الحلقــــــــة الخامســــة عشــــــر
ليلى بخوف وتوتر:اا اا انا ....
بسمة:انتي ايه يا ليلى؟
ليلى:ا اانا احتمال يا هانم مقدرش اكمل عندك
بسمة بهلع:ايه! ازاي يا ليلى الكلام اللي بتقوليه ده
ليلى بحزن:يا هانم انا عندي اخ صغير واخت لسه في اللفة ومحدش ليهم دلوقتي
غيري
بسمة:وافرض اتجوزتي؟
ليلى:ساعتها هاخدهم معايا
بسمة:بس انا اعرف ان ليكي اخت تانية واخ
ليلى:اختي متجوزة واخويا ليه شغله برضو
بسمة بعد سكوت: خلاص هاتيهم معاكي الشغل يا ليلى
ليلى:بس يا هانم...
بسمة باصرار:ليلى يا بنتي انا ما صدقت ان لقيت حد يهتم بقيس وميبقاش طمعان
فيه واحس الامان
وهو معاه وما صدقت كمان ان قيس لقى انسانة يتعلق بيها ومعنديش استعداد ان
قيس يخسر ده..
ليلى باستسلام:ربنا يسهل يا هانم
بسمة:انا هبقى اجي اعزيكي انا وقيس
ليلى:تنوري يا هانم
********************************************
رشا بتصحى من النوم بتلاقي فارس بيلبس بتسأله باستغراب:رايح فين يا فارس
كده من الصبح؟
فارس بارتباك:يعني ايه هروح فين؟! ايه السؤال ده
رشا:اصل انا عارفة ان بابي قالك تاخد يومين اجازة!
فارس بعصبية:مش معنى اني واخد من سعادة الباشا اجازة يبقى مفيش شغل ليا برة
المصنع
رشا بشك:متأكد انه شغل ولا .....
فارس يبص ليها بتبريقة
رشا:متنساش اني هبقى ام ابنك
فارس بضيق:مش ناسي للاسف
يمشي فارس من الاوضة وتبدأ رشا تعيط وتقول بصوت عالي:انا ايه الورطة اللي حطيت
نفسي فيها
دي ولما الشهور تعدي وبطني متكبرش هقوله ايه!
*************************************************
قيس يلبس قميص اسود على بنطلون اسود ويسرح شعره ويبص لنفسه في المراية
وبعدين يرش
برفيوم ويخرج برة الاوضة واول ما فارس يشوفه يقول فارس: ايه ده ‘ انت رايح
فين
قيس باقتضاب:عزا
فارس:عزا مين؟
قيس:عزا ليلى
فارس بضيق:مين هيروح معاك بقى ان شاء الله؟!
قيس:فارس لوش دعوة ‘ قيس روح مع مين
بسمة وهي جاية من اوضتها:هروح معاه انا يا فارس
فارس:ايه يا امي ده! اخر حاجة اتصورها انك تمشي ورا كلامه
بسمة:ماله كلامه؟! البنت بقت مننا وواجب نروح نعزيها
فارس بضيق لانه مقدرش يلاقي سبب يخليهم ميروحوش:يوووه انتي حرررة حاجة بقت
تقرف
****************************************
ليلى قاعدة في الصالة لابسة فستان اسود وحجاب اسود وسعد جمبها ‘ راسه نايمة
على دراعها وفي
حضنها شايلة حنان وعبد الله قاعد قدامها ومشغلين قرآن وفاتحين باب الشقة..
فجأة يدخل قيس ويجري على ليلى بلهفة ويقول:
ليلى ازعل ‘ ليلى مامته مات قيس اجه قوله انه هو معاه جمبه مش اسيبه في
الحالة دي
ويحضن ليلى وهي شايلة حنان
عبد الله بتعجب:مين الاخ؟!
