الحلقة الثامنة من قصة"شقــــــــــــة 22"

الحلقة الثامنة

بعد يومين من وقوع الجريمة وكل واحدة من البنات جم اهلها.. داليا كانت مع اهلها في اوضتها..

بابا داليا بكل جدية وجفاء:انا شايف انك ترجعي معانا وتسيبي الشقة المشؤومة دي!

الام:انا كمان شايفة كده ومفهاش مشكلة لو سنة ضاعت عليكي وبعدين نبقى ننزل كلنا معاكي

داليا بخوف: ببس انا مش عايزة كده

الاب بنبرة مخيفة:ايه! يعني ايه مش عايزة كده! وانتي من امتى بتعوزي!!

داليا بعياط:يابابا انا اتعودت على صحابي اللي هنا وو وواتأقلمت على الحياة هنا ..

الام:يعني يا بنتي عايزة تقعدي هنا في الشقة بعد ما اتقتل فيها صحبتك! ده انا ميتة في رعبي

من ساعة ما جيت..

داليا بعياط وترجي:يا ماما اديكي شفتي صحابي اللي قاعدين هنا وشفتي اية صاحبة الشقة

وكلهم عايشين عادي ‘ اه هو فراق سعدية صعب علينا وخصوصا اناااا بس بس حرام اضيع

سنة وانزل معاكم..

الاب بكل جفاء:انا قلت كلمة وخلاص النقاش انتهى ..

وبص ليها بصة بتبريقة كده كانت كفيلة تخلي داليا تسكت خالص من الخوووف..

اية كانت قاعدة مع اهل سعدية بتحاول تفضل جمبهم اكتر وقت ممكن وتهدي فيهم..

اية:سعدية بجد كانت بنت محترمة اوي وظريفة وجدعة جداااا

الام بعياط:عارفاها يا عيني كات تجعد تضَحك فينا كلاتنا وتُبجى هي من جواها حزين جوووي!!

اية:فعلااا كنت بحس ده في الايام الاخيرة!

سعيد كان قاعد بيسمع للحوار ويعيط جامد اوووي..
*****************************************************************************************

الظابط لصاحبه الظابط: انا شاكك في حد

الظابط التاني:مين؟

الظابط الاولاني:مش متأكد ‘ بس حاسس

الظابط التاني:طب ايه شاكك في ايه؟

الظابط الاولاني: البنت مش بس مذبوحة! لا وكمان مغتصبة! والة القتل مختفية ولما فتشنا البيت

كله ملهقناش! يبقى ايه؟!

الظابط التاني:بالظبط يعني اللي قتلها مقتلهاش عشان سرقة او عشان حاجة ده قتلها عشان انتقام!!

الظابط الاولاني:ولما عاينا البصمات مفيش بصمات في الاوضة ولا حتى للقتيلة!؟

الظابط التاني:ده معناته ان القاتل كان عنده وقت يقتل ويمسح بصماته!

الظابط الاولاني:بالظبط؟! ومش بس كده لا هو عارف ان كلهم مش موجودين في البيت

الظابط التاني:يعني حد من جوة البيت بقى؟!

الظابط الاولاني:او من برة البيت وحد من جوة سهله!

الظابط التاني:طب وبعدين؟

الظابط الاولاني:هنرجع ندور تاني على اي بصمة ممكن يكون نسي يمسحها!! وهنزود المراقبة

على كل واحد في البيت..

******************************************************************************************

نادين في اوضتها مع اهلها قاعدة بتعيط اوي ومنهارة..

الام برعب:وبعدين احكي؟؟ شو حصل؟؟

نادين بخوف وبتترعش:انا ما كنت بعرف ان فيه علائة بين عنود وسامر وما كنت بتخيل ابدا

وفي يوم اجت سعدية تحكي لي..

الاب:شو ئالتلك يا بنتي؟!

نادين بتترعش وهي بتتكلم:ئالت الي انه سامر بيحبني؟ وانا جاوبتها بكل ثئة انو اه ‘ ئالتلي انها

بتشك انه ولد مش منيح وانه مش لازم اعطيه كل ثئتي..

