الحلقة الثامنة من قصة "غيبوبـــــــــة"

الحلقة الثامنة

الممرضة بتجري لاوضة الدكتور بسرعة:الحقنيييييي يا دكتوووووور .. قلب المريض اللي في اوضة

3 وقف!!

الدكتور بفزع:ايييييييييييه..

يجري الدكتور بسرعة ‘ يدخل اوضة اسر ويبدأ الممرضين يحطوا ليه جهاز الصعقة الكهربائية..

الدكتور بيبص للمرضين ويقول بسرعة:ها جاهززززين؟

الممرضين:اه

الدكتور:يلاااا

يحاول الدكتور ينعشه بالصعقات الكهربائية بس قلب اسر ميستجبش!! يبدأ يضغط بايده جامد

مرة واتنين وبعدها بدأ قلب اسر يستجيب..

الممرضة:الحمد الله ..الحمد الله

الدكتور بتعب:رجعوا تاني لاوضته وحطوه تحت الملاحظة!

الممرضة:حاضر يا دكتور..

نقلوا اسر من اوضة العناية المركزة لاوضته تاني وحطوه تحت الملاحظة زي ما طلب الدكتور منهم.

كانت الممرضة بتفتح ستاير الاوضة عشان نور الشمس يدخل وبتلف عشان تغير الورد اللي في الفازا

لقت اسر بيفتح عينه ببطىء..

الممرضة بفرحة كبيرة:الحمد الله ياااارب‘ اما اروح انادي الدكتور بسررررعة

بعد دقيقة جه الدكتور بلهفة وراح ناحية اسر لقاه مغمض عينه فنادى عليه:اسر؟ اسر سمعني؟

لو سمعني ومش قادر تفتح عينك اوي حرك صوابعك وانا هفهم..

وفعلا استجاب اسر وحرك صوابعه بالبطىء..

راح الدكتور وفتح عين اسر عشان يكشف عليه وبعدها رجع يقيس ليه الضغط..

وبعد خمس دقايق فتح اسر عينه وكان واقف الدكتور..

اسر بصوت ضعيف:انــ ا فــ يـــ ـــن ...

الدكتور:حمد الله على السلامة.. انت في المستشفى ‘ اتكتبلك عمر جديد بعد الحادثة الفظيعة اللي انت

عملتها..

اسر بيمسك دماغه وبيقول:حــ اد ثــ ة ! حــ ا دثــة ايه؟! ااااااخ انا مش فاكر حاجة

الدكتور:مش فاكر!! ازاي؟

اسر:مش مــ ــش عــ ا رف ‘اا اانا مــ ــش فـاكراي حاجة..

الدكتور:طب اهدى..اهدى دلوقتي خالص.. الانفعال مش كويس عليك..

يبص للمرضة ويقلها:خليهم يتصلوا باهله ويجوا على مكتبي ضروري..

الممرضة:حاضر..

*********************************************************************************

حبيبة كانت قاعدة في الحديقة زي عادتها بتقرأ وفجأة تلفونها رن..

حبيبة:ايوة يا ريما ‘ اتأخرتي ليه كده؟

ريما:اعملك ايه يا بيبا الدنيا زحمة اوووي

حبيبة:طيب يلا عشان عايزة الحق اعمل شوبينج وازور اسر في المستشفى

ريما:ماشي جاية جاية اهووو..

تقفل حبيبة سماعة التلفون وتجيلها الدادا وهي فرحانة:بشررررة خير يا بنتي ‘بُشرررة خير

حبيبة:ايييه يا دادا؟؟

دادا:اتصلوا من المسشتفى وقالوا ان اسر بيه فاق الحمد الله من الغيبوبة وعايزنكم النهاردة تيجوا ليه

حبيبة تقوم مفزوعة من الفرحة:اااااسر فاااااق!! اسررررر فاااااااق بجد يا دادا؟!!!

الدادا:اه والله انا لسه رادة على تلفون البييت

حبيبة:الحمد الله يا ما انت كرررررريم يااااارب..الحمد الله يارب اشكرك واحمدك يااااارب..انا هطلع

اصلي ركعتين شكر لربنا يا دادا والبس عقبال ما تيجي ريما..

منى نازلة وشايفة حبيبة فرحانة اوي فااستغربت فبتقلها بكل بردو:ده ايه الانشكاح اللي نازل عليكي ده!

حبيبة بفرحة:مبسوووووطة

منى بغيظ:ليه خدتي الاوسكار واحنا مش عارفين!!

حبيبة :حاجة احسن منها بكتييير..