سعد بفرحة:ده صاحبي قيس ‘ ازززيك يا قيس
بسمة تقول لعبد الله بصوت واطي:معلش بس قيس له حالة خاصة
عبد الله يبدأ يفهم انه هو ده اللي ليلى بتشتغل عنده فيقول:اه معلش يا هانم
‘ اتفضلي استريحي
قيس يحضن سعد ويقول: سعد ازعل‘ قيس قوله خافش هو برضو جمبه
سعد وهو بيقلد طريقة قيس:سعد قولك انه مبسوط شاف قيس
قيس يبتسم ويقول:سعد شقي قلد كلام قيس
سعد وهو مبتسم يقلد طريقة قيس ويقول:قيس حلو وسعد حبه اوي
قيس يحضن سعد اوي وبعدين يشوف حنان ويقول بكل براءة:ايه ده بيبي مين دي
ليلى؟ مين دي؟
ليلى:دي حنان اختي الصغيرة
قيس يبص على عبد الله ويكشر ويقول:ده مين ليلى
ليلى:ده اخويا الكبير بس انا اكبر منه بس هو اكبر من سعد
عبد الله يمد ايده يسلم على قيس:اهلا
قيس:اهلا
قيس يروح يشيل حنان بكل حب ويبوسها على راسها ويقول:حنان صغير ‘ بص ايده
صغير ورجله
صغير
بسمة قاعدة مبسوطة من اندماج قيس مع عيلة ليلى بشكل ودي جدا والكل بيتعامل
على انه واحد
من العيلة على الرغم من نظرات عبد الله الجانبية كل شوية لقيس..
******************************************
بسمة بتتكلم مع ليلى بشكل جانبي..
بسمة:قيس لما عرف اصر اننا منستناش ونيجي النهاردة ‘ انا مقلتلهوش انك
عايزة تمشي من الشغل
لانه مش ضامنة ردة فعله ‘ ولاني كمان عشمانة انك متسبهوش .. انتي يا بنتي
مبقتيش مجرد واحدة
بتشتغل عندنا... انتي بقيتي طوق النجاة لابني..
ليلى بحزن وألم:يا هانم انا معنديش اللي اديه لقيس ‘ انا محتاجة اللي يديني
بسمة:لا انتي عندك حب وقلب قيس مش عايز غيرهم
ليلى:تبقى فهماني غلط ‘ انا قلبي اتكسر واتجرح مرة ومش قادر يلم جروحه
بسمة:لو اديتي قيس الفرصة هيقدر يلم جروحك دي
ليلى:...
بسمة:قيس رغم ان حالته خاصة الا ان ربنا ميزه بحجات حلوة كتيرة
ليلى:...
بسمة وهي بتبص على قيس اللي قاعد على الارض بيلعب مع سعد وحنان اللي بتضحك
بتقول:
بصي ازاي ناسي نفسه بين عيلتك ‘ انا اول مرة اشوف قيس بيحب حد اووي كده
*****************************************
قيس قاعد على الارض مع سعد وحنان وبيلعب معاهم بالعربية المتكسرة الوحيدة
اللي عند سعد..
قيس:قيس اقدر صلح عربية متكسرة دي لسعد
سعد بفرحة:بجددد ؟
قيس:اه اقدر قيس اقدر
سعد بتفكير شوية:طب تقدر تحولها لفرخة؟
قيس يقعد يفكر شوية ويقول:مش عارف قيس مجربش حول عربية فرخة
سعد:طب هقلك لو قدرت تحولها لفرخة هديك جنيه بحاله
قيس:ماشي قيس حول عربية فرخة واخد جنيه من سعد
سعد يصقف ويقول:ليلى ليلى قيس هيقلب العربية لفرخة
بسمة تضحك وتقول:هو فيه عربية برضو تتحول لفرخة
قيس يخبط راسه براحة ويقول:ااخ منفعش صح حول عربية لفرخة
سعد بحزن:يعني مش هاكل فراخ
بسمة:لا ممكن تاكل طبعا لما تيجي مع ليلى عندنا
سعد:ماهي مبترضاش يا هانم تاخدني معاها
قيس:ليه ليلى جبش سعد معاكي
ليلى:عشان سعد شقي
قيس:لا جيب سعد معاكي وحنان كمان
سعد لبسمة:اه والنبي يا هانم تقوليلها
بسمة بابتسامة:مش قلنا تقولي طنط
سعد وهو موطي راسه:ما قلنا يا هانم مقدرش اشتمك!
بسمة:ههههههه طنط مش شتيمة ‘ الولد ده دمه شربات ‘ فكري يا ليلى في عرضي
وردي عليا..
يلا يا قيس..
قيس بحزن:قيس امشي ليلى
ليلى:هبقى اشوفك ان شاء الله
قيس يروح يحضن تاني ليلى ويقول:اوحش قيس ليلى
*************************************************
سماح في بيتها قعدة بتعيط وجمبها هاني نايم..