الام:وبعدين؟

نادين:بعدين انا كتييير عصبت واتحديتها وئلتلها انتي شو بتعرفي عن الحب وكتير وئتها جرحتها

بالكلام..

ترجع نادين بذاكرتها لليوم ده..

سعدية:انا جلت يا بنت الناس اوعيكي عشان خايفة عليكي من الواد التعبان ده! وانتي حُرة بجى!

نادين بعصبية:اسمعيييييي يا سعدية مو معنى اني ئلتلك روحي ئابليه واتحدثي معُه وروحتي

ئابلتيه مرتين لتيجي تئوليلي هيك وتئعدي تخبصي بالحديث معُه!!

سعدية:يا بنت الناس بجوووولك كان جليل الادب اوووي في حديثه معاياااا!! وجعد يهددني!

وانا مخفتش منه وجلتله هجووولك وهو كان واثق جوي انك مش هتصدجيني!

نادين بعصبية رمت الكوباية اللي كانت في ايدها وكسرتها بالحيطة وراحت قربت من سعدية اوووي

وزقتها جامد ‘ فوقعت سعدية على الارض وكان جمبها ازاز متكسر ووقعت ايدها بالغلط على

واحدة من الازاز اللي متكسر وايدها اتعورت فصرخت سعدية جامد من الوجع..

سعدية:ااااااااااااااااااااااااااااااااااخ

نادين بخوف وعصبية:اصحي تئولي على سامر شي غلط مرة تانية!! فهمتي والا رح ائتلك

المرة التانية يا سعدية لو خبصتي بالحكي وئلتي شيء مو منيح عليه وانا غلطانة اني دخلتك

في هالموضوع!!

وسابت نادين سعدية ومشيت من غير ما حتى تبص على الجرح اللي في ايدها..

فاقت نادين من ذكرياتها وكانت منهارة جدا في العياط..

بابا نادين:وصار ايشي تاني بينكن؟ يعني بس حذرتك منه؟

نادين وهي بتعيط:اه بس

الاب:ما اتخانقتن يا بنتي؟

نادين برعب:.....

الام:شو يا نادين؟ بيك عم يسألك ما اتخانقتن؟؟

نادين بخوف شديد:ها؟ شو؟؟ لا لا لا ما اتخانقنا ابدااا هي اما ئالتلي انو سامر هيك انا ئلتلها ماشي

خلص وقفلنا على الموضوع وئلتلها ما بدنا نفتحه مرة تانية..

الام:طيب يا بنتي اذا نفس ما عم تحكي ليه خايفة؟؟

نادين برعب:ممم مما بعرف ‘ بس بس انا ما حكيت للظابط ها اللشي..

الام: ايه اذا متل ما عم تحكي هي مجرد نصحتك ما في داعي انك تحكي ولا تخافي؟! ولا صار

شي تاني وانتي ما بدك تحكيه؟

نادين برعب وكذب:لا لا لا ما صار شي تاني..

الاب بخوف:يابنتي احكي ولا تخافي من شي! حتى اذا صار شي ندبرلك رجعة ع لبنان ونهربك؟

نادين:لا لا لا مافي شي بابا..

**************************************************************************************

اية بتاخد نفسها وتنزل لانها كانت مخنوقة اوي وكان اليومين دول عمالة تكتشف حجات بشعة جدا

ومكنتش قادرة تستحمل منظر اهل سعدية وهما بيعيطوا ليل ونهار ولا منظر سعيد وهو ماسك

صورة سعدية وطول الوقت يعيط ويقول ليها في الصورة:انااااااا اسف يابنت عمي حجك هجيبه!

جت تدور العربية بتاعتها مدرتش فا اتصلت بواحد زميلها في الكلية عشان يجي ياخدها ويجيبوا

حد يصلح العربية..