وسابت حبيبة منى مفقوعة من الغيظ وجريت على اوضتها..

بعد نص ساعة كانت ريما وصلت فنزلت ليها حبيبة بسرعة وركبت العربية بلهفة..

ريما باندهاش:في ايه يا بنتي!!

حبيبة بشوووق وفرحة:اااااسر يا ريما فااااق اااااسر فااااق الحمد الله ياااارب .. الحمد الله

ريما:ايه ده بجد!! الحمد الله..

حبيبة:طيب يلاااا سوقي بسرررررعة

ريما:اه شكلك عايز نبات في الاوضة اللي جمبه

حبيبة:يلااااا يا بايخة بسرررررعة بقى ‘ واحشني اووووووي اوووووي يا ريما

ريما:حاضر حاضر اديني ماشية..

يوصلوا المستشفى واول ما يوصلوا تنزل حبيبة بسرعة وبلهفة كبيرة جدا وتجري وريما تجري

وراها..

ريما:يا بنت اللذينة اهددددي..اييييييييه هيجرررري يعني..

تدخل حبيبة على اوضة اسر بسرعة واول ما تشوفه تبتسم ابتسامة كبيرة اووي وتقوول:

حمد الله على سلااااامتك يا ااااسر.. الحمد الله بجددد

اسر باندهاش:حضرتك تعرفيني؟؟؟

حبيبة وريما يبصوا لبعض باندهاش فتقول ريما:اسر هو انت مش فاكرنا؟؟

اسر بحزن ويأس:انا من ساعة ما فقت مش فاكر حاجة! مش فاكر ااااي حاجة!! انا بشوفهم بينادوني

اسر بس مش فاكر انا جيت هنا ازززاي ولا ايه اللي حصل..

حبيبة:انا هروح للدكتور

اسر:استني لو سمحتي..

حبيبة:ايوة؟

اسر:ممكن تبقي ترجعي هنا تاني

حبيبة:حاضر..اكيد هرجع ان شاء الله

تجري حبيبة على الدكتور ويقلها انه اسر فقد الذاكرة نتيجة تعرضه للحادثة والخبطة اللي اتخبطها في

دماغه واللي كانت السبب في انه يدخل في غيبوبة واكد عليها انها متحاولش تضغط عليه بالذكريات

وانها تحكي اللي هو عايز يعرف عنه اجابة ولو فيه اي حاجة في الذكريات ممكن تضايقه نفسيا فبلاش

تفكره بيها حاليا وانها تسيبه يفتكرها هو بنفسه..

ترجع حبيبة وهي مضايقة لاوضة اسر بعد ما كانت فاكرة انه اسر رجعلها من تاني لكن اللي رجع اسر

جديد خالص..

حبيبة ترسم الابتسامة على وشها وتدخل الاوضة:انا جيت تاني

ريما:اتاخرتي ليه

حبيبة:مفيش كنت بطمن على صحة اسر وطمني

اسر:هو حضرتك تقربيلي ايه؟

حبيبة:تقدر تقول متربين سوى يا سيدي من واحنا صغيرين..

اسر:انتي حبيبتي؟ ااا ااو خطيبتي ؟

حبيبة باحراج:لا احنا بس متربين مع بعض واحنا صغيرين واخويا صاحبك اوي ‘ صاحبك الانتيم

توطي عليها ريما وتوشوشها:ما تقوليلوا انكم كنتم حبايب واهو فاقد الذاكرة مش هيحس!

حبيبة بصوت واطي:انتي عبيطة! اغشه يعنني!!!!!

اسر باستغراب:فيه حاجة؟

حبيبة بتوتر:لا لا ممم ريما بس عطشانة..

ريما بضحكة بلهاء:اوووي

اسر:اا اااومال فين اخوكي اللي بتقولي عليه صاحبي اوي؟ يعني هو اا قصدي ليه مجاش معاكي؟ ليه

جيتي انتي لوحدك؟

حبيبة:عع ععشان هو بيشتغل في الشركة وميعرفش لسه انك فقت‘ هتصل بيه واقوله دلووقتي

واكيد هيجي يزورك هو ومنى..

اسر:منى مين؟اختكم؟

ريما بتضحك بصوت عالي:هههههههههههه

تقوم حبيبة تضربها في كوعها وتقول:اا لا منى دي مراته

اسر:ااه ..شفتها قبل كده؟

ريما:هههههههههههههه لا بجد سوووري مش قادرة سوووري معلش

وبعدين بصوت واطي تقول لحبيبة:ميعرفش انها كانت هتبقى مراته قبل ما اخوكي يتنيل ويتجوزها..

