الحلقــــــــة الثالثــــــة عشــــر
بعد ساعة فارس يقوم من اوضته لما يتأكد ان رشا راحت في النوم ويروح بهدوء
على اوضة قيس
ويفتحها ويلاقي قيس قاعد لوحدة بيتفرج على التلفزيون..
قيس يبص على فارس وبعدين يلف راسه من غير ما يكلم فارس..
فارس بتردد:احم ‘ ف ففين ليلى؟
قيس وهو مكشر:فارس مش لازم اعرف فين ليلى
فارس يبص بضيق لقيس ولسه بيلف يلاقي مامته واقفة ..
بسمة:بتعمل ايه يا فارس هنا؟
فارس بارتباك:م مم مفيش ا اصل سمعت صوت عالي من اوضة قيس
ف ففتكرت ان اللي اسمها
ليلى دي لسه سهرانة معاه..
بسمة:سايب عروستك في ليلة دخلتكم وبتدور على ليلى؟!
فارس بارتباك:م ممنا قلتلك يا ماما وبعدين هي فين اصلا
دي دد دي سايباه لوحده
بسمة:ليلى مبتنامش معانا لسه
فارس باستغراب:ليه؟!
بسمة:مامتها عيانة جدا ومتقدرش تسيب البيت وتبات برة..
فارس:اممم تصبحي على خير
**********************************************
يمشي فارس ويروح على اوضته وتدخل بسمة لقيس اللي اول ما
يشوفها يقوم يحضنها..
بسمة:وحشتني اووي يا حبيبي
قيس:حشتيني انتي كمان
بسمة:ايه بتعمل ايه
قيس:اتفرج على فيلم
بسمة بتشوف كتاب على الارض فبتستغرب وتسأل قيس:لمين
الكتاب ده يا قيس
قيس:كتاب قيس
بسمة بتعجب اكتر:كتابك؟ ازاي
قيس:ليلى جبته لقيس ع عن عربيات عشان قيس يفهم اكتر
بسمة بابتسامة:وبتفهمه؟
قيس بحزن:مش وحدي ‘ ليلى لازم اجه اقرى كتاب مع قيس فهمه
بسمة بتحضنه وتقوله:انا كمان ممكن افهمك
قيس:لا كتاب بس ليلى فهمه قيس مش حد تاني
بسمة بخباثة:اشمعنى؟
قيس:قيس عايز ليلى
بسمة:اشمعنا؟
قيس:حبها
بسمة بخوف:وهي؟
قيس:هتحبني
بسمة بخوف اكتر:بس انت يا بني فاهم صح؟
قيس بعيون حزينة بيبص في الارض ويسكت شوية بعدين يقول
بكل براءة:ق قيس افهم الدنيا ع
عشان حب ليلى ..
بسمة عينها تدمع وقلبها يتعصر من الألم وتقوم تبوس قيس
وتقوله:تصبح على خير يا حبيبي
*****************************************
تاني يوم الصبح ليلى بتصحى تحضر الفطار لعبد الله وسعد
وبعدين تاخد حنان من سريرها الصغير
وتغيرلها لبسها وتشربها حليب صناعي وترجع تحطها في
سريرها وتروح تصحي سعد..
ليلى:اصحى يا سعد
سعد وهو نايم: مش عايز انفخ العجل
ليلى باستغراب:عجل ايه يا سعد قووم عشان تخلي عبد الله
يقدملك في المدرسة
سعد يفتح عين واحدة بلهفة والعين التانية نص مغمضة
ويقول:هروح المدرسة زي البني ادمين؟
ليلى بفرحة للهفة سعد:اه
سعد:وابقى زي ابن المعلم عفت ذكي مش حمار؟
ليلى:انت طول عمرك ذكي
سعد وهو بيبرق عينه:ايـــــه؟ انا ذكي؟
ليلى باندهاش:اه ذكي
سعد يشاور على نفسه ويقول:انا ذكي؟؟
ليلى:اه يا سعد فيه ايه؟
سعد:يالهوووي
ليلى:ايه؟
سعد:المعلم عفت قالي اني حمار عشان معنديش شهادة وانا
ذكي
ليلى بتضحك:هههه لا طلعت ذكي
سعد:يارب يا عفت تروح النار تتشوي مع بقرة هبلة
ليلى:استغفر الله ايه يا سعد الكلام اللي بتقوله ده ‘
انت هتهبل على الصبح ولا ايه
سعد وهو محموق في الكلام:وهو يكدب عليا لييييه ويقولي
اني حمار وانا ذكي
ليلى:سعد انا هتأخر على الشغل لو عايز تفضل ذكي قوم صحي
اخوك خليه يقدملك في المدرسة
وانا عملتلكم فطار..
