الحلقـــــة التاسعـــــــة عشــــــــر
قيس يبفتح عينه وبعدين يقوم فتجري ليلى عليه وتحضنه وبعدين تمسح بايدها على
راسه وتقوله:
مالك يا حبيبي ؟ م ممشيت ليه
قيس وهو حزين:ق ققيس خ خاف ل لليلى سيبه
ليلى بدموع:والله ما اقدر اسيبك يا اغلى حاجة ليا في دنيتي
قيس بخوف: ق قيس اسمع كلامه عبد الله
ليلى برعب وهلع بتحضنه اكتررر وتقوله: و ووالله ما خنتك يا قيس
قيس يبص لليلى وعينه مليانة دموع وهو ماسك ايدها ويقول:
قيس خاف ابقى وحده تاني ‘ قيس فرح وحياته اتغير اما شاف ليلى ‘ هو عارف ان
ليلى مش حبه
زي ما هو حبه ب ببس هو فرحان كده ‘ هو مبسوط اوي وليلى جمبه مش سيبه ‘ بس
هو خاف
من شرير ياخده ..
ليلى:....
قيس:هو خاف شرير خليه حبه وقيس مش اقدر سيبه ليلى
ليلى:.....
قيس:قيس اسأل نفسه ليلى لو سيبه هو يرجع تاني وحده زي زمان
ليلى بحب وحنان بتضم قيس ليها وتقول:جايز لما اتجوزتك مكنتش بحبك ‘ بس انت
متعرفش يا قيس
عملت فيا ايه! انت كل يوم بتصحي جوايا حجات كنت فاكرة انها ماتت.. مينفعش
يا قيس اللي يعاشرك
يسيبك مينفعش صدددقني.. مامتك قالتها ليا قبل كده اني لو توهت اقرب من قلبك
وهو هيدلني وانت
قلبك من اول ما شافني وهو بيدلني ‘ بس انا الغبية كنت بختار دايما الطريق
المعاكس بس برضووو
قلبك فضل يدلني ‘ مينفعش حد يلاقي الجنة ويختار يعيش في النار الا الكافر
وانا مش كافرة بحبك
يا قيس والله ما كافرة بحبك !
قيس يبص لليلى ويقول:يعني ليلى حب قيس؟
ليلى بابتسامة بهدوء:بحبك
قيس بفرحة وبحب يبوس ايد ليلى
**********************************
تاني يوم سماح بتروح البنك وتدخل في حسابها الفلوس الجديدة اللي خدتها من
هاني..
سماح لموظف البنك:لو سمحت في حسابي بقى عندي كام ؟
موظف البنك:حضرتك عندك دلوقتي 45 ألف و500 جنيه
سماح بصوت واطي:اممم لسه شوية
وبعدين تبص لموظف البنك وتقوله:طيب شكرا
وتمشي سماح وهي ماشية تخبط في موظف تاني ماشي بملفات
سماح:ايي مش تفتح
الموظف التاني:ا اا اانا اسف
سماح:ايييه بتجري وانت مغمض عينك
حد بينادي على الموظف من بعيد:يا احمد يلا بسرعة
احمد بارتباك:ب ببعد اذن حضرتك يا فندم
سماح وهي نظراتها ملاحقة لاحمد :ماشي اجري اجري اصلهم بيوزعوا اللحمة
ببلاش!
بعد ما سماح تمشي يرجع احمد بعد ما خلص اللي كان وراه عشان يلحقها يعتذر
ليها ميلاحقش..
احمد للموظف اللي خلص الشغل لسماح:فين الهانم اللي كانت هنا يا مصطفى؟
مصطفى:مشيت
احمد باهتمام:هي مين دي؟ شكلها لسه صغير وبشوفها كتير بتيجي هنا البنك؟
مصطفى:يا عم انا مش عارف ايه حكايتها بالظبط بس بشوفها كتير وبتيجي من فترة
لفترة تحط مبلغ
وقدره..
احمد:بنت حد مهم يعني؟
مصطفى:لا يا عم اسمها ميديش على كده بس شكلها متجوزة حد في العلالي بقى ‘
يرزقني ويرزقك
يا عم بواحدة متريشة زيها كده ترفعنا في العلالي..
احمد:هههه ما هو اللي زي وزيك فقر يا درش
مصطفى:ههه على رأيك يخربيت ده زمن فقر يا عم اللي مخلينا شباب في عز شبابنا
وبنفكر ازاي
نستغل الستات! ومخنا يبقى مخ زبالة..
