الحلقة الحاديـــــــة عشــــــــر
قيس يخرج فجأة من الاوضة واول ما يشوف ليلى مضايقة من فارس
يهجم على فارس ويقول
ملكش دعوة شريررر ‘ سيب ليلى مش اوجعهاااا
تخرج بسمة من اوضتها هي ومحمد بسرعة ويلاقوا قيس ماسك في ايد فارس وعمال
يقول:
ملكش دعوة شرير مش اضرب ليلى مش اضرب ليلى
ليلى بهلع:اهددى يا قيس هو هه ههو مكنش بيضربني مم مكنش
بسمة وهي بتجري عليهم:في ايه ‘ الحقققني يا محمد
محمد يروح لقيس وياخده براحة:فيه ايه يا حبيبي ‘ اهددى
قيس بغضب:دد ده اضرب ليلى عيني شافته اض اضضرب ليلى
ليلى بهلع:لا يا هانم هو هه هو قيس فاهم غلط
قيس يبص لليلى بحزن ويقول بهدوء:لـ لل ليلى اكدب خاف
فارس بزعيق لقيس:انت اصلااا اتجننت في مخك عشان تتهجم عليا كده
محمد بعصبية:فااااارس
فارس بزعيق:هو ايه اللي فاااارس ‘ البني ادم دددده لازم يروووح مصحة
مجننوووون خرفان
قيص يبص بألم لليلى ويدخل الاوضة بتاعته بكل هدوء واستسلام..
ليلى باحراج لبسمة:ا اادخله يا هانم ولا اعمل ايه ؟
بسمة:استني انتي في الصالة شوية يا بنتي معلش
محمد:فارس تعالى الاوضة معايا
**************************************************
ليلى تروح تقعد في الصالة بتوتر وقلبها حاسس بألم شديد انها كدبت قيس
قدامهم كلهم وفي نفس
الوقت حاسة انها قرفانة جدا من فارس ومش طايقاه..
************************************************
فارس اول ما يدخل الاوضة يقول بكل عصبية:اظن انا مش عيل عشان تعاملوني
معاملة العيال دي
ولا انتم خلاص مبقتوش تفرقوا ما بين معاملة قيس ومعاملتي!
محمد بغضب:لما تتكلم عن اخوك تتكلم كويس عنه! وكفاية طول السنين دي سبناك
تعاملة بالطريقة
الجافة بتاعتك دي على اساس هيجيلك يوم وتكبر وتعقل وتفهم ان اللي اخوك فيه
ده مش بمزاجه..
بسمة بشك:انت كنت بتعمل ايه لليلى يا فارس؟
فارس بعصبية وارتباك:انتي هتصدقي الخرفان ده وتكدبيني اناااا وو وبعدين
ليلى قالتلك انه محصلش
بسمة بشك اكتر:البنت بتكدب عشان مش عايزة تعمل مشاكل بس انت كنت بتعمل ايه
لليلى يا فارس!
قيس عمره ما بيكدب..
فارس:يووووه
بسمة بزعيق:ررررررد علياااااا كنتتت بتعمل اييييه لليلى
فارس يسكت شوية وبعدين يقول بكل عصبية:ليلى كانت بتشتغل عندي في الشررركة
واا انا طردتها
بسمة بصدمة:ايـــــــــه؟!
فارس:ايوة
محمد:ليه؟ عملت ايه؟
فارس بتوتر زيادة:عع عادي رر رشا مكنتش بتحبها ‘ كك كانت ظالماها مش اكتر
بسمة:وبعدين؟
فارس بارتباك:ف ف فانا لما شفتها دد دلوقتي يعني ق قلتلها انها ق قاصدة
تشتغل هنا عشان ت
تتحسسني بالذنب من ناحيتها وكده يعني ..
بسمة:اسمعني يا فارس هي كلمة وحطها حلقة في ودانك كووويس ‘ ليلى ملكش دعوة
بيها
فارس:وانا مالي اا انا بس كنت عايز افهم هي قصدت تشتغل هنا ليه بالذات
بسمة بزعيق:الموضوع جه صددددفة ‘ انا لما اعلنت مقلتش ان قيس اخو فارس اللي
بيشتغل في
مصانع عزت السلحدااار!
