الحلقــــــــة الثامنــــــــــة
فارس يخرج ويقفل الباب وراه وميكملش كلام وينزل الشارع يركب عربيته ويلمح
ليلى من بعيد
فيقول:
ايه ده ؟ هي دي ليلى؟؟
ويسرع من مشيته بالعربية عشان يلحقها ويتأكد اذا كانت ليلى ولا لا ولما
يقرب منها ينزل الشباك
اللي جمبها وينادي:ليلى
ليلى بتلف تلاقي فارس ‘ فتمد خطوتها اسرع
فارس يوقف العربية ويجري عليها يمسكها بحنان:ليلى وحشتيييني اووي ‘ متتخيليش
كل يوم بنزل
المعمل عشان اشوفك وافتكر انك مبقتيش موجودة..
ليلى:ميصحش كده يا فارس بيه ‘ لو سمحت سيب ايدي
فارس وهو بيضغط برقة على ايد ليلى:ليلى انا بحبك انتي بحبك انتي صدقيني
ليلى بدموع:عشان كده هتتجوزها هي صح
فارس:حبيبتي انا مش هسيبك صدقيني ‘ انا بس مضطر دلوقتي اتجوزها بس بب بس
هرجع ليكي
انتي ..
ليلى بسخرية:هه والله؟ المفروض افرح واروح البيت استناك صح!
فارس:بصي خلينا نروح نشرب اي حاجة في اي حتة وانا هفهمك بب بس انتي كنتي
بتعملي ايه هنا؟
ليلى باقتضاب:كنت في مشوار يا فارس بيه ‘ عن اذنك
فارس:لا يا ليلى ارجوووكي اسمعيني
ليلى بنظرات مقززة لفارس:معدش فيه كلام ما بينا
***********************************************
يدخل فارس العربية ويلاقي موبايله عمال يرن كتير ‘ يبص في الشاشة ويقول:
افففف مش وقتك يا زفتة
ويفضل باصص على ليلى لحد ما تختفي ولما تختفي يرد ويقول:
ايوة يا رشا ‘ لا حبيبتي معلش مكنتش سامع اصل كنتي معلي الاغاني على الاخر
.. ااه جايلك
في السكة اهو.. جهزتي؟ مسافة السكة..
بعد ربع ساعة يوصل فارس لحد الفيلا عند رشا وتكون مستنياه واول ما تركب
تبوسه من خده وتمسك
ايده وتقوله:ها هنروح فين؟
فارس:زي كل يوم؟
رشا:امممم لا ‘ بص بصراحة بقى انا جتلي فكرة مطرقعة
فارس:ايه؟
رشا:تعالى نروح اليخت بتاعنا
فارس:يخت؟ هنعمل عليه ايه يا رشا
رشا:سوووق وانت ساكت بس وهتعرف هنعمل ايه ‘ هخليك تقضي ليلة تنسى نفسك
فيها..
****************************************
ليلى بترجع البيت وتلاقي عبد الله وسعاد قاعدين واول ما يشوفها..
سعاد:تعالي يا ليلى ‘ تعالي شووفي اختك وعمايلها
ليلى:ايه ياما فيه ايه؟
عبد الله بغضب:الهانم عايزة تتجوز في السر واحد اد ابوها
ليلى:ايه؟ ليه في السر؟
عبد الله:الباشاااا مستعررر منهاااا ومش عايز شوشرة
سعاد وهي بتعيط:انا مش عارفة هي منشفة دماغها كده ليه
سعد يخرج من الاوضة وهو شايل حنان ويقول:يوووه انا جعاااان ‘ انتوا لو
قاصدين تجوعونا
مش هتعملوا فيا كده ‘ انا صراصير بطني بتصوصو
عبد الله :يا عبيط اسمها مصاريين بطنك
سعد:يا عم اي حاجة جوة بطني بتصوط..