اسر:هو حضرتك ليه بتضحكي كتير؟ هو انا كلامي فيه حاجة؟

ريما:لا اصل بقلها منى لو جت انا همشي

اسر باندهاش:ليه؟

ريما:امممم مبحبهاش

اسر:ليه؟

ريما:عشان ببساطة هي حيوانة

اسر بصدمة:نعم!!

حبيبة:رييييمااااا بس بقى الله..

ريما بعصبية:ماشي خلاص خلاااااص..

*********************************************************************************

مروان راجع من الشغل حاسس بضيقة فظيعة خصوصا بعد ما كلمته حبيبة وقالتله على اسر وانه

فاقد الذاكرة..مكنش عارف هو هيتصرف معاه ازاي خصوصا انه قبل الحادثة بكام شهر كان اسر

قطع كلام معاه وصفى حساباته من شركة مروان وبدأ يعمل ليه شركته الخاصة واللي قعد يكبرها

يوم بيوم عشان يثبت لمنى انها خسرت كتير اما سابت الحب وجريت ورا الفلوس. بس كان اسر

بيكلم حبيبة بين فترة وفترة يطمن عنها لانه مكنش عايز يخسرها هي كمان ولانها ملهاش ذنب

في اللي اخوها عمله .. رجع مروان البيت ومرحش يشوف منى كعادته لانه كان قرفان منها

ودخل اوضة المكتب وفضل يفكر...

*************************************************************************************

بعد ما خلص اسر سفرية ماليزيا رجع مصر تاني وكان كله شووق ولهفة يقابل منى ويقلها انه خلاص

قرب يبني نفسه وشغله ليه ولوحده بس زي ما هي عايزة.. اشترى ليها فستان الفرح من هناك

وعلى زوقه واشترى ليها لبس كتير وحاجات كتير وراح ليها البيت..

الام:اهلااا يا حبيبي اتفضل يا بني

اسربابتسامة:ازيك يا طنط وحشتيني اووووي والله ..

الام بفرحة:وانت كمان يا ضنايااا

اسر:منى فين؟

الام:لسه في الشغل

اسر باستغراب:غريبة!! بس الساعة 9 بليل دلوقتي؟

الام:بتقول فيه اجتماع عندها

اسر:اممم ممكن بردو

الام:خش يا حبيبي احمد واسعد جووة..يا اااااحمد يا ااااسعد تعالوووا اسر رجع من السفر

اسعد يخرج من اوضته:اهلاااااا ابو الكباتن ازيك

اسر:الحمد الله انت عامل ايه

اسعد:انا كووويس انت عامل ايه؟ واخبار سفريتك ايه؟

اسر:كانت حلوووة وجبت فستان الفرح لمنى

اسعد:بجد مبرووووووك

الام:ربنا يخليكوا يااااااارب لبعض والله انا عمري ما كنت اتمنى واحد احسن منك لمنى

اسر:ربنا يخليكي يااااااارب لينا..

تدخل منى من برة وتتفاجأ بوجود اسر..

اسر بفرحة:مممممنى حبيبتي وحشتينييييي اوووووي

منى ببرود:اهلا يا اسر حمد الله على السلامة

اسر بصدمة من برود منى:الله يسلمك! مالك؟

اسعد:طب يلا يا ماما احنا ندخل جوة..

منى:ايه؟مالي!!

اسر:حاسك غريبة؟

منى:ليه شايفني داخلى على ايدي مش رجلي مثلا!! ولا داخلة بشد في شعري!!

اسر:لا بس مش شايف الشوق في عنيكي!!

منى:عامل ايه يا اسر

اسر:بصي جبتلك ايه معايا.. جبتلك فستان الفرررررح يا روووووحي

وتكون عين اسر مليانة حب وفرررحة وشووووق..

منى بكل برود وجفاء:انا مش هتجوزك يا اسر

............

استنوني الحلقة اللي جاية......

الحلقة السابعة من قصة "غيبوبـــــــــــة"

الحلقة السابعة

وفي اللحظة دي تدخل حبيبة وتتفاجأ بالمنظر ده ‘ مروان يتوتر جدا وترتبك منى..

مروان بتوتر:الحمد الله لحقتك يا منى قبل ما تقعي

منى بارتباك بتظبط شعرها وتبتسم:ااه الحمد الله..اهلا حبيبة

حبيبة بقرف:اهلا يا منى

مروان:طيب يا منى هشوف الصفقة اللي اتكلمتي فيها ولو مناسبة ناخدها ليه لا!

