الحلقــــــــة العشــــــــرون
ليلى بتروح الملحق بتاع اخواتها وتدخل وتتفاجأ بعبد الله نايم على السرير
ورشا قاعده جمبه وبتزعق
وتقوله:ماهو مش بمزاجك! مش بعد ماحبيييتك وبعد ما سلمت ليييك نفسي تقوولي
مش قاادر اخون
جووزك ومش قادر اخون امانة ليلى! يا اخي يولعوااا الاتنييين ‘ قلتلك هتطلق
من فااارس لانه لسه
بيحب اختتتك ‘ هي بقى قدرررت تضحك عليك وتفهمك انها شريفة عفيفة انت حررر
تصدقهااا
لكن اناااا مش هتنااازل عن حبي ليييك فااااهم!!!
ليلى تنصدم من المنظر وكلام رشا وتقول بكل صدمة وهلع:ايـــــــه ده؟!
ايـــــه اللي بيحصل هنا
ده؟؟
عبد الله اول ما بيشوف ليلى بيتنطر من السرير مفزوع وبيقول بارتباك: ل لل
لليلى ا ااستني
اف اافهميني ..
ليلى بصدمة:افهم اييييه يا عبد الله!! افهم انت اخووويااااا بيخون اخو
جوووزي في مرااااته؟!
عبد الله وشه في الارض وواقف متوتر ومرتبك جدا فرشا تقول:ايه مصدومة اوي؟!
ما انتي كمان
بتخووني!
ليلى:اخررررسي يا كدااااابة ‘ انتي حاااولتي مرة توووقعي بس مش هتعررفي
تاااني ‘ ابعدددي
بقى عننا ابعدددي يا شيخة اييييه عايزة مننا اييييييه!
وبعدين تبص لعبد الله وتقوله:الانساااانة دي حذرررتك منها ميت الف مرررة
وقلتلك ملكش دعوووة
بيهااا ‘ انت لازم تقطع العلاقة دي اللي بينكم !! فااااهمني
رشا بغيظ وضيق:انتي مااالك ‘ مش معنى انك اخته الكبيرة يبقى هتتحكمي فيا
وفيه ‘ انا وهووو
بنحبب بعض فااااهمة..
ليلى بصعقة:اييه ده! انتي ازاي بتتكلمي بالبجاااحة دي؟! انتي مش خايفة
اقووول لجوووزك؟! انتي
اكيييد اتجننتي صح؟!
رشا:لاااا مش انا اللي اتجننت ‘ اللي اتجنن بجد هو انتي ‘ ايييه فاكرة نفسك
هتتحكمي في اخوكي
وتقوليلي يحب مين وميحبش مييين..
ليلى لعبد الله بعصبية:هي دي اللي اختررررت انها تحااافظ عليك وعلى
اسمككك؟! مفكرررتش انها
زي ما عملت مع جوزها كده ممكن تخووونك انت كمان وتخووون الـــــف غيرك ؟!
رشا بعصبية:انتي عاااايشة الدووور ليه وشايفة اخوووكي حاجة كبيييرة! ده
يحمد ربنااا اصلااا اني بعد
ما عرفت حقيقته وحقيقة شغله القذرررر لسه موافقة اني افضل احبه!
ليلى بصدمة بتبص لعبد الله:هي بتقول ايه عبد الله؟ ها؟ هي قصدهااا ايه؟
عبد الله:.....
ليلى وهي بتزق عبد الله:رررررررررررد هي قصدهااااااااا ايييييه يا عبد الله
رررررررررد
رشا بسخرية:هه حلوو التمثيلية دي ‘ عايزة تفهميني انك مش عارفة شغل اخووكي!
انتوا عيلة
اصلااا بتجررري ورا الفلووس طول عمركم ‘ عينكم بتتطلع على الفلووس ‘ اي
قرررش عينكم
بتطلع عليه فمش بعييد ان اخوكي يبقى ديلر عشان الفلوووس!
عبد الله بعصبية يزق رشا ويزعق ويقوولها:اطلعي برررررررة ‘ بررررررة انا مش
طااايقك
انا مش عاااارف ازااااي كنت بحب واحدة ززززيك بررررة بررررة..