هاني يفضل يأفف:تؤتؤتؤتؤ ايييه النواح ده على الصبح
سماح:امي ماتت يا هاني
هاني بعدم مبالاة:ما كلنا هنمووت وبعدين اهي ارتاحت ‘ دي كانت بتنازع في
الروح اصلا
سماح بعصبية:انت اييييه يا اخيييي ‘ انت اكيييد معندكش احساااس
هاني بنرفزة:لا عندي ولو تحبي اورهولك انا ممكن اورهووولك يا روح امك! مش
بتقولوا كده
برضو يا بيئة!
وبعدين يزقها بايده:لو عايزة تنحنحي ‘ اخرجي برة في الصالة نحنحي براحتك
سماح بعياط شديد وبقهرة:انا عايزة اروح عند اخواتي
هاني:خدي بعضك وروحي مش صغيرة انتي
سماح:طب وانت مش هتيجي؟
هاني:لما ابقى فاضي
سماح بكسرة نفس:ماشي يا هاني
************************************************
سماح في الاوضة مع ليلى قاعدة..
ليلى:مالك يا سماح
سماح بحزن:كان نفسي اشوف امي قبل ما تموت
ليلى بحزن تطبطب عليها
سماح بدموع:يارتني سمعت كلامها
ليلى بشك:في ايه؟
سماح:انا تعبانة اوووي يا ليلى
ليلى:هاني؟
سماح:...
ليلى:ياما قلنالك يا سماح
سماح:بس مش هسيبه ياخدني لحم ويرميني عضم
ليلى بقلق:هتعملي ايه
سماح:من هنا ورايح لازم اعرف استفيد ازاي
ليلى بخوف:كل يوم بتخوفيني عليكي اكتر
سماح بعياط:عايزة اييه من واحدة كانت كل يوم بتشوف اللي قدها بيتعلموا
وبيلبسوا وبيشربوا وبياكلوا!
ها ومش بس كده وعندهم اب بيخاف عليهم مش احنا لو كنا اخرنا جنيه عليييه
ينيمنا والحزام معلم
على جتتنا! فوووقي بقى يا ليلى من الاوهام والدنيا الساذجة بتاعتك وطلعيلك
ضوافر تعرفي
تخربشي بيها اللي زي رشا وامثالها.. لازم تخربشي عشان ميدسش عليكي!
ليلى:وليييه متحمديش ربك على عيشة غيرك مش لاقيها؟
سماح بسخرية:هي فين العيشة دي؟ هااا ابوكي اللي رمانا وجري ورا واحدة بفلوس
ولا امك اللي ماتت
يا عيني من غلبها وقهرها وفقرها ومقدرناش نجبلها حق العلاج! ولا انتي اللي
بعد ما حبيتي وحلمتي
وصدقتي‘ رمااااكي وجري برضووو ورا واحدة عندها فلوووس! عيشة ايه يا ام
عييييشة ده احنا
قربنااااا نتدفنننن بالحيا!
ليلى:وانتي لما تتجوزي واحد اكبر منك وقد ابوووكي كده بتعيشي؟
سماح وهي بتمسح دموعها وتقول بشكل انتقامي:ااه بعييش ‘ هو اتجوزني متعة !
يبقى يدفع وامتعه
ليلى بصدمة:ايـــــــــه!
سماح:ايه مش احسن ما امشي على حل شعري! واهو بالحلال!! مش عيب ولا غلط ولا
حرام
ليلى بغضب:وهو انتي لما تعملي اللي بتقولي عليه ده هو الصح! الصح صح مهما
اختلفت اشكاله
والغلط غلط مهما كانت مبرراته!!
سماح بعصبية:يوووه والنبي يا ليلى تسبيني في اللي انا فيه انا خلصانة ومش
قادرة..
ليلى بحزن:ربنا يهديكي يا سماح
سماح:قوليلي انتي بقى عاملة ايه مع فارس
ليلى:مش راضي يسبني في حالي
سماح:يبقى تلاعبيه
ليلى:نامي يا سمااااح ‘ نامي عشان شكل عقلك فوووت خلاص
سماح بغيظ:انتي اللي خايبة ومش عارفة مصلحتك
ليلى:مصلحتي يختي اللي تجيبلي هم عمرها ما هترضيني
سماح بسخرية:هه بكرة ننام جمب الحيط ونسمع الزيط
ليلى:قصدك ايه؟
سماح:قصدي يا ختي اللي مكسورين زينا وملهمش جناح مع اول امتحان بيقعوا
*******************************************************
اليوم التاني بيصحوا كلهم على صوت خبط باب..