منى:ماشي ..انا ماشية بقى ..فرصة سعيدة يا حبيبة

تمشي منى من هنا وتبص حبيبة بشك لمروان وتقوله:كانت بتعمل ايه هنا؟

مروان:زي ما سمعتي فيه صفقة هي كانت شايفة انها كويسة واسر مش عايز يدخلها فكانت جاية اا

جاية يعني تقلي..

حبيبة:والله!! وانا المفروووض اصدق بقى!!

مروان بعصبية:يعني اييييه؟؟

حبيبة بغضب:لا متتعصبش يا مروان..انا بس عايزة اقلك حاجة‘ منى دي عاملة زي التعبان اللي بيلف

على الضحية بتاعته لحد ما يخنقه! فياريت تاخد بالك كووويس اووووي ومتنساش انها خطيبة صاحبك..

مروان:اا ااانتي عبيطة!! ممم يعني هو حصل ايه عشان الكلام ده!

حبيبة:محصلش حاجة.. انا رايحة اشوف اسر..

مروان بخوف:ليه؟؟

حبيبة بتبص بحذر لمروان وتقول:رايحة اطمن عليه واسلم‘ متخافش مش هقله على المهذلة اللي شفتها

مش عشانك!بس عشانه..ومرة تانية بقلك خلي بالك..

تمشي حبيبة من مكتب مروان وترزعه جامد وتروح عند مكتب اسر فتلاقي منى قاعدة على المكتب

اللي برة مكتب اسر..

منى بخوف:حبيبة! خير؟

حبيبة بقرف:داخلة لاسر

منى:ليه؟

حبيبة:ايه ممنوع؟

منى:لا بس اصل اسر مشغول!

حبيبة:اممم طيب استناه بس هستناه جوة ولا انتي هتمنعيني في شركة بابي!

منى بغيظ وتضحك ضحكة ممزوجة بسخرية وصوت عالي:ههههههه لا طبعا ..بس كنت عايزة

انصحك نصيحة صوغننة خالص‘ اللي شفتيه ده لو طلع برة هيضرك انتي اكتر ما هيضر اي حد!

حبيبة بعصبية شديدة:انا عمررررررري ما شفت بجااااااحة زيك!!

منى:بوصي يا بيبااا اللي شفتيه لو طلع لاسر هقله انك كذابة واسر بيصدقني وهو مغمض عنيه وهقله

انك عايزة توقعي ما بينا اكمنك معجبة بيه..هههههههههههههه اوعي تكوني فاكرة اني مش فاهمة

ان عينك على اسر من زمان! عيووونك فضحاااكي اووووووي ولولا ان اسر ساذج وعبيييط

كان عررررف من زمان اوووي انك واقعة لشوشتك ..بس انا بقى محبتش افتح عنيه..اصل بصراحة

شكلك بيبقى حلوووو موووووت وانتي بتتعذبي قدامي كده..هههههههههه..

حبيبة بقرف:يييييع بجد انتي مخلوووقة الواحد مينفعش اصلا يتكلم معاكي وعلى فكرة انا مش هقول

ولا كنت هقول لاسر بس مش عشان خايفة من تهديدك الغبي اللي زيك ‘ بس عشان مش عايزة

اوجع قلبه المسكين..

وتسيبها حبيبة وتدخل مكتب اسر وبعد ما تدخل منى لنفسها: يا ننوس عين مامي!ههههههههه..اما

ورررريتك يا حبيبة الكلبة! مبقاش اناااا وحيااااتك لخلي اخوكي الدلدووول يجري ورايا زي الكلب

وابقى انا الكل في الكل واتحكم فيكي وادووووس عليكي بجزمتي مبقاش اناااا منى!!
******************************************************************

تنزل حبيبة من فوق وتلاقي نور اوضة المكتب مفتوح ‘فتروح تلاقي مروان قاعد جوة المكتب

وفاتح البومات قديمة ونازلة منه دموع..

حبيبة:مروان!! ايه اللي مصحيك لحد دلوقتي؟

مروان:مم ممافيش ببس جالي كابوس فقمت مفزوع من النوم ونزلت هنا قعدت اتفرجت على الالبومات

وسرحت في الماضي..

حبيبة:مش عارفة ده وقته ولا لا بس انا حذرتك من منى يا مروان ومسمعتش كلامي..

مروان بحزن:يارتني كنت سمعت كلامك..

