الحلقــــــــة الواحد والعشـــــــرون
رشا فوق في الاوضة بتفكر وعمالة تروح وتيجي جوة الاوضة وفجأة تاخد موبايلها
وتتصل بفارس..
رشا بعصبية:انت فييين؟!
فارس بزعيق:انتي بتزعقي كده ليه
رشا يغضب:انت معندكككش دم ‘ انت سايبني ليل ونهااار ومبتسألش فياااا !! انت
لسسسه متجوززني
يا فاااارس بيه!
فارس بسخرية:والله تصدقي انا كنت ناسي!
رشا بعصبية:انا غلطااااانة اني عملت منك قيمة وخليييتك بفلووسي تعلي وتشووف
نفسسسك بس
وحياااتك يا فاااارس لارجعك زي ما كنت واعرفك قيمتك الحقيقية..
فارس بغضب:انتي بتزززليني يا رشاااا
رشا:انا قرررررفت مننننك اففففف
وتقفل السكة في وشه
*******************************************
بعد ساعة تكون رشا قاعدة بتتفرج على التلفزيون ويدخل فارس وهو مكشر ويبص
ليها بنظرات
كلها قرف..
رشا:والله المفروض اخاف بقى من نظراتك دي
فارس:بقلك ايه انا قرفان ومش طايق نفسي ومش طايق حتى ابصلك
رشا وعينها مليانة دموع حقيقية:انا لحد دلوقتي بحاول استوعب الحالة اللي
وصلنا ليها دي! معقول
ده انت وانا ! امال لو مكناش ولاد خالة؟ كنت عملت فيا ايييه يا فارس؟ مش
ذنبي اني كنت بحبك
صدقني!!
فارس باستغراب:كنتي؟
رشا:تفتكر بعد الحياة اللي ما بينا دي بقى ينفع يكون فيه ذرة حب يا فارس في
قلوبنا؟!
فارس:انتي اللي عملتي يا رشا فينا كده
رشا:انااا ‘ انااا اللي عملت كده؟! انا كان كل همي اني احافظ على حبي اللي
هو انت! كان كل همي
انك تبقى معايا وابقى معاك ونبقى زي اي اتنين ممكن يعيشوا حياة طبيعية!
فارس بألم:انتي اللي قتلتي فيا كل حاجة حلوة يا رشا بأنانيتك وتسلطك
رشا:وانت بقى عملت ايه؟ ما انت كنت ممكن ترفض؟ مرفضتش ليييه ها؟
فارس:ارفض هه عشان الاقيني في ثانية برة الشركة
رشا:شفتتت يبقى انت دوورت على مصلحتك الاول يا فارس ‘ مش انا اللي قتلتك بس
انت قتلت نفسك
وقتلتني معاك بانانيتك..
فارس:لولا اللي في بطنك كنت طلقتك
رشا بارتباك:لو عايز تطلقني طلقني يا فارس وملكش دعوة باللي في بطني
فارس:مش عايز ابني يتربى بعيد عني
رشا بتوتر اكتر وارتباك:ا اا اانا سقطت
فارس بصدمة:ايــــه!
********************************************
ليلى مع قيس في اوضة نومهم.. ليلى قاعدة بتقرأ لقيس كتاب وهو عمال يلعب في
شعرها ..
ليلى:قيس مش مركز
قيس:قيس ركز والله مع ليلى
ليلى:طب اقرا كده لوحدك
قيس يبتسم وبعدين يشيل الكتاب من ايد ليلى ويبص ليها بحب ويقول:تؤ قيس عاوز
ليلى بس
ويقرب من ليلى وبعدين يطفي نور الاباجورة اللي كان مفتوح
******************************************
تاني يوم بتصحى سماح من النوم بتحضر الفطار لهاني ..
هاني:ايه يا سماح مالك؟
سماح:مالي؟
هاني:يعني مفيش دلع زي كل يوم
سماح:ماهو انا مش الة ! انا انسانة بتعب برضو وعندي احاسيس ومشاعر وبيجي
عليا وقت ببقى
مش طايقة نفسي فيه..
هاني:لييه ما انا بقبضك مقابل كل ده
سماح:وانا قررفت يا سيدي من نفسي ومن دي ام عيشة بقى
هاني:ايه ده ايه ده ‘ احنا كوشنا بقى وقبضنا التمن وصوتنا بقى يعلى اهو
ماشاء الله
سماح:بقلك ايه يا هاني انا مش طالبة معايا على الصبح ياخويا
هاني:عيشة تقرف
وينزل ويرزع الباب وراه
سماح:مصيبة تاخدك اسفوخس عليك وعلى اليوم اللي قررت اضيع فيه شبابي واتجوزك
******************************************
بعد ساعة تروح سماح البنك وتدخل هناك عشان تدخل خمس الاف جنيه حسابها..
