الحلقــــــــة السادســـــة عشـــــر
قيس يرد وهو مندمج في المجسم:ايوة ليلى
ليلى:انا موافقة
قيس يرمي اللي في ايده فجأة ويقول:
ايه ليلى؟ قول تاني؟
ليلى بتوتر وارتباك:ا اا انا موافقة
قيس بفرحة شديدة:ليلى موافقة على قيس؟ ها ليلى موافقة صح؟ ليلى قول موافقة
‘ قيس اسمع صح؟
صح ليلى ؟ صح؟ ليلى قول مووووافقة قووول موااافقة والله صح؟
ليلى بفرحة لفرحة قيس وبقلب مقبوض وعيون فيها دموع:ايوة والله موافقة
قيس يبص لليلى ويقول:ليه دموع ليلى؟
ليلى بعياط:مش عايزة اوجعك في يوم وخايفة جدا من اليوم ده
قيس:قيس حب ليلى وحتى لو ليلى اوجع قيس ‘ قيس سامحه مش ازعل منه
ليلى تمسح دموعها وتبتسم ‘ قيس يمسك ايد ليلى ويجري بيها برة الاوضة لمامته
ويفضل يكرر
زي الاطفال:ليلى وااافق على قيس ‘ ليلى وقيس على طول مع بعض ‘ قيس مع
ليــــــــلى
ليلى باحراج:قيس بس خلاص كفاية الناس كلها سمعتك
قيس:قيس افرح والدنيا كلها افررررح
*************************************************
بسمة تخرج من اوضتها على صوت قيس وهو عمال يمشي في كل مكان في الفيلا يقول
الخبر
وتروح ليهم وقلبها يدق من الفرحة:ليلى وافقتي على طلب قيس؟
ليلى باحراج:ايوة يا هانم
بسمة تجري عليها وتحضنها وتقول:من هنا ورايح انا ماما بسمة او بسمة ‘ انتي
دلوقتي بقيتي مرات
ابني..
ليلى بقلق وتوتر:ح ححاضر
تدخل رشا من الجنينة وتسمع كلام قيس فتقف مصعوقة وتقول:قيس هيتجوز ليلى يا
طنط؟!
بسمة بفرحة:ايووووة
رشا:ازاي؟!
بسمة بعد ما الابتسامة تختفي منها:ايه اللي ازاي ؟
رشا بارتباك:ا ااقصد يي يعني ان قيس مش مم مش مؤهل للجواز ؟
بسمة بضيق:ابني قيس مفيش حاجة تعيبه
ليلى تاخد قيس وتقوله:تعالى ندخل الاوضة يا قيس
قيس بفرحة وبراءة:يلا بينا ليلى
بعد ما يدخلوا اوضة قيس ‘ بسمة تبص لرشا وتقول بضيق:انتي ازاي تجرحي ابني
وتهنيه بالطريقة
دي!
رشا:اهنته ايه يا طنط ‘ ده في دنيا تانية خالص وhis mind في الطرواة يعني!
بسمة بعصبية:مسمحلكييييش يا رشااااا تتكلمي كده عن ابن خالتك بالطريقة دي
رشا بلؤم:يا طنط انا مش عايزة مشاعرك الجياشة دي تخليكي تنخدعي باللي اسمها
ليلى
بسمة:رررشا
رشا:يا طنط انا طردتها من الشغل لما عرفت انها بتحاول تلف على فارس ! دي
واحدة فقيرة واكيد
عندها نقص وعايزة تلف علينا عشان تاخد الفلوس..
بسمة:دي حاجة انا اللي اقررها يا رشا مش انتي
رشا:براحتك يا طنط انا حذرتك ‘ متخلهاش تدخلك من ناحية حبك لقيس وتفضيلك
ليه دايما
بسمة:انا مبفضلش ابن على ابن ‘ كل الحكاية ان قيس مظلوم ومحتاج مني اني اقف
جمبه واسنده
رشا:وفارس يا طنط مش مظلوم؟
بسمة:انا عمري ما ظلمت فارس ‘ هو اللي بيحاول يظلم نفسه دايما لما مبيقتنعش
بالحاجة اللي في
ايده ويبص على اللي ابعد من ايده..
رشا :يا طنط فارس عايش طول حياته وهو حاسس انك بتظلميه وبتيجي عليه عشان
خاطر قيس
بسمة:رشا رشا انتي بتحاولي تعملي ايه دلوقتي؟! مش فهماكي!
رشا:انا بس عشان قريبة من فارس بفهمك شعور فارس وفي نفس الوقت بحذرك من
اللي اسمها
ليلى دي!
***************************************
فيفي قاعدة بتعد في الفلوس اللي قدامها وفرغلي قاعد بيشرب سيجارة حشيش
وبيقول:
بقلك ايه يا فوفا ما تديني حبة حلوين من اللي معاكي
فيفي:خليك في سيجارتك وبعدين انت فاكرها وكالة من غير بواب يا حبيبي ولا
ايييه!
فرغلي بضيق:انا حاسس اني متكتف مش عارف اروح ولا اجي ولا اسهر براحتي
فيفي:تسهرررر! وتسهر بايه ان شاء الله ؟ بفلوووسي صح!
فرغلي بيحاول يجر ناعم:جرى ايه يا فوفا انت بقيت قاسي ليه
فيفي:عشان قاعد في البيت زي الستات وعايز اللقمة تجيلك
فرغلي:ويعني ده جديد يا فوفا
فيفي:لا بس زمان كان حملك اخف يا خوياااا ‘ انما دلوقتي حملك تقل
فرغلي:طب اعمل ايه؟
فيفي:تعمل بلقمتك يا خويا
فرغلي:ازاي
فيفي:يوووه يخيبك راااجل ‘ هو اييه اللي ازاااي ! تشتغل زي ابنك
فرغلي:ايه اشتغل وانا في السن ده؟!
فيفي:اااه وماله يا خويااا تعمل بلقمتك بدل ما انت قاعدلي ليل ونهار كده زي
قلتك
فرغلي:بب بس انا مش عايز الواد عبد الله يعرف انه بيشتغل تبعنا
فيفي:متخافش يا خويا مش هخليك حتى تلمحه ‘ بعدين ابنك انا مشغلاه في مكان
نضيف ‘ انت هنزلك
حجات خفيفة كده يا خويا..
******************************************************
فارس رجع من برة واول ما دخل الاوضة بتاعته لقى رشا بتلبس ..
فارس:رايحة فين
رشا:خارجة
فارس:اممم
رشا وهي بتحط ميك اب: على فكرة اخوك هيتجوز
فارس قلبه بيقع ويقول:ايـــــــه؟!
رشا:ايه اتخضيت اوي كده ليه
فارس بيقرب من رشا ويمسك ايدها بعنف:بتقولي ايه؟!
رشا:وووسع ايييدي اففففف
فارس:قيس هيتجوز مين؟!!!!
رشا:وهو فيه غيرها ست الحسن والدلال! هه مبروك يا فارس
فارس يززق رشا ويخرج بسرعة ويدخل اوضة قيس بعنف يلاقي ليلى قاعدة مع قيس
بتفهمه اللي
في الكتاب وكانت بشعرها..
فارس لما يشوف ليلى قاعدة بشعرها مع قيس يتأكد ان كلام رشا صح..
فارس يروح ناحية ليلى وياخدها من ايدها بعنف ويقولها:صح اللي سمعته
قيس بزعيق:فارس سيب ليلى فااااارس سييييبه
ليلى بخوف:اا ا انت عايز ايه
فارس بعصبية:صح اللي سمعته؟!
ليلى بخوف بتترعش:ايه اللي سمعته
فارس:ليلــــــــــــــى متستعبطييييش ! هتتجوزززي قيس
قيس بزعيق يمسك ايد فارس وينزلها من على ليلى ويقول:قييييس اتجوووز ليلى
وقيس مش اسمح
فارس امسسسسسك ليلى كده تاني مفهووم مش اسمممممح
فارس يزق قيس ويقول بكل اشمئزاز:مفضلش غيرك انت اللي تعلمني اعمل ايه
وفجأة يدخل محمد وبصوت كله غضب:فاااااارس ‘ اطلع بررررررة حالا وتعالى على
اوضتي!
*********************************************
قيس اول ما باباه يمشي وبعده فارس يمسك ليلى برقة ويقول:اوجعه ليلى؟
ليلى وجسمها كله بيترعش:لا لا اا اا انا كويسة
قيس يبص لليلى اللي جسمها بيترعش ويطبطب مكان ما فارس كان ماسكها بقوة
ويقول:
خفششش ليلى ‘ اا انااا اسف خفففش والله ااا انا موجود تعالى في حضن قيس
ليلى بتعيط جامد وبانهيار ومش عارفة تتصرف ازاي
قيس يهز راسه ويقول: انتي كويسة ليلى؟
ليلى:ا اا انا تعبانة اوي يا قيس وخايفة اووي اوووي
قيس يكون مكشر ويضم ليلى في حضنه اوووي لدرجة انه كان نفسه يدخلها جوة حضنه
عشان يحميها
من كل عيون الناس ومن كل البشر..
**********************************************
بعد اسبوع بسمة مع ليلى في الفيلا وبتقولها:بصي بقى يا ستي الملحق اللي كنا
عاملينه ليكي ده هيبقى
لاخواتك عشان ميكونوش بعيد عنك وانتي هتبقى مع قيس في اوضته..
ليلى:انا مش عارفة اشكر حضرتك ازااي بجد
بسمة:انا اللي مش هقدر اشكرك يا بنتي مهما حصل
ليلى:ا اا انا مش عايزة حضرتك تفتكريني اني داخلة على طمع
بسمة:عارفة يا بنتي انك مش طماعة والا كنتي وافقتي على العرض على طول ‘ انا
عارفة انك جايز
مبتحبيش قيس الحب اللي بتدوري عليه بس انا متأكده انه هيقدر يكسب حبك في
يوم من الايام..
ليلى:وانا خايفة اليوم ده ميجيش واظلم قيس من غير ما احس
بسمة:لو اليوم ده جه ‘ قربي يا بنتي من قيس اوي وقلبه وساعتها بس بدفاه
هيدلك على الطريق
الصح من غير ما تتعبي..
******************************************************
هاني في الاوضة ‘ بيشوف سماح بتتزوق وبتلبس اللبس اللي هو بيحب يشوفه عليها
فبيقول بفرحة:
ايوووة كده بقى يا سمووحتي فرررحيني
سماح بضحكة كلها دلع:هيهيهييهي عجبتك؟
هاني بلهفة:جداااااااا
سماح:طب سمووحة لو طلبت طلب هيتنفذ؟
هاني:فورااا يا قلب هاني
سماح بدلع اكتر:سمووحة عايزة خمسة الاف جنيه
هاني باستغراب:ليه؟
سماح:تؤ بقى يا هاني مش من حق سمووحة ولا ايه؟!
هاني بعد تفكير:بس اكيد فيه سبب؟
سماح تبعد عنه شوية:مش انا بدلعك دلعني؟
هاني:وماااله معنديش مانع ندلع بعض
بعدها بتستجيب سماح لهاني تماما
*****************************************************
رشا بتدخل الـ night club بيشتغل فيه عبد الله وعينها تكون بتدور عليه ولما
تشوفه واقف على البار
تروح عليه..
عبد الله اول ما يشوف رشا يتلخبط ويتوتر:اا ازز ازيك
رشا:وحشتني
عبد الله باحراج:تت تحبي تشربي ايه
رشا بضحك:ههههههه هو لسه فيه ولاد بتتكسف
عبد الله:تحبي تشربي ايه؟
رشا بتميل عليه وتهمس في ودانه:اي حاجة على زوقك
غسان من بعيد يشوف عبد الله ورشا ويعجب جدا برشا وجمالها ويقول في سره:
يخربيتك حظك يا عبد الله ‘ اول ما تشطح تنطح! رشا عزت السلحدار مرة واحدة
يرمي السيجارة اللي في بقه ويروح لعبد الله ويقول:ايه يا عم مش تقولي على
الوتكة دي
عبد الله بصوت واطي:معرفة
غسان:طب ما تعرفني عليها
عبد الله بضيق:دد ددي تبعي يا غسان
غسان:اوبا ده احنا كبرنا واتعلمنا اهو
عبد الله بضيق:البركة فيك بقى يا صاحبي
غسان:اممم انت عارف ان دي بنت عزت السلحدار
عبد الله:يي ييعني
غسان:طب مبروك بقى
عبد الله:انا مبفكرش بنفس طريقتك دي يا غسان
غسان:لا يا حبيبي مع امثالها لازززم تفكر
رشا تقول لعبد الله:ايه يا عبود مش هتيجي ترقصني شوية ‘ واقف بتتكلم مع
صاحبك وسايبني
غسان وهو بيغمر لعبد الله:روح يا عم
عبد الله:انا مش هقدر ارقص معاكي دلوقتي عشان ده وقت شغلي
رشا:طيب هتخلص امتى
عبد الله يبص في الساعة:بعد ساعة
رشا:خلاص خليني قاعدة قدامك ساعة وبعد ما تخلص نطلع اي مكان تاني نرقص
عبد الله:مش هأخرك؟
رشا:انا النهاردة كلي ليك
عبد الله يبتسم ويكون غسان واقف من بعيد بيبص بكل حقد عليهم
***********************************************
بعد ساعة يخلص عبد الله ويسلم ورديته ولسه هيمشي مع رشا يقوله غسان:ايه
رايح فين يا صاحبي؟
عبد الله:يا عم فكك مني بقى النهاردة
غسان بضحكة مليانة غل:ههه مااشي دوووس واتبسط
عبد الله يركب العربية مع رشا ..
رشا:ايه مالك؟
عبد الله بتوتر:يي يعني اا اول مرة اركب عربية مع مم مع واحدة ست
رشا:ههههههه ست! لا انا اه اكبر منك شوية بس مش لدرجة ست
عبد الله:احم مش قصدي يعني
رشا:ولا يهمك ‘ عارف ايه اكتر حاجة شدتني ليك حاساك بريء اوووي وخام
وراااجل اووووي
عبد الله:ا اانا مش عارف بصراحة ايه اللي حصلي معاكي ‘ اا انا عمري برضو
ممم ما كنت كده
رشا بتقرب ايدها لعبد الله وتمسك ايده وتقوله:انا بقيت عاوزة اشوفك كل يوم
عبد الله بابتسامة:وانا كمان
رشا:هيحصل قريب
عبد الله باستغراب:مش فاهم؟
رشا:ههههه بكرة هتعرف ولحد بكرة بقى سبلي نفسك النهاردة خالص
عبد الله:هنروح فين؟
رشا:هنروح بقى مطرح ما نروح
*************************************************
تاني يوم ليلى قاعدة وقدامها عبد الله وسماح وسعد ماسك في حجره حنان..
ليلى بتوتر:اا اانا هتجوز قيس
سماح:ايووة بقى كده بدأتي تشغلي مخك صح وتعرفي ازاي الواحد يكسب قرشه
ليلى بغضب:انا مش هتجوز قيس عشان فلوسه
سماح بعصبية:متضحكيش على نفسك بقى ! كل واحد فينا بيدور على اي طريقة يجيب
بيها فلوس!
احنا الفقر والعوووزة والحوجة خلقت جوانا وحوووش ! فمتعمليش فيها الخضرة
الشررريفة
احنا جوانا نفوووس عفننننت من ظلم وقهر البشر لينا..
ليلى بعصبية:قلتللككك ميت مررررة قيس برة الحسابات دي كلها !!
سماح بغيظ:المهم ده خبر يجنن اووووي
عبد الله بعد تفكير:انتي مقتنعة يا ليلى؟
ليلى:اا اه
سعد:هيييييييه قيس هيعيش معانااا كلنااا
ليلى:مم ماهو ده الموضوع اللي كمان عايزة اكلمكوا فيه
عبد الله:ايه؟
ليلى:انت وسعد وحنان هتعيشوا معايا في الفيلا
عبد الله يفتكر كلام رشا لما قالتله انه قريب هيكون جمبها فيفرح اوي ويقول:
هنعيش معاكي؟!
ليلى:ايوة
سماح:ايووووة بقى برافووو عليكي يا ليلى هي دي القرارات ولا بلاااش خلينا
نطلع لفوق بقى ونقب
سعد بلهفة:ليلى ليلى عندهم فراخ صح؟
ليلى:ايه يا سعد هو انت حياتك كلها قايمة على الاكل والفراخ!
سعد:يووه يعني واحد في سني عايزة يكون بيحلم بايه ‘ اكيد فرخة
عبد الله:ده عشان طفس العيال اللي زيك بيفكروا في الالعاب مش في الفراخ
سعد:ما دول عيال مش اذكية انما انا ذكي بفكر في اللي هيفدني
عبد الله يضرب سعد بهزار على راسه
سعد:يوه يا عم بتضربني ليه ‘ هخلي قيس يأكلني لوحدي فراخ وانت لا هه بس
*******************************************
بعد تلت ايام ليلى بتكون لابسة فستان ابيض وقاعدة على كرسي في الصالة في
الفيلا وجمبها قيس
لابس قميص ابيض على بنطلون اسود ..
وبعد ما المأذون يكتب الكتاب بسمة تزغرط وسماح تزغرط والكل يبارك لليلى حتى
رشا ماعدا
فارس اللي مكنش حاضر اللحظة دي..
بسمة:كان نفسي اعملكم فرح كبير ‘ بس انتي رفضتي يا ليلى وانا قدرت السبب
انه وفاة والدتك
ليلى:شكرا يا .... يا ماما
رشا لعبد الله:مبروووك
عبد الله بفرحة:الله يبارك فيكي
قيس:قيس خد ليلى فوق
بسمة:ماشي يا حبيبي بس تعالى شوية عايزاك في كلمة
وتاخده على جمب وتقوله باحراج:اا قيس حبيبي اا انت عارف ا انك اتجوزت وكده
قيس باحراج:اه قيس اتجوز ليلى
بسمة باحراج:يعني فاهم؟
قيس:بابا قعد مع قيس فهمه
بسمة تطمن ان قيس فاهم وتطبطب عليه وتقوله:ماشي يا حبيبي
************************************************************
قيس اول ما يدخل الاوضة مع ليلى يلف ايده بكل رقة حولين وسطها ويقف ورا
ضهرها ويقول
ليلى بقى بتاعت قيس
ليلى بابتسامة:ليلة قيس
قيس:ايوة ليلة قيس ‘ حبك
ليلى:ربنا يقدرني واعوضك عن كل حاجة
قيس:ليه في عيون ليلى حزين
ليلى بارتباك:لا اا انا بس يعني ... مش مهم
قيس:قول ليلى ‘ قيس افهم؟ قول
ليلى:ا اانا عارفة والله
قيس:مش مهم ليلى ‘ تعالى اعد هنا جمبي ليلى
تروح ليلى مع قيس جمبه على السرير والاتنين يعدو ‘ ليلى تبقى محرجة جدااا
وقيس يكون مرتبك
فيلمس بايده بكل حنان ورقة خد ليلى وبعدين يلعب في خصلات شعرها ويقول:
ليلى شكل نجمة في السما ‘ حلوة بتنوّر
ليلى تضحك
ويقرب قيس منها ويبدأ بقبلات متلاحقة ليها لحد ما يروحوا لدنيا تانية
*******************************
بعد ساعتين قيس يقوم من نص النوم ولسه هيقوم فتقوم ليلى وتقوله:عايز ايه يا
قيس؟
قيس:قيس روح اشرب مية عطشان
ليلى:طب خليك حبيبي انا هقوم اجيبلك بسرعة
قيس:ماشي ليلى حبيبتي
***********************************
ليلى في المطبخ بتصب مية في كوباية وتلاقي فجأة ايد بتلف من ورا ضهرها ..
ليلى:حبيبي جيت برضو ‘ انا كنت لسه هجيلك
تلف ليلى وتلاقي فارس هو اللي بيحضنها مش قيس
.......................
استنوني الحلقة اللي جايــــــــة