ويقفل الباب وراها ويبص لليلى برعب وخوف اللي كانت واقفة مصدومة في النص
ومبرقة عينها
****************************************
بعد ما طلع عبد الله رشا برة بتبص ليلى ليه وهي لسه مذبهلة وتقوله:ايه ده
يا عبد الله؟ ها؟
مين اللي بيشتغل ديلر؟ قوولي انها بتكدب يا عبد الله قووولي؟ قووولي انها
بتوووقع ما بينا زي عادتها
وتبدأ تصرخ في عبد الله اكتر:قووووووووووولي انها كدااااااااابة قوووووولي
عبد الله يمسك ليلى ويحاول يهديها:اهددي يا ليلى اهدددي واسمعيييني
ليلى بهستيريا:هتضييييع يا عبد الله وتضيعناااا معااااك
عبد الله:غصبن عني يا ليلى غصبن عني ‘ انا حاولت اهررررب كتييير ورضيت
بالذل واشتغلت كل
الشغل اللي ممكن تتخيليه عشان مقررربش للسكة دي وبرضوو معرفتش اهررررب
ليلى:تقوووم تروح لسكة اللي بيمشي فيها مبيرررجعش!! ده انت الامان بتاعنا
يا عبد اللله حرااام
عليييك حراااام عليييك
عبد الله:تقدرري تقوليلي كنت هعااالج امك ازاااي
ليلى:ما انا كنت بحفى واشتغل عشاان نجبلها العلاااج
عبد الله:كان هيكفي ايه ولا ايييه يا ليلى قوووليلي كان هيكفي ايه ولا
اييييه
ليلى بعياااط:بس مش لدرجة تبيييع نفسك
عبد الله:عشان امي كنت مستعد اعمل اي حاجة ‘ عشانكم كنت مستعد اعمل اي حاجة
اي حاجة يا ليلى
ليلى:انت تتصرررف تتصرررف وتسيب الشغل الزبااالة ده ومن بكررررة نوال هتكلم
حاتم عشان
تشتغل معاها في الصيدلية فاااهم ‘ سمممعني ؟؟
عبد الله بحزن:والله حاضر يا ليلى ‘ ب ببس
ليلى بخوف:بس ايه؟
عبد الله بقلق وتوتر:ا اا ال الشغل ده مش سهل ي يعني اللي بيدخل في حواريه م
مش بيعرف يطلع
بسهولة..
ليلى بهلع:يالهوووي يالهوووي
عبد الله بيحضن ليلى ويحاول يهديها:ابووس ايدك اهددي يا ليلى ‘ اهددددي
ووطي صووتك
ليلى:هترووووح مني يا عبد الله هترووووح مني؟
عبد الله بيبوس راس ليلى ويقولها:متخافيش يا حبيبتي والله هسيب الشغل بس
اديني فرصة اعرف
اخلع من غير مشاكل ..
ليلى وهي بتلف في الاوضة حوالين نفسها:لا اا ااحنا اا احنا مش هنسكت
ها اا احنا لازم نفكر ‘ طب
نروح لابوك؟! لااا ده هيورطك اكترر طب نعمل ايه يا عبد الله؟ هااا نعمل
ايه؟ قولي نعمل ايه يا اخويا
قووولي؟
عبد الله بحزن شديد على منظر ليلى:اهدي يا ليلى اهدددي
وفجأة يدخل سعد عليهم بكل براءة وسذاحة ويقول:ليلى ليلى حاااتم كلم نواال
وقال انه قرب يجي
هو وقيييس..
ليلى بتمسح دموعها بسرعة وتبص بعيد عشان سعد ميبصش عليها ويعرف انها كانت
بتعيط وتقول:
طيب حبيبي حاضر احنا جايين اهو
سعد يبص بكل استغراب على عبد الله اللي واقف مكشر وحزين وليلى اللي باين
عليها معيطة ويقول:
هو فيه ايه؟
عبد الله:مفيش يا سعد ‘ احنا جايين اهو
سعد يجري برة ويقول:يلا طووورطة هيييه هييييه طووورطة طووورطة
*********************************************
ليلى بتمسح دموعها وتروح تقف قدام المراية تظبط وشها وتقول لعبد الله:اخرج
برة يلا عشان نحتفل
بقيس ‘ ده بريء ملوش ذنب نقرفه يوم عيد ميلاده ولا ليه ذنب انه اتجوز عيلة
طول عمرها غارقانة
في مشاكل..