يبدأ يعيط ويكمل:انا خسرت صاحبي وخسرت كل حاجة حلوة مابينا عشانها وهي عمرها ماقدرت

ولا حتى حسستني في يوم انها بتحبني!

حبيبة بحزن:ياما قلتلك يا مروان ان اللي زي منى ملهاش عزيز ولا غالي‘مسمعتش بكلامي

مروان:مش عارف كانت عملالي ايه! زي ما اكون كنت مسحوووور..

تسرح حبيبة وترجع تاني للماضي...
**********************************************************************

حبيبة بعد الموقف اللي حصل في الشركة تاني يوم راحت الجامعة وقابلت ريما عشان تحكيلها

اللي حصل..

ريما بعصبية:لااااااا دي قاااادرة بقى!!!! انتي ازاي تسكتي ليهاااا؟!!! ايه السلبية اللي انتي فيها

دي يا حبيبة؟؟

حبيبة بغيظ:مقددددددرش اتكلللللللم..

ريما:ليه بقى!! خايفة من تهديدها القذر؟؟؟؟؟

حبيبة:لا بس مش هيصدقني يا ريما وهيبعد عني! وهيعرف اني معجبة بيه ويفتكر ان دي غيرة!

انا مش هستفيد بالعكس هي اللي هتستفيد..

ريما:اماااال ايه نسكتتتتتت وهي بدات تلف على اخوووكي كماااان!!!!!!

حبيبة:مش عاااارفة اعمل ايه مع مروان ده كمان!

ريما بعصبية:لااااااااا بقى طب انتي وسلبية وسايباها تضحك على حبيبك انما مرواااان لاااا!!

حبيبة:خلاص يا ريما اهجمي عليه في المكتب وقوليله انك بتحبيه!

ريما:لااااا طبعااااا!! بس انتي ساعديني

حبيبة:ايووووة اعمل اييييييييه!!

ريما بغضب:معرررررفش معررررررررررررررفش اتصرررررررررررفي!!
*************************************************************************

بعد اسبوع منى كانت قاعدة في مكتبها عمالة بتفكر واسر كان مسافر ماليزيا عشان صفقة يخلصها

للشركة‘ اما مروان فكان بقاله اسبوع مبيحضرش الشغل عشان وفاة والده وفي اللحظة اللي منى

كانت بتفكر فيها تكلمه لقته داخل..

مروان بجفاء:سلامو عليكو

منى بتمثيل انها حزينة:وعليكم السلام..اخيرا جيت

مروان:اسر لسه في ماليزيا؟

منى:ااه

مروان بجفاء:ابعتيلي كل الحجات اللي ورانا اعتقد شغل كتير اوي اتعطل..

منى:حاضر ولايهمك..ادخل انت المكتب وانا جاية وراك..

كانت منى لابسة فستان اسود ضيق وقصير فوق الركبة ولابسة كعب عالي‘ وكانت بتتعمد تيجي

بفساتين ضيقة جدا تبين تفاصيل جسمها.. طلعت مرايتها زي عادتها وفضلت تبص على نفسها وتظبط

شعرها وترش برفيوم كتير على نفسها..

منى داخلة بتدلع في مشيتها وصوت الكعب العالي بيرن في الاوضة‘ وبتقرب من مروان وبتدي الملفات

ليه وبتقوله بدلع:كل الشغل هنا ‘ بس متخفش انا كنت ممشية كل حاجة في غيابك انت واسر كويس اوي..

مروان:شكرا..تقدري تتفضلي انتي..

منى بتمثيل:انت زعلان مني؟

مروان بجفاء:لا

منى:امال مالك؟ بتعاملني وحش ليه!

مروان:انتي عايزة مني ايه يا منى؟!!

منى اتصدمت من السؤال بس حاولت تجاوب وتعمل نفسها مسكينة:اا اانا تعبانة اوي يا مروان

مروان بخوف:ليه؟ حاسة بايه؟ اطلبلك دكتور؟؟

منى:لا انا تعبانة نفسيا

مروان:ليه خير؟

منى:اا ااصل اانا بصراحة عايزة افسخ خطوبتي من اسر

مروان بخضة:اييييييه؟ ليه؟

منى:في الفترة الاخيرة لقيت ان اسر مينفعش ليا ومش هو الشخص المناسب ليا..دماغه في ناحية

وانا دماغي في ناحية تانية خالص..حاولت اقربله بس لقيت ان كل مرة بحاول اقرب ابعد اكتر..

مروان:وانا مالي بالكلام ده؟!

منى:اا بصراحة انا بحبك انت

مروان:ايه! انتي اكيد بتهزززززري

منى:لا انا بتكلم بجد! انا لقيت دماغك زي دماغي ‘ انا حاولت اشيلك من دماغي كتييير بس بجد

مش قاااااادرة انا بحبك انت يا مروان انا بحبك اوووي.

مروان بتهته:بب ببس انتي انتي خطيبة صاحبي وانا كده بخونه!

منى:هتخونه لو انا بحبه ‘ بس انا مبحبهوووش..

مروان:لا مقدرش ‘ اسر بيحبك اووووي

منى بعصبية:يوووووووووووه متقلش بيحبني!! هو عمره ما كان فاهمني ولا مقدرررني!! ولا عمري

شفت في عيونه الاهتمام اللي بشوفهم في عيونك...

مروان بخوف:عيوني انا!! لا انا مليييش دعوة..

منى بتمثل العياط:بس انا بحبك وعايزة اكمل حياتي معاك..

مروان بخوف:واسر!

منى:هقله اني مش قادرة اكمل حياتي معاه!

مروان:بس

منى:متنكرش ان انت نفسك بتحبني

مروان بخوف:لالالا

منى بعصبية:متبقااااااش جبااااااااااان!!

تقرب منه منى اوووي وتمسك ايده وتحطها على قلبها وتقله بدلع:غمض عنيك

فيغمض مروان عينه وبعدين ترجع تقله:سامع دقات قلبي بتقلك ايه؟

مروان وهو مغمض عينه:بتقول ايه؟

منى بهمس:بتقول انه نفسها تكمل حياتها كلها معاك وانها شايفة انك راجل احلامي..

مروان:بس...

تحط منى ايدها على بقه وتقول:شششش متقلش حاجة دلوقتي خالص‘ فكر على راحتك..

وتقوم سايباه وتمشي وهو واقف مغمض عينه لسه..

مروان وهو مغمض:منى؟منى؟؟مــــنى؟؟؟؟

يفتح عينه وميلاقيش حد معاه في الاوضة يخرج بسرعة ليها فيلاقيها قاعدة على المكتب وبتغمزله..

منى:شوووف الورق وادرسه كووويس

مروان بابتسامة بلهاء:اا ااه
*********************************************************************

اسر في المستشفى لسه نايم في غيبوبة ‘ اصوات كتيرة حواليه ومش فاهم حاجة ‘ صوت اتنين بيتخانقوا

من بعيد وصوت امواج بحر عاااالي اوي بيغطي على صوت الخناق وصوت رقيق تالت بيدخل

في نص الاصوات بعديها يجي صوووت فرملة عربية جاااااامدة اووووي .. نبضات قلبه بتقل وصوت جهاز القلب بيدي انذار..تيجي الممرضات بسرعة وممرضة منهم تقول:

انا هجرررررري انادي بسررررررررعة الدكتووووور

استنوني الحلقة اللي جاية......

الحلقة السادسة من قصة "غيبوبــــــــــــة"

الحلقة السادسة

وفجأة يشوفوا منى راكبة العربية مع دكتور عادل وبيلعب في شعرها وهي بتضحك..

ريما:شووووفتي اهوووو!!

حبيبة بعصبية:دي حيواااااانة

ريما:ماتقوولي لاسر

حبيبة:انتي مجنوووونة!! لا طبعاااا

ريما:امال هتسيبيه هيتغش فيها؟!

حبيبة:مقدرش اوجعه يا ريما!

ريما:اما تسيبيه يعيش مخدوع؟

حبيبة:مصيره يكتشفها على حقيقتها باذن الله..

ويجي اسر فجأة ليهم..

اسر:سلامو عليكم

حبيبة بتوتر:وعليكم السلام..ايه يا بني اتأخرت ليه

اسر:معلش عقبال ما مضيت شوية ورق.. شفتوا منى؟

ريما:اااه دي كانت

تقوم حبيبة تضربها في دراعها وتقطع كلامها:اه كانت في المكتبة وشكلها روّح

ريما بسذاجة:مكتبة ايه يا بنتي ده احنا...

تقوم تضربها حبيبة في دراعها تاني وتقطع كلامها:ايوة احنا فعلا لسه كنا شايفنها مروحة مع صحبتها

ريما بسخرية:اااه صحبتها الحلوة هأهأ هأ

اسر بتعجب:انتي سخنة يا ريما

حبيبة:اه معلش شكلها واخد ضربة شمس

تلف حبيبة لريما وتبرقلها بعينها جامد بمعنى انه اسكتي بقى

ريما:اييييه بتبصيلي كده لييييييه

حبيبة:كانك اتاخرتي يا ريما

ريما بسذاجة:على ايه؟؟

حبيبة:على باباكي

ريما بتوشوش حبيبة:بتوزعيني هااا‘ ماشي يا ستي..