مصطفى اول ما بيشوفها بيروح يقول لاحمد:اهي صاحبتنا جت اهي تدخل رزمة زي
عادتها
احمد بيبص ليها بنظرات مليانة اهتمام وبعدين يفضل يراقبها لحد ما تخلص واول
ما تخلص
يجري عليها ويقولها:يا فندم يا فندم
سماح بتلف عليه:ايوة؟
احمد:ا اانا اللي خبطت فيكي المرة اللي فاتت و ولما رجعت عشان اعتذر ليكي ك
ككنتي حضرتك
مشيتي..
سماح باستغراب:ايوة ايوة ‘ افتكرتك خير؟
احمد بارتباك:ا اانا ا اانا بس ك ككنت حابب اعتذر ليكي يعني
سماح:طيب خلاص حصل خير ‘ اكيد مش هشيلك وزر يعني عشان خبطتني
احمد بتوتر:ا ااصل حضرتك كنتي مضايقة اوي ‘ ا ااو انا حسيت بكده
سماح بتأمل لاحمد:اممم
احمد:ط ط ططب حضرتك تحبي انجزلك معاملتك بكل سرعة ؟
سماح:هو انا خلصت ‘ بس المرة الجاية هبقى اجيلك ان شاء الله
احمد:وانا في خدمة حضرتك
سماح بابتسامة لاحمد:شكرا
احمد بابتسامة:العفو
تمشي سماح واحمد نظراته كلها متابعة سماح لحد ما تغيب عن عينه وبعدين يتنهد
تنهيدة طويلة اوي..
**************************************************
رشا تصحى من النوم متلاقيش فارس جمبها ‘ لسه هتقوم من على السرير تلاقي
فارس قاعد على
الكرسي اللي قدام السرير..
رشا بخضة:فاارس!! قاعد كده ليه
فارس بارهاق:بفكر
رشا باندهاش:ا اانت منمتش؟
فارس:معرفتش انام
رشا بتعجب وخوف:ل لليه؟
فارس:خبر امبارح هزني يا رشا
رشا باندهاش:هزك؟! ازاي؟ مش فاهمة
فارس بتعب:انا كمان مبقتش فاهم اي حاجة ‘ مبقتش فاهم انا عامل كده ليه ‘
مبقتش فاهم نفسي يا رشا
رشا بتروح تقعد تحت رجل فارس وتقوله:مالك يا فارس ‘ انا اول مرة اشوفك كده؟
فارس:انا طول الليل بفكر يا رشا ‘ بصراحة بفكر فيكي وفي ليلى
رشا بضيق:بردو ليلى لسه ما بينا
فارس:اسمعيني ارجوكي
رشا بألم:كمل يا فارس
***************************************************
ليلى بتنزل الملحق عند اخواتها وتخبط عليهم فيفتح عبد الله..
ليلى:عايزة اتكلم معاك
عبد الله:وانا مستنيكي
ليلى:قررت ايه؟
عبد الله:قلتلك يا ليلى الموضوع مش سهل زي ما انتي فاكرة ‘ دول تجار وبلاوي
ومافيا و وانا دخلت
جحووورهم فاكيد لو حبيت اخرررج مش هتبقى بسهووولة ‘ مم مممكن يبقى فيها
قتلي
ليلى بصدمة وصوت عالي:يالهووووي
عبد الله:ششش وطي صووتك يا ليلى
ليلى بخووف:انا مرعوووبة عليك يا عبد الله
عبد الله:قلتلك متخافيش ‘ انا هتصرف بس بقلك اصبري عليا يا ليلى والنبي
اصبرري ‘ صدقيني
انا شايل حمل ما يعلم بيه الا ربنا..
ليلي:حاضر يا عبد الله ‘ بس متشتغلش معاهم تاني ‘ ولا تروح الزفت اللي
بتروحه
عبد الله:حاضر يا ليلى حاضر
ليلى:اتحجج باي حاجة يا عبد الله
عبد الله يحضن ليلى ويقولها:متخافيش
ليلى:انا مرعوووبة عليك يا عبد الله مش بس خايفة
عبد الله:ربنا يخليكي ليا
ليلى:ويحميك ليا يا احن اخ
عبد الله:البت سماح وحشتني
ليلى بابتسامة:جاية الغدا
عبد الله:لوحدها برضو؟
ليلى بحزن:وهي من ساعة ما اتجوزت الغراب اللي اتجوزته ده كنا شفنا شكله
عبد الله:ربنا ينجيها من شر نفسها اللي وقعت نفسها فيه
ليلى بعتاب:هي بس
عبد الله:خلاص بقى يا ليلى
*****************************************************
فارس بحزن:انا ظلمتك وظلمت نفسي وظلمت قبل ده كله ليلى لما جرحتها واتجوزتك
رشا بدموع:ب ببس
فارس:ششش خليني اكمل بس
رشا:كمل
فارس:وظلمتك اكتر لما افتريت عليكي وبسبب الافترا بتاعي ده سقطتي اول بيبي
لينا ‘ جايز كنت
مش حابه بس احساس صعب ان الواحد يخسر ابن ليه! وقتها بس فكرت في امي وفــ
.....
رشا:اخوك؟
فارس:ما علينا .... رشا انا فكرت ولقيت احسن حل لينا ان ....
رشا وقلبها بيدق:ايه؟
فارس:نطلق
رشا:عشان ترجع لليلى صح؟
فارس:بغض النظر عن ليلى او غيرها ‘ بس الاحسن لينا عشان منجيش على بعض اكتر
من كده
رشا بتمسك ايد فارس وتعيط:انت في الاول وفي الاخر ابن خالتي ومهما عملت فيا
هتفضل حتة
لسه فاكرة ليك يا ابن خالتي لما كنا زمان بنلعب مع بعض ونجري ورا بعض ‘
ايام لما كانت
قلوبنا لسه بيضا وصافية..
فارس بيقوم بسرعة لان حس انه قلبه رق لرشا وبيخرج من الاوضة ‘ ورشا تفضل
تعيط كتير
************************************************************
على العصر بتخرج رشا من اوضتها وتنزل لعبد الله الملحق..
رشا:عبد الله انا هطلق
عبد الله:وانا مالي بيكي
رشا:دي فرصة لينا نفتح صفحة بيضا سوا وانا اوعدك اني هتغير واني هــ
عبد الله مقاطعا:رشا هانم ‘ انا لما هتجوز واحدة هتجوز واحدة تحبني صح
وعمرها ما تذلني
ولا تعايرني
رشا بندم:صدقني يا عبد الله ا ااا اانا هتغير و و ووهبقى كويسة
تيجي ليلى فجأة وتقول:مش قالك انكم متنفعوش لبعض يا رشا هانم؟ مصممة تجرحي
نفسك ليه
رشا بعياط:خلاص افرحي فاررس هيطلقني ويرجع ليكي
ليلى:ههه انا الحمد الله عندي جوزي اللي بحبه
رشا:صدقيني مع اول فرصة تحسي فيها انك ممكن تسيبي قيس من غير احراج هترجعي
لفارس
ليلى:انا بحب قيسسس!!
رشا لعبد الله:عبد الله انا مستعد اعمل اي حاجة اي حااااجة
عبد الله:رشاااا دماغي فيها الف حاجة اهم ارحميييني بقى وارحمي كرااااامتك
ارجووووكي
ليلى:اظن سمعتي الكلام يا رشا هانم
رشا تبص بحقد لليلى وتمشي
***********************************************
رشا وهي راجعة من عند الملحق بتاع عبد الله تلاقي قيس قاعد في الصالة
بيحاول يقرا في كتاب
رشا بخباثة:بتعمل ايه يا قيس
قيس يبص ليها وهو مكشر ويقول:مرات شرير لوش دعوة بقيس
رشا:مممم مع اني كنت عايزة اقولك على حاجة مهمة اووي
قيس يفكر شوية وبعدين يقول:مرات شرير قول ايه؟
رشا تبص على ليلى من بعيد ولما تتطمن انها لسه مش جاية تقرب لقيس
وتقوله:هتجيب هدية ايه
لليلى؟
قيس باستغراب:هدية؟ليلى؟ليه قيس جيب هدية لليلى ؟ ليلى عيد ميلاده مش دلوقت
رشا:مش عيد ميلادها ‘ بس الفالنتين النهاردة
قيس باندهاش:ايه فالنتين ده؟
رشا:ده يوم للحب الناس بتحتفل فيه باللي بيحبوهم فهمت؟
قيس:اه فهمت
رشا:اهو ده بقى الفالنتين
قيس:قيس مش جيب هدية ‘ قيس مش اعرف
رشا بتمثيل:ااه وليلى كده هتزعل
قيس بزعل:ليلى ازعل؟ بس قيس مكنش اعرف
رشا:لا انا هقول انك كنت تعرف طبعا مش هكدب
قيس:مرات شرير عاوز زعل ليلى من قيس عشان شرير
رشا:لا انا عايزة اساعدك
قيس بعدم فهم:ازاي مرات شرير ساعد قيس
رشا:انت تنزل دلوقتي بسرعة وتعمل مفاجأة زي ما هما عملوا ليك امبارح ومن
غييير ما حد يعرف
خااالص وتروح تجيب هدية لليلى..
قيس بحزن:بــ بــ بس قيس مش اعرف جيب منين
رشا:هتلاقي المحلات وبعدين انت كبيير مش صغير ! ولا عايز فارس كلامه يكون
صح وانك
متخلف مبتعرفش تعتمد على نفسك!
قيس:لا قيس جيب لل لليلى هدية
رشا:طيب يلاااا بقى اخرررج بسرررعة قبل ما حد يشوووفك
قيس يقوم ويفتح الباب ويقول:شكرا مرات شرير ‘ قيس روح جيب هدية
رشا وهي بتتلفت يمين وشمال:ماشي ماشي يلااا يلااا بقى بسررررعة امشي
قيس بفرحة كلها سذاجة:قيس روح جيب هدية لحب لليلى قيس روح جيب هدية افرح
بيها ليلى
رشا بتوتر:ااه رووح رووح
قيس اول ما يخرج رشا تتنهد وتقول:اففففففففف ‘ اما احرررق قلبك يا ليلى زي
ما حرقتي قلبي
مرتيييين!! هه ابقي وريني بقى هتعرفي تلاقي العبيط ده فين لما يتوووه
وميعرفش يرجع!هه
**********************************************
بعد خمس ساعات الليل يكون جه والكل في الصالة والفيلا كلها مقلوبة ..
ليلى بانهيار:ازاااي خرررج ازااااي!!
بسمة بعياط:وانت يا سعد كنت فين
سعد بخوف:ا اانا كنت لسه نايم والله ‘ والله انا معرفش حاجه
سماح:يااارب دلوقتي يرجع متخافيش يا ليلى
رشا قاعدة ببرود على الكنبة وبتلعب في شعرها وبتقول:انا مش عارفة ازاي يا
ليلى يكون قيس
مسؤليتك وتهملي بالطريقة دي..
ليلى بزعيق وعصبية:تعرررفي تخررررسي دلووووقتي خاااالص
محمد وحاتم يجوا من برة ومحمد بحزن شديد:بقالنا تلت ساعات بنلف في الاماكن
القررريبة من
الفيلا ومفيش فايدة..
بسمة بانهيار:يعني ايييه مفيش فااايدة ؟؟؟ يعني اييييييه لالالالا ابني كده
خلاااص؟! راااح؟!؟
بعد نص ساعة سعد يخرج وهو بيعيط برة الفيلا ويقف على بابها ويقول:يا قيس
فينك يا صاحبي ؟؟ يا
ترى ايه اللي خرجك؟؟ يا قيسسس تعااالى بقى ده انت بقيت زي اخويا والله..
ليلى بعياط شديد:نواااال ‘ قيس ضاع مني يا نوااال ضااااع
نوال تطبطب على ليلى وبكل حزن:اهددي يا حبيبتي ‘ ربنا يطمنا عليه ياااارب
ياااارب ويجي بقى
وفجأة الكل يسمع صوت سعد وهو بيجري:قييييييس اهووووووووو قيييييس اهوووو
ليلى اول واحدة تخرج جرررري وبلهفة وتروح على باب الفيلا في نفس اللحظة
اللي قيس كان
بيعدي الرصيف ورايح ليها..
قيس بفرحة ومش واخد باله من عربية:ليلى وحشتي قيييس ليلى
وفجأة ليلى تصررررخ:استنـــــــــــى يا قيـــس
قيس وهو بيعدي عربية تكون مسرعة تخبط قيس اللي يقع على الارض ويصرخ من
الوجع وليلى بهلع
تجري عليه وهي بتقول:
قيــــــــــــــــــــــس
..............................
استنوني الحلقــــــــــة اللي جاية
