الحلقة الثانية من قصة "غيبوبـــــــــــــــــة"

الحلقة الثانية

الممرضة بعد الفحص:الحمد الله ..

حبيبة:طب هو امتى ممكن يفوق؟

الممرضة:الله اعلم! بس انتوا افضلوا كلموه كتير وحسسوه انكم حواليه..

حبيبة:حاضر

تمشي الممرضة وتقرب حبيبة تاني من اسر وتقله:ايه بقى مش ناوي تصحى؟ ولا انت حابب

تعيش دور الدلع ده؟

وفجأة يدخل مروان ومعاه منى فتضايق حبيبة انهم جم لان كان نفسها تقعد مع اسر لوحدهم..

مروان:انتي هنا يا حبيبة؟

منى بغيظ:انتي بتعملي ايه هنا!!

حبيبة:يعني هكون بعمل ايه؟ بزور اسر اكيد!!

منى بغيظ:والمستشفى يقولوا ايييه لما يشوفكي لوحدك كل شوية نطاله!!

حبيبة بعدم مبالاة:يقولوا اللي يقولوا اظن انا مش جاية بعمل حاجة عيب لقدر الله معاه! ولااني مثلا

متجوزة ورايحة اقابله من ورا اهلي!

منى بعصبية:قصددددددك اييييه!!

مروان:ايه يا حبيبة الكلام ده؟!

منى:ياسلاااااااام!! هو ده اللي قدرت عليه؟! ده بدل ما تلطشها بالقلم عشان لسانها الطوووويل ده

حبيبة:اظن هنا مش مكان عشان نزعج العيان ده بالقرف بتاعنا..

منى بعدم مبالاة:وهو حاسس بينا اصلااا ولا دريان باللي حواليه!

تخرج حبيبة وتقول لمروان:انا خارجة برة عشان ده مريض ومحتاج الهدوء..

واول ما تخرج منى تقوم رامية شنطتها بكل عصبية على الكرسي اللي قدام السرير وتزعق وتقول:

البنت دي بقت حاااااااجة لا تطااااااااق!! واااااانت مش عااااااارفة ليه بتقف قدامها بكل بروووود كده!

مروان:شششش وطي صووووتك يا منى! احنا في مستشفى..

منى:يوووووووووووووووووووه دي عيشة تقرررررررف

تدخل الممرضة وهي مضايقة وتقول:لو سمحتم مينفعش كده! صوتكم واصل لبرة والمريض محتاج

هدوء!

منى تبص ليها باستحقار وتفضل تبص على اسر كتيييير..

وتقول في سرها:ما تصحى بقى ‘ نفسي اقعد معاك واتكلم!! نفسي اتكلم كتييير بقى ..وحشتني

مروان:منى يا منىىىىى

منى:اييييييييييييييه في اييييييه!! مش شايفني سرحاااااانة عمال تنادي تنادي تناااادي!!

مروان:ايه سرحانة في ايه؟؟

منى بملل:افففففففففف ‘دي عيشة بقت تخنق..

وقامت خدت الشنطة بتاعتها ومشيت من الاوضة..

مروان فضل يبص على صاحبه اسر كتير ويعيط ومشي وهو موطي راسه لتحت..
********************************************************************************

في العربية مروان بيسوق وهو سرحان وجمبه منى سرحانة وورا قاعدة حبيبة بتبص من الشباك.

فجأة منى فاقت من غيبوبة التفكير وقالت:مروووان عديني على ماما

مروان:هنتغدى عندها؟!

منى ببرود:افففف لا هتنزلني عندها وتمشي انت

مروان:مش هتتغدي معانا؟

منى:يووووه يا مروان هو انت عامل زي العيل كده ليه!!! هو انا كل مكان عايزة اروحه طابق على

نفسي كده؟! مش معقوووووول يا اخيي ارحمنيييييي!! حتى مع ماما عايز تيجي وتقعد! افرض رايحة

ليها افضفض شوووووية!!

مروان:طب براحة يا منى الله.. ده ذنبي يعني اني مش بحب اخليكي تروحي هناك لوحدك وانتي عارفة

ليه كوووويس!