احمد:يا عم اللي يعيش في البلد دي لازم يطلع من هدومه من القرف اللي بنشوفه
مصطفى:انت عارف لو حد سمعنا دلوقتي يقولك على الاقل بتشتغلوا في بنك ويبدؤا
ينقوا بقى ويحسدوا
ميعرفوش ان الكام ملطوش اللي بيطلع من هنا مبيكفيش حق ايجار ولا عيشة ولا
قرررف..
احمد:بفكر اهاجر يا درش
مصطفى:يعني اللي هاجروا عملوا ايه! ماهو بيطلعوا برضو يتمرمطوا برة مصر
احمد:اهو مرمطة برة بتجيب فلوس لكن هنا بنطفح الكوووتة واللي بنجيبه بيطير
على طول
مصطفى:مش بقلك يوعدنا بقى زي البت اللي بتيجي كل شوية تحط رزم واكوام حبة
من الجنيهات
اللي بيجيلها..
احمد بضحك:هههه امييين يا درش
**********************************************
ليلى مع بسمة في المطبخ بتحضر الاكل ..
بسمة:ليه يا حبيبتي مبتخليش الطباخ يعمل الاكل؟
ليلى:يا ماما انا بحب اعمل الاكل بنفسي لقيس
بسمة بتطبطب على ضهرها:ربنا يسعدكم يااارب يا بنتي
ليلى بحب:ياارب امين يا ماما
بسمة بفرحة:اول مرة اشوف اللمعة في عينك
ليلى باحراج:بجد؟
بسمة بفرحة اكتر:ايوووة ‘ زمان لما كنت بكلمك عنكم مكنتش بشوف اللمعة دي
ليلى بحنان:انتي كان عندك حق يا ماما ‘ قيس بيعرف يخلي الواحد فعلا يحبه ‘
غصبن عنه لازم اي
حد يعاشره يحبه..
بسمة بدموع في عينها:عارفة ‘ ساعة ما خلفت قيس كنت مضايقة اووي استغفر الله
العظيم وكنت حاملة
هم ان عندي ابن حالته زي حالة قيس لدرجة اني مكنتش عايزة اشوفه لمدة اسبوع
من ساعة ما عرفت
انه عنده تأخر فكري وفي يوم دخل عليا محمد ولقاني بعيط ‘ قالي قومي اتوضي
يا بسمة واستغفري
ربك واحمديه وبوووسي رجل ابنك ده غيرنا بيتشحتف على صباع رجل ولد صغير..
ليلى:يااه للدرجادي يا ماما
بسمة:وفعلا قومت اتوضيت وصليت وقعدت ابكي كتير في سجودي ابكي واقول يااارب
يااارب انا
طول عمري بستنى لحظة اني اجيب عيل ويبقى اول عيل كده ..
ليلى:وبعدين ايه اللي حصل؟
بسمة:وخلصت الصلاة وقعدت اقرا قرآن شوية وفجأة سمعت صوت عياط قيس زي ما
يكون كان
بيناديني بيقولي محتاجك يا امي محتاجك يا كل اللي حيلتي ‘ جررريت عليه
حضنته فضلت ابوس
فيه زي المجنووونة ابوووس فيه بكل قوة ليا ‘ بقيت بحضنه وعايزة اخبيه
جواااياااا ‘ خفت عليه
من كل حاجة حواليه..
ليلى والدموع جت في عينها متأثرة بكلام بسمة:وبعدين يا ماما؟
بسمة بابتسامة بتمسح دمعة نزلت:دخل عليا محمد وقالي حمد الله على السلامة
يا ام قيس ‘ وقتها
بس عرفت اني ازاي كنت هظلم اعظم هدية من ربنا جاتلي! مش ذنبه انه جه كده مش
ذنبه انه
هيجي في وقت مبقاش المجتمع ولا الدنيا من حوالينا فاهمين ان الناس دي اكتر
ناس محتاجة
اهتمام مننا..
ليلى:ربنا يخليكي ليه ويخليه لينا يارب
بسمة:عارفة يا ليلى بقيت عايزة انزل اعمل محاضرات واحكي للناس في كل حتة
وفي كل مكان
واقولهم ابني قيس عنده ظروف مخلياه مش زينا بس هو احسن مننا ‘ قيس جايز
عنده تأخر فكري
بس ابني ذكي جدااا وعبقررري تخيلي؟!