اية:الو ايوة يا خليفة ‘ بقلك انا عربيتي بايظة ممكن تديني عنوان الميكانيكي بتاعك عشان اخليه

يجي يصلحلي العربية او تيجي معايا نجيبه؟؟

خليفة:ماشي يا اية‘ عملتي ايه في الحادثة اللي حصلت في شقتك؟

اية بتعب:افففف تعبانة اوووي يا خليفة بجد!! مش عارفة اعمل ايه ولا مصير الشقة دي هيبقى

ايه!!

خليفة:معلش يا ايوووش هتتحل باذن الله.. مسافة السكة اجي اخدك ونروح للميكانيكي..

اية:ماشي..

تقعد اية في العربية تستنى خليفة لانها مكنتش عايزة ترجع تتطلع تاني البيت‘ وفجأة ترجع بذاكرتها

لكام يوم قبل ما سعدية تموت..

اية راجعة من الكلية ومتلاقيش ولا بنت في البيت غير سعدية..

اية:ايه ده؟ سعدية! انتي رجعتي بدري من الكلية ولا ايه؟؟

سعدية:لا ما روحتش من اساسه!!

اية:ليه!! غريبة؟! انتي عيانة ولا ايه؟؟ ده انتي عمرك ما عملتيها؟

سعدية بحزن:مليش نفس

اية:ليييه يابنتي؟؟ متخانقة مع سعيد ولا ايه؟

سعدية بحزن وبابتسامة مكسورة:سعيد! ده احلى حاجة في دنيتي ‘ لا ياستي مش متخانجة معاه

اية باستغراب:امال مالك؟؟

سعدية:مش عارفة يا اية بس حاسة كده بشعور غريب!!

اية:زي ايه؟؟

سعدية:جلبي متاخد مني!!

اية:يعني ايه؟

سعدية:مش عارفة جلجانة كيه ومش على بعضي!

اية:يا ساتر يارب..ليه بس كده؟

سعدية:مش عارفة بجى!! فكك خليها على الله..

اية:انتي مالك يا سعدية؟ حد مننا مضايقك؟

سعدية بضحكة سخرية:ههههه انتي طيبة جوووي يا اية!

اية:وانتي والله يا سعدية..

سعدية:انا داخلة انام! بجولك انتي هتروحي الحفلة بتاعت جامعة البت عنود ديه؟

اية:ممم اعتقد اه هي عايزانا كلنا معاها..

سعدية:انا برة الليلة دي

اية:ايه ده ‘ يعني مش هتيجي معانا

سعدية:لا انتي عارفة لا انا ليا خُلج عليها وهي كمان!

وفجأة تصحى اية من ذكرياتها اما تلاقي حد بيخبط على شباك عربيتها..

اية:خليفة خضتني!!

خليفة باستغراب:ايه كنتي فين؟

اية:ما فيش افتكرت سعدية

خليفة:ربنا يرحمها..

اية:يااااارب.. المهم ها يلا بينا

خليفة:يلا

تروح اية في عربية خليفة وتوصل لحد مكان شبه عشوائي..

اية باندهاش:هو الميكانيكي بتاعك هنا

خليفة:ااه ‘ معلش هو المنطقة فقيرة اوي وعلى اد حالها..

اية:اه اووووي.. هي الناس دي عايشة ازاي كده؟!

خليفة:مش عارف.. اهو الميكانيكي هناك اهو

تنزل اية ومعاها خليفة للميكانيكي وهناك اول ما يدخل خليفة ينادي: عبووود

يخرج عبود من جوة ويعتبر شاب في اواخر العشرينات متوسط الطول ‘ عينه بني فاتح وهدومه

متوسخه كلها بالاسود ومتبهدلة..

عبود:اهلاااااا خليفة باشا عامل ايه؟

خليفة:ازيك انت

عبود:الحمد الله

طبعا اية من ساعة ما خرج عبود من جوة وهي عينها متشالتش من عليه لانه كان عاجبها اووي..

خليفة:بقلك يا حبيبي ‘ كان فيه عربية بايظ وعايزينك تيجي معانا تصلحها..

عبود:خلاص ماشي ‘ بس اديني ربعاية كده اخلص اللي في ايدي واجي معاك لامؤاخذة

خليفة:خلاص ماشي ‘ تقدري يا اية تستني؟

هنا عبود اخد باله من اية واللي كانت متنحة عليه..

خليفة:اية؟؟ اية!!

اية لما استوعبت:ايوة ها؟

دخل عبود يكمل العربية اللي في ايده ومداش اي اهتمام لاية..

خليفة:مالك يا بنتي؟ سرحتي فين؟

اية باحراج:ابداا ‘ لا عادي مفيش.. كنت عايز ايه؟

خليفة:بقلك نقدر نستنى ربع ساعة عقبال ما عبود يخلص؟

اية:هو اسمه عبود؟

خليفة باستغراب:اه؟! ليه!!

اية:يعني اسمه الحقيقي ايه؟

خليفة:عبد الله

اية:اممم حلوو

خليفة:هو ايه اللي حلو يا اية!! بقلك هينفع نستنى؟

اية:ااه ااه اكيييد

خليفة:طيب ‘ تعالي نستنى بقى في العربية لحد ما هو يخلص اللي في ايده..

اية:لا بقلك ايه خلينا نستنى هنا

خليفة:هنا فين يا اية!! احنا في منطقة عشوائية يعني لو حد شافك بالمنظر ده ممكن تتاكلي!!

اية بضجر:افففف طيب طيب طيب

تروح اية العربية وتفضل كل شوية تبص على عبود وهو بيشتغل ويكون هو حاسس بس يطنشها

خالص..

بعد نص ساعة كانوا راحوا لبيت اية وراح عبود يشوف العربية عشان يصلحها..

خليفة بعد ما خلص التلفون اللي جاله:بقلكم ايه انا معلش مضطر لازم اروح

عبود:طب مينفعش تستنى بس شوية كده

خليفة:والله يا عبود امي عايزاني ضروري

اية:مش مشكلة انا هوصلك

عبود من غير ما يبص ليها:متعودتش يا موزمزيل بنت توصلني!

اية:بس انا على فكرة مجبورة اني اوصلك! قصدي يعني زي ما خدتك ‘ ارجعك!

عبود:انتي مش مجبورة على حاجة

خليفة:لو خلصت من امي بدري هتصل بيك واخدك.. انا اسف يا عبووود بس خلي اية توصلك

المرادي معلش..

يمشي خليفة بسرعة ويكمل عبود:لا عادي هرجع مواصلات..

اية بعصبية: على فكرة انت قليل الذووق

عبود مهتمش لكلامها وفضل يكمل في العربية ويحاول يصلحها..

بعد ساعة وبعد ما خلصها واتاكد انها رجعت تشتغل قال:انا كده خلصت شغلي..

اية:انا متشكرة ليك اوووي..

عبود:العفو

اية:كام؟

عبود:المرادي ببلاش حضرتك اول مرة تتعاملي معانا ومش مجدعة ناخد منك حاجة..

اية بدلع:طيب ممكن اوصلك وبلاش تكسفني بقى

عبود:معلش هقضيها مواصلات..

اية:انا قلتلك بلاش تكسفني..

عبود باحراج:اممم ماشي

يركب عبود مع اية وتكون هي طايرة من الفرح اووي انه هيركب معاها وتفضل طول الطريق تتكلم

عن اي حاجة حتى لو كانت تافهة عشان بس يتجاوب معاها في الكلام واول ما تسكت وتلاقيه ساكت

ترجع تفتح اي كلام من تاني عشان تسمع صوته..وقرب ما يوصلوا قالها:ممكن معلش اجيب دوا

بسرعة من الصيدلية..

اية بقلق:ليه انت عيان؟

عبود:لا ده لتوتا

اية:توتا مين؟

عبود:دي روحي كلها

اية بغيظ:انت متجوز؟!

عبود:.......

استنوني الحلقة اللي جاية......