عبد الله: حاضر يا ليلى
ليلى:وبعدين نفكر هنعمل ايه في المصيبة اللي انت واقع فيها دي
عبد الله:حاضر
*********************************************
تخرج ليلى الصالة وتلاقي بسمة ومحمد وحاتم ونوال وسعد قاعدين كلهم وعمالين
يضحكوا على
حركات سعد وكلامه اللي عمال يقوله ليهم ..
محمد اول ما بيشوف ليلى يقولها:اخوكي الصغير يا ليلى مشكلة بجد
ليلى بابتسامة:سعد طول عمره فعلا مشكلة
بسمة:مش طبيعي ماشاء الله عليه اول ما بيقعد بيعمل بهجة لينا كلنا
سعد:عشان كده قيس صاحبي على فكرة عشان بعمل بهجة
الكل:ههههههه
ليلى بتدخل المطبخ وتطلع بطرابيزة صغيرة بتتجر وعليها كيكة على شكل قلب
احمر وعليها صورة
قيس وتحت الصورة كل سنة وانت معايا يا حبيب ليلة قيس..
نوال:الله يا ليلى حلوووة اوووي
ليلى بفرحة:بجد؟
بسمة:تعالى بص يا محمد الكيكة تحفة ازاي
محمد:حلووة اووي يا ليلى
نوال:ده حاتم بيقلي انه قرب خلاص
سعد:طب يلاااا نطفي النوور يلاااا عشان ناكل بقى الطووورطة بسررررعة
ليلى:سعد حبيبي انت بالذات مش هتاكل
سعد بصدمة:اييييه لييييه
ليلى:عشان مززعج
بسمة:ههههه حرام عليكي يا ليلى
ويطفوا الانوار والكل يقف ساكت لحد ما يسمعوا صوت جرس ليلى بصوت واطي:سعد
روح
افتح الباب بشوويش واستخبى وراه يلا بسرررعة..
*************************************************
سعد يروح يفتح الباب بشويش ويستخبى وراه زي ما ليلى قالتله ‘ قيس اول ما
يدخل الفيلا يلاقيها
ضلمة يقول:ايه ده حاتم ‘ ايه ده ‘ بيت ضلمة
حاتم:طيب ادخل كده نشوف في ايه
قيس:ضلمة ليه ‘ ق قيس حبش ضلمة حاتم
وفجأة النور يتفتح والبالونات تطير على قيس وسعد يكون ماسك حاجة عبارة عن
اسطوانة مجرد ما
يلفها بايده تخرج منها زينة كتير على قيس والكل يغني لقيس:
كل سنة وانت طيـــــــب يا قيس كل سنــــــــة وانت طيـــــب
سعد بصوت عالي مليان فرحة:تشاشاشاتشاشاشااااااا
قيس يبص ليهم كلهم بفرحة وسعادة ويقول:ايه ده حفلة لقيس حفلة ليا انا حاتم
‘ بص حاتم
كله فرحان عشان انا ‘وكله بيغني ليا انا حتى سعد غني لقيس..
سعد:ايوة يا عم انت عيد ميلادك النهاردة
قيس بفرحة:اا ااه قيس عيد ميلاده صح قيس النهاردة عيد ميلاده
ليلى بتقرب لقيس بابتسامة مليانة حب وتمسك ايده وتقوله:تعالى شوف الكيكة
قيس اول ما يشوف الكيكة ينبهر ويقول بفرحة:الله ليلى ده انا اهووو ‘ قيس
اهووو ليلى اهووو
ليلى بفرحة لفرحة قيس:اقرى كده الكلام اللي تحت..
قيس يقرا:ك ككل سنة كل سنة وا انت معايا يا حبيب ليلة قيس
يلف قيس على ليلى ويقولها:انتي ليلى كاتب ده
ليلى بحب:بحبك
**********************************************
فجأة تنزل رشا من فوق وتكون لابسة فستان اسود قصير ضيق فوق الركبة وتقول
بصوت عالي:
ايه ده عندنا حفلة ومحدش يقولي!
