غيبوبــــــــــة
قصة لفاطمـــة طـــلال
الحلقة الاولى
ممر طويل في مستشفى راقي وسرير عليه شاب في اواخر العشرينات ‘وممرضين
بيجروا بيه بسرعة
يطلع الدكتور بسرعة من مكتبه ويجري ليه ويدخل معاهم اوضة العمليات..
بعد مرور ساعتين يخرج الدكتور من الاوضة ويسأل واحدة من الممرضات:مين معاه؟
الممرضة:والله يا دكتور محدش جه معاه ‘ اللي جابوه لما عمل الحادثة الناس
اللي في الشارع
الدكتور:طيب شوفوا الحاجات المتعلقة بيه وحاولوا تتصلوا باي حد تلاقوا
نمرته عنده..
الممرضة:حاضر
الدكتور:يفضل في العناية المركزة لحد ما قلبه ينتظم
الممرضة:حاضر يا دكتور
******************************************************************************
******************************************************************************
بعد اسبوع في فيلا راقية وتحديدا في حديقة الفيلا كانت حبيبة قاعدة سرحانة
وماسكة في ايدها رواية
يجي اخوها ليها فجأة ويقول:
صباح الخير
حبيبة:صباح النور
مروان:عاملة ايه النهاردة؟
حبيبة:مش هنروح لاسر في المستشفى؟
مروان بضيق:هنروح يا حبيبة..هنروووح!!
حبيبة بحزن:لسه مفقش من الغيبوبة؟
مروان:لا مفقش..وياريت بقى ترحميني من السيرة دي يا حبيبة!! مش معقووول
كده!
مش كل ما اجي اقعد معاكي تسأليني عنه؟!
حبيبة:وايه اللي بيضايقك اووي كده! هااااا!
مروان:يوووووه..مفيييش مفيييييش..انا قايم
حبيبة:هتروح ليه؟
مروان بعصبية:مش هتزفت اروحله..فين مُنى؟
حبيبة بضيق:معرفش ‘ اكيد لسه نايمة
يطلع مروان لاوضته ويلاقي منى لسه نايمة ‘ يروح جمبها ويصحيها بكل رقة:
حبيبتي مش كفاية بقى نووم كده!
منى وهي مغمضة عينها وبكسل:مممم في ايه يا مروان؟
مروان:احنا بقينا الضهر
منى:وبعدين؟
مروان:يلا بقى يا حبيبتي كفاية دلع واصحي
ويقرب منها عشان يبوسها ‘ تقوم تزقه وتقوله بكل برود:افففف مش شايف اني
نايمة
مروان باحراج:وفيها ايه يعني يا منى؟!
منى بكل برود وجفاء:فيها اني لما ابقى اصحى ابقي اعمل اللي انت عاوزه
وياريت مرة تانية
يا مروان تسبني نايمة لحد الوقت اللي انا اقرر فيه اصحى! ولا هو الواحد
ميعرفش ينام في
البيت ده براحته..
مروان باحراج:انا اسف...
تقوم منى وتدخل الحمام وتطلع منه تلاقي مروان نزل تحت فتروح قدام المراية
وتبص على نفسها
وتقول:
انا مش عارفة كنت بفكر في ايه لما قررت اتغابى واتجوز المقرررف ده!!! معقول
عشان اوصل
لاحلامي ادوس على قلبي وحبي!! وارضى اتجوز واحد غبي زي ده!
وفجأة تسمع صوت مروان من تحت بيناديها:
منى حبيبتي‘ يلا يا روحي جهزت ليكي الفطار بنفسي..
منى بصوت عالي:حااااضر يا عيوني نازلة اهوو
وبصوت واطي:اففففف ممل
تنزل منى وترسم على وشها الابتسامة بنفاق وتروح الحديقة عشان تفطر مع
مروان..
تقول بكل غرور:صباح الخير يا حبيبة
حبيبة من غير ما تبص ليها:صباح الخير
منى:ياااه هي الرواية للدرجة دي شداكي!
مروان:معلش يا حبيبتي ‘ هي حبيبة كده اما بتدخل في مود القراية مش بتبقى
واعية لنفسها ‘ مش كده!
ولا ايه يا حبيبة؟؟
حبيبة تبص لاخوها بنظرة مليانة ضيق من ضعفه قدام مراته وبعدين تقول لمنى:
مش لازم لما حضرتك تنزلي اقوم اقفلك تعظيم سلام!!
منى:انتي بتستهبلي!!!! مروووووووان شووووف اختك بتتكلم ازاي!!
مروان بعصبية:احتررررمي نفسك يا حبيبة!!
حبيبة:انا هقوووم من هنا واريحكواااااا...
منى:يا سلاااام بعد اييييييييه؟؟؟ بعد ما سديتي نفسي على الاكل؟!
حبيبة:انا نازلة يا مروان..
مروان:طيب
بعد ما تمشي حبيبة تبص ليه منى وتقله بكل عصبية:انت بتستعبططططط ده بدل ما
تعاقبها على
قلة ادبهاااااا ‘ رايح تقلها كده؟!