منى:شييييل بقى الاوهاااام دي من دماغك

مروان:ايوة بس يا منى حتتكم بليل بتبقى مش حلوة

منى بعصبية:مرووووووووووووووووووووان تعبتتتتتتتتتتتتتتتتتت ارحمنييييييييييييي..

مروان:خلاص خلاص براحتك

حبيبة بتسمع الحوار وقاعدة بتغلي من جواها من سلبية اخوها المستفزة مع مراته ورجعت بذاكرتها لورا..

في يوم وهي قاعدة كعادتها بتقرا رواية ومستنية مروان يرجع من شغله عشان يتغدوا سوا‘ لقت

اخوها راجع فرحان اوي والفرحة مش سايعاه..

مروان:بيبا بيبا باااااااااااااااااااااااااركيلي بااااااااااااااااركيلي

حبيبة بفرحه:ايه يا ميرو؟

مروان:منى منى يا حبيبة

حبيبة بخوف:مالها؟

مروان:منى طلعت بتحبني اناااااااا ‘ منى عايزة تتجوزني اناااااااااا

حبيبة بغضب:اييييييييييييييييييييييييييييييييييييه!! انت اكيد بتهززززر او مش واعي انت بتقووول ايه

مروان:لييييه بس؟؟

حبيبة:مروان منى دي لعبية ومش بتحبك اصلا!! اللي زي منى يبيعوا اي حد يقف قدام احلامهم

وطموحهم! اللي زي منى هتدوس عليك لو لقت حد يدفع فيها اكتر منك! ولا انت ناااااااسي!!

انت اصلاااااا ازاي تقبلها على نفسك وعلى.......

قاطع كلامها بعصبية:اسكككككككككتي اسكككككككككككككتي..حتى الفرحة يا حبيبة مستكتراها

عليا..

حبيبة بحزن:والله ابدااااا بس مش دي يا مروان مش ددددي..

مروان:بس انا بحبهاااااااااااا وبمووووووووت فيهاااا ليه بقى عايزاني بعد ما اتاكد انها موافقة تتجوزني

وبتحبني اقولها ااااااسف عشان واحد كانت مخطوبة ليه مقدرش يحقق احلامها !!

حبيبة:ومسألتش نفسك هي سبته ليييه!! مسألتش نفسك انها عذبته معاها كل السنين دي وفي الاخر

رمته! مسألتش نفسك ان واحدة مصنتش العشرة ولا صانت انه كان فيه واحد بيحفر بصوابعه العشرة

عشان يحقق ليها احلامها اللي مبتقفش ممكن تقف جمبك انت لو وقعت!!؟

حراااام عليك نفسك يا مروان ..حراااااام عليييييييييك..

مروان بجفاء:الموضوع محسوم يا حبيبة خلاص!! انا ومنى هنتجوز بعد اسبوع!

جريت حبيبة على اوضتها تعيط....
*************************************************************************

رجعت حنين للواقع على صوت مروان:ايه يا بيبا روحتي فين؟

حبيبة:ها؟ لا ابدا معلش اصل مصدعة شوووية

مروان:طب ايه رايك يا حبيبتي نتغدا سوا برة؟ بقالنا كتير معملنهاش واهي فرصة منى عند اهلها

وانا وانتي نقعد مع بعض شوية..

حبيبة:اكيد يا ميرو..يلا هتغدينا فين؟

مروان:امممم احسن مطعم فيكي يا قاهرة عشان احلى بيبا في الدنيا..

وبعد مرور نص ساعة كانوا وصلوا لمطعم تشيليز وطلبوا الاكل..

حبيبة:سمعاك..

مروان باستغراب:في ايه؟؟

حبيبة:عارفة ان جواك كلام وعايز تقوله..قلي وانا سمعاك

مروان بتوتر:اا اااقول ايه يا بيبا بس!!

حبيبة بابتسامة فيها حزن:قول يا ميرو اللي جواك‘ فضفض

مروان:مم ممش عارف بس بببس دايما حااسس انني مهما عملت لمنى مش بحسها مبسوطة

حبيبة:ازاي؟

مروان:اه بتفرح لما اجبلها خاتم الماظ ولا اشتريلها فستان من باريس ولا حتى اسفرها روما

بس بحس ان فيه حاجة من جواها تعباها!