ليلى:ايووة صح يا ماما ‘ لاحظت عليه ده اوووي
بسمة:بعدين حملت تاني وحملت في فارس كنت خايفة وقلقااانة ليطلع حظه زي قيس
ليلى بتتغير ملامح وشها شوية وبعدين بتقول:وبعدين؟
بسمة:بس طلع كويس مش هقلك فرحت بقى انه طلع كويس بس خوفت اكتر
ليلى باستغراب:ليه؟
بسمة:خفت على قيس وخفت من فارس لما يكبر ويبدأ يلاحظ الفروق دي بينه وبين
اخوه
ليلى:وبعدين؟
بسمة:خوفي طلع في محله
ليلى:ازاي؟
بسمة:لما بدؤا يروحوا سوا المدرسة والاطفال هناك الصغيرة تتريق على قيس بدأ
فارس يضايق كان
طفل وميستوعبش الفكرة ‘ حاولت انا ومحمد كتييير نفهمه بس كان رافض! كان
انااااني وكان بيغير
جدااااا..
ليلى بصوت واطي:هه ولسه
بسمة تكمل ومتكنش سمعت كلام ليلى وتقول:كان بيشوف معاملتي الخاصة بقيس
ويقعد يعمل مشاكل
ويضرب قيس ويزعقله ‘ وانا ومحمد نحاول كتير معاه نفهمه ظروف قيس بس مكنش
فيه فايدة..
ليلى:بس يا ماما ليه مخدتوش تصرف قاسي معاه عشان يفهم
بسمة:للاسف يا بنتي دي كانت غلطتنا انا ومحمد ‘ افتكرنا ان دي فترة وبكرة
فارس هيكبر وهيفهم
سبب حبنا واهتمامنا الاكبر بقيس لظروفه الخاصة بس ده زود الانانية عنده
والكره في قلبه
لقيس..
ليلى:تفتكري يا ماما فارس بيكره فعلا قيس؟
بسمة:كل يوم بنام واصحى وانا عندي امل ان فارس ياخد الدرس القوي اللي يخليه
يستوعب انه ملهوش
حد في الدنيا دي غير اخوه قيس..
ليلى:ب ببس قيس مش بيحب فارس كمان لدرجة انه مسميه شرير!
بسمة:قيس قلبه ابيض لو فارس غير معاملته ‘ قيس هينسى كل حاجه ويحبه
ليلى:صح
بسمة:هييييه دنيا
وبعدين تمسك بسمة ايد ليلى وتقول:امانة عليكي يا بنتي لو حصلي حاجة قيس
امانة في رقبتك
ليلى:يا ماما قيس بقى جزء من كياني مينفعش تأمنيني على نفسي!
*************************************************
نوال في الصيدلية كل شوية تبص على الباب وبعدين تبص على الساعة وتحزن..
وفجأة يدخل حاتم وهو لابس نضارة شمسية وقميص ازرق فاتح وبنطلون بيج وابتسامة
على كل
ملامحه:اتأخرت انا صح
نوال بتمثيل بعدم المبالاة:ايه؟
حاتم بابتسامة:ايه مكنتيش مستنياني؟ زي ما انا كنت هموت واجي هنا بسرعة؟
نوال بتخفي ابتسامتها وتقول:مش فاهمة حضرتك بتتكلم عن ايه؟
حاتم:لا انتي فاهماني كويس اوي بس بتعملي نفسك عبيطة صح؟
نوال:احم ‘ حضرتك كان فيه كذا حد سأل عن دوا معين وهو مش موجود
حاتم:عنه ما بقى موجود
نوال:نعم!
حاتم:ايوة عنه ما بقى موجود ‘ المهم انا موجود
نوال تبتبسم:هههه حضرتك بتهزر وانا فعلا بتكلم جد
حاتم:ايوة كده اضحكي ‘ ايه حد فهمك لو ضحكتي هاكلك؟
نوال:استاذ حاتم
حاتم مقاطعا:استاااذ حاتم مرة واحدة! ايه يا نوال الفيلم الابيض والاسود
اللي انتي خارجة منه ده!
نوال:انا مش فاهمة انت عايز ايه
حاتم:حلووو نجيب من الاخر
نوال:اتفضل
حاتم:انا ميال ليكي وحاسس بانجذاب ليكي غررريب وعايز اقرب منك اوي
نوال بارتباك:ب ببس يا انا مش هينفع يبقى ما بينا حاجة
حاتم باستغراب:ليه؟
نوال:استاذ حاتم انا صاحبتي كانت عندها تجربة قبل كده واتعلمت هي وانا
اتعلمت قبلها درس ان
اللي زينا مينفعش يبص لاعلى منه..