فارس بغيظ:مم مما يمكن هي كانت ع عارفة واستغلت الموضوع
بسمة:مكنتش تعرف لانها اتفاجئت بيك اول مرة
فارس:م مش يمكن بتمثل؟
بسمة:انت ليه عايزها تبعد؟ خايف من ايه؟
فارس:مم مش خايف
محمد:امال مصمم تخوفنا منها ليه؟
فارس بعصبية:اعملوا اللي انتوا عايزينه
ويمشي من الاوضة بكل عصبية
*********************************************
فارس بيخرج الصالة ويلاقي ليلى قاعدة على الكنبة وبتهز في رجلها بكل عصبية
وتوتر..
فارس:ليا كلام معاكي بعدين لسه مخلصتش
ليلى:ارحمني بقى وفكك مني وركز مع مراتك
فارس:وووطي صووتك ‘ محدش يعرف هنا ان كان فيه بينا حاجة واوعي تقووولي ‘
انا بس فهمتهم
اني طردتك عشان رشا اتلكلتلك في اي حاجة ..
ليلى تقوم تمشي ‘ فارس يقولها:رايحاله برضو؟
ليلى:مش هاين عليا زعله
فارس بغيظ وغيرة:ليييه
ليلى:لانه طاهر اوي من جوة ونقي
فارس:اووعي مخك يتجنن ويتهف في عقله وتفتكري ان ممكن يبقى فيه حاجة ما
بينكم ‘ اللي زي
قيس مش للجواز..
ليلى:يا فارس بيه انا بصيت مرة لفوق قلبي وقع ادغدغ مليون حتة ‘ متهيأليش هتهف تاني في مخي
واعملها ‘ عن اذنك..
*************************************************
بسمة في اوضتها:قيس يا محمد شكله ميال لليلى
محمد:بتقولي ايه يا بسمة لا طبعااا ‘ هو اللي زي قيس يعرف يحب
بسمة بضيق:انت ازاي بتتكلم كده عن ابنك!
محمد:انا بقلك اللي انا شايفه وانتي مش عايزة تشوووفيه!
بسمة:انا عارفة ابني كووويس وبقلك انه ميال لليلى
محمد بحنان:يا بسمة يا حبيبتي انتي ليه مش قادرة تستوعبي ان قيس مش طبيعي
بسمة بعياط:عارفة انه مش طبيعي وعشان كده خايفة عليه ‘ لكنه انسان وعنده
قلب وبيحس زينا ويمكن
اكتر مننا كمان.. قيس ذكي جدا يا محمدد اوووي ‘ عنده ذكاء بالفطرة..
محمد يتنهد ويقول:مش عارف اقلك ايه يا بسمة
بسمة:انا مرعوبة ليحب ليلى
محمد:ليه؟
بسمة:لان .....
محمد:سكتي ليه؟
بسمة:لان ليلى اكيد مش هترضى بقيس
محمد:هي تحلم تتجوز واحد في مكانته
**************************************************
سعد قاعد في الشقة لوحده ومعاه حنان منيمها على الكنبة ومديها لعبة تلعب
بيها وعمال يتفرج
على التلفزيون..
فجأة حنان تبدأ تعيط .. سعد:يوووه عايزة ايه بقى؟
حنان لسه مستمرة في العياط ‘ يحاول سعد يديها اللعبة الا انها بترفضها
وتفضل تعيط
سعد:عايزة تعملي حمام؟ طب تاكلي؟ تشربي؟ ما تنطقي ؟ مبتنطقش دي ليه يا عم..
ااه صح
دي لسه مبتعرفش تتكلم
حنان لسه عمالة بتعيط..
سعد يمسكها ويقولها:مش فاهمك عايزة ايه انتي دلوقتي ‘ شكلك جعانة ..
