الحلقــــــــــة الثانيـــــــــة عشـــــــر
رشا ماشية لاوضة فارس وتلاقي فجأة ليلى خارجة من اوضة قيس!
رشا اول ما تشوف ليلى تتصدم وتتعصب في نفس الوقت وتقول:
ايه ده! انتي بتعملي ايييه هنا؟
في نفس اللحظة يكون فارس خارج من اوضته واول ما يسمع ويشوف المنظر يجري على
رشا
ويسحبها بقوة وشدة ويجرجرها وراه على اوضته..
رشا بعصبية:الزززفتة دي بتعمل اييييييه هنا
فارس بعصبية:وووطي صوووتك
رشا وهي رافعة حاجب:وكماااان اوووطي صووووتي! بقلككك اللي بررررة دي بتعمل
ايييييه!
فارس:ليلى مربية قيس
رشا بسخرية:والله! الف الف مبروووك وعشان كده الباشا الهماااام لما شاف كده
‘ قال ازااااي
ميبقاش ووووسخ ويلم الحبايب كلهم في فيلا واحدة صح!!!
فارس بغضب وفي نفس الوقت بصوت واطي:بقلك ايييييه انا اصلا مش ملزززم
اتجوووزك بعد ما
سلمتييلي نفسسك وواحد غيريكان رفض يتجوزك ‘ بس انا ساااتر عليكي! بس اقسم
بالله يا رشا لو
متظبطيش وانتي بتتعاملي معايا لكووون مطلقك..
رشا بجنون:لالالالا انت بتقووول ايه ‘ انت ازاااي تفكر كده ‘ احنا مينفعششش
نطلق
فارس:مفيش قوة على الارض هتمنعني
رشا:لا فييه
فارس باستهزاء:مين باباكي! شغله وفلوووسه؟! طزززز
رشا:لااا ابنك اللي في بطني
فارس يقف مصعوق..
*************************************************
ليلى قاعدة في اوضة قيس متوترة ومرهقة جدا من التفكير خصوصا بعد ما رشا
شافتها .. قيس
قاعد شايف توتر ليلى فقال:
ليلى نام على كنبة ‘ ليلى تعبان
ليلى بتعب وارهاق:ا اانا شكلي هروح بدري النهاردة
قيس ياخد ايد ليلى ويخليها تنام على الكنبة ويقولها بحنان: ليلى خافش ليلى
ارتاح شوية وقيس معملش
ازعاج.
ليلى غصبن عنها من الارهاق والتعب تغمض عينها وتستسلم للنوم..
قيس يفضل قاعد يتأمل جمالها ويلاقي الحجاب غصبن عنها يتزحلق شوية وشعرها
يبان.. قيس
يلمس بايده بحنان وحب وبهدوء خد ليلى وبعدين يلمس خصلات شعرها بكل رقة
وبعدين يبص
عليها ويقوم عادل ليها الحجاب ويغطي شعرها اللي باين ‘ في نفس اللحظة ليلى
بتحس وبتقوم
مخضوضة ولما بتلاقي قيس قريب منها اوووي بتنط مفزوعة وتبعد عنه..
قيس:خافش ليلى قيس قق قيس مش اعمل حاجة وحشة في ليلى
ليلى:م معلش انا اسفة ب بس انا صحيت لقيتك قريب مني اتخضيت
قيس:قيس خاف على عربيات ع عشان حبها وخاف على ليلى برضو عشان حبها اوي
*************************************************
فيفي في فيلتها قاعدة مبسوطة جدا ..
فيفي:اخيرا يا فرغلي ابنك وافق غسان وهيشتغل معايا
فرغلي بضيق:ما قلتلك بلاش منه ده واد مقرف وهيجبلنا مشاكل
فيفي:في ايه يا فرغلي! انت مش عايز ابنك يشتغل معايا ليه!؟
فرغلي بضيق:يعني كنت بقول انه الراجل بتاع البيت دلوقتي خصوصا سعاد عيانة
فيفي بزعيق:ايـــــــــه؟! سعاد عيانة! حنيت ولا اييييه
فرغلي بخوف:لالالالا حنيت ايه دي ولية فقر
فيفي:طب خلي بالك بقى يا خويا اني اللي بصرف عليك واني اللي نضفتك ووريتك
الدنيا من فوق
وانك مش هتحب تضايقني ولا ترجع للفقر تاني..
فرغلي يسمع الكلام ويسكت تاني..