بسمة:تعالي يا رشا ‘ ده احنا بنحتفل بعيد ميلاد قيس
رشا:معقول يا طنط تبقوا بتحتفلوا بعيد ميلاد اخو جوزي ولا انااا ولا جوزي
نكون موجودين
محمد:فارس فين يا رشا صحيح؟
رشا:في الشغل يا عمو اللي بقى واخد كل حياته
محمد:ربنا يكون في عونه ‘ تعالي يا بنتي اقعدي
رشا باستغراب لوجود حاتم وتقول:ايه ده وكمان ابن عمي هنا وانا معرفش!
حاتم باحراج:ازيك يا رشا
رشا بتعجب:بتعمل ايه هنا؟
نوال بكل برود لاغاظة رشا:جاي عشان خطيبته
رشا بصدمة:خطيبته!!
نوال بابتسامة باردة:اه ان شاء الله
رشا بغيظ:مبروك يا حتومة
حاتم بابتسامة:الله يبارك فيكي يا رشا
*****************************************
رشا تقعد على كرسي وتفضل تبص على ليلى وقيس ونظرات الحب ما بينهم وتبص على
حاتم ونوال
والحب اللي بينهم وتبص على عبد الله وتلاقيه قاعد بعيد حزين وتقول لنفسها:
طول عمرك يا رشا كنتي بتجري ورا حب عبارة عن سراب ! ومخدتيش بالك انك وانتي
بتدوري
عليه كنتي بتدووسيه!!
هه شووفي حاتم اللي كان مش عارف ينساكي ازاي قدر يلاقي الحب ومع مين مع
نواال دي!
وقيس المتخلف العقلي ده ‘ ليلى عرفت تخليه يحبها وهي كمان حبته اهوو ونسيت
فارس !!
وانتي يا رشااا فضلتي طول عمرك تدوري على الحب مع فارس وهو فين؟ رماكي
ومتجوزك بس
اسم وبيحاول بكل الطرق يرجع ليلى ليه..
لا جمالك نفع ولا فلوسك اللي حاولتي تشتريه بيها برضو نفعت! بالعكس دي خلقت
جواه وحش
كل يوم بيكبر عشان يفترسك انتي قبل اي حد!!
يااااااه يا رشاااا هو ده البيت اللي كنتي بتحلمي تبنيه لنفسك؟! هو ده الحب
والامان اللي كان نفسك
تلاقيهم بدل ما انتي طول عمرك مفتقداهم؟! يا خسااارة يا رشااا يا خساااارة!
كل حاجة كانت عندك
بس انتي دوووستي عليها..
لااا بس فااارس عمره ما كان عندي ‘ فاارس لو كان حبني ليووم واحد كان زمانا
دلوقتي عايشين
عيشة حلووة مع بعض ‘ كان زماني قلت ليه اني مش قادرة اخلف وسافرنا العالم
كله ندورعلى
علاج ليا ..
حتى عبد الله اللي حبتيه فعلا وغصبن عنك بس ضيعتيه بغباااائك ‘ مبقاش طايق
يبص في وشك
بعد ما لقيتي معاه الامان اللي حلمت بيه طوول عمرك !! عبد الله عرف ازاي
يعوضك عن فارس
يا رشاااا بس انتي غبية افتكرتي انك ممكن تمتلكيه ونسيتي ان الراجل مبيحبش
الست تحسسه
انه واحد من ممتلكاتها ! ضيعتيه يا رشا للابد بتسلطك الغبــــــي ..
اديكي قاعدة لوحدك ما بينهم كلهم ومش مرغووب فيكي ‘ شفتي يا رشا وصلتي نفسك
لايه!
يا ترى بقى فرحانة يا رشا!!