يدخل المطبخ يروح يجيب موزة ويقشرها ويقسمها نصين ‘ ياكل هو نص وبعدين النص
التاني يقطع
حتة ولسه هيحطها في بق حنان يبص للحتة ويبص لبق حنان ويقول:
تؤ بقك اصغر من الحتة ‘ بصي بقى انا هعمل ايه دلوقتي
ويقوم فاعص بايده الحتة لحد ما تبقى مفعوصة جدا ويحشرها في بق حنان اللي
اول ما يحط الحتة
في بقها تاكلها بسرعة من كتر الجوع..
بعد نص ساعة ترجع سعاد مع عبد الله من برة ويلاقوا سعد نايم على الكنبة
ومنيم فوقه حنان..
سعاد بتجري تشيلها وتقول:يالهوي منيم البت كده عليك ليه ‘ هتقوقعها ‘ اخص
عليك ياولا
سعد:ده مكافأتي يعني كده يعني
ويبص لعبد الله ويقول:فين الفرررخة
عبد الله يطلع من الكيس طبق فرخة مشوية ويحطها قدامه ويقوله اهي
سعاد في نفس اللحظة تبص على حنان وتقول:يالهووووي ايه اللي مبهدل هدوم البت
كده؟
سعد بفرحة:لا اصلها كانت بتعيط ‘ قمت اكلتها موز ومانجا معايا
سعاد:موز ومانجة! وايه اللي مفعص الموز في وشها كده وملحوسلها بقها
بالمانجة؟
سعد بكل انشكاح:اناااا كنت بأكلها وهي كانت بتضحك ومبسوطة.. ايه رأيك فيا
بقى
**************************************
قيس قاعد في الاوضة وعلى السرير تحديدا وحاطط ايده على خده ‘ بتدخل ليلى
عليه بعد ما بتخبط
اول ما بيشوفها بيبص ليها بنظرة مليانة حزن وكسرة..
ليلى بألم وضيق:اول مرة تبصلي كده؟
قيس يفضل ساكت
ليلى تقرب من قيس وتقعد على الارض وتقوله:مكنتش عايزة اعمل مشاكل ‘ اضطريت
اقول كده
قيس:ش شش شرير اوجعك؟
ليلى برقة:لا
قيس:ق قيس خاف عليكي
ليلى والدموع في عينها:انت صعب اوي
قيس: ص صعب ازاي؟
ليلى:نادر
قيس:لا ا انا قيس ليلى انتي انسي اسمي
ليلى:لا قصدي انت حاجة نضيفة اوووي ‘ حاجة حلوة مبقتش موجودة في زمنا ده
قيس يمسك ليلى:ط طب قيس حلو ‘ ليلى خليه مع قيس عش عشان هي حلو زيه حلو ‘
حلو يبقى مع
بعض
ليلى بارتباك:اا ق قيس بلاش نتكلم في الموضوع ده
قيس:ل ليه ده كلام حلو
ليلى:معلش يا قيس بلاش
قيس يبص مباشرة لعيونها ويفضل باصص وهو ساكت..
**************************************
بعد ما تخلص ليلى شغلها تروح تعدي في الصيدلية على نوال ..
نوال اول ما تشوف ليلى تحضنها اوي وتقول:وحشتييييني يا بت
ليلى:وانتي والله اوي
نوال:منها لله اللي فرقتنا ‘ كنا طول اليوم بنبقى مع بعض وكل واحدة بتشيل
هم التانية
ليلى:ايووة
نوال:احكيلي عاملة ايه انتي في شغلك الجديد ‘ فارس بيتعرضلك تاني؟
ليلى:النهاردة كانت هتقوم عاركة بينه وبين اخوه
نوال:قيس!! ليييه
حكت ليلى لنوال على اللي حصل كله ..
نوال:وبعدين ناوية على ايه يا ليلى؟
ليلى:مش عارفة ‘ عايزة اسيب الشغلانة دي بس كل ما افتكر عيا امي ومصاريف
اخواتي ارجع في
كلامي وكمان جملة قيس مبتروحش عن بالي ابدا
نوال:وتسبيه ليه حرام عليكي ‘ ده انسان ومحتاجلك
ليلى:بس....