**************************************
غسان مع عبد الله في كابريه..
غسان:هنا بقى يا معلم دنيا تانية يا صاحبي
عبد الله بقلق وعدم ارتياح:ا انا مليش في الاماكن دي
غسان:لا ازااي ده هنا الشغل كله والحلاوة والرزق
عبد الله بخوف وصدمة:ايه؟! هناااا؟ ازاااي
غسان:وطي صووتك انت هتضيعنا ولا ايه؟
عبد الله:ازاي الشغل هنا ؟ مش فاهم
غسان وهو بيبص بعينه على الكابريه ويشوف البنات والولاد بيرقصوا وبيشربوا
والدنيا مش في
بالهم يقول: بص بقى يا حبيبي هنا الناس اللوز وهنا برضووو احنا بنوزع اللي
احنا عايزينه
براحتنا ‘ مش هما يا باشا بيطلعوا سموم عشان الشعب احنا برضو بنحب ندوقهم
سمهم الاول
ومفيش مانع برضو نغيب عقول الشعب هاهاهاهها...
عبد الله بحسرة وألم:شعب هه هو فين الشعب!!
غسان بضحة صفرا:ماهو الشعب قدامك اهو حلو ووزي الفل
*********************************************************
فارس لسه واقف مصعوق قدام رشا وبعد لحظات سكوت طويلة يبص ليها بقرف
ويقولها:
برضو ده مش سبب يخليني اخاف اسيبك! انتي برضو اللي هتتفضحي
رشا بخوف:قلي عايز ايه طيب وااا اا انا هعمله
فارس بكل خبث:يبقى تعقلي بقى يا رشا وشغل الجنان ده تبطليه
رشا بصدمة:ا انا مش مصدقة انك فارس ابن خالتي
فارس:انتي اللي خلتيني ابقى كده بأسلوبك المستفز
رشا بضعف: بس انا حبيتك وسلمتك نفسي عشان بحبك مش عشان اي حاجة تانية
فارس:هي كمان حبتني جدا وعمرها ما رضيت تسلمني نفسها زيك
رشا تسكت وفارس يخرج من الاوضة ..
***************************************************
رشا قاعدة على سرير فارس مصدومة من الحوار اللي دار بينهم وبعدين ترجع
بذكرياتها لاسبوع
فات..
رشا داخلة على عيادة خاصة لنساء وولادة وقاعدة قدام الدكتور وهي قلقانة:
ها يا دكتور فيه حمل؟
الدكتور:قلتيلي بقالك اد ايه متجوزة؟
رشا بلعثمة:يعني بقالي شهر تقريبا
الدكتور:هو مفيش حمل وللأسف .... مش عارف اقلك ايه يا مدام رشا ‘ بس حضرتك
عندك عقم
يمنعك اصلاا من الحمل
رشا بصدمة:ايه؟! هه ازاي؟ لالالا انا عندي فلوووس كتيرة اوي يا دكتور انا
اا انا ممكن اتعالج
الدكتور:فيه حالات نادرة بتبقى صعبة بس طبعا احنا عارفين ان مفيش حاجة
بعيدة على ربنا ‘ هنبتدي
علاج بأذن الله بس عايز اقلك محتاج صبر طويل جدا
رشا بانهيار:هياخد اسابيع؟ طب شهور يا دكتور؟
الدكتور:وممكن سنين
رشا بتقوم وهي بتعيط وتقول:شكرا ليك يا دكتور
*****************************************************
سعاد في البيت قاعدة بتكح كتييير ومبقتش عارفة تاخد نفسها من كتر الكح وعبد
الله برة البيت
يخرج سعد من الاوضة بسرعة ليها:
مالك يما
سعاد بتعب:ابعد يا سعد عني ‘ بلاش تقرب
سعد بخوف:قوليلي بس مالك يمااا ‘ اروح اجبلك دكطور؟
سعاد بابتسامة بتعب:هتجيبه ازاي‘ هو انت معاك فلوس
سعد بحنان:هروح اشتغل يوم عند المعلم عفت واخد اليومية واجيبلك دكطور
سعاد:لا ‘ خلي بس بالك من حنان يا ضنايا
سعد يقف بحيرة وهو شايف سعاد عمالة تكح جامد لحد ما بتنزل دم
سعد بخوف:انا هروح انادي سماح
سعاد:انت عارف عنوانها
سعد:ايووة
سعاد بارهاق شديد:قلتلك ملكش دعوة بيا انا هبقى كويسة المهم انت خلي بالك
من حنان
**************************************
يدخل سعد الاوضة وياخد حنان ويلعبها شوية وبعدين يقلها:
بحبك يا بت ‘ هو انتي هتنطقي امتى بقى عشان نقعد نتكلم سوا
حنان تبص ليه بكل براءة
سعد:يا بت عايز اقلك على حجات كتيرة
حنان مازلت بتبص بكل براءة
سعد:طب ردي عليا وهخلي عبد الله يجيبلك فرخة بحالها واوعدك اني مش هاكلها
لا بصي هو مش وعد اوي ‘ هاخد حتة بس..