بعدين تعلي صوتها وتكمل:طيب انا فعلا بابا هراني اتصالات بقى يا اسر انتي فين يا ريما انتي فين

تعالي يلا وكده بقى وانت عارف اهلي بيحتاجوني اوووي ‘ فاقوم ايه بقى انا كان نفسي اقعد بقى

والله بس بيبا بقى قصدي بابي بقى يلا خير..مع السلامة

وتقوم ريما ماشية ‘ يبص اسر لحبيبة ويضحك ويقلها:مجنونة البنت دي ولا انا بيتهيألي؟؟

حبيبة:هههههه لا هي مجنونة فعلا

اسر:دي يعيني ممكن تروّش جوزها!

حبيبة:ها تحب نروح فين؟

اسر:مش عارف..اختاري انتي..بس قبل ما نروح نشتري انا عازمك يا ستي على الغدا ‘ عشان

تقولي اني مش حارمك من حاجة..ها!!

*********************************************************************************************

في شقة في المعادي كانت منى قاعدة في الصالة وجمبها الدكتور بتاعها..

دكتور عادل:كنت خايف لحسن تغدري زي عادتك ومتجيش معايا

منى بدلع:تؤ ‘ بقى انا غدارة؟!

عادل يقرب منها ويهمس في اذنها بصوت واطي:اوووووووي

منى بدلع:ليه بس كده! ما انا جيت اهو معاك ‘ رغم ان خطيبي كان جاي الجامعة النهاردة..بس عشان

تعرف انك غالي عليا طنشته وجيت معاك..

عادل:انا مش عارف انتي عملالي ايه بجد! سحراني اوووووي..

منى:انا معملتش حاجة

عادل:انتي مدوخاااااااني اووووووووووي يا بنت اللذينة

منى بدلع:طب ايه بالنسبة لدرجاتي في المادة بتاعت اسامة الزفت اللي مسقطني؟ عملتلي ايه في

الموضوع ده؟

عادل:كلمته والله وبزن عليه..متخافيش يا روحي

منى:اما نشوووف

عادل:هو انا مش هشوفك بعد ما تتخرجي

منى:تؤ‘ ايه مشبعتش مني؟

عادل:لا

منى:طمااااع اووووي

عادل:هو انا طولت منك حاجة عشان اشبع اصلا!

منى:ماانت عارف انا قدمت ليك افصى ما اقدر اني اقدمه غير كده ابقى مغفلة وبضيع نفسي!

عادل:اااااخ منكككك..يابخته

*********************************************************************************************

بعد 5 شهور كان اسر خطب منى واتخرجوا هما الاتنين من الكلية وكمان مروان اتخرج وحبيبة وريما

كانوا في تالتة كلية..

اسر وظف منى معاه في الشركة اللي بيشتغل فيها وطبعا ده بعد موافقة من بابا اسر عشان متأكد ان

اختيارات اسر في توظيف الناس اللي معاه بيبقى صح..

اسر:منمن حبيبتي بابا اسر وافق اخيرا انك تشتغلي معايا

منى بسخرية:والله! والمفروض اعمل ايه بقى؟ اطير من الفرحة ولا ارقص!!

اسر:مالك يا منى؟ انا توقعت تفرحي! ده مرتبك هيبقى كبير

منى:وهشتغل ايه بقى ان شاء الله!!

اسر:السكرتيرة بتاعتي

منى:اممم وانته تفضل لحد امتى كده خايب!!

اسر باستغراب:يعني ايه؟؟؟

منى:يعني بقالك سنييييين شغااااال عندهم وبيمصوا في دمك ولسه كل ده ب تقبض كام ملطوووش منهم!

اللي زيك كان زمانه كون لنفسه شغله الخاص بيه..مش انت!!

اسر بعصبية:انتي بتتكلمي عن النااس دي ازاااااي كده!! انتي مجنووووونة!!! دول هما دول اللي لولاهم

مكنتش قدرت اصلا اتجوززززك!! وكتر خيرررررهم اوووي انهم وافقوا يشغلوكي معايا رغم انهم

اصلاااا مش محتاجينك!! وبعدين منا بحوش عشان اتجوزك وفي نفس الوقت بحوش عشان اكون

شغلي الخاص بيا زي ما بتقولي بس مينفعش اسيبهم دلوقتي لانهم داخلين مشروع جديد ومحتاجيني

معاهم! فمينفعش يا هانم اطلع نددددل معاهم واقلهم سووووري! هرمي كل خدماتكم ورا ضهري

وهسيبكم وامشي!!!