نوال:بس ايه
ليلى:خايفة منه
نوال:من قيس!؟
ليلى:ايوة ‘ خايفة يحبني ويتعلق بيا وانا مش عايزة ده
نوال:لسه بتحبي فارس
ليلى:....
نوال:تبقي لسه بتحبيه
ليلى:مش عارفة ‘ شعور غريب بحس بيه لا انا قادرة ارجعله ولا عايزة اشوف وشه
وفي نفس الوقت
بتلخبط اوي اول ما بشوفه وبضعف..
نوال:فوقي يا ليلى ومتنسيش انه باعك عشان الفلوس
ليلى بحزن وألم:صح
******************************************
رشا مع فارس بتلف في المحلات على فستان فرحها..
رشا بفرحة:ايه رأيك في ده حبيبي؟
فارس:امم مش بطال
رشا:طب ده؟
فارس:اممم مش عارف يا رشا ‘ انا مبفهمش في الكلام ده
رشا بضيق:مالك يا فارس؟ فيه ايه انت مش على بعضك خالص معايا النهاردة
فارس:بفكر حبيبتي لما هنتجوز هنقعد فين
رشا:حبيبي بابي خلاص حلها ‘ هيشترلنا فيلا هدية جوازي
فارس بضيق:لااا انا هأجر فيلا هنقعد فيها
رشا:فيها ايه يا روحي لما ناخد الفيلا من بابا كادو وتبقى بتاعتنا مش ايجار؟!
فارس:لا وبعدين عشان نقعد فيها كلنا
رشا باستغراب:نقعد فيها احنا مين؟!
فارس:انا وانتي واهلي
رشا:اييييه اهلك؟!
فارس:ايوة كفاية كده عليهم في الشقة بتاعتنا ‘ احنا لازم نقعد في فيلا
رشا:لالالا انت اكيد مش في وعيك ‘ انااا اقعد مع اخوك المجنون في بيت واحد؟!
فارس بضيق:اخويا مش مجنون ولما تتكلمي عنه تتكلمي كويس
رشا:ايه ده ايه ده من امتى بتتحمق اوي لاخوك وبيفرق معاك!
فارس بعصبية:قصدك ايه!
رشا بخوف من عصبية فارس:مقصدش
فارس:ياريت تخدي بالك وانتي بتتكلمي عن اهلي وده قراري الاخير ‘ انا وانتي
واهلي هنعيش
في فيلا واحدة..
رشا:لا طبعا انا اخاف لما اجيب بيبي اخوك ده يقتله ولا يعمل فيه حاجة
فارس بغضب وهو بيجز على سنانه:ررررشا ده قرار اخير مفيش كلام فيه.. انتهى
************************************
عبد الله مع غسان في الغرزة كالعادة..
غسان بخباثة:طب وبعدين يا عبد الله هتعمل ايه؟ هتسيب امك تموت؟
عبد الله:لا طبعاا
غسان:امال يا صاحبي ‘ هتقضيها سلف مني ؟
عبد الله باستسلام وتعب:ه ههو الـ ... العرض اللي انت عرضته عليا قبل كده
لـ ل لسه موجود؟
غسان بمكر:اي عرض؟
عبد الله:ا ااني ا اشتغل معاك
غسان بفرحة بس من غير ما يبين:ااااه ‘ انت عايز
عبد الله بألم:معنديش حل غيره للاسف
غسان:ايووووة كده يا صاحبي احسبها بذكاء
عبد الله:ربنا يستر
****************************************
سماح راحت تزور اهلها ولما عرفت ان مامتها عيانة قالت:
انا هخلي هاني يتكفل بعلاجك ياما
سعاد بعصبية:ايه هشحت من الناس على اخر حياتي
ليلى:بعد الشررر ياما عليكي
سماح:تشحتي اييه وهاني ده مش جوزي؟!