بعدين يزغزغ حنان وكل ما تضحك يقول:يخربيت جمال ضحكتك شبهي بالظبط
***************************************
رشا قاعدة في النادي سرحانة وفجأة يجي شاب لونه اسمر وبلحية خفيفة جدا
وشعره كيرلي ويقعد
جمبها ويقول:
ايه سرحانة في ايه؟
رشا بتلف عليه وبابتسامة تقول:ازيك يا حاتم
حاتم:وحشتيني يا رشا
رشا:وانت كمان ‘ ايه اخبارك
حاتم:انا كويس.. بس انتي مش كويسة ليه؟
رشا بتعجب:وعرفت منين؟
حاتم:من نظرة عينك يا رشا ‘ انا حافظك اكتر مني
رشا بتحاول تهرب من الكلام وتقول:عمي عامل ايه؟
حاتم:كويس ‘ بس برضو مالك
رشا:...
حاتم:فارس برضو؟
رشا:....
حاتم:ياريت يا رشا متظلميش نفسك معاه
رشا بحزن:ازاي؟
حاتم:طول عمرنا من واحنا صغيرين وهو اللي واخد كل اهتمامك وانا لا ‘ حاولت
كتير اعمل المستحيل
عشان اكسب قلبك بس برضو هو اللي كسب رغم انه مبيعملش اي حاجة عشان يكسبه..
رشا:ح حاتم لو سمحت ...
حاتم:لو سمحتي انتي تخلي بالك شوية على نفسك ومتعمليش في نفسك كده
رشا:اعمل ايه؟!
حاتم:مترخصيش نفسك اوي كده يا رشا ‘ لانك بعدين هيجي وقت وهتندمي
رشا:بس انا بحبه
حاتم:حبك ملعون مش هيأذي حد الا انتي! ومش هيحرق حد الا انتي!
رشا:وليه ميحبنيييش انا!! فيا ايه ناقص؟!
حاتم:بالنسبالي انتي حلوة حتى لو فيكي حاجة ناقصة بس القلوب مبتتشراش يا
رشا مبتتشراش
رشا تبص لبعيد وتسرح تاني وعينها مليانة نظرة حزن كبيرة
**********************************************
بعد اسبوعين فرح فارس ورشا يكون في اكبر فنادق مصر ويكون ناس كتيرة معزومة
من أكبر
رجال الدولة والوزراء وممثلين ومغنيين معروفين.. الكل فرحان ما عدا فارس
ورشا بس الاتنين
كانوا بيمثلوا انهم اسعد عروسين..
رشا وهي بترقص سلو مع فارس بتقوله:بحبك
فارس بكل برود:انا كمان
رشا:كان نفسي تكون حاسسها
فارس:منا حاسسها يا رشا
رشا بدموع:ياريت يا فارس
فارس:رشا الناس حوالينا لو شافوا الدموع دي هيقولوا ايه!
رشا بسخرية بتمد ايدها حولين رقبة فارس وبتحضنه اوي وبتقول:هيقولوا مبسوطة
اوي .. متخفش
*******************************************
ليلى قاعدة مع قيس في اوضته الجديدة اللي في الفيلا اللي أجرها فارس
واجبرهم كلهم يروحوا وبالتالي
بسمة طلبت من ليلى انها تقيم معاهم في الملحق الخاص بتاعها ‘ بس هي رفضت في
الوقت الحالي
نظرا لمرض والدتها..
قيس بيشوف ليلى قاعدة زعلانة فبيقول:ليلى ازعل ليه؟
ليلى:مفيش يا قيس عادي ‘ متشغلش بالك
قيس بيقرب من ليلى ويمد ايده بخوف بعدين يرجعها وبعدين يمد ايده تاني
وبعدين يرجعها
ليلى:في حاجة يا قيس؟
قيس بخوف:ا اا
ليلى:مالك؟
قيس يمد ايده ويشد ليلى ليه بكل حنان في حضنه ويقول:حبك
ليلى باستسلام:حضنك دافي
قيس:حبك
ليلى تفوق من ضعفها وتقوم تقف وتقول:ا اا قيس ا انا نازلة اعمل حاجة اشربها
قيس يبص لعيونها ويقول: قيس حبك
***************************************************
عبد الله ورا البار بيحضر المشروبات اللي بتتطلب منه وبعدين يجي شاب شكله
يكون مشكوك في امره
يقرب على عبد الله ويقول: عايز ويسكي وكتر التلج
عبد الله اول ما بيسمع الجملة ايده بتترعش وبيحضر الويسكي ويقدمه للولد
وتحت الكوباية يكون فيه
كيس مليان بودرة بيضا..
بعد ما بيخلص عبد الله ورديته في الكباريه بيرجع البيت وهو قرفان نفسه ومش
طايق اي حاجة
بيدخل ينام على طول وفجأة يسمع صوت كحة مامته كتيير فيضايق اكتر ويغمض عينه
ويمسح
دموعه ويحاول ينام عشان ينسى..
********************************************
هاني في الاوضة مع سماح كان بيقرأ كتاب وسماح قاعدة بتحطم نكير
هاني بيقرب على سماح ويحاول يبوسها ‘ سماح بنرفزة:يووووه يا هاني مش شايفني
بحط منكير
هاني:مش وقته سيبك منه وخليكي معايا ‘ انتي ليا دلوقتي
سماح بنرفزة بتزق هاني وتقول:مينفعششش اففففف رييييح نفسك
هاني بنرفزة:يووووه ‘ وقته ده كمان
سماح بضيق:هاني انت اتجوزتني ليييه؟
هاني:يعني هيكون ليه؟
سماح:ايه بتحبني؟
هاني بضحكة مليانة سخرية ويولع في نفس الوقت سيجار ويقول:حب؟ هههههه لا
سماح بضيق اكتر:امال ايه؟
هاني:متعة طبعا
سماح:يعني مش هتحب اني اخلف منك؟
هاني برعب:لييه هو انتي حامل؟
سماح:لا
هاني بتنهيدة:ياااه يا شخية خضتيني ‘ لا طبعااا محبش انا مش عايز عيال
وربطة والجواز ده يبقى
اساسي ويربطني..
سماح بألم:صح انت صح ‘ اقفل النور عشان ننام بقى
هاني يقفل نور الاباجورة ويقول:ياريت لحسن دي ليلة زفت
**************************************************
في اوضة بسمة ومحمد ..
بسمة:فارس مش مبسوط يا محمد
محمد:مش مبسوط ايه بس يا شيخة دول طايرين من الفرح هو ورشا
بسمة:ده ابني وانا عارفاه
محمد:نامي يا بسمة وارتاحي بقى
بسمة:مش هرتاح فعلا الا لما اشوف قيس هو كمان مرتاح
محمد بألم:ربنا يسهل
بسمة:قيس بيحب يا محمد
محمد:تاني يا بسمة
بسمة بألم:قيس قالي و .....
محمد:و ايه؟
*************************************************
فارس ورشا في اوضتهم اللي في الفيلا بعد ما خلصوا الفرح..
رشا:مش كنا حبيبي قعدنا في اوتيل ولا حاجة قبل ما نسافر
فارس:ملوش لازمة
رشا:يعني كنا قضينا ليلة دخلتنا هناك وكده
فارس:احنا بنضحك على الناس يا رشا مش على نفسنا
رشا بألم:عندك حق
فارس:يلا تصبحي على خير
رشا بصدمة:هتنام؟!
فارس:اه
رشا:في يوم فرحنا!!
فارس بقسوة وجفاء:ده للناس مش لينا
رشا بعصبية:انت في ايييييه! انت اتبدلت كده لييييه! كل منها الزفتة ليلى
صح؟!
فارس:يوووه الاسطوانة المشروخة بقى
رشا:ولا مشروخة ولا قرررف ‘ احنا فعلا ننام احسن
*****************************************
بعد ساعة فارس يقوم من اوضته لما يتأكد ان رشا راحت في النوم ويروح بهدوء
على اوضة قيس
ويفتحها ويلاقي ...........
استنوني الحلقة اللي جاية