سعد:فرخة؟؟
ليلى:فيه حد يفطر فرخة!!
سعد:انا ذكي سعد فرغلي
ليلى تبصله بحب وتضحك وتقوم حضناه وتقوله:انا اتاخرت
ولازم امشي
************************************************
ليلى قبل ما تنزل تروح تشوف مامتها اللي نايمة على
السرير وباين عليها المرض .. ليلى بحزن:
يمااا قووومي معايا يا مااا اوديكي المستشفى
سعاد بعد كح كتير:يا بنتي الفلوس دي انتوا اولى بيها ‘
مش سامعة سعد عمال يغني ازاي من فرحته
انه هيدخل المدرسة..
ليلى:يامااا فيه فلوس وعبد الله اشتغل شغل حلو زي ما
بيقول عند راجل طيب وبيديله مهية حلوة
سعاد بارهاق:خليني كده انا مرتاحة
ليلى بحزن شديد:ياما متقهرنييش عليكي
سعاد:امشي يا ليلى يا بنتي عشان متتأخريش بزيادة
ليلى تبص على سعاد بألم وحسرة وقهر وتقوم تمشي..
**************************************************
لسه بتفتح الباب تلاقي فارس في وشها فبتتصدم وتقفل بسرعة
الباب وراها وتقول:
اا اانت ازاي تيجي هنا؟
فارس:لازم اتكلم معاكي
ليلى بتوتر:تتكلم معايا في ايه؟ احنا مفيش بينا كلام
فارس بغضب:هنزل وهتحصليني على العربية يا ليلى ولو مجتيش
مش هيحصلك طيب
بينزل فارس بسرعة وبتنزل ليلى وراه وبتركب العربية وهي
مرغومة..
فارس بفرحة انه ليلى جمبه في العربية:وحشتيييني اوووي
ووحشني ركووبك معايا في
العربية .. فاكرة يا ليلى؟
ليلى بعصبية:لو سمحت يا فارس بيه انا كده هتأخر على شغلي
فارس:ليلى انا لسه بحبك ومش قادر انساكي
ليلى:انت مبتحبش الا نفسك ‘ انااااني وطمااااع عايز كل
حاجة ليييييك وبـــــــــــس ومش مهم
هتدووووس على مين قصااااد ان رغبااااتك تتحقق لييك!!
فارس:انتي ليه بتقولي كده!
ليلى بسخرية:هه ليييه بقوول كده! مش انت مقدرتش تواجه
حبك ليا واخترت رررشا! بعدين
انت عايزني امنلك ازاي وانت اصلا مش امين مع اخوووك!
اخوووك اللي رميييته وهو في
عز احتياجه ليك! انا بكررره اليوم اللي قلت فيه اني
بحبك..
فارس بغضب بيمسك ايد ليلى ويقولها:انتي ليا انااا
مفهوووم ‘ بتاااعتي انااا مش بتاعة اي حد تاني
ممكن يجي في بالك ولو لثاااانية.. اصحي وفوووقي..
ليلى:وووسع يا مجنون
وتخرج بسرعة من العربية وتجري لحد ما تاخد تاكسي وتطلع
بيه على الفيلا
****************************************
نوال في الصيدلية بتتكلم في التلفون مع ليلى اللي
بتحكيلها اللي حصل:
خلاص اهددي يا ليلى ‘ الواد ده لازم يعرف حدوده بعد كده
..
ليلى:انا بجد تعبت منه يا نوال ومعدتش فاهمة هو عايز ايه
نوال:معلش ‘ بقلك احنا لازم نقعد مع بعض قعدة طويلة
ليلى:خلاص هخلص شغلي واعدي عليكي
نوال:ماشي اقفلي بقى لحسن ابن صاحب الصيدلية جاي
*************************************
ليلى تدخل الفيلا وتروح على طول عند اوضة قيس وقبل ما
تدخل بتشوفها رشا ..