سعاد:جوزك انتي يصرف عليكي انما انا لا
سماح بضيق:وهتجيبي الفلوس منين ياما
ليلى:انا وعبد الله هنقوم بالواجب متقلقيش
سماح:وهو انتي الكام ملطوش ولا عبد الله الكام ملطوش اللي بياخدهم هيكفي
علاجها؟
سعاد:ولو مكفاش ‘ ربك يتولاني برحمته
سماح بضيق:انتم احرار ..
************************************************
تدخل سماح المطبخ ‘ وتقوم وراها ليلى عشان كانت عايزة تتكلم معاها بعيد عن
مامتهم..
سماح بتطلع حبوب وتشربها مع المية ..
ليلى باستغراب:ايه ده يا سماح
سماح:حبوب منع الحمل
ليلى بدهشة:ايييه ليه يا بت
سماح:مش عايزة اخلف من هاني طبعا
ليلى:ليه؟
سماح:ليه ايه‘ هاني ده مرحلة في حياتي ترفعني لفوق وبعدين كل واحد يروح
لحاله
ليلى:انتي ازاي بتفكرني كده يا سماح
سماح:الدنيا يا ختي اللي بتجبرني افكر كده.. المهم سيبك مني ‘ عاملة ايه يا
بت في الشغل؟
ليلى:تعبانة اوي يا سماح
سماح:ليه من فارس؟
ليلى:فارس وقيس
سماح:ماله ده كمان راخر؟
ليلى:حساه متشعلق فيا زي الطفل
سماح:لا بقلك اييييه ‘ انتي تفووقي كده وتعقلي واووووعي يصعب عليكي ! اللي
زي قيس يختي ده
مش للجواز ده بس تشفقي عليه..
ليلى:....
سماح:متظلميش نفسك يختي تاني معاه
ليلى:اظلم نفسي ازاي؟
سماح:يعني اخوه ظلمك وخانك وده هيظلمك لما تاخديه وهو ميحلمش بواحدة زيك
عمره
ليلى:مش يمكن انا اللي اظلمه لو بقيت معاه
سماح:ده انتي لو خنتيه صبح وليل عمرك ما تظلميه‘ هو اللي زي قيس ده يتحسب
راجل اصلا
ليلى بغضب:انتي ازاي بتفكري كده
سماح بعصبية:بقلك اييييه متضايقنيش منك بقى وفوووقي من اوهامك دي! اللي زي
قيس متخلقش
للجواز!
ليلى:صح ! بس اللي زينا اتخلقوا عشان يدوسوا على قلب خلق الله
سماح:والنبي تتوكسي هو اللي زينا لو كان بيعرف يدوس ‘ كان ده بقى حالنا!!
*******************************************
بعد اسبوعين يكون فارس أجر فيلا مفروشة واقنع اهله انهم يعيشوا كلهم في
فيلا واحدة واقنع بسمة
انها بكده ممكن تخلي ليلى تبات معاهم ويبقى ليها ملحق خاص ليها لوحدها في
حديقة الفيلا..
********************************************
رشا بعد ما ركنت عربيتها ‘ نزلت وطلعت عند بيت فارس..
بسمة فتحت ليها الباب واول ما شافتها قالت:يااه رشا عندنا هو رمضان جه ولا
ايه
رشا بدلع:تؤ اخص عليكي يا طنط ده استقبال برضو لمرات ابنك
بسمة:اعمل ايه ما الواحد ما بيشوفكيش الا في السنة كام مرة
رشا:هههه خلاص هتشوفيني كتير بقى ‘ ما احنا هنبقى في بيت واحد .. متتصوريش يا
طنط انا
اتحايلت اد ايه على فارس عشان نقعد كلنا في الفيلا..
بسمة تبتسم ابتسامة مجاملة..
رشا:فارس جوة في اوضته يا طنط
بسمة:اه
رشا:طب عن اذنك هدخله ‘انا دلوقتي مراته بقى بعد كتب الكتاب هههههه
بسمة:ادخلي يا حبيبتي
رشا ماشية لاوضة فارس وتلاقي فجأة ليلى خارجة من اوضة قيس!
......................
استنوني الحلقة اللي جاية