***************************************************
تفوق رشا من سرحانها مع نفسها وتلاقي ليلى بتقطع الكيك فتروح جمبها وتقول:
بس ايه الرومانسية دي كلها
ليلى تفضل تقطع الكيك حتت صغيرة وتوزعها على الاطباق من غير ما ترد على رشا
وبعدين تقول:
حبيبي عايز اي حتة؟
قيس:ق ققيس عاوز حتة مكتوب فيها ليلة قيس
وتقوم رشا بسرعة تاخد الطبق اللي فيه الحتة دي وتبدأ تاكلها بسرعة
ليلى تبص ليها بضيق شديد بس متتكلمش ‘ قيس اول ما يشوف حركة رشا يبدأ يغضب
زي
الاطفال:ق قييس كان عاوز حتة اللي فاتت
ليلى:معلش حبيبي ‘ بص خد الحتة دي احلى
قيس بزعيق:لاااا ق ققيس كان عاااوز حتة تانية
بسمة تروح لقيس وتقوله:حبيبي دي مجرد كيكة بتروح جوة البطن بس انت لو كانت
عايزاها عشان
مكتوب فيها اسم ليلى فانت عندك ليلى نفسها صح؟
قيس بعد تفكير يبتسم شوية ويقول:ا اا ااه صح ‘ ق قيس عنده ليلى نفسها
رشا بتمثيل:اوبس انا مكنتش اعرف ان الحتة هتفرق معاه فعلا اوووي كده يا طنط
بسمة بضيق من تصرف رشا المتعمد:خير يا رشا
سعد:لااا انتي كدابة انا شفتك كنتي هتاخدي حتة تانية واول ما سمعتي قيس قال
انه عاوز الحتة دي
جريتي وخدتيها..
رشا بعصبية:انت ازااي تكلمني كده! انت قليل الادب
سعد بضيق:لا اهو انتي
قيس بضيق:س سسعد مش قليل الادب
سعد:سيبها يا قيس اصلا الشتيمة بتلف تلف وتلزق في قفا صاحبها زمانها لزقت
في قفاااكي هاهاهاها
سعد يشاور على ضهر رشا ويقول:رشااا قفاهااا فيه انها قليلة الادب هاهاهاها
قيس يضحك:ههههه سعد حلوووة
رشا بضيق تبص للكل اللي قاعد ساكت وكاتم الضحكة وكانهم شمتانين فيها وتقوم
تسيب المكان
وتطلع لفوق..
سعد بفرحة يغني:هتعيييط هتموووت هتقلد الكتكوووت ‘ هتعييييط هتموووت هتقلد
الكتكوووت
قيس يقول:حلوة سعد دي قولها تاني قولها تاني
سعد بكل ثقة:هتعيييط اللي هي رشااا هتمووت هتقلد الكتكوتتت هههههههه
الكل:ههههههههههه
*************************************************
بعدين تشتغل اغاني هادية وحاتم ياخد نوال ويرقص معاها وبعدين سعد يقوم ليلى
وقيس عشان يرقصوا..
قيس وليلى بيرقصوا بكل خجل ‘ قيس: اول مرة قيس ارقص مع وحدة حلوة..
ليلى:وانا اول مرة احس فيها اني وحدة حلوة..
قيس:ليلى دايما وحدة حلوة..
ليلى:ده في عينك بس
قيس:في عنين كل البشر
ليلى:بحبك اوووي يا قيس
قيس بفرحة:النهاردة حلو اوي ع عشان ليلى قول حبك لقيس لوحده قبل ما قيس
قوله لليلى
ليلى:لاني اتولدت من جديد جوة حضنك
قيس:ليلى مش سيب قيس؟
ليلى:ليلى مينفعش تسيب نفسها ‘ انت نفسي يا قيس
قيس:قيس اول مرة شوف ليلى حس ان فيه حد جوة جواه ‘ يعنى عايش جوة قلبه صحي
من النوم
وقام ارقص كتير وطبل جوة قلب قيس..
ليلى:ههههههه
قيس يبتسم لضحك ليلى:ولما شاف ليلى ابتسم وقوله اسمه حس ان واحد ده فضل
يقول جواه كتير
ليلى ليلى ليلى ليلى
***********************************************
رشا فوق في الاوضة بتفكر وعمالة تروح وتيجي جوة الاوضة وفجأة
.......................
استنوني الحلقة اللي جاية