حاتم بضيق:مش بقلك خارجة من فيلم ابيض واسود
نوال:لا انا بقول على الواقع
حاتم:انتي ساكنة فين يا نوال
نوال بارتباك:ليه؟
حاتم:مفيش اصل امي مش طابخة النهاردة فهاجي اكل من ايد الحاجة..ولا الحاجة
مبتعرفش تطبخ؟
نوال تضحك:ههههه
حاتم:ايوة كده ‘ عايز اثبتلك اني مش زي اي حد واني داخل دوغري
نوال تبتسم بخجل وتقول:ب بس انت متأكد
حاتم:اااه متأكد
****************************************************
فرغلي قاعد في الصالة بيتفرج على التلفزيون على قناة بتجيب كليبات اغاني
وعمال يشرب وفجأة
تيجي فيفي فيغير القناة لقناة مليانة برامج توك شو بتتكلم في السياسة..
فيفي:بتتفرج على ايه يا فرغلي
فرغلي بارتباك:تخيلي ولاد الـ .... سايقين العوج في البلد ومحدش قادر يلمهم
فيفي بسخرية:وتطلع مين انت عشان تفهم في البلد
فرغلي:اطلع ايه! ده كلام برضو؟ ده انا فاهم اووي في الامور دي
فيفي:هو انت بتعرف يا راجل يا خايب تفك الخط
فرغلي:بتعايريني يعني عشان مكملتش علام
فيفي:اتخيب اتخيب
فيفي تمسك التلفون وتتصل:ايوة يا غسان ‘ بقلك خلي الواد عبد الله يجيني
الليلادي ‘ لااا مش هنا
ابعتهولي على الوكر بتاعنا..
فرغلي بانتباه:ه ههو انتي هتقابلي عبد الله؟
فيفي:اه عايزة اطلعه كده في مؤامرية حلوة
فرغلي بارتباك:مؤامرية؟ مؤامرية ايه
فيفي:جرررى ايه ياراااجل ! مالك
فرغلي:م ممبلاش عبد الله
فيفي:ليه بقى ان شاء الله ! لسه خايف عليهم
فرغلي :دول ولادي برضو
فيفي بشك وسخرية:ولااادك هه ! هو اللي زيك بيفرق معاه ولاد ده انت الكلب
اوفى منك هيهيههيهيهي
*****************************************************
ليلى ونوال قاعدين في اوضة ليلى..
نوال بفرحة:اول ما قالي كده انا طرت اوووي يا ليلى
ليلى بفرحة:يا حبيبتي يا نوااال والله فرحناااالك اوووي
نوال:ا اانا لحد دلوقتي مش مصددقة يا ليلى
ليلى:انتي تستاهلي كل خير
نوال بضيق وغيرة:ب ببس قالي حاجة ضايقتني
ليلى:ايه خير؟
نوال:ا اانه كان بيحب زمان الزفتة
ليلى بدهشة:مين رشا؟
نوال:ايوووة هي ديل الصرصار ده اللي طالعلنا في كل حتة
ليلى:المهم هو دلوقتي ايه
نوال بكسوف:ه هو اه باين عليه انه بيحب
ليلى بفرحة:ربنا يحميكم ياااارب
نوال:قوليلي جبتيني النهاردة ليه؟
ليلى:بصي بقى يا ستي عيد ميلاد قيس بكرة وعايزة اعمله مفاجئة
نوال:الله يا حبيبتي ‘ ايوووة بقى
ليلى:اديني افكار
نوال:اممم طب انتي عايزة تحتفلي بيه لوحدك ولا مع الناس اللي هنا
ليلى:لا مش عارفة
نوال:طب انتي ممكن في الاول تجمعيله الناس اللي بيحبهم وبعدين مثلا تقضي
باقي اليوم معاه لوحدك..
ليلى:طيب بصي انا عايزاكي تساعديني بقى وعايزة فكرة ابعده شوية عن الفيلا
نوال:اممم ممكن اخلي حاتم يساعدنا
ليلى:هيوافق؟
نوال:اه جدااا ده حاتم بيحب قيس اوووي حتى اكتر من فارس
ليلى:طيب حلوو ‘ بس هو هياخده بصفة ايه يعني؟
نوال:اممم مش عارفة نفكر
ليلى:ماشي نفكر..
نوال:بس مالك يا ليلى حاسة فيه حاجة شغلاكي شوية؟
ليلى:قلقانة على عبد الله
نوال:ماااله؟
ليلى:مش عارفة حاسة ان الولد ده مظلوم اووي وحاساه شايل هم اييه هو مش
قادرة اعرفه
نوال:طيب يا حبيبتي ما تسأليه
ليلى:عبد الله عمره ما بيحكي ‘ ده الزفتة لما وقعت بيني وبينه حكى بالعافية
نوال:ايووة انتي هتقوليلي ‘ طب شغله هو مرتاح فيه؟
ليلى:مش عارفة شغله ده ايه نظامه بس حاسة ان الشغل مش اد كده
نوال:طب على فكرة يا ليلى حاتم كان محتاج حد تاني في الصيدلية معايا تحبي
اكلمه عن عبد الله؟
ليلى:مش عايزة يا نوال نشيله حملنا من اولها
نوال:الله هو لازم يعرف انه مش هيتجوزني انا بس وانه هيتجوزني انا وعيلتي
وصحبتي الوحيدة
وعيلته ‘ مش بيحبني ..
ليلى:ههههههه
***********************************************
تاني يوم ليلى وقيس وسعد قاعدين في الجنينة ويجي حاتم ونوال في نفس الميعاد
اللي اتفقوا فيه انه
يجوا عشان حاتم ياخد قيس..
حاتم:سلامو عليكم
قيس يبص لحاتم ونوال ويقول:سلامو عليكم حاتم ونوال اجه
سعد:هيييييه قرب معاد الطورطة هيييييه
ليلى تضرب سعد كوع وتقول بصوت واطي:بس يا غبي يا فضيحة
سعد بصوت واطي:يعني هو هيفهم
ليلى تبرق لسعد:وووولد!
سعد:خلاص انا اسف
قيس يبص باستغراب لسعد وليلى:فيه ايه ليلى وسعد
ليلى بارتباك:مفيش حبيبي
حاتم:بقلك يا قيس ‘ بما انك عبقري عربيااات كنت عايزك تيجي معايا معرض
عربيات كده عشان
تقولي ايه الاحسن..
قيس بفرحة:قيس روح مع حاتم شوف عربيات كتير
حاتم:اه يا سيدي
سعد:وسعد عاوز اجي
ليلى:لا سعددد هيفضل هنا ويتخرررس بقى
سعد بكل سذاجة:يوووه منا كمان عيد ميلادي بعد شهر
حاتم بيحاول يتدارك الموقف:يلا يا قيس تيجي معايا؟ قبل ما الليلة تعك
قيس بعدم فهم:مالها ليلى؟
حاتم:لا قصدي الليل الليل يجي
سعد يقعد مقموص
قيس يبصله ويقول:سعد اجي معانا
سعد:لا يا عم مش هينفع
قيس:ليه ليلى مش خلي سعد اجه معانا
ليلى:معلش حبيبي لازم يقعد هنا
وبعدين تبص لسعد وتبرقله وتقوله بصوت واطي:اترزززع هنا واتلم
سعد يبص لقيس:خلاص بقى خليني قاعد هنا احسن ‘ بطني بتوجعني يا عم ‘ مش لاعب
قيس:ماشي
حاتم ياخد قيس ويمشوا
********************************************
ليلى اول ما قيس يبعد تلف لسعد:انت حماااار! مش قلتلك لازم كلنا نبقى هنا
عشان نفاجئه؟!
سعد:ما انا عايز اتفاجىء زيه
نوال:انت عيد ميلادك النهاردة؟
سعد بتفكير:لا
نوال:طيب وقيس عيد ميلاده النهاردة يبقى مين يتفاجأ؟
سعد:هوو
ليلى:فهمت اخيرا يا غبي
سعد بفرحة:اااه فهمت ‘ بس انا كمان برضو عايز مليش دعوة
نوال:هههه هنبقى نعملك بعدين
ليلى:فين عبد الله يا سعد؟
سعد:قاعد مضايق في اوضته
ليلى:هروح ليه يا نوال ‘ بس والنبي شووفي كيس البلالين فيه وانفخيه انتي
وسعد
نوال:حاضر يا حبيبتي
ليلى:هروح بسرعة بس اشوفه ماله وارجع
نوال:طيب
***********************************************
ليلى بتروح الملحق بتاع اخواتها وتدخل وتتفاجأ بعبد الله نايم على السرير
ورشا قاعده جمبه وبتزعق
وتقوله:ماهو مش بمزاجك! مش بعد ماحبيييتك وبعد ما سلمت ليييك نفسي تقوولي
مش قاادر اخون
جووزك ومش قادر اخون امانة ليلى! يا اخي يولعوااا الاتنييين ‘ قلتلك هتطلق
من فااارس لانه لسه
بيحب اختتتك ‘ هي بقى قدرررت تضحك عليك وتفهمك انها شريفة عفيفة انت حررر
تصدقهااا
لكن اناااا مش هتنااازل عن حبي ليييك فااااهم!!!
.............................
استنوني الحلقة اللي جاية