حبيبة:مش عارفة اقلك ايه يا مروان بس دي حاجة كانت متوقعة ومش عايزة افضل اعاتب فيك

بس انت اللي اخترت الطريق ده..

مروان بحزن واسف:انا بس عايز اعرف انا حارمها من ايييه عشان تحسسني دايما بالعجز ناحيتها!

حبيبة:بص يا مروان حسسها انك ممكن تبيعها لو هي مقدرتكش!

مروان:بس انا مقدرش

حبيبة:متستفزنييييش بقى يا مروان اكتر من كده!!!! يعني اييييه متقدررررش!!! هي فيها ايه اصلا؟!

مروان:بحبهاااا يا حبيبة والله العظيم حاااااولت اخرجها من راسي كتير خصوصا انها... بس بس

معرفتش!! كنت بتعذب ليااااااااااااالي ومعرفتش!!

حبيبة:عشان هي كانت زي الحيّة ولعبت عليك وقدرت يا مروان انها توقعك في شباكها..

مروان:يعني ايه لعبت عليا دي! ايه يا حبيبة شايفاني عيل بريالة؟!

حبيبة:لا بس عاشق ساذج مش واخد باله ان مراته دي مش ست عادية لا دي أفعى بتعرف تفترس

ازاي!!
***************************************************************************

في بيت اهل منى كان بيت فقير في منطقة شعبية ‘ كانت مامتها بتعمل الاكل.. منى عندها تلت اخوات

بنات واخين ولاد.. كانت بتزورهم من فترة لفترة لانها مكنتش بتحب ترجع للمنطقة اللي عاشت طول

حياتها قرفانة منها ونفسها تسيبها.. حاولت تاخد شقة كويسة في منطقة قريبة من الفيلا اللي هي عايشة

فيها لمامتها واخواتها بس مامتها رفضت. الام مكنتش موافقة بجوازة منى لمروان لانها عارفة ان

بنتها مش بتحب مروان وانها اتجوزته عشان فلوسه ومركزه وشركاته والفيلا والعربيات‘ وعارفة

ان بنتها دايما بتحلم احلام اكبر منها ومن مستواها ودايما مش مقتنعة برزقها..

وكانت بتعاني معاها من وهي في المدرسة اما كانوا البنات يسألوها عن مامتها بتشتغل ايه فتقلهم

موظفة وهي كانت بتشتغل خياطة. ولما كانت تصحى الام في عز الليل عشان تتطمن على عيالها

وتغطي كل واحد وتكتشف جواب استدعاء لولي امر الطالبة منى شحاتة فتستغرب وتستنى تاني يوم

وتسألها:جواب ايه ده يا منى؟

منى بكل برود:ده جواب استدعاء ولي امر!

الام:ومقلتيييش ليه؟! وعملتي ايه اصلا عشان يجيلك جواب زي ده!

منى بكل غرور:عشان الناظرة حطاني في دماغها!

الام:من باب للطق كده!! ومقلتيش ليا ليه!!

منى:واقول ليه! مين اصلا اللي هيروح ليا

الام:انا يا بنتي؟ ولا اخوكي الكبير

منى:انا قلتلهم ان بابا متوفي وخلاص خلصت على كده..وبعدين انتي تيجي ليه!! عايزة تفضحيني؟!

الام بانكسار:انا افضحك؟

منى:ايوووووة لما يشوفوا لبسك وطريقتك المستفززززة دي واللي قولتلك ميت مرررة تغيريها

ومبتسمعيش الكلام هيعرفوا انك مش موظفة!!

الام:ليه يا بنتي منا اسمي بردو موظفة!

منى:خياااااطة !!

الام:وفيها ايه؟ حرام!!

منى:يوووووووووه هتعمليلي بقى دور امينة رزق في فيلم ابيض واسود مش طالبة على الصبح

الام بعند:طيب ايه رايك بقى اني هاجي النهاردة المدرسة واما اشوووف اخرتها معاكي يا منى

منى بعصبية:طب ويمين بالله لو عملتيها لاكون سيبالك البيت المعفن ده وما تعرفيلي اراضي ابدا!!

استنوني الحلقة اللي جاية......