الحلقــــــــــــــة العاشـــــــــــــــرة
سعاد ودموع مالية عينها:ع ععندي ....
ليلى بتوتر:اييه ياماااا؟؟
سعاد:ع عع عندي اا السل
عبد الله بصدمة:ايييييه!! من امتى ياما انتي عارفة وساكتة
سعاد بغلب:هقوول ليه يا بني ‘ انا كده كده ... هموت
ليلى بعياط:بعد الشررر عليكي يمااا
عبد الله يجري يبوس ايد سعاد:لا يا حبيبتي ‘ ااا انا هجيب فلوس وهتتعالجي
ليلى:وانا يمااا كمان مهيتي كبيرة وهساهم مع عبد الله
سعاد بحسرة:متتعبوش نفسكم عشاني انا بس نفسي اطمن عليكم
******************************************************
سماح مع هاني في البيت..
هاني نايم على السرير وفي احضانه سماح وفي ايده كوباية الويسكي
سماح:حلو الويسكي ده يا هاني؟
هاني:جدا ‘ تاخدي تجربي؟
سماح بخوف:اا ... مم مش عارفة
هاني:ههههههه انتي دلوقتي حرة نفسك ومراتي وبصراحة في حجات كتيرة عايز
اغيرها فيكي
سماح:زي ايه؟
هاني:يعني لبسك ‘ طريقتك انا عايزك تنسي حياتك اللي قبل كده
سماح:هو يا خويا شريط همسح من عليه اللي مش عايزاه
هاني:انا عايز فعلا امسح كل حاجة
وبعدين يقرب منها ويبدأ يهجم عليها ويمارس معاها رجولته بوحشية .. بعد ما
الاتنين يخلصوا
تقوم سماح تدخل الحمام وتاخد شاور وتعيط تحته وهي قرفانة من نفسها جدا..
**************************************
عزت في الفيلا قاعد مع رشا في الصالون بيتكلموا..
عزت:بس يا بنتي ليه عايزين تتجوزوا بسرعة كده؟
رشا:بصراحة يا papa فارس ماصدق
وخطبني وهيموت واكون معاه في بيت واحد
عزت:طيب وهو حضر الشقة ؟
رشا:لا بس احنا احتمال نقعد هنا في الفيلا لحد ما نوضب الشقة على مهلنا
عزت:الله وليه الاستعجال يا رشا ‘ ما تخلصوا بيتكم براحتكم
رشا بدلع: papa plz بطل تقول كده
‘ ده بدل ما تشتري انت ليا فيلا هدية جواز
عزت بتفكير:طيب سبيني افكر في الموضوع واحنا مش مستعجلين
رشا بتمثيل انها زعلانة:بابي ياريت تفكر بسرعة عشان انا بدأت احس انك مش
عايز تجوزني لفارس
اففف..
*******************************************
تاني يوم ينزل فارس من البيت قبل ما ليلى تيجي ويفضل مستنيها في العربية
واول ما يشوفها
يجري عليها..
فارس بلهفة:ليلى
ليلى بضيق:خير يا فارس
فارس:وحشتيني وحشتيني اوووي
ليلى:لو سمحت عن اذنك مش عايزة اتأخر عن قيس
فارس بعصبية:ايييه مش قادرة على بُعده!
ليلى باشمئزاز:انا قرفانة منك ‘ انا حاسة اني عمري ما عرفتك! انت ازاي يكون
عندك اخ ومتقوليش!
فارس بتوتر:مم مش مشش حاجة انها تتذكر يعني
ليلى تبص لفارس من فوق لتحت:اناني معدوم القلب واللي زيك عمره ما ينفع يحب!
وزقته وكملت على فوق.. في نفس الوقت اللي كان قيس بيشوف المنظر من شباك
اوضته..
**********************************************
ليلى لسه هترن الجرس بتلاقي قيس بيفتح ليها..
قيس بابتسامة:ليلى صباح نور اجه
ليلى بتنسى حزنها اول ما تشوف ابتسامة قيس البريئة وتقول:صباح النور ‘
بتفتحلي بنفسك الباب
قيس بابتسامة:قيس شاف ليلى من شباك
بعدين الابتسامة تختفي ويقول: شافه مع شرير
ليلى ترتبك وتقول:شش اا .. انت فطرت؟
قيس:اه فطرت
بعدين يمسك ايدها ويقولها:قيس وري ليلى حاجه
ليلى وهي مرتبكة:ايه؟
قيس وهو لسه ماسك ايد وبيجرها وراه يدخلوا اوضته..
**********************************************
بسمة في اوضتها قاعدة جمب محمد جوزها اللي بيقرأ الجريدة..
بسمة بتوتر:محمد
محمد وهو لسه بيقرأ:ايه يا بسمة؟
بسمة بارتباك:اا انا خايفة
محمد:من ايه يا بسمة؟!
بسمة:خخ خايفة اللي في بالي يحصل
محمد باستغراب وقلق: في ايه يا بسمة!؟ مالك؟؟
بسمة بتوتر:فيه مشكلة مكنتش على بالي ابدا يا محمد!
***********************************************
عبد الله وهو مستني مامته تلبس:يلااا يامااا
سعاد من جوة:حاضر يا عبد الله ‘ انا مش عارفة انت متسربع على ايه
سعد:انا عايز اجي معاكووا
عبد الله بعصبية:سعددد مش طالباك خالص دلوقتي
سعد:مليييش دعوة متبسبووونيش لوحدي مع حنان
عبد الله:انت مش راجل؟
سعد:طبعااا يا عم
عبد الله:يبقى لما تعرف اننا مزنوقين وان لازم نطلع المشوار ده ضروري انا
وامك ومفيش
في البيت غيرك ‘ يبقى لازم تاخد بالك انت من حنان صح؟
سعد بعد تفكير:اه تصدق صح
عبد الله:ماشي وانا لما اجي عليا اني اجبلك حاجة حلوة
سعد:انا عايز فرخة مشوية
عبد الله:بقلك حاجة حلوووة؟!
سعد:مادي بالنسبالي حلوياات
عبد الله:هههه حاضر يا سعد هجبلك
************************************************
في المستوصف وعند الدكتور عبد الله وسعاد قاعدين قدامه..
الدكتور:والله الحالة متأخرة شوية ومش عايز اخبي عليكم هي محتاجة رعاية
خاصة دلوقتي وده مش
هتلاقوه هنا في المستوصف ‘ لازم تروحوا مستشفى حكومي وطبعا برضو مش هيعملوا
حاجة
فانصحكم بمستشفى خاص..
عبد الله في سره:خاص! يارب اجيب الفلوس منين ‘ ده انا مبشتغلش دلوقتي
ومستلف ومهية ليلى
يادوب هي اللي فاتحة البيت دلوقتي.. يارب اعمل ايييه..
سعاد باستسلام:شكرا يا دكطور ‘ يلا يا بني
عبد الله يقوم بحزن شديد ومش عارف يتكلم ولا يقول اي حاجة
************************************************
في الفيلا اللي قاعد فيها فرغلي مع مراته الجديدة فيفي.. الاتنين قاعدين
قدام التلفزيون يتفرجوا وياكلوا
وفجأة يرن جرس الباب..
فرغلي:انتي مستنية حد؟
فيفي:اه قوم افتح ده غسان
فرغلي بتعجب:وايه اللي جاب غسان دلوقتي
فيفى:جاي يقولي على جديد ابنك
يروح فرغلي يفتح واول ما يدخل غسان يقول:
ازيك يا معلم وازيك يا ست الكل
فيفي:تعالى ياض قولي ايه الجديد
غسان:عندي اخبار لوووز
فيفي بفرحة:هااا عبد الله قرب ينخ؟
غسان:ده استووووى وفاضل على الحلوووو تكة
فرغلي باندهاش:اشمعنا؟
غسان:اقلك يا كبير ‘ اصل يعني ....
فيفي:مالك سكت ليه ياض
غسان:يعني مش عارف الخبر اللي هقوله هيكون ايه وقعه على المعلم
فرغلي:ما تقووول وتخلصني ياض
غسان:اا اصل يعني امه تعبانة بالسل
فرغلي يتصدم:ايه؟
غسان:اه وعبد الله بقى جه اشتكالي انه معندهوش فلوس وانه مش لاقي شغل
وماهية اخته يادوب
للبيت ولوازمه وكده..
فيفي بفرحة:حلووو اوووي يبقى انت تبتدي تزن عليه وهو طبعا هيحتاج يعالج امه
فرغلي سرحان وساكت
فيفي تبص فجأة لفرغلي:ايه يا فرغلي مالك!؟
فرغلي:ها مفيش
فيفي بغيرة:انت حنيت ولا ايه؟
فرغلي:احن لا لا ابدا
فيفي لغسان:اختفي انت دلوقتي وياريت عبد الله رجله تيجي في الخي بسرعة
غسان:تحت امرك يا معلمة
غسان يمشي وبعدين فرغلي يقول:ما بلاش عبد الله خصوصا بعد ما عرفنا ان سعاد
عيانة
فيفي:اشمعنا؟
فرغلي:يعني هو الراجل دلوقتي وسعاد لما تتكل على الله العيال هيبقوا
محتاجين ضهر ليهم
فيفي:عبد الله ضهرهم
فرغلي:بس....
فيفي:بقلك اييه انت هنا قاعد نايم واكل بفلوسي ‘ يبقى متدخلش في شغلي اللي
انا ادرى بيه!
*******************************************
سماح في المطبخ بتطبخ اكل وعمالة تدندن مع نفسها بدلع:
امــه نعييييمه نعيمين امـــــه نعيييمة نعيمين خلي عليوووة يكلممني امــــه
نعيييمة نعيييمين
يرجع هاني من الشغل ويدخل المطبخ ويلاقي سماح لابسة قميص نوم وعمالة بتغني
بدلع
وهي بتطبخ فيقرب منها ويبدأ يبوسها كتير ‘ سماح بقرف:هاني مش وقته انا بطبخ
دلوقتي
هاني:بصراحة لما بشوفك مببقاش قادر
سماح باشمئزاز من هاني:يووه ووسع يا خويا ‘ مش عارفة اكمل
هاني يحاول يتقرب اكتر فسماح تزقه براحه:يوووه بقى مش وقته الله
هاني بلهفة:طب خلصي بسرعة وحصليني على الاوضة
يمشي هاني من المطبخ تمسك سماح كوباية وترزعها على الارض تتكسر وتقول:
كتك القرف انا لو متجوزة حيوان مكنش هيبقى كده
*************************************
ليلى مع قيس وهما قاعدين وقيس بيفرجها على البوم صوره ويقول:
قيس مش حب فرج اي حد صوره وهو صغير
ليلى بفرحة:بس كنت امور وانت صغير
قيس:ليلى عيونه حلوة
ليلى:ا اانت كنت اكيد شاطر وانت صغير
قيس:قييس شاطر وهو كبير
ليلى تبص ليه وتقول:صح
قيس يبص لليلى شوية وبعدين يسحب ايده براحه لحد ايدها ويمسكها براحة وهو
باصص لليلى..
ليلى قلبها يدق وتحس بشعور غريب بيجتاحها ومتكنش فاهمة تفسير لده..
قيس بحنان وبهمس:ليلى ناعمة
ليلى تبتسم بهدوء وفي ارتباك:ا اتت تحب تشرب عصير؟
قيس يضحك ببراءة:هههه لا ‘ ليلى اهرب
ليلى باحراج:وقيس ذكي اوي على فكرة
قيس:قيس يحب ليلى
ليلى تقف مصدومة وتقول:اا انا هروح لبسمة هانم
*************************************
تخرج بسرعة ليلى من اوضة قيس وانفاسها تكون بسرعة ودقات قلبها بسرعة ‘
ووشها يكون احمر
من الاحراج والخوف في نفس الوقت..
يرجع فارس من الشغل ويلاقي ليلى حاطة ايدها على قلبها وواقفة برة اوضة قيس
‘ فيغير جدا
ويتعصب ويروح ليها ويمسكها من ايدها بطريقة توجع ويقول:
مالك واقفة كده ليه! هااا ! وماله وشك احمر كده ليه؟! انططططقي حصل ايه جوة
ليلى:سيب ايدي ملكش دعوة بيا
قيس يخرج فجأة من الاوضة واول ما يشوف ليلى مضايقة من فارس
..............
استنوني الحلقة اللي جاية