مروان:بس هي يا منى مقلتش ادبها وبعدين انا زعقتلها وانا عارف حبيبة اكيد
متقصدش..اصل
هي لما بتقرأ فعلا بتدخل في الموود اوووي وما بتحسش بنفسها!
منى:ااااه يعني انا بقى بتلكك؟!! افتكر يا استاااااذ كووويس انها اصل مكنتش
موافقة على جوازنا
وانها مبتحبنيش!
مروان:اا اانتي عارفة كوويس هي ليه مكنتش موافقة على جوازنا يا منى وياريت
تقفلي الموضوع
ده!
منى:بس
مروان بعصبية:مممممممنى!! قلتلك خلااااااااااااااااص!!
منى تقرب من مروان وتمسك ايده وتبوسها وتتدلع عليه وتلعب في شعره
وتقله:خلاااص متضايقش
نفسك..يا حبيبي اناااا..
مروان يخدها في حضنه ويبوس راسها وهي تحاول تبعد عنه شوية بشوية من غير ما
يلاحظ..
********************************************************************************
********************************************************************************
تروح حبيبة المستشفى وقبل ما تدخل الاوضة على اسر تروح للدكتور المشرف على
علاجه وتسأله
حبيبة:ها يا دكتور مفيش اي جديد؟
الدكتور:للاسف هو لسه في غيبوبة وهو محتاج منكم انكم تتكلموا معاه وهو في
الغيبوبة عشان
يحس بوجود الناس حواليه..
حبيبة بحزن:حاضر ‘ طب وقلبه؟
الدكتور:الحمد الله انتظم شوية عن اول ما جه..
حبيبة:شكرا يا دكتور ‘ بعد اذنك..
تروح حبيبة الاوضة لاسر وبعد ما تقفل باب الاوضة تقول:
صباح الخير يا اسر؟؟ معلش انا عارفة اني اتاخرت عليك النهاردة ‘ بس اعمل ايه
يا سيدي
العقربة اللي اسمها منى مسكت في خناقي وطبعا زي ما انت عارف صاحبك قدامها بيبقى
عامل ازاي! كان واقف في صفها وهو عارف انها غلطانة.. بس انا بقى مستنتش
عقبال ما هما
يجوا وقلت مينفعش اسيبك لوحدك كل ده واجي اونسك..
وتقوم حبيبة تاخد الورد اللي في الفاز وتبدله بورد جديد وترجع تتكلم وتقول:
انا جبتلك الورد اللي انت بتحبه ‘ البنفسج.. شفت انا بقى عارفة ازاي انت
بتحب ايه!!
تقرب ناحية اسر وتحسس على راسه وتقول:
انا عارفة انك عمرك ما حسيت بحبي ليك ولا كنت اصلا بتاخد بالك مني! وكنت
دايما معتبرني
اخت صاحبك وزي اختك الصغيرة! لكن انت عندي كنت كل حاجة! ويوم ما عرفت انك
هتخطب
قلبي كان هيقف بس معرفتش ازعل منك اوووي لكن زعلت عليك جدااااا..ويوم ما
فسخت خطوبتك
على اد فرحتي ان امل ان نبقى لبعض رجعلي الا اني كنت زعلانة اوووووووي
ليك..
اصحى وفوووق بقى يا اسر انا محتاجة وجودك من تاني..
تروح حبيبة تفتح ستارة الاوضة عشان الشمس تدخل جوة الاوضة وترجع تقول:
خلي الشمس تدخل شوية ليك ‘ ما فيش احلى من النور .. اه صحيح مش انا كتبت
خاطرة جديدة..
وتسكت شوية كده وتبصله باحراج وترجع تكمل:ايه؟ عايز تسمعهاااا..ممممم
لاااا..انت عارف
اني بتكسف..ههههه مصمم..ماشي يا سيدي هقلهالك ما انا مبقدرش ارفضلك
طلب..اسمع يا سيدي
كتبت ايه:
كتبت اليك كثيرا يا سيدي ولم تصلك حروفي.. كتبت اليك بنداء القلب تارة
وبنداء الروح تارة اخرى!
وتمنيت ان تسمع انيني..لكنك اثرت ان تبقى معمي العينين!
بعثت اليك من حروف الهجاء كل الحب ليأسرك ولكني وجدته يأسرني انا! أيا ترى
جرعة الحب
التي تناولتها من عيناك كانت كبيرة فأردفتني شهيدة الغرام؟! ام ان حصون
قلبك كانت أقوى
من عشقي فسحقته دون ان تدري؟!!!
ها ايه رأيك؟؟ايه؟مالها حزينة اوي كده ليه؟مممم مش عارفة يمكن عشان انا من
جوايا حزين؟!
تدخل عليها الممرضة :صباح الخير يا فندم
حبيبة بابتسامة:صباح الخير..جاية تشوفي حالته؟
الممرضة:اه لازم كل شوية نتأكد من ضربات قلبه منتظمة ولا لا!
حبيبة:تمااام..اتفضلي
استنوني في الحلقة اللي جاية........