ليلى بابتسامة:تعالي ياما ناكل دلوقتي وبعدين نشوف الموضوع
***************************************
عبد الله وسعد وسعاد وليلى وسماح قاعدين على الارض حوالين الطبلية وقدامهم
طبق فول
والايادي كلها ممدودة فيه وسعد عمال ياكل لقم بسرعة ورا بعضها..
سعاد:ياااض هتفطس براحة
سعد:جعااان
ليلى:طيب يا حبيبي كل براحة هو الاكل هيطير!
سعد:اه انتوا كل واحد فيكم لقمته كبيرة وهتخلصوا الاكل كله وانا جعان
سماح بقرف:اناااا زهقت من نفس الطفح ده كل يوم ! كل يوم فول يا عدس حااااجة
تقرف وبطننا
نششششفت!! مبنشوووفش اللحمة الا في العيييد لما الناس يفتكرونا زي
الغلابة..
ليلى بعصبية:انتي مبتحمديش ربك ابدااا
عبد الله:غيييرك مش لاقي اصلا
سماح:وانا مطلووب مني ابص للي اقل مني ليه! هااا وليه مبصش للناس العليوي
سعاد:يابنتي رقبتك هتتقطم
سماح وهي بتتمنى:نفسي في مرة اكل لحمة ولا فراخ ولا حتى نِجرسكو
سعاد:يالهوووووي عايزة تجرسييينا يا بت عند الناس!!
سماح:نِجرسكووو يامااا دي اكلة
سعاد:يختي ايه الاكل اللي مليان فضايح ده
سماح بعند:هاني بقى هيأكلني كل الاكل ده وهيلبسني زي ما انا عايزة وهأكلكم
لحمة كل يوووم
ليلى بغضب:حد الله بينا وبين اكلك اللي هتبيعي نفسك ده عشانه
سعاد بيأس:خلاص قوليله الخميس يجي يكتب كتابك
**************************************
فارس مع رشا على اليخت لوحدهم ومشغلين اغاني وعمالين يرقصوا سوا ..
رشا وهي بتبص في عيون فارس:عارف انا مش مصدقة انك اخيرا بقيت ليا انا
فارس:ليه؟
رشا:بصراحة وبيني وبينك في يوم من الايام كنت خايفة اوي
فارس:من ايه؟
رشا بدلع:منك
فارس:ليه؟
رشا:كنت بحسك مش شايف غيرها
فارس بارتباك شديد:هه هي مين؟
رشا بدلع اكتر وبتقرب اكتر من فارس:بس دلوقتي انت بتاعي انا وبسسسس ومحدش
هيشاركني فيك
فارس يحس بتوتر ‘ تقوم رشا تاخد ايده وتحطها على جسمها وتخلي ايده تمشي
عليها لحد ما الاتنين
يستسلموا سوا..
***************************************
تاني يوم ليلى بتروح زي ما اتفقت مع بسمة البيت وبتروح على طول عند اوضة
قيس..
تخبط وبعدين تدخل..
قيس يكون واقف عند المكتبة واول ما يلف ويلاقي ليلى يبتسم ويقول:ليلى جه ‘
قيس خاف يهرب
ليلى:صباح الخير ‘ ازيك
قيس:قيس مبسوط ‘ قيس حلو
ليلى:يارب دايما ‘ قولي صحيح انت متعود تعمل ايه كل يوم
قيس يقعد على السرير ويفكر شوية ويقول:قيس بيعمل عربية
ليلى:بس؟
قيس:بس؟
ليلى:تحب نخرج؟
قيس يكشر:اخرج؟
ليلى بخوف:اه؟ ليه هو انت مبتخرجش؟
قيس:قيس ممنوع اخرج
ليلى بتعجب:ليه؟
قيس يقوم يقف ويفضل يمشي رايح جاي في الاوضة بعصبية ويقفل في صوابع ايده
بعصبية ويقول:
قيس ممنوع اخرج ‘ قيس انفعش يخرج
ليلى تمسك ايد قيس برقة وحنان وتقوله:تعالى بس نقعد
قيس يبص ليها باستغراب وبعدين يبص لايدهم اوي
ليلى:اقعد يا قيس وقولي ليه مينفعش؟ انت بتخاف؟
قيس:قيش خافش ‘ قيس شجاع
ليلى:اممم طب استني هنا وهرجع
تقوم ليلى وتروح على عند الباب واول ما يشوفها قيس هتخرج يزعق ويقول:ليلى
سيب قيس لاااا
لاااا ليلى متروحش لااااا..