رشا وهي رافعة حاجب:يا ترى بتعرفي تتعاملي مع المتخلف
اللي جوة ده
ليلى بعصبية:انتي بتتكلمي عن مين
رشا:ايه ده ايه ده انتي طلعلك صوت من امتى؟ ولااا قيس
بدأ يعجب؟
ليلى بتبص بقرف لرشا ولسه هتدخل الاوضة فرشا تقولها:
ههههه يا عيني بجد صعبانة عليا موووت ‘ معرفتيش تخدي
فارس فبتحاولي تلفي بقى على قيس
ليلى:انا مبفكرش بالطريقة دي يا رشا هانم
رشا بتضحك بصوت عالي:هههههههههه امااال بتفكري ازاي ها؟
هو انتي اللي زيك يقدر يفكر
بطريقة غير دي اصلااا..
ليلى:جايز يا هانم انا فقيرة بس قلتلهالك قبل كده
متعلمتش اخطف حاجة مش من حقي ‘ الدور
والباقي على الناس اللي يا عيني مش قادرة تخلي الحاجة
اللي خطفتها تبقى ملكها..
رشا ملامحها بتتقلب وبتتغاظ ونار بتقيد جواها وتقول بصوت
عالي:
انتي قليلة الاددددددب ومترررربتيييش
يخرج قيس من الاوضة ويبص لرشا ولليلى ويقول:
ماله ليلى؟
ليلى بخوف على قيس:م مفيش ‘ تعالى ندخل جوة
رشا تمسك ليلى وتزعق:استني هنااااا ‘ انتي اصلاااا
متقعديش لحظة هنا في بيتي
تيجي بسمة وتقول:ده مش بيتك يا رشا! ده بيت محمد
رشا:يعني ايييه يا طنط؟ يعني انتي بتفضلي دي عني!
بسمة:ليلى معرفش لسه هي اخطأت في ايه! بس اين كااان الحل
مش بالصوت العالي زي
ما انتي عاملة كده..
قيس يمسك ايد ليلى:يلا ليلى ادخل جوة
***********************************************
حاتم يدخل الصيدلية ويبص على نوال ويقول:انتي اللي
بتشتغلي جديد هنا صح؟
نوال: مش جديد اوي يعني انا بقالي فترة دلوقتي حضرتك ‘
بس حضرتك مش بتيجي الصيدلية
حاتم بابتسامة:فعلا ‘ بابا بقى هو اللي بيباشر او اخويا
بس انا مبجيش كتير وكده..
نوال بارتباك:اه
حاتم:المهم قوليلي بقى ايه الاخبار هنا؟
نوال:الحمد الله
حاتم:طيب وريني كده الشغل ماشي ازاي وايه اخباره
**************************************************
فارس لما رجع الفيلا مامته حكتله عن اللي حصل ودخل
الاوضة وقلبه قايد نار..
فارس بعصبية:ايه اللي حصل ده؟
رشا بخوف وارتباك:ايه؟
فارس وهو بيجز على سنانه:ايييه اللي حصل يا رشاااا
رشا برعب:ه ههي حبت تتنطط عليا بقى ف ففا انا حبيت اقلها لااا متتنططيش عليا
فارس:رشااا ‘ ليلى عمرها ما هتعمل كده
رشا تعيط:حرااام عليك بقى يا فارس والله والله حرراام
عليك
فارس قلبه يرق شوية من عياط رشا فيحضنها ويقولها:طب خلاص
اهددي
رشا بتتعلق في حضنه وتقول:فارس انا بحبك اوووي اووووي يا
فارس
فارس بعدم مبالاة:وانا كمان يا رشا
رشا بعياط:قولي بحبك هو انت مستكترها عليا؟
فارس بابتسامة باهتة:لا حبيبتي ‘ بحبك يا رشا
رشا بفرحة تحضنه اوي وتقول:وانا بموت فيك ‘ وعشان اوريك
اني طيبة انا هقوم اعتذر ليها
فارس بصدمة:بجد؟
رشا:ايوة انا عشان بحبك ممكن اعمل اي حاجة
فارس:طب يلا حبيبتي
******************************************
ليلى مع قيس في اوضته بتخليه يمسك القلم وتقوله :يلا
اكتب يا قيس
قيس يكتب:حبك
ليلى تضحك وتقوله:قيس اكتب الجملة اللي قلناها
قيس يضحك ببراءة:قيس حبك ليلى ‘ يكتب حبك ‘ يتنفس حبك ‘
ينام حبك ‘ يصحى حبك
وياكل حبك و حبك وحبك وحبك ..