سعد بيفتح عينه ويبص على ليلى اللي بتقوم وهي بتحاول تستوعب الوقت
والمكان..
سعد يبص ليها بحذر ويقول:تفتكري مين جاي دلوقتي؟!
ليلى:مش عارفة .. قوووم يا عبد الله شوف مين
عبد الله بنص عين مفتوحة:مين البايخ اللي جاي دلوقتي!
سعد:يمكن ....
ليلى:قوم يا عبد الله شووف مين
سعد:قوم يا عبد الله ده شكله اللي بيخبط هيوقع الباب من كتر الخبط يا عم
*********************************************************
عبد الله بيفتح الباب وشعره منكوش ووراه سعد وليلى واقفين ورا عبد الله
وراسهم طالعة من
ورا عبد الله بكل اهتمام.. وبعد ما عبد الله يفتح الباب يلاقوا قيس واقف
وماسك في ايده بوكيه ورد..
قيس بابتسامة:ليلى ‘ قيس اجه .. صباح خير
عبد الله يلف على ليلى باندهاش ويرجع يبص لقيس ويقول:الساعة كام؟!
قيس:6 و نص صبح ‘ شمس طلع قيس قال لازم يجي لليلى ومش خليه لوحده
سعد بفرحة:خش يا صاحبي بس انت جاي بدري اوي بس مش مشكلة
قيس يدخل وهو معاه البوكيه ماسكه في ايده ‘ فسعد يقوله:
هات الورد
قيس:لا ده مش لسعد ده لليلى
سعد:يا عم هاخده احطه بدل ما انت ماسكه كده ‘ متخافش مش هاكله
عبد الله لليلى:هو ده ايه؟!
ليلى بتوتر:معلش يا عبد الله انت عارف ظروفه
عبد الله:ظروفه ايه يا ليلى الساعة 6 ونص الصبح!
ليلى:خش كمل نوم انت
عبد الله:سماح نايمة معانا ليه صحيح؟
ليلى:عادي عايزة تبقى معانا يا عبد الله
عبد الله:طب انا داخل انام
بعدين يبص لقيس ويقول:منور يا قيس
قيس يبتسم ويبص لليلى:لا ليلى هي نور مش انا
عبد الله:اه وماله يا حبيبي
سعد:وحشتني عربياتك يا قيس
ليلى:سعد ممكن حبيبي تروح تجيب عصير لقيس
سعد:معندناش حاجة في التلاجة
ليلى باحراج:خد يا فضيحة وانزل هات من اي محل
سعد:محل ايه اللي فاتح دلوقتي
ليلى:سعددد خش جوووة
سعد:يوووه مش لاعب
******************************************
ليلى:جيت لوحدك ازاي يا قيس؟
قيس:قيس اجه مع راجل سوق بتاعنا
ليلى:بسمة هانم مجتش معاك ليه؟
قيس بحزن:قيس راجل كبير مش توه يعني
ليلى بندم:انا اسفة والله مش قصدي
قيس:قيس كان عايز نام مع ليلى مش سيبه ابدا ‘ بس ليلى مش عايز يبقى مع قيس
ليلى:لا والله يا قيس انا الوقت اللي ببقى معاك فيه بحس بطعم تاني للدنيا
قيس يمسك ايد ليلى ويقول:خليك مع قيس ليلى ‘ خليك معاه هو حس انك حضنه
ليلى بارتباك:بب ببس يا قيس انا ...
قيس:انا حبك حبك ليلى ‘ حسك بتاعي
ليلى:خايفة اظلمك
قيس:مش خليك تظلميني ‘ خليكي فرحانة ومبسوطة
ليلى:قيس انت واعي للي عايزه؟
قيس:قيس افهم هو عاوز ايه
ليلى:طب سبني افكر يومين وارد عليك
قيس:يومين كتير ليلى ‘ قيس عاوز ليلى دلوقتي
ليلى بابتسامة:يومين وهرد عليك
**********************************************
فارس قاعد في الشغل كل تفكيره في ليلى وانه عايز يزورها بس مش قادر لانه
بقى عارف ان قيس
كل يوم بيروح ليها وبيقعد عندها طول الليل والنهار.. وده خلى فارس بقى عصبي
طول الايام اللي
فاتت وعصبيته بقت واضحة قدام الكل..
رشا بتدخل عليه المكتب فجأة وتقول:فارس المناقصة بتاعت شركة....
فارس بعصبية بيقاطعها:انتي اييييه داخلة وكالة من غير بواب مش تخبطي
رشا:في ايييه ‘ انت ازاي تزعق كده في الشرررركة
فارس:قلتلك مليون مرة تخبطي قبل ما تدخلي!
رشا:والله ! ليه سعادتك مييين
فارس بغضب يقرب من رشا ويمسكها جامد ويقولها:اتعلمي ازاااي تتكلمي كوويس
رشا:انت اكييييد اتجننت ‘ انا لازم اقووول لبااابي يشوفلك صرررفة
فارس يزقها ويقول:قرفتييييني انتي وابوكي
****************************************************
رشا بتعيط في مكتب بابها وتقول:تخيل يا بابي بيزقني وبيزعقلي
عزت بعصبية:الحيواااان هو فاكر نفسه مييين
رشا وهي بتعيط اكتر بتمثيل:بابي انت لازم تقرررص عليه شووية
عزت:ده انا ممكن افعصصصصصه
رشا بخوف:لاااا بلاش يا بابي كفاية دلوقتي قرصة ودددن مش اكتر
******************************************************
في اوضة قيس ‘ كان قاعد بيقرأ كتاب وبيبص على الصورة ويحاول يعمل مجسم
عربية زي اللي
في الصورة وفجأة سمع خبط على الباب..
قيس:ادخل يلي خبط باب
ليلى تدخل بابتسامة:ممكن ادخل؟
قيس بفرحة يقوم :ليـــــــلى ‘ قيس كان حاسس انه اجي بسرعة
ليلى بخجل:عامل ايه؟
قيس:حشتيني ليلى
ليلى تبتسم وتروح تقعد على الارض عند المجسم اللي بيعمله قيس وتقوله:
شكلها هيطلع حلو
قيس بعيون مليانة حب:مش احلى من ليلى
**********************************************
عبد الله بعد ما وصل ليلى الفيلا ولسه هيمشي من الجنينة على الباب يلاقي حد
بينادي عليه:بس يا ...
عبد الله يلف يلاقي رشا لابسة بلوزة وجيب قصيرة جدا عند الركبة وشعرها
سيباه على كتفها وبتقوله:
معقول هتمشي من غير ما تسلم عليا؟
عبد الله بفرحة:ا ا اانا كنت بدور عليكي بس ملقتكيش
رشا:طب وهو اللي يدور وميلاقيش حاجته اللي عايزها يستسلم على طول؟
عبد الله بارتباك:مم م انا مش عارف اذا من حقي ولا لا
رشا بتقرب اكتر ليه وهي بتبص جوة عنيه:ولو قلتلك انه من حقك طبعا
عبد الله بتوتر اكتر يقول:يبقى انا هكون اسعد واحد في الدنيا
رشا:عايزة اشوفك
عبد الله باندهاش:انا؟!
رشا:ايوة انت
عبد الله:اا انا ش ششغال دلوقتي في night club اسمه لابموبيرا
رشا:عارفااااه وبروحله كتير بس انا عمري ما شفتك هناك؟!
عبد الله:اه اا اصل شغال جديد
رشا بابتسامة مليانة دلع وتلعب في خصلات شعرها:يبقى هشوفك النهاردة ‘ عندي
ليك كلام كتير
عبد الله بيبلع ريقه بصعوبة:ك ككلام زي ايه؟
رشا:لحد ما اشوفك كل اللي اقدر اقوله ‘ انك هتوحشني اوووي
وبعدين ترمي بوسة في الهوا ليه وتقوله:استناني بليل
في اوضة قيس وليلى بتتأمل قيس وهو بيشتغل في المجسم ‘ تستغرب من المنظر
وتقول لنفسها:
اللي ميعرفش قيس يفتكره من بعيد وهو بيشتغل كده انه عبقري ..طب ماهو فعلا
عبقري ..
ليلى تقول فجأة:قيس
قيس يرد وهو مندمج في المجسم:ايوة ليلى
ليلى:انا موافقة
قيس يرمي اللي في ايده فجأة ويقول:
....................