ليلى:اهدى متخافش انا هسأل بس على حاجه وراجعة
قيس:احلفي
ليلى:والله
قيس يبتسم:ليلى مش اكدب ‘ ليلى احلف
تخرج ليلى من الاوضة وتروح لبسمة اللي تكون قاعدة بتتفرج على التلفزيون..
ليلى:بسمة هانم
بسمة تلف في قلق:قيس ماله؟
ليلى:متقلقيش يا هانم ‘ انا بس حابة انه يخرج
بسمة بقلق:ايه؟ يخرج؟؟
ليلى:اه ليه لا
بسمة:بب بس قيس مش متعود يخرج ابدااا
ليلى:ليه يا هانم؟
بسمة:مم مش عارفة يا ليلى
ليلى:انا مسؤولة عنه
بسمة بذعر:لالالالا انا اخااااف جدااا مينفعش
ليلى:طب ما حضرتك تعالي معانا كمان
بسمة بعد تفكير:ماشي لو كان كده ماشي
*********************************************
بعد ساعة ليلى تكون مع قيس وقاعدة بيه في الصالة ‘ محمد يخرج من الاوضة
ويقوله:ايه يا قيس
خارج؟
قيس بفرحة:قيس روح برررة
محمد:خلي بالك منه ياليلى ‘ الست هانم كبيرة ومش حمل تجري وراه كتير
ليلى:متخافش حضرتك
محمد:مش هوصيكي تاااني يا ليلى ‘ تفتحي عييينك كوويس
ليلى:حاضر والله
محمد:طيب يا بنتي
بسمة:انا خلصت لبس اهو يلا
قيس يصقف بايده بفرحة:اخرررج ‘ قيس اخررررج
********************************
يركبوا عربية فيها سواق ويوديهم على الأزهر بارك زي ما بسمة اقترحت..
هناك اول ما ينزلوا بسمة تمسك ايد قيس ‘ فيفلت ايده من مامته ويروح يمسك
ايد ليلى و يقول:
قيس امسك ليلى ليلى
بسمة تضحك وتقول:هههه كده يا قيس خلاص مش عايز تمسك ايدي
قيس:قيس ليلى ‘ ليلى قيس
ليلى تبتسم وتحس انها مع طفل بس كبير
ويقضوا اليوم كله وهما عينهم على قيس اللي فرحان ومبسوط وعمال يلعب مع
الاطفال والاطفال
كمان بتلعب معاه بكل براءة..
**********************************
عبد الله في البنزينة قاعد في الوردية بتاعته زي كل مرة وبعدين فجأة يلاقي
غسان عنده..
عبد الله:ايه يا غسان اللي جابك دلوقتي؟
غسان:مفيش يا عم مخنوق قلت اجيلك
عبد الله بضيق:يا غسان الريس بيشوفك بتنطلي كتير وبيضايق وبيسمعني كلام
ملهوش لازمة
غسان:ايه يا عم! بقلك مخنووق وجايلك! ده بدل ما تسيب الزفت الشغل ده وتقعد
تسمعني
عبد الله:لما اخلص يا غسان الوردية هبقى اجي واسمعك
غسان:طيب بقلك انا عطشان
عبد الله:خش جوة على المكتب هتلاقي ازازة مية اشرب يا عم
يدخل غسان ويشرب مية ويفضل كل شوية باصص على عبد الله وبعدين يخرج مرتبك من
جوة
ويقول:
طب ابقى اشوفك بقى بعد ما تخلص
عبد الله:ماشي يا عم ومتنطليش زي الفرقعلوز كل شوية
*************************************
سعد قاعد بيلعب مع العيال في الحارة وبعدين يلاقي عربية فخمة ونازل منها
ابوه وبيناديه:
خد ياااض
سعد وهو واقف بعيد:لا مش جاي
فرغلي:يااااض تعااالى ياااض
سعد من بعيد:لا يا عم مش لاعب
فرغلي:يااااض لو جيت دوست عليك هفعصك يا حتت بررررص خد تعاااالى
سعد:مليش فيه
ويجري سعد بسرعة وبعدين ينادي العيال وياخدوا كلهم زلط ويبدوأ يرموا على
العربية
فرغلي:يلا يا ابن الـ ......
سعد وهو بيطلع بسرعة للبيت ‘ يخبط جامد على الشقة:افتحي يا سماح بسرررعة
الغووول جاي
*******************************
ليلى بتقلع قيس الجزمة بتاعته وبتنيمه على السرير وتغطيه ‘ قيس يغمض عينه
ويكون في نفس
الوقت مبتسم..
بسمة:عمره ما كان فرحان زي النهاردة
ليلى:الحمد الله
بسمة:ربنا يخليكي يا بنتي
ليلى:على ايه يا هانم ده شغلي
بسمة:بس انتي بتعامليه بكل حنية ‘ الحمد الله
ليلى وهي بتبص على قيس تقول:محدش يا هانم قدام البراءة دي كلها يقدر يعمل
غير كده
بسمة بألم:امال اخوه رافضه ليه!
ليلى بصدمة:هو ليه اخ!!
بسمة تبص على قيس وبعدين تقول:تعالي نكمل برة
ليلى تقفل النور على قيس وتخرج ورا بسمة على الصالة..
بسمة:للاسف قيس مش ابني الوحيد ‘ قيس الابن الكبير ليا بس زي ما انتي شايفة
حالته يعني ...
حالة خاصة..
ليلى باندهاش:انا عمري ما تخيلت ان فيه حد تاني عايش معاكم
بسمة:اصل اخوه طول الوقت يا في الشغل يا مع خطيبته يا مع صحابه
ليلى:بس ده مبيجيش يشوف اخوه خالص
بسمة:ماهي دي المشكلة!
ليلى باستغراب:ازاي
****************************************
بسمة ترجع بذكرياتها لورا لما فارس وقيس كانوا لسه صغيرين ‘ كانت متعودة كل
يوم تشقر على قيس
وتهتم بيه اكتر..
فارس كان لسه عمره خمس سنين يصحى من النوم ومامته بتشقر كعادتها على قيس:
انتي بتحبي قيس اكتر ليه؟
بسمة:لا يا حبيبي بس قيس تعبان
فارس:اناااا مبحبششش قيس بكرررهه
بسمة بزعيق:وووووولد! متتكلمش على اخوك كده ابدا
يوم تاني بيجي في ذكرياتها ‘ فارس وقيس بينزلوا من الباص وبسمة تكون
مستنياهم
فارس يجري على مامته ويحضنها اوي ‘ بسمة تحضنه وبعدين تسأل عن قيس..
قيس يجي ويحاول يحضن مامته بس فارس مش مديله فرصة..
بسمة:وسع يا فارس خليني اشوف اخوك
فارس:للااااا
بسمة:حبيبي هقعد معاك دلوقتي بس خليني اطمن على قيس
فارس بعند الاطفال:للااااااا
بسمة:يا حبيبي وسع
فارس يروح يجري على قيس ويزقه جامد ويقول:ده مش اخووويااااا ده مجنووووون ‘
كل الناس
بتتريق عليه انا بكرههه بكررررررهه
يفضل يضرب كتير فيه ويقول:انت مجنووون انت مجنووون
***********************************************
تفوق بسمة من ذكرياتها على صوت دخلة فارس اللي اول ما تشوفه ليلى تبرق
بعينها
*************************************************
سماح لسعد:مين الغول ده يا ولة؟
سعد وهو بيلهث:ابووكي
سماح:ايييه!! ابوووك هنا؟ في الحارة؟؟
سعد:ااه شفته راكب عربية فخيمة اوي يا سماح زي اللي بتيجي في الفلفزيوون
سماح بلهفة:هااا وبعدددين؟
سعد:لقيته نزل بقى ونادااااني وانا قلتله مش لاعب
سماح:يخيبك يا موكوووس مش يمكن كان هيديك فلوووس
سعد:مش عايزين منه حاجه
سماح بتضرب سعد على ضهره:غووور عيل فقرررري زي بقية اخواتك
سعد:يوووه مش لااااعب هه بس
********************************************
فارس اول ما يشوف ليلى يبرق ويتصدم ‘ بسمة تقوم وتقول:ده فارس اخو قيس
فارس تعالى دي ليلى ‘ مربية قيس اللي حكتلك عنها
فارس بصدمة:مربية قيس!!
ليلى بارتباك:اا اانا هقوم بقى يا هانم استأذن
فارس يفضل واقف مصعوق مش عارف يعمل ايه
ليلى:اا انا هدخل اقول لقيس يا هانم وماشية
تدخل ليلى الاوضة عند قيس وتبقى مصعوقة ومش عارفة تعمل ايه وتسمع قيس
بيقول:
خفش ليلى خفش
ليلى:اا انت صاحي يا قيس
قيس:قيس اصحى اول ما اسمع صوت شررريررر
ليلى بتروح عنده وعينها مليانة دموع:مين الشرير
قيس يخبي وشه ويقول:فـ ا ر س
ليلى تشيل الغطا من على وشه:انت خايف؟
قيس يبص لليلى فيلاقي دموع في عينها فيقوم ويحضنها بكل براءة ويقول:
خفش ليلى ‘ انت مع قيس
ليلى تحس بشعور غريب وهي في حضن قيس وتنسى نفسها وتنسى الدنيا كلها
قيس دقات قلبه تدق بسرعة وبعدين يطبطب على ليلى بحنان ويقول:
خفشش ليلى خفششش
ليلى تفتح عينها وتبدأ تستوعب فتقوم مرتبكة:
اا اانا همشي
قيس بحزن يمسك ايد ليلى:ليلى اهرب؟
ليلى:لا مينفعش اهرب منك ‘ هاجي تاني يا قيس هاجي عشانك.. متخفش
قيس بابتسامة بضعف:قيس خفش
وبعدين يلمس بايده بحنان خد ليلى ويقول:ليلى ناعم حلو
************************************
عبد الله بيخلص الوردية بتاعته ويجي الريس يقوله:ها يا عبد الله تعالى سلم
فلوس الوردية
عبد الله يروح المكتب ويفتح الدرج ويسلم الفلوس .. الريس يعد الفلوس وبعدين
يبص لعبد الله ويقول
ايه ده؟ الفلوس ناقصة!
عبد الله:ايييه ناقصة!!
الريس بغضب:انت بتستغفلني
عبد الله:ابداااا والله ‘ انا الفلوس كلها بحطها هنا في الدرج
الريس:فييين البااااااقي
عبد الله:وربنا يا ريس الفلوووس كانت في الدرج
الريس بغضب:اسمعني ياااض لو عينك زاغت عليهم يبقى احسنلك ترجعهم بسرعة
وتعتبر نفسك
انك ملكش عيش هنا .. هات الفلوووس بالذووق
عبد الله بهلع:لااا ياريييس متقطعش عيييشي والنبي ده انا بصرف على اخواتي
الغلابة
الريس:تقوووم تسرررقني!
عبد الله:والله ما سررررقت والله ما سرررقت ولا لمستهم
الريس:الفلوووس بكرة تجيني وانا هعتبر انك كنت في زنقة وخدتهم ‘ غير كده
هروح اعملك
محضر..
عبد الله يسرح شوووية وبعدين عينه تطق شرار ويجري على الغرزة اللي بيقعد
فيها غسان
..................
استنوني الحلقة اللي جاية
