف يارب المعلم عفت وهو جاي يقع في البلاعة ونخلص
ليلى:روح يا سعد بقى متتعبش قلبي معاك
****************************************
ليلى تدخل المصنع واول ما تدخل تلاقي وروود كتيرة مالية المصنع والعمال
عاملين يوزعوا شوكلاتة
في دخلتها تكون وراها نوال.. الاتنين يبصوا لبعض ونوال تسأل بحيرة:هو فيه
ايه؟
ليلى بفرحة:اكييييد فارس اترررقى
نوال:اه صح ممكن
ليلى:انا هجري اقوله مبروووك بقى
نوال:ماشي يا ستي ناس تحب على الصبح وناس تقابل ام اربعة واربعين في
احلامها
ليلى:ههههههه يا ساااااتر
تجري ليلى على مكتب فارس وتخبط بسرعة وتدخل تلاقي رشا مايلة على فارس
وبتبوسه
من خده..
ليلى بصدمة وفي نفس الوقت بارتباك بتبص ليهم هما الاتنين ولسه هتعتذر قامت
رشا بكل
عصبية قالت:انتي اييييه جااااموسة!!! انتي ازاي تدخلي من غير ما تخبطي
ليلى بارتباك شديد والدموع في عينها:اا اانا خبطت والله
رشا:وبعدين تعالي هناااا انتي ايه اللي جايبك هنا اصلاااا لفااارس ها؟!
ليلى بتلعثم: اا اانا اا ....
رشا بزعيق:انتي اييييه!! ما تنطقي؟
فارس :خلاص يا رشا محصلش حاجه لكل ده
رشا:لاااا حصل ! البنت دي بقت مستفززززة اوووووي وتصرفاتها فاقت كل الحدود
ليلى والدموع بدأت تنزل منها:انا اسفة وعن اذنكم
فارس:استني يا ليلى
ليلى تجري بسرعة
فارس لسه هيروح وراها رشا مسكته وقالتله:فااارس! خد بالك انت ناوي على ايه؟
فارس:بس انتي يا ليلى زعقتيلها وهي معملتش حاجة لكل ده
رشا وهي رافعة حواجبها لفوق:انا رشا مش ليلى
فارس بتلعثم:اا برضو انتي مكنش فيه داعي تعملي معاها كل ده
رشا وهي بتعدل الكرافتة لفارس وبتبصله جامد في عينه:انت اخترت امبارح صح
والنهاردة هتنفذ
اختيارك ده فياريت تاخد بالك اووي من العواقب اللي هتحصل لو قررت تتراجع ..
بعدين تبوسه من خده وتمشي..
*****************************************
ليلى قاعدة بتعيط وجمبها نوال وبتقولها: تخيلي مدافعش عني
نوال:طبعا خاف من الحيزبوونة دي
وفجأة تيجي واحدة وتقول لليلى بكل غيظ:خدتي حلاوة خطوبة رشا هانم والاستاذ
فارس يا ليلى
نوال وليلى بيبصوا لبعض بصدمة ونوال تقول:ايه!!!!!
العاملة:ايه ده انتوا متعرفوش ولا ايه! ده من الصبح المصنع بيوزع في
شيكولاتة حلاوة ان الاستاذ
فارس هيخطب رشا هانم النهاردة..
لسه ليلى هتقوم تلاقي رشا في وشها..
رشا:مفيش مبروك يا لوّلا ولا ايه؟!
ليلى بصعوبة:مم مبروك يا فندم
رشا:ههههههههههه انتي عارفة لاول مرة تصعبي عليا
ليلى بتبص ليها بتعجب وساكتة
رشا:اه والله صعبتي عليا بجد! اصلك تبقي مغفلة لو فكرتي في يوم ان فارس
ممكن يختارك انتي!
ويفضلك عليا ! اللي زيك عبارة عن فضلات في الزمن ده مش اكتر..
ليلى بعصبية:عيب اوي يا ست هانم التجريح ده
رشا بحقد وغل:انتي ايييه اصلاااا عشان تقوليلي عيب ولا لا! ها انتي حتتة بت
مفعوصة حيوانة
اتعدت على املاك غيرها..
ليلى بحرقة دم:لا يا هانم انا مش زيكوا اتعودت اسرق ‘ انا اه ممكن مكنش ولا
حاجة بس عندي
اخلاق..
رشا:انتي مرفوودة
ليلى:ههههه سيبهالك مخضرة ورزقي على الله
نوال:استني يا ليلى انا جاية معاكي
رشا:في ستين داهية
**************************************
سماح وهي بتنضف قدام باب احدى الشقق يكون هاني طالع واول ما يشوف سماح
موطية وعمالة تمسح
قدام الشقة يبتسم ابتسامة كبيرة وبعدين يبص تحت وفوق ويشوف ان مفيش حد
موجود يقرب من سماح
ويقول:وانا اقول العمارة مزهزة ليه
سماح تمسك جلابيتها من فوق وتقول:تف تف تف خضتني ياباشا
هاني وهو بيلعب حواجبه:ده انتي اللي باشا يا باشا
سماح تضحك:هيهيهيي
هاني:بقلك ايه يا امورة
سماح:قول يا باشا
هاني:لما تخلصي ابقي تعاليلي عاوز اديكي هدية
سماح:هيههيهي ماشي
**********************************
فرغلي يلبس قميص نضيف وينادي بصوت عالي:انتي يا اللي اسمك سعاد
سعاد طالعة من المطبخ:ايوة؟
فرغلي اول ما يشوفها يقول:اففف على ريحتك! يا ولية نفسي اشوفك مرة من غير
ما اشم فيكي البصل
سعاد:يوووه ويعني انا يا راجل بعمل ايه دلوقت! مش بطبخلك انت وعيالك!
فرغلي:سيبي الطفح ده دلوقتي وتعالي خيطيلي الزرار الاخير من القميص
سعاد باستغراب:على فين بالشياكة دي
فرغلي:ملكيش فيه! يلا يا ولية من غير لكاااعة مش عايز اتأخر
********************************
وقت الضهر سعد في الورشة وشه كله ملحوس قاعد عمال يصلح العجل وبعدين يبص
يمين وشمال
ويقوم يبص على المعلم يشوفه بيعمل ايه ويجري بسرعة ياخد كيس اسود ملفوف
ويخبيه في هدومه..
سعد:معلمي ينفع اروح البيت بسرعة وارجع
المعلم:ليه الباشا وراه ايه
سعد:اا اصل امي عايزاني بسرعة وهرجع
المعلم:غور بس لو اتأخرت عن خمس دقايق هعلقك زي العجلة اللي هناك
سعد:هوا يا معلم
ويجري سعد ويخبط الباب بسرررعة ‘ امه تفتحله وهي شايلة حنان:
ايه اللي جابك يا سعد دلوقتي!
سعد:ابا هنا؟
سعاد:اه لسه راجع من شوية ودخل يقيل شوية
سعد:حلوووو
دخل سعد بسرعة اوضته وراحت مامته قعدت على الكنبة مع حنان تلعبها ‘ ثواني
وخرج سعد ومعاه
الكيس الاسود ودخل اوضة باباه ومامته وقام
..................
استنوني الحلقة اللي جاية