ليلى بضحك على برائته: لا قيس شقي اوووي
في اللحظة الاتنين اللي بيضحكوا فيها يدخل فارس مع رشا
..
قيس يكشر ويقول:خبط قبل اجه
فارس بغيرة وضيق:رشا جت تعتذر
رشا:متزعليش يا لولا ‘ بعدين انا عايزاكي تعذريني بقى
الفترة دي
ليلى:....
رشا:اصل انا عروسة جديدة بقى وكده فهتلاقيني لسه متوترة
شوية وكده
ليلى:حصل خير
قيس يبص بحب وحنان لليلى ويقول وعينه كلها بتلمع
بالحب:ليلى طيب يزعلش كتير من حد
رشا تبص لقيس بخباثة وتقوله:ده انت حافظها بقى يا قيس!
قيس بسذاجة:وحبها
فارس الشرار كله يطق من عينه ويقول بزعيق:يلااااا يا
رشاااا
رشا تبتسم بخبث لانها قدرت تخلي قيس يعترف بحبه قدام
فارس وبكده فارس هيحاول يبعد
ليلى عن قيس وبالتالي تبعد تماما عن الفيلا..
***************************************************
بعد اسبوعين رشا تكون واقفة في المطبخ على الطباخين
وتقولهم:عايزة الاكل يكون مظبوط
فاهمييين..
طباخ من الطباخين:مفهوم يا هانم
رشا:النهاردة عيلتي معزومة وعايزة اخليهم ياكلوا اكل
حلوو مش اي كلام
الطباخ:اطمني يا فندم
بتخرج رشا من المطبخ تلاقي ليلى بتستقبل نوال فتبص
باندهاش:ايه ده! ايه اللي جاب دي هنا!
ليلى:بسمة هانم قالتلي اني اقدر اجيب اللي انا عايزاه
وبصراحة انا مقدرش افوت عزومة زي دي
ومجبش نوال فيها..
رشا بضيق:المفروض طنط كانت تستأذني بما ان المعازيم
عيلتي انااا واكيد مش هحب الحابل
يختلط مع النابل..
نوال:بقلك ايه يا لولا ‘ تعالي عرفيني على قيس
رشا بتريقة:اه عرفيها على المتخلف ما هو فعلا الطيور على
اشكالها تقع
نوال بغيظ: بمناسبة المثل ده يا رشا ومن غير هانم اصل
مبقتش اشتغل عندك بقى ‘ فارس ايه
اخباره معاكي؟ قدر يحبك ويعاشرك ولا بيعاني زي زمان يا
عيني..
ليلى بتسحب نوال وتقول بصوت واطي:يخريبتك بتعملي ايه
نوال:اصل الحيزبونة دي بقى لازم تتسك ‘ مش كفاية اللي
بتعمله فيكي ليل ونهار وانتي ساكتة
ليلى:بس انا مش عايزة مشاكل
نوال:تتفلق ‘ المهم وريني قيس بقى
**********************************
بعد ساعات الكل قاعد على السفرة ولسه هيبدؤا اكل فتقول
رشا:لا استنوا حاتم لسه مجاش
في نفس اللحظة يدخل حاتم واول ما يدخل يقول:
معلش يا جماعة اتأخرت عليكم
نوال تقول
لليلى:يالهوووي
ليلى:ايه
نوال:دد دده ابن صاحب الصيدلية اللي بشتغل فيها
ليلى:ده ابن عم رشا
نوال:الله يبقى اترفدت
حاتم يشوف نوال واول ما يشوفها يقول:ايه ده نوااال ازيك؟
غريبة بتعملي ايه هنا
نوال بارتباك:ا اانا تبع ليلى
رشا:انت تعرفها يا حاتم
حاتم:اه بتشتغل عندنا في الصيدلية
رشا ترفع حاجب وبخبث:والله طب كوووويس اووووي
نوال:الحمد الله ضمنت اني اترفد
قيس يقول فجأة : قيس قول حاجة قبل اكل
فارس:مش وقته يا قيس
قيس بضيق:فارس مش مزاجه ‘ قيس يقول يعني قول
محمد باحراج:قول يا بني خير
قيس بفرحة يبص على ليلى ويقول:
............................
استنوني الحلقة اللي جاية