منى بغضب:انت فقرررررررررررري..واحد في مكانك كان ممكن يدخل بدل المشروع الف ويكون

امبراطوووورية لنفسه! بس انت ماشي بقيم وقرف لا بتودي ولا بتجييييب..

اسر:اعقلي يا منى واوزني كلااااامك وانا ماشي ولما تعقلي ابقي كلميني ...

ينزل اسر من بيت منى وتيجي الام تقول: ليه يا بنتي كده تنزلي الراجل نفسه مكسووورة!! ده يا حبة

عيني بيتمنالك الرضى عشان ترضي! وكان جاي فرحان ..

منى:يوووووووووه انتواااا ليه مش فاهميني بقى!!

الام:مش فاهمينك ايه يا منى؟ انتي بس اللي بتبصي دايما لفوووق اوووي..

منى:وايه ده غلط ان اكون طموحة اوووي؟

الام:لا بس بصي على قدك عشان فوق اوووي ممكن يكسرك..

منى بعياط:هو انا مش من حقي افرح بقى زي بقية الخلق..

الام:من حقك يا بنتي بس مش على حساب الناس..

*********************************************************************************************

بعد شهر في مكتب اسر في شركة بابا مروان قاعد بيخلص صفقات وبعدها ينادي منى..

منى:ايوة حبيبي

اسر:خلصنا ولا لسه فاضل حاجة؟

منى:لا خلصنااا اففف اخيراااا

اسر:طيب ايه رايك نتغدى برة سوا؟

منى:ايه ده بجد؟؟

اسر:طبعا

منى:ماشي

اسر:شفتي بقى انك لما اقتنعتي تشتغلي هنا معايا كان بفايدة لينا‘ اديني بشووفك اكتر..

منى:اه..هو احنا هننزل دلوقتي؟

اسر:اه..ليه فيه حاجة؟

منى:ااه اخلص بس حاجة كده وننزل

منى لنفسها:يكون جه مروان ..تؤ انا مش عارفة هو اتأخر ليه...

اسر:ماشي حبيبتي..خلصي وتعاليلي

تخرج منى من مكتب اسر وتروح لمكتبها تطلع المراية وتظبط شعرها وتحط روج احمر غامق

وتطلع ازارة برفيوم وترش كتير اوي على نفسها وبعدين تظبط الجيب القصيرة اللي كانت لابساها

وتروح لمكتب مروان عشان تشوفه جه ولا لا..تخبط الباب فتسمع صوته من جوه فتقوم داخلة..

منى بدلع:صباح الخير

مروان:اهلاااا صباح النور

منى بدلع:مشغول؟ عطلتك؟

مروان:لا ابدا

منى:اففف اصل انا زهقانة واسر دايما مشغوول فقلت اجي اشوفك

مروان:اه معلش اسر بيشتغل ماشاء الله عليه بضمير وكده فتلاقيه بيركز اوووي..

منى بدلع:طب وانا...

مروان:هو مش بيهتم بيكي ولا ايه؟

منى:هأ تؤ مش بيهتم خالص..

مروان:معقول؟! بس اسر بيحبك اوووي

منى بدلع زيادة وبتقرب منه وتروح تقعد على حرف الكرسي اللي قاعد عليه مروان:

بس انا هقلك سر..اا ااانا ولا لا بلااش لحسن تروح تقوله لاسر

مروان:لا متخافيش

منى :اا ااصل انا بصراحة مؤخرا بب ببقيت احس انه مش هو ده فتى أحلامي..

مروان بقلق:احم ليه لللليه بس كده؟

منى:موش عارفة

مروان بيقوم من على الكرسي لان حس ان الوضع مش مريح ومكنش قادر يفهم تصرفات منى

اللي بقالها اسبوعين تجيله المكتب كتير وتحاول تقرب منه ..

مروان:ممم لا هو بس انتي عارفة اسر بيبقى مشغول وكده بس بس هو بيحبك

تروح منى ليه مكان ما هو واقف وتعمل نفسها هتقع على الارض فيمسكها مروان بسرعة عشان

يلحقها فيبان كانه محوطها بذراعه وفي اللحظة دي .......

استنوني الحلقة اللي جاية.....