الحلقــــــــــة الثانيــــة والعشـــــــــرون
قيس بفرحة ومش واخد باله من عربية:ليلى وحشتي قيييس ليلى
وفجأة ليلى تصررررخ:استنـــــــــــى يا قيـــس
قيس وهو بيعدي عربية تكون مسرعة تخبط قيس اللي يقع على الارض ويصرخ من
الوجع وليلى بهلع
تجري عليه وهي بتقول:
قيــــــــــــــــــــــس
الكل يخرج من جوة وبسمة اول ما تشوف المنظر تجري بهلع هي ومحمد ورشا تقف
بعيد مصدومة..
ليلى بهستيريا:اطلبواااا اسعاااف بسرررعة بسرررررعة
فارس كان لسه راجع من الشغل واول ما بيشوفهم كلهم متجمعين على حد مرمي على
الارض بيجري
بسرعة ويلاقي قيس مرمي على الارض ومتغرق في دمه وليلى بتصرخ
بهستيريا:اسعااااااااف بسرعة
قيس هيروح مننا .. وبسمة ومحمد منهارين وسعد واقف عمال يعيط ونوال وحاتم
بيحاولوا يتصلوا
بالاسعاف بسرعة..
*************************************************
فارس بيتفرج على المنظر ومصدوم ومش عارف يعمل ايه ولا يتحرك ازاي وفجأة
الذكريات بتجتاحه
فارس وهو صغير في المدرسة داخل ووراه قيس ..
بسمة:فااارس خد بالك من قيس
فارس:مليش دعوة بيه انا مبحبهوش
بسمة:فارس ده اخووك ‘ يلا انا همشي ‘ قيس حبيبي خليك مع فارس دايما ها
حبيبي
فارس يطلع يجري عشان يلعب مع صحابه بس واحد من صحابه اول ما يشوفه ويشوف
وراه قيس
يقوله:العبيط هو واخوه جه اهو
فارس بضيق:قلتلك متقلش عبيط
الولد:لا عبييط ‘ عشان انت بتضرب اخوك
فارس بغيظ:لاااااا اناااا مش عبيييط وقلتلك ده مش اخويا
الولد:شفتتت اهووو عبيييط عشان هو اخوك وانت مش عارف ان ده اخوك
يبتدي فارس يتخانق مع الولد وكلهم يفضلوا يضربوا فارس ‘ قيس اول ما بيشوف
كده بيروح يضربهم
ويخوفهم عشان يبعدوا عن فارس ويقول:
لكووش دعوة بفارس لكوووش دعوة
فارس بيرجع البيت يعيط ويقول لمامته:قلتلك متجبهوش المدرسة ‘ العيال كلها
بتقول عليا اني عبيط
انااا مش عبيييط اناااا مش عبيييييط
قيس بيروح يحاول يطبطب على فارس وهو بيعيط بس فارس يزق قيس ويدخل يقفل
الباب جامد..
***********************************************
يفوق فارس من ذكرياته على صوت ليلى وهي بتعيط:لاااا يا قيييس اووعى ترووح
مني لااا ياحبيبي
فووق فوووق يا قيس فوووق عشان خاطري ‘ ده
انا ما صدقت لقيتك..
فارس:حاتم تعالوا شيله معايا براحة يلاااا بسرررعة
ليلى بصدمة:ه ههتعمل فيه ايه؟
فارس:يلااا يا حاااتم ‘ مفيييش وقت ‘ هنشيله نوديه بسرعة المستشفى
بسمة متفاجئة:فارس ا اا انت هتودينا
فارس:يلا يا امي بسررعة
وبسرعة حاتم وفارس يحطوا قيس ورا على الكنبة وليلى تحضنه وتدخل بسمة ومحمد
يطلع يقعد قدام
مع فارس..
حاتم:ا اانا هجيب نوال وعبد الله وسعد ونحصلكم بعربيتي
فارس اول ما يتقفل اخر باب في عربيته يطلع جري وبسرعة مجنونة جدا..
طول الطريق فارس بيسوق بسرعة واصوات قيس بترن في ودانه ‘ مرة وقيس وهو
بيقول:
قيس حبش شريرر
ومرة وقيس وهو بيضحك وبيقول:قيس حب ليلى
ومرة صوت قيس وهما اطفال وهو بيقول:عيطش فارس
فارس كل ما يفتكر اللحظات دي يدوووس بنزين اكترررر ‘ لحد ما يوصل المستشفى
واول ما يوصل
يطلع ينادي بسرعة الممرضات بتوع الطوارىء
بعد ساعة بيخرج الدكتور من اوضة العمليات ويقول:
الحمد الله محصلش اي نزيف داخلي وده اللي كنا قلقانين انه يحصل بس الحمد
الله محصلش وخيطناله عند دماغه مكان ما اتفتحت من الخبطة هو بس كسر في الدراع ورضوض في الرجل الشمال ..
بسمة بقلق:بجد يا دكتور؟ بجد؟
الدكتور:ايوة يا فندم مفيش اي حاجة الحمد الله
محمد:الحمد الله يااارب ‘ شكرااا يا دكتور شكرا يا ابني
ليلى بتوتر:ممكن يا دكتور ندخل ليه؟
الدكتور:ياريت بس عشان راحته واحد بس يدخل دلوقتي وبعدين لما يفوق شوية
ويرتاح الباقي يدخلوا
ليلى بتبص لبسمة:ادخلي انتي يا ماما
بسمة:ادخلي انتي يا ليلى يا حبيبتي ‘ زمانه اكيد محتاجك
ليلى بنظرات كلها شكر وتقدير لبسمة بتقول:ماشي يا ماما
*****************************************************
ليلى بتدخل بتشوف قيس نايم على السرير زي الاطفال البريئة جدا ‘ بتجري تقعد
جمبه وتحضنه وتبوس
ايده بكل لهفة وتقوله:
سلامتك يا حبيبي ‘ سلامتك يا قيس
قيس بيكون نايم ومش حاسس بأي حاجة
ليلى:انا مش عارفة بس ايه اللي خلاك تخرج من غير ما تقولنا كده
***************************************************
رشا قاعد في الفيلا متوترة جدا خصوصا انها خايفة ان قيس لما يفوق يقول ان
هي اللي قالتله
يعمل كده .. رشا بتتصل بفارس
رشا بقلق:ها يا فارس فينك؟
فارس:انا برة واقف
رشا:مدخلتش ليهم جوة؟
فارس:لا مدخلتش
رشا بتوتر:اممم ‘ طيب هترجع امتى
فارس:مش عارف ‘ هشوف ايه النظام وابقى اجي
رشا بارتباك:طط طب ه ههو فاق؟ قال حاجة يعني؟
فارس باستغراب:هيقول ايه يا رشا؟!
رشا بتوتر وقلق:ي ييعني زي زز زي مثلا انه ليه خرج لوحده كده
فارس:لا لسه مفقش
************************************************
سعد قاعد برة مع نوال وعبد الله وحاتم وعمال يعيط..
نوال بحنان:خلاص يا حبيبي ‘ احنا اطمنا ان قيس بقى كويس
سعد:انا السبب
نوال بخوف:هو انت كنت تعرف انه هيخرج
سعد بخوف:لالالالالالا والله لالالالالا
نوال:امال انت السبب ازاي
سعد:ا اانا جيت ناديتكم وقامت ليلى طلعت تجري تنادي عليه وهو مخدش باله
نوال:لا يا حبيبي انت ملكش دعوة
سعد:والله والله لو بقى قيس كويس لهسمع الكلام لمدة يوم بحاله
ابتسم حاتم ليه وقام حضنه وقاله:متخافش يا عفريت هيقوم ويبقى كويس ان شاء
الله
********************************************
تاني يوم الصبح قيس فتح عينه ولقى ليلى نايمة على الكرسي جمبه
قيس وهو بيقوم ويأن في نفس الوقت:اي قيس ايده اوجع
ليلى بتصحى مفزوعة عليه وتقول بلهفة:قيس حبيبي حمد الله على السلامة
وتقول:حبيبي حاسس بايه ها؟ مالك؟
قيس:ايده اوجع
ليلى:معلش حبيبي انت ايدك متجبسة
قيس:ايده كبر ليه كده
ليلى:مش انت العربية خبطتك فايدك اتكسرت ولازم يلفوها ليك كده عشان تخف
قيس وهو بيحاول يشيل الجبس يقول:قيس مش عاوز ده
ليلى:لا مينفعش حبيبي بتعمل ايه بس
قيس:ايد قيس كبير خوف
ليلى:معلش يا روحي هتخف ان شاء الله ‘ طب انت حاسس بحاجة تانية غير ايدك
وجعاك
قيس وهو حزين:لا قلبه اوجع
ليلى:سلامة قلبك يا روحي ‘ ليه بس؟
قيس:قيس ازعل عشان مش خلي ليلى فرحان
ليلى باستغراب:ليه بتقول كده يا قيس؟
قيس:قيس اخرج برة عشان اعمل فاجئة وجيب هدية في يوم حب عشان ليلى بس هو مكن
شمعاه
فلوس ولف محلات كلها ‘ بس محدش راضي ادى هدية من غير فلوس لقيس
ليلى بتعجب:عيد الحب؟! ا انت خرجت من الفيلا يا قيس عشان تجبلي هدية عيد
الحب؟!
قيس:اه
ليلى بدهشة:انت عرفت ازاي ان امبارح كان عيد الحب
قيس بخوف يبص لبعيد ويقول:ق قيس كان عاوز جيب هدية بس معرفش
ليلى بتقرب من قيس وتقول:حبيبي انت احلى هدية
قيس بحزن:قيس اعرف انه اعمل مشكلة بس هو مكنش قاصد
ليلى بكل حنان:كفاية انك عملت كل ده عشاني
قيس بابتسامة:ليلى مش ازعل؟
ليلى:ليلى كانت هتزعل لو كان حصل حاجه لقيس
قيس بفرحة:لا قيس كويس
وبعدين يكشر ويقول:ايده بس اوجعه
ليلى بضحك:ههه سلامة ايده حبيبي ده
**********************************************
سعد وعبد الله وبسمة ومحمد يدخلوا على قيس بورود وشيكولاتات وتقول بسمة:
حبيب قلبي سلامتك الف سلامة ‘ كده يا قيس كده تخرج من الفيلا من غير ما
تقولي
قيس:قيس قول لليلى هو عمل كده ليه
محمد:الف سلامة عليك يا بني ‘ خضتنا عليك
سعد:طب كنت قولي يا صاحبي ‘ كنت جيت معاك يا عم
قيس:هههه مرة جاية سعد
ليلى بخوف:اوعى تخرج تاني من غير ما تقولنا يا قيس
قيس بحزن:قيس مش صغير ليلى
بسمة:هي عارفة ان قيس كبير وكبير جدا بس هي بتحبك اوي وبتخاف عليك وانا
كمان بخاف عليك
زيها ولازم تقولنا يا حبيبي قبل ما تخرج تاني..
سعد بيروح يقعد جمب قيس ويقول:يلا بقى يا عم اخرج عشان ناكل فراخ مع بعض
قيس:قيس سمي سعد فرخة
ليلى وعبد الله:ههههههه
عبد الله:حمد الله على سلامتك يا قيس
قيس:الله سلمك عبد الله
*********************************************
سماح بتروح البنك وبتدور على احمد ‘ احمد اول ما بيشوفها بيبتسم ويجري
عليها:
ازيك يا فندم
سماح بابتسامة:الحمد الله ‘ كنت عايزاك تخلصلي حاجة
احمد:اتفضلي يا فندم
سماح:كنت عايزة اعرف الفوايد بتاعتي بتاعت الشهر ده كام؟
احمد:طيب اتفضلي يا فندم واديني رقم حساب حضرتك
وبعد خمس دقايق يكون احمد خلص لسماح اللي هي عايزاه..
احمد:تحبي تشربي ايه؟
سماح بدلع:يا ترى البنك هو اللي بيقدم مشروبات للزباين؟
احمد بارتباك:احم بصراحة لا ‘ بس انا طمعان يعني .... يعني بعد اذنك اقدملك
العصير ده
سماح بكل جرأة: اشمعنا؟
احمد بتوتر:ي يعني مهتم
سماح:برضو اشمعنا
احمد:بصراحة ومن غير زعل؟
سماح:اه
احمد:معجب
سماح:بس انت عارف اني مدام صح؟
احمد بارتباك اكتر:ا ااه
سماح:طيب ايه؟
احمد:انا مبشوفش جوز حضرتك خالص فقلت اكيد ارملة
سماح:لا مش ارملة
احمد بكل جرأة:طيب يا ترى عندك وقت تحكيلي حكايتك؟
سماح:ايه اللي يخليني احكيلك انت بالذات حكايتي؟
احمد :يمكن لاني مهتم اوي اعرف عنك
سماح بابتسامة: يبقى بكرة الساعة 5 اقابلك في الكافية اللي جمبك البنك
احمد بفرحة شديدة:مستنيكي على لهفة
سماح بتخرج من البنك وبتحس احساس عمرها ما حسته قبل كده
*******************************************
بيرجع قيس الفيلا وبيكون فارس نازل على السلالم ‘ فارس باقتضاب بيقول:
حمد الله على السلامة يا قيس
قيس وهو موطي راسه:الله سلمه
بسمة:رايح فين يا فارس ‘ مش تقعد معانا شوية
فارس:خارج ‘ عن اذنكم
*******************************************
سماح بترجع البيت تلاقي هاني قاعد واول ما يشوفها يقول:اعرف الهانم كانت
فين؟
سماح:برة
هاني:ايوة فين؟!
سماح بعصبية:ايه تحقيق هو
هاني بنرفزة:هو ايه اللي تحقيق انا جوزك وليا كلمة عليكي
سماح:والله؟ غريبة كنت فكراك جوزي في حجات وفي حجات لا!
هاني بكل عصبية بيضرب سماح بالقلم
سماح بكل جنون:انت اكيد اتجننننت
هاني:انا فعلا اتجننت لما اتجوزت خداااامة من الشوارع وعملت منها قييييمة
سماح:لاااا شووووبش يا خووويا وشوووف ابن الناس الذوااات البييييييه بتاع
البدددل
يا راااجل ده لولا بدلتك اللي بتلبسها والسيجار اللي بتشربه متسواش في
السوق السودة ببصلة
هاني بعصبية يشد سماح من شعرها ويقولها:فعلاااا تربية شوارع وسووقية ‘
والله لارجعك
للشارع اللي جيتي منه يا كلبة مسعووورة بتعض ايد اللي اتمدتلها..
سماح تصرخ وتقول:ووووسع انت ملككككش الحق تمد ايددددك عليااااا والله
لافضحك يا هاني
اما خليتك زي اللبانة في بق الناااس مكنش انا سمااااح ..
هاني يفتح باب الشقة ويطرد سماح ويقولها:اررررجعي للشااارع اللي جبتك منه ‘
الكلاب اللي
زيك ملهمش مأوى غير الشاااارع يلمهم..
سماح ودموعها عل خدها بتقول بكل غل:وحياة دمووعي وانصاص الليالي اللي
بترميني فيها
من برة بيتي لاكون مورياك يا هاني الكلب..
هاني بكل غضب:فكري بس تتحديني عشان افعصك انتي واللي يتشددلك ‘ ياللي اهلك
معرفوش
يربووكي! بس اللي زيك ملهوش اهل اصلاااا..
***********************************************************
عبد الله لسه هينام يسمع صوت خبط على الباب فيقول لنفسه:
افففف مش هنخلص من زفتة الطين
يفتح الباب بكل عصبية ويقول:نعـــــــــــم!
يلاقي سماح واقفة قدامه بتعيط وتحت بقها كله دم وعند مناخيرها دم كمان
عبد الله بلع:سمـــــــاح
سماح بعياط وانهيار:ليه ابونا عمل فينا كده يا عبد الله! ليه خلانا بقينا
وحوش من جوة بندور على
القرش لحد ما خلى الل يسوى واللي ميسواش يعايرنا !
عبد الله بغضب:مين اللي عمل فيكي كده يا سماح
سماح بعياط:تفتكر مين راجل غيره ممكن يمرمط فيا بالشكل ده ‘ عشان ملقاش اب
يحمينا من غدر
الدنيا!
عبد الله بغضب يجري يغير هدومه ويطلع جررري ويقول:ورحمــــــــــــــــة
امك الغاليـــــــة يا
سماح لاعرفه مقامه واعلمه ازاي يمد ايده على اختي ويرميها في انصاص الليالي
كده في الشارع
مبقاش عبد الله ابن سعاد!
سماح بخوف وهلع تحاول تمسك اخوها اللي بيفلت منها وتقول
بهستيريا:استنــــــى يا عبد الله
........................
استنوني في الحلقة اللي جاية